Meerut: ಮೀರತ್‌ ನಲ್ಲಿ ಮತ್ತೊಬ್ಬ ಪತಿಯ ಭೀಕರ ಹತ್ಯೆ, ಪತ್ನಿ-ಪ್ರಿಯಕರ ಒಟ್ಟಾಗಿ ಗಂಡನನ್ನು ಹಾವಿನಿಂದ ಕಚ್ಚಿಸಿ ಕೊಂದ್ರು…!

Meerut – ಉತ್ತರ ಪ್ರದೇಶದ ಮೀರತ್ ಜಿಲ್ಲೆಯಲ್ಲಿ ಕೊಲೆ ಪ್ರಕರಣಗಳು ಸಂಚಲನ ಸೃಷ್ಟಿಸುತ್ತಿವೆ. ಇತ್ತೀಚೆಗೆ ಸೌರಭ್ ಕೊಲೆ ಪ್ರಕರಣ ಭಾರೀ ಚರ್ಚೆಗೆ ಕಾರಣವಾಗಿತ್ತು. ಈಗ ಮತ್ತೊಂದು ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. ಪತ್ನಿ ತನ್ನ ಪ್ರಿಯಕರನ ಜೊತೆ ಸೇರಿ ತನ್ನ ಗಂಡನನ್ನೇ ಹಾವಿನಿಂದ ಕಚ್ಚಿಸಿ ಕೊಂದಿರುವ ಘೋರ ಘಟನೆ ಮರಣೋತ್ತರ ಪರೀಕ್ಷೆಯ ವರದಿಯಿಂದ ಬಹಿರಂಗವಾಗಿದೆ.

Meerut – ಹಾವಿನಿಂದ 10 ಬಾರಿ ಕಚ್ಚಿಸಿದ ದಾರುಣ ಕೃತ್ಯ

ಮೀರತ್‌ನ ಅಕ್ಬರ್‌ಪುರ ಗ್ರಾಮದಲ್ಲಿ ನಡೆದ ಈ ಘಟನೆಯಲ್ಲಿ, ಅಮಿತ್ ಎಂಬ ವ್ಯಕ್ತಿಯನ್ನು ಆತನ ಪತ್ನಿ ರವಿತಾ ಮತ್ತು ಆಕೆಯ ಪ್ರಿಯಕರ ಅಮರದೀಪ್ ಕೊಂದಿದ್ದಾರೆ. ಪೊಲೀಸ್ ವಿಚಾರಣೆಯಲ್ಲಿ ರವಿತಾ ತನ್ನ ಅಪರಾಧವನ್ನು ಒಪ್ಪಿಕೊಂಡಿದ್ದಾಳೆ. ಆಕೆ 1000 ರೂಪಾಯಿಗೆ ಹಾವು ಖರೀದಿಸಿ, ಅದನ್ನು ಬಳಸಿ ಅಮಿತ್‌ನನ್ನು ಕೊಂದಿರುವುದಾಗಿ ತಿಳಿಸಿದ್ದಾಳೆ.

ಕಳೆದ ಶನಿವಾರ ರಾತ್ರಿ, ರವಿತಾ ಮತ್ತು ಅಮರದೀಪ್ ಮೊದಲು ಅಮಿತ್‌ನನ್ನು ಕತ್ತು ಹಿಸುಕಿ ಕೊಂದರು. ಆಗ ಅಮಿತ್ ಮಲಗಿದ್ದ. ನಂತರ, ಆತನ ಹಾಸಿಗೆಯ ಮೇಲೆ ಹಾವನ್ನು ಬಿಟ್ಟು, ಹಾವು ಆತನನ್ನು ಹಲವು ಬಾರಿ ಕಚ್ಚಿತು ಎಂಬ ಸುಳ್ಳು ಸುದ್ದಿಯನ್ನು ಹರಡಿದರು. ಆದರೆ, ಮರಣೋತ್ತರ ಪರೀಕ್ಷೆಯಿಂದ ಕೊಲೆಯ ಸತ್ಯ ಬಯಲಾಗಿದೆ.

Meerut – ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ವಿಡಿಯೋ

ಈ ಘಟನೆಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ. ವಿಡಿಯೋದಲ್ಲಿ, ಅಮಿತ್‌ನ ದೇಹ ಹಾಸಿಗೆಯ ಮೇಲೆ ಬಿದ್ದಿದ್ದು, ಹಾವು ಆತನನ್ನು ಕಚ್ಚುತ್ತಿರುವ ದೃಶ್ಯ ಕಂಡುಬಂದಿದೆ. ಜನರ ಅನುಮಾನದ ಆಧಾರದ ಮೇಲೆ, ಪೊಲೀಸರು ರವಿತಾಳನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ, ಆಕೆ ತನ್ನ ಪ್ರಿಯಕರನ ಜೊತೆ ಕೃತ್ಯ ಎಸಗಿರುವುದು ದೃಢಪಟ್ಟಿತು.

Meerut – ಸೌರಭ್ ಕೊಲೆ ಪ್ರಕರಣದ ಛಾಯೆ

ಕೆಲ ದಿನಗಳ ಹಿಂದೆ ನಡೆದ ಸೌರಭ್ ಕೊಲೆ ಪ್ರಕರಣದಲ್ಲಿ, ಆತನ ಪತ್ನಿ ಮುಸ್ಕಾನ್ ರಸ್ತೋಗಿ ನೀಲಿ ಡ್ರಮ್ನಲ್ಲಿ ಸೌರಭ್‌ನ ದೇಹವನ್ನು ಸಿಮೆಂಟ್ ತುಂಬಿಸಿ ಮರೆಮಾಚಿದ್ದಳು. ಈ ಪ್ರಕರಣದ ಆರೋಪಿಗಳಾದ ಮುಸ್ಕಾನ್ ಮತ್ತು ಸಾಹಿಲ್ ಶುಕ್ಲಾ ವಿರುದ್ಧ ಇನ್ನೂ ಶಿಕ್ಷೆಯಾಗಿಲ್ಲ. ಈಗಿನ ಕೊಲೆ ಪ್ರಕರಣವೂ ಇದೇ ರೀತಿಯ ಆಘಾತಕಾರಿ ಘಟನೆಯಾಗಿದೆ.

ಇದನ್ನೂ ಓದಿ : ಯುವಕನೊಂದಿಗೆ ಯೂಟ್ಯೂಬರ್ ಆಂಟಿ ಲವ್ಚಿ ಡವ್ವಿ: ಪ್ರಿಯಕರಿನಿಗಾಗಿ ಪತಿಯನ್ನೆ ಕೊಂದ ರೀಲ್ಸ್ ಆಂಟಿ…!

Meerut – ಪೊಲೀಸ್ ಕಾರ್ಯಾಚರಣೆ

ಬಹಸುಮಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದ ಈ ಘಟನೆಯಲ್ಲಿ, ಶವವನ್ನು ಸ್ವಾಧೀನಪಡಿಸಿಕೊಂಡ ಪೊಲೀಸರು, ಆರೋಪಿಗಳಾದ ರವಿತಾ ಮತ್ತು ಅಮರದೀಪ್ ಅವರನ್ನು ಬಂಧಿಸಿದ್ದಾರೆ. ಕೂಲಿ ಕೆಲಸಗಾರನಾಗಿದ್ದ ಅಮಿತ್, ತನ್ನ ಕುಟುಂಬವನ್ನು ಪೋಷಿಸುತ್ತಿದ್ದ. ಈ ಘಟನೆ ಸ್ಥಳೀಯರಲ್ಲಿ ಆತಂಕ ಮೂಡಿಸಿದೆ.