ಆಕಾಶದಲ್ಲಿ ಹಾರಾಡುತ್ತಾ ಸುಂದರ ಪ್ರಕೃತಿಯನ್ನು ಸವಿಯುತ್ತಿರುವಾಗ, ದಿಢೀರನೆ ಒಂದು ವಿಮಾನ ಬಂದು ನಿಮ್ಮ ಪ್ಯಾರಾಚೂಟ್ಗೆ ಡಿಕ್ಕಿ ಹೊಡೆದರೆ ಹೇಗಿರುತ್ತದೆ? ಊಹಿಸಿಕೊಳ್ಳಲೂ ಭಯವಾಗುತ್ತದೆ ಅಲ್ವಾ? ಇಂಥದ್ದೇ ಒಂದು ಎದೆ ನಡುಗಿಸುವ ಘಟನೆ ಆಸ್ಟ್ರಿಯಾದಲ್ಲಿ (Austria) ನಡೆದಿದ್ದು, ಮಹಿಳೆಯೊಬ್ಬರು (Austria Paraglider Accident) ಕೂದಲೆಳೆಯ ಅಂತರದಲ್ಲಿ ಸಾವಿನ ದವಡೆಯಿಂದ ಪಾರಾಗಿದ್ದಾರೆ. ಈ ಭಯಾನಕ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಈ ರೋಮಾಂಚಕ ಹಾಗೂ ಭಯಾನಕ ಘಟನೆಯ ಸಂಪೂರ್ಣ ವಿವರ ಇಲ್ಲಿದೆ:
Austria Paraglider Accident – ಆಕಾಶದಲ್ಲಿ ಅನಿರೀಕ್ಷಿತ ವಿಮಾನ ಡಿಕ್ಕಿ!
ಕಳೆದ ಮೇ 23ರಂದು 44 ವರ್ಷದ ಸಬ್ರಿನಾ ಎಂಬವರು ಆಸ್ಟ್ರಿಯಾದ ಪ್ರಸಿದ್ಧ ‘ಷ್ಮಿಟೆನ್ಹೋಹೆ’ (Schmittenhohe) ಪರ್ವತ ಶ್ರೇಣಿಯಲ್ಲಿ ಪ್ಯಾರಾಗ್ಲೈಡಿಂಗ್ ಎಂಜಾಯ್ ಮಾಡುತ್ತಿದ್ದರು. ಆಕಾಶ ಸ್ಪಷ್ಟವಾಗಿತ್ತು, ಎಲ್ಲವೂ ಅಂದುಕೊಂಡಂತೆ ಮಧುರವಾಗಿ ನಡೆಯುತ್ತಿತ್ತು. ಆದರೆ ಕ್ಷಣಾರ್ಧದಲ್ಲಿ ಅಲ್ಲಿಗೆ ಬಂದ ‘ಸೆಸ್ನಾ 172’ ಎಂಬ ಲಘು ಪ್ರವಾಸಿ ವಿಮಾನವೊಂದು ಆಕೆಯ ಪ್ಯಾರಾಚೂಟ್ಗೆ ಡಿಕ್ಕಿ ಹೊಡೆದಿದೆ. ವಿಮಾನದ ರೆಕ್ಕೆ ಮತ್ತು ಪ್ರೊಪೆಲ್ಲರ್ಗೆ ಸಿಲುಕಿ ಆಕೆಯ ಪ್ಯಾರಾಚೂಟ್ ಸಂಪೂರ್ಣವಾಗಿ ಛಿದ್ರವಾಯಿತು. ವಿಮಾನ ಗುದ್ದಿದ ರಭಸಕ್ಕೆ ಸಬ್ರಿನಾ ಸಾವಿರಾರು ಅಡಿ ಎತ್ತರದಿಂದ ವೇಗವಾಗಿ ನೆಲದತ್ತ ಬೀಳಲಾರಂಭಿಸಿದ್ದರು.
ಕೊನೆ ಕ್ಷಣದಲ್ಲಿ ಜೀವ ಉಳಿಸಿದ ‘ಬ್ಯಾಕಪ್ ಪ್ಯಾರಾಚೂಟ್’
ತನ್ನ ಪ್ರಧಾನ ಪ್ಯಾರಾಚೂಟ್ ಹರಿದುಹೋದ ನಂತರ ಸಬ್ರಿನಾ ಗಾಳಿಯಲ್ಲಿ ಗಿರಕಿ ಹೊಡೆಯುತ್ತಾ ಕೆಳಬೀಳುತ್ತಿರುವ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಹರಿದ ಪ್ಯಾರಾಚೂಟ್ನ ದಾರಗಳು ಆಕೆಗೆ ಸುತ್ತಿಕೊಳ್ಳುತ್ತಿದ್ದರೂ, ಎದೆಗುಂದದ ಆಕೆ ತನ್ನ ತುರ್ತು (Reserve) ಪ್ಯಾರಾಚೂಟ್ ಓಪನ್ ಮಾಡಲು ಇನ್ನಿಲ್ಲದ ಕಸರತ್ತು ನಡೆಸಿದ್ದಾಳೆ. ಅದೃಷ್ಟವಶಾತ್, ನೆಲಕ್ಕೆ (Austria Paraglider Accident) ಅಪ್ಪಳಿಸುವ ಕೆಲವೇ ಸೆಕೆಂಡುಗಳ ಮೊದಲು ಆ ಬ್ಯಾಕಪ್ ಪ್ಯಾರಾಚೂಟ್ ತೆರೆದುಕೊಂಡಿದೆ! ದಟ್ಟವಾದ ಮರಗಳ ಪಕ್ಕದಲ್ಲೇ ಆಕೆ ಯಶಸ್ವಿಯಾಗಿ, ಸುರಕ್ಷಿತವಾಗಿ ಲ್ಯಾಂಡ್ ಆಗುವ ಮೂಲಕ ಅತಿದೊಡ್ಡ ಗಂಡಾಂತರದಿಂದ ಪಾರಾಗಿದ್ದಾಳೆ. Read this also : ಸಾವಿನ ದವಡೆಯಿಂದ ಪಾರಾದ ಸವಾರರು: ಜಬುವಾದಲ್ಲಿ ಕಾರು ಚಾಲಕನ ಚುರುಕುತನಕ್ಕೆ ನೆಟ್ಟಿಗರ ಸಲಾಂ!
“ಬದುಕುಳಿದಿದ್ದೇನೆ ಎನ್ನುವುದೇ ನಂಬಲಾಗುತ್ತಿಲ್ಲ”
ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ಎದೆಗಾರಿಕೆಯ ವಿಡಿಯೋವನ್ನು (Video Here) ಹಂಚಿಕೊಂಡಿರುವ ಸಬ್ರಿನಾ, ಘಟನೆಯ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. “ನಾನು ಬದುಕುಳಿದು ಈ ಪೋಸ್ಟ್ ಬರೆಯುತ್ತಿದ್ದೇನೆ ಎಂದರೆ ನನಗೇ ಆಶ್ಚರ್ಯವಾಗುತ್ತಿದೆ. ಮೈಮೇಲೆ ಆಗಿರುವ ಕೆಲವು ಸಣ್ಣಪುಟ್ಟ ಗಾಯಗಳನ್ನು ಬಿಟ್ಟರೆ, (Austria Paraglider Accident) ನನಗೆ ಬೇರೇನೂ ಅಪಾಯವಾಗಿಲ್ಲ” ಎಂದು ಬರೆದುಕೊಂಡಿದ್ದಾರೆ.
ಈ ಘಟನೆ ಕುರಿತು ಮಾಹಿತಿ ನೀಡಿರುವ ಸ್ಥಳೀಯ ಪೊಲೀಸರು, “ವಿಮಾನ ಡಿಕ್ಕಿಯಾದಾಗ ಪ್ಯಾರಾಗ್ಲೈಡರ್ನಲ್ಲಿದ್ದ ಮಹಿಳೆ ತಕ್ಕ ಸಮಯದಲ್ಲಿ ಬ್ಯಾಕಪ್ ಪ್ಯಾರಾಚೂಟ್ ಬಳಸಿದ್ದರಿಂದ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. (Austria Paraglider Accident) ವಿಮಾನವನ್ನು ಚಲಾಯಿಸುತ್ತಿದ್ದ 28 ವರ್ಷದ ಪೈಲಟ್ಗೂ ಯಾವುದೇ ಗಾಯಗಳಾಗಿಲ್ಲ” ಎಂದು ಸ್ಪಷ್ಟಪಡಿಸಿದ್ದಾರೆ. ಎರಡನೇ ಜನ್ಮ ಪಡೆದ ಸಬ್ರಿನಾಳ ಧೈರ್ಯವನ್ನು ನೆಟ್ಟಿಗರು ಕೊಂಡಾಡುತ್ತಿದ್ದಾರೆ.