ನಿಜ ಜೀವನದ ಸೂಪರ್ ಹೀರೋಗಳನ್ನು ನೀವು ಎಂದಾದರೂ ನೋಡಿದ್ದೀರಾ? ಅವರು ಯಾವುದೇ ವಿಶೇಷ ವಸ್ತ್ರಗಳನ್ನು ಧರಿಸುವುದಿಲ್ಲ, ಬದಲಾಗಿ ಒಂದು ಸಾಮಾನ್ಯ ಸೀರೆ ಉಟ್ಟು ತಮ್ಮ ಮಕ್ಕಳ ಉಜ್ವಲ ಭವಿಷ್ಯಕ್ಕಾಗಿ ಹಗಲಿರುಳು ಶ್ರಮಿಸುತ್ತಾರೆ. ಇತ್ತೀಚೆಗೆ ಮಹಾರಾಷ್ಟ್ರದಲ್ಲಿ ನಡೆದ ಇಂತಹದ್ದೇ ಒಂದು ಘಟನೆಯ (Ramabai Randhir Marathon) ವಿಡಿಯೋ ಇಂಟರ್ನೆಟ್ನಲ್ಲಿ ಎಲ್ಲರ ಕಣ್ಣಂಚನ್ನು ಒದ್ದೆಯಾಗಿಸುತ್ತಿದೆ. ತನ್ನ ಇಬ್ಬರು ಹೆಣ್ಣುಮಕ್ಕಳ ಓದಿಗಾಗಿ ಅಡುಗೆ ಭಟ್ಟರಾಗಿ ಕೆಲಸ ಮಾಡುವ ತಾಯಿಯೊಬ್ಬರು ಮ್ಯಾರಥಾನ್ ಗೆದ್ದ ರೋಚಕ ಕಥೆಯನ್ನು ನಾವಿಂದು ನಿಮಗೆ ಹೇಳಲಿದ್ದೇವೆ.
Ramabai Randhir Marathon – ಮಹಾರಾಷ್ಟ್ರದ ಬೀಡ್ನಲ್ಲಿ ಎಲ್ಲರ ಗಮನ ಸೆಳೆದ ಒಂಟಿ ತಾಯಿಯ ಸಾಹಸ
47 ವರ್ಷದ ರಮಾಬಾಯಿ ರಣಧೀರ್ ಅವರನ್ನು ಮೇಲ್ನೋಟಕ್ಕೆ ನೋಡಿದರೆ, ಇವರು ಓಟದ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಾರೆ ಎಂದು ಯಾರಿಗೂ ಅನಿಸುವುದಿಲ್ಲ. ಸಾಮಾನ್ಯ ಸೀರೆಯುಟ್ಟು, ಕಾಲಿಗೆ ಅಗ್ಗದ ಚಪ್ಪಲಿ ಹಾಕಿಕೊಂಡಿದ್ದ ಅವರು ಎಲ್ಲರ ಊಹೆಗಳನ್ನು ತಲೆಕೆಳಗು ಮಾಡಿದರು. ಮಹಾರಾಷ್ಟ್ರದ ಬೀಡ್ ಜಿಲ್ಲೆಯ ಅಂಬಾಜೋಗಾಯಿಯಲ್ಲಿ ಭಾರತೀಯ ಶಿಕ್ಷಣ ಪ್ರಸಾರಕ್ ಸಂಸ್ಥೆಯ ವತಿಯಿಂದ ಅಮೃತ್ ಮಹೋತ್ಸವದ ಅಂಗವಾಗಿ ‘ಅಮೃತ್ ದೌಡ್’ ಎಂಬ ಮ್ಯಾರಥಾನ್ ಆಯೋಜಿಸಲಾಗಿತ್ತು. ಇದರಲ್ಲಿ ಪಾಲ್ಗೊಂಡ ರಮಾಬಾಯಿ ಇತಿಹಾಸವನ್ನೇ ಸೃಷ್ಟಿಸಿದರು. ವಸತಿ ನಿಲಯವೊಂದರಲ್ಲಿ ಅಡುಗೆ ಕೆಲಸ ಮಾಡಿಕೊಂಡು ಜೀವನ ಸಾಗಿಸುತ್ತಿರುವ ಇವರು, ಕೇವಲ ತಮ್ಮ ಹೆಣ್ಣುಮಕ್ಕಳ ಫೀಸ್ ಕಟ್ಟುವ ಉದ್ದೇಶದಿಂದಲೇ ಈ ಸಾಹಸಕ್ಕೆ ಕೈಹಾಕಿದ್ದರು.
ಕ್ರೀಡಾ ತರಬೇತಿ ಇಲ್ಲ, ಕಾಲಿಗೆ ಶೂ ಕೂಡ ಇಲ್ಲದಿದ್ದರೂ ಒಲಿದ ಪ್ರಥಮ ಬಹುಮಾನ
ಮ್ಯಾರಥಾನ್ ಓಡುವುದು ಅಷ್ಟು ಸುಲಭದ ಮಾತಲ್ಲ. ಅದಕ್ಕೆ ತಿಂಗಳುಗಳ ಕಾಲ ಕಠಿಣ ಅಭ್ಯಾಸ ಹಾಗೂ ಓಡಲು ಅನುಕೂಲವಾಗುವ ಸ್ಪೋರ್ಟ್ಸ್ ಶೂಗಳ ಅವಶ್ಯಕತೆ ಇರುತ್ತದೆ. ಆದರೆ ಈ 47 ವರ್ಷದ ತಾಯಿಯ ಬಳಿ ಅದ್ಯಾವುದೂ ಇರಲಿಲ್ಲ. ಓಡಲು ಆರಂಭಿಸುತ್ತಿದ್ದಂತೆ ಅವರ ಕಾಲಲ್ಲಿದ್ದ ಚಪ್ಪಲಿ ಕೂಡ ಕಳಚಿಕೊಂಡಿತು. ಆದರೂ (Ramabai Randhir Marathon) ಎದೆಗುಂದದ ಅವರು ಗುರಿ ಮುಟ್ಟುವವರೆಗೂ ನಿಲ್ಲಲಿಲ್ಲ. ಬರಿಗಾಲಿನಲ್ಲೇ ಓಡಿದರೂ, ಇತರ ಎಲ್ಲ ಸ್ಪರ್ಧಿಗಳನ್ನು ಹಿಂದಿಕ್ಕಿ ಮೊದಲ ಸ್ಥಾನ ಪಡೆದುಕೊಳ್ಳುವಲ್ಲಿ ಅವರು ಯಶಸ್ವಿಯಾದರು. ಈ ಅದ್ಭುತ ಗೆಲುವಿಗಾಗಿ ಅವರಿಗೆ 3,000 ರೂಪಾಯಿಗಳ ನಗದು ಬಹುಮಾನ ನೀಡಿ ಗೌರವಿಸಲಾಯಿತು. Read this also : ಮಹಿಳಾ ಉದ್ಯಮಿಗಳಿಗೆ ಎಸ್ಬಿಐನಿಂದ ಬಂಪರ್ ಆಫರ್! ಬ್ಯುಸಿನೆಸ್ ಸಾಲ ಪಡೆಯುವುದು ಹೇಗೆ? ಇಲ್ಲಿದೆ ಸಂಪೂರ್ಣ ಮಾಹಿತಿ
“ಮಕ್ಕಳಿಗಾಗಿ ದುಡಿಯುವ ನಾನು, ಇದೇ ಮೊದಲ ಬಾರಿಗೆ ನನಗಾಗಿ ಓಡಿದೆ” ಎಂಬ ಭಾವುಕ ನುಡಿ
ಬಹುಮಾನ ಸ್ವೀಕರಿಸಿದ ನಂತರ ರಮಾಬಾಯಿ ಆಡಿದ ಮಾತುಗಳು ಅಲ್ಲಿ ಸೇರಿದ್ದ ಪ್ರತಿಯೊಬ್ಬರ ಹೃದಯ ಮುಟ್ಟಿತು. ನಾನು ಪ್ರತಿದಿನ ನನ್ನ ಮಕ್ಕಳ ಭವಿಷ್ಯಕ್ಕಾಗಿ ಓಡುತ್ತೇನೆ, ಕಷ್ಟಪಡುತ್ತೇನೆ. ಆದರೆ ಇಂದು ಇದೇ ಮೊದಲ ಬಾರಿಗೆ ನನಗಾಗಿ ನಾನು ಓಡಿದ್ದೇನೆ ಎಂದು ಅವರು ಭಾವುಕರಾದರು. ಗಂಡನ ಮರಣದ ನಂತರ ಇಬ್ಬರು ಹೆಣ್ಣುಮಕ್ಕಳನ್ನು (Ramabai Randhir Marathon) ಸಾಕೋ ಸಂಪೂರ್ಣ ಜವಾಬ್ದಾರಿ ಇವರ ಹೆಗಲೇರಿತು.
ಮಕ್ಕಳಿಗಾಗಿ ಹಿಂಗೋಲಿಯಿಂದ ಅಂಬಾಜೋಗಾಯಿಗೆ ವಲಸೆ ಬಂದ ಇವರು, ಇಂದು ತಮ್ಮ ಒಬ್ಬ ಮಗಳನ್ನು ಬಿ.ಎಸ್ಸಿ ಓದಿಸುತ್ತಿದ್ದರೆ, ಮತ್ತೊಬ್ಬ ಮಗಳನ್ನು ಪೊಲೀಸ್ ನೇಮಕಾತಿ ಪರೀಕ್ಷೆಗೆ ಸಜ್ಜುಗೊಳಿಸುತ್ತಿದ್ದಾರೆ. ಇವರ ಈ ಸತತ ಹೋರಾಟದ ವಿಡಿಯೋ (Viral Video Link Here) ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದ್ದು, ನೆಟ್ಟಿಗರಿಂದ ಪ್ರಶಂಸೆಗಳ ಮಹಾಪೂರವೇ ಹರಿದುಬರುತ್ತಿದೆ.