Viral Video – ರಸ್ತೆಗಳಲ್ಲಿ ಬೈಕರ್ ಗಳು ವಿವಿಧ ವಿನ್ಯಾಸಗಳನ್ನು ಮಾಡುವುದನ್ನು ನೋಡಿರುತ್ತೇವೆ. ಅಪಾಯಕಾರಿ ಸ್ಟಂಟ್ ಗಳನ್ನು, ವೀಲ್ಹಿಂಗ್ ಗಳನ್ನು ಮಾಡುತ್ತಾ ಪ್ರಾಣದ ಮೇಲೆ ಎಳೆದುಕೊಳ್ಳುತ್ತಿರುತ್ತಾರೆ. ಈ ಕುರಿತು ಎಷ್ಟೆಲ್ಲಾ ಜಾಗೃತಿ ಮೂಡಿಸಿದರೂ ಸಹ ಪುಂಡ ಪೋಕರಿಗಳು ಕ್ಯಾರೇ ಅನ್ನದೇ ತಮ್ಮ ಚಾಳಿಯನ್ನು ಮುಂದುವರೆಸುತ್ತಿರುತ್ತಾರೆ. ಇದೀಗ ಅಂತಹುದೇ ಘಟನೆಯೊಂದು ನಡೆದಿದೆ. ವಾಹನ ಸವಾರನೊಬ್ಬ ಹಿಮ್ಮುಖವಾಗಿ ಕುಳಿತು ಹೈ ವೇ ರೋಡ್ ನಲ್ಲಿ ಸ್ಕೂಟಿ ಓಡಿಸಿದ್ದಾನೆ. ಈ ಸಂಬಂಧ ವಿಡಿಯೋ ಒಂದು ಸೋಷಿಯಲ್ ಮಿಡಿಯಾದಲ್ಲಿ ವೈರಲ್ ಆಗುತ್ತಿದೆ. ಆತನ ಈ ಹುಚ್ಚಾಟಕ್ಕೆ ನೆಟ್ಟಿಗರು ತೀವ್ರ ಆಕ್ರೋಷ ಹೊರಹಾಕುತ್ತಿದ್ದಾರೆ.
ಹೈವೇ ರಸ್ತೆಗಳಲ್ಲಿ ಯದ್ವಾತದ್ವಾ ವಾಹನಗಳನ್ನು ಓಡಿಸಿ ರಸ್ತೆಯಲ್ಲಿ ಓಡಾಡುವಂತಹ ಬೇರೆ ವಾಹನ ಸವಾರರಿಗೂ ತೊಂದರೆ ಕೊಡುತ್ತಿರುತ್ತಾರೆ. ಇಲ್ಲೊಬ್ಬ ಭೂಪ ಸ್ಕೂಟಿಯನ್ನು ಹಿಮ್ಮುಖವಾಗಿ ಕುಳಿತು ಚಲಾಯಿಸಿದ್ದಾನೆ. ಈ ವಿಡಿಯೋವನ್ನು ದಿವ್ಯಾ ಕುಮಾರಿ (@divyaKumaari) ಎಂಬುವವರು ತಮ್ಮ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ನೋಡಿ ಈತ ಎಷ್ಟು ಮೂರ್ಖ, ಆತ ಸಾಯುವುದು ಮಾತ್ರವಲ್ಲದೇ, ಇತರ ಮುಗ್ದ ಜನರನ್ನೂ ತೊಂದರೆಗೆ ಸಿಲುಕಿಸುವಂತೆ ಮಾಡುತ್ತಾರೆ, ಎಂಬ ಟೈಟಲ್ ಬರೆದು ಈ ವಿಡಿಯೋ ಹಂಚಿಕೊಂಡಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ: Click Here
ಸದ್ಯ ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ ಎಲ್ಲೋ ಕಲರ್ ಟೀ ಶರ್ಟ್ ಧರಿಸಿದ ವ್ಯಕ್ತಿಯೋರ್ವ ಸ್ಕೂಟರ್ ಏರಿ ಹಿಮ್ಮುಖವಾಗಿ ಕುಳಿತು ಹೈವೇ ರಸ್ತೆಯಲ್ಲಿ ಓಡಿಸುತ್ತಾನೆ. ಕಳೆದ ಡಿ.20 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ ಲಕ್ಷಾಂತರ ವ್ಯೂಸ್ ಕಂಡಿದೆ. ಅನೇಕರು ಆತನ ವರ್ತನೆಯ ವಿರುದ್ದ ಆಕ್ರೋಷ ವ್ಯಕ್ತಪಡಿಸಿದ್ದಾರೆ. ಈ ಪೈಕಿ ಓರ್ವ ಬಳಕೆದಾರ ಈ ರೀತಿಯ ವರ್ತನೆ ಮಾಡುವಂತಹವರ ವಿರುದ್ದ ಕಾನೂನಿನಂತೆ ಕ್ರಮ ತೆಗೆದುಕೊಳ್ಳಬೇಕು ಎಂದರೇ, ಮತ್ತೋರ್ವ ಇಂತಹ ವ್ಯಕ್ತಿಗಳಿಂದ ಬೇರೆ ಸವಾರರಿಗೂ ಸಮಸ್ಯೆಯಾಗುತ್ತದೆ ಎಂತಲೂ, ಮತ್ತೋರ್ವ ಈ ರೀತಿಯ ಹುಚ್ಚಾಟದಿಂದ ಅಪಘಾತಗಳು ಸಂಭವಿಸಬಹುದಾದ ಸಾಧ್ಯತೆಯಿದ್ದು, ಆತನ ವಿರುದ್ದ ಕ್ರಮ ಕೈಗೊಳ್ಳಬೇಕೆಂದು ಕಾಮೆಂಟ್ ಗಳ ಮೂಲಕ ತಮ್ಮ ಆಕ್ರೋಷ ಹೊರಹಾಕುತ್ತಿದ್ದಾರೆ.
ನಮಸ್ಕಾರ, ನಾನು ಬಾಲಾಜಿ ಆರ್. 10+ ವರ್ಷಗಳ ಅನುಭವ ಹೊಂದಿರುವ ಕಂಟೆಂಟ್ ರೈಟರ್ ಹಾಗೂ ಕಾಪಿ ಎಡಿಟರ್ ಆಗಿದ್ದು, ಹಣಕಾಸು, ಸರ್ಕಾರಿ ಯೋಜನೆಗಳು, ತಂತ್ರಜ್ಞಾನ, ವೈರಲ್ ಸುದ್ದಿ, ರಾಜಕೀಯ ಸುದ್ದಿ ಮತ್ತು ಸಿನಿಮಾ ಸುದ್ದಿಗಳ ಬಗ್ಗೆ ಬರೆಯುತ್ತೇನೆ. ಸಂಕೀರ್ಣ ಮಾಹಿತಿಯನ್ನು ಸರಳವಾಗಿ ನೀಡುವುದು ನನ್ನ ಉದ್ದೇಶ. ISM Kannada News ಮೂಲಕ ನಿಖರ ಮತ್ತು ಉಪಯುಕ್ತ ಮಾಹಿತಿಯನ್ನು ಹಂಚಿಕೊಳ್ಳುತ್ತೇನೆ.