Noida Women Harassment : ನೋಯ್ಡಾದಲ್ಲಿ ನಡುರಸ್ತೆಯಲ್ಲೇ ಮಹಿಳೆಯರಿಗೆ ನಡುಕ ಹುಟ್ಟಿಸಿದ ಕಿರಾತಕರು: ಕಾರಿನಲ್ಲಿ ಬೆತ್ತಲೆಯಾಗಿ ಆಟೋ ಬೆನ್ನಟ್ಟಿದ ಕಾಮುಕರು!

ದೆಹಲಿ ಸಮೀಪದ ನೋಯ್ಡಾದಲ್ಲಿ ಮಹಿಳೆಯರ ಸುರಕ್ಷತೆಯ ಬಗ್ಗೆ ಮತ್ತೆ ಆತಂಕ ಮೂಡಿಸುವ ಘಟನೆಯೊಂದು ನಡೆದಿದೆ. ಹಗಲು ಹೊತ್ತಿನಲ್ಲೇ ಆಟೋದಲ್ಲಿ ಪ್ರಯಾಣಿಸುತ್ತಿದ್ದ ಮೂವರು (Noida Women Harassment) ಮಹಿಳೆಯರನ್ನು, ಕಾರಿನಲ್ಲಿ ಬಂದ ಯುವಕರು ಬೆನ್ನಟ್ಟಿದ್ದಾರೆ. ಕೇವಲ ಬೆನ್ನಟ್ಟಿರುವುದು ಮಾತ್ರವಲ್ಲ, ಕಾರಿನಲ್ಲಿದ್ದ ಯುವಕರು ಸಂಪೂರ್ಣ ಬೆತ್ತಲಾಗಿದ್ದರು ಎಂಬ ಆಘಾತಕಾರಿ ವಿಚಾರವನ್ನು ಸಂತ್ರಸ್ತೆಯೊಬ್ಬರು ಬಿಚ್ಚಿಟ್ಟಿದ್ದಾರೆ.

Noida Women Harassment – ಹಗಲು ಹೊತ್ತಲ್ಲೇ ಅಟ್ಟಹಾಸ

ದೀಪಿಕಾ ಎಂಬವರು ಇನ್‌ಸ್ಟಾಗ್ರಾಮ್‌ನಲ್ಲಿ ವಿಡಿಯೋ ಹಂಚಿಕೊಳ್ಳುವ ಮೂಲಕ ಈ ಇಡೀ ಘಟನೆಯನ್ನು ವಿವರಿಸಿದ್ದಾರೆ. “ಮೂವರು ಯುವಕರಿರುವ, ಅದರಲ್ಲಿ ಇಬ್ಬರು ಸಂಪೂರ್ಣ ಬೆತ್ತಲಾಗಿರುವ ಕಾರೊಂದು ನೀವು ಪ್ರಯಾಣಿಸುತ್ತಿರುವ ಆಟೋವನ್ನು ಬೆನ್ನಟ್ಟಿದರೆ ನೀವು ಏನು ಮಾಡುತ್ತೀರಿ? ನೋಯ್ಡಾದಲ್ಲಿ ನಮಗೆ ಅಕ್ಷರಶಃ ಇದೇ ಅನುಭವವಾಗಿದೆ,” ಎಂದು ಅವರು ವಿಡಿಯೋದಲ್ಲಿ ಹೇಳಿದ್ದಾರೆ.

ಅವರು ಪ್ರಯಾಣಿಸುತ್ತಿದ್ದ ದಾರಿ ಕೇವಲ 10 ನಿಮಿಷಗಳ ಅಂತರದ್ದಾಗಿತ್ತು. ಆ ಪ್ರದೇಶದಲ್ಲಿ ಸಾಕಷ್ಟು ಕಚೇರಿಗಳಿವೆ, ಜೊತೆಗೆ ಕೆಲವು ನಿರ್ಜನ ಪ್ರದೇಶಗಳೂ ಇವೆ. ತಾವು ಹೊರಟ ಸ್ವಲ್ಪ ಹೊತ್ತಿನಲ್ಲೇ, ಕ್ಯಾಬ್‌ವೊಂದರಲ್ಲಿ ಬಂದ ಮೂವರು ಯುವಕರು ಆಟೋವನ್ನು ಅಡ್ಡಗಟ್ಟಲು ಮತ್ತು ಗುದ್ದಿ ಬೀಳಿಸಲು ಯತ್ನಿಸಿದರು ಎಂದು ದೀಪಿಕಾ ವಿವರಿಸಿದ್ದಾರೆ. Read this also : ಮುಂಬೈ ಮೆರೈನ್ ಡ್ರೈವ್‌ನಲ್ಲಿ ಮಹಿಳಾ ಬೈಕರ್‌ಗೆ ನಡುರಾತ್ರಿ ಕಿರುಕುಳ: ಬೆಚ್ಚಿಬೀಳಿಸುವ ವಿಡಿಯೋ ಈಗ ವೈರಲ್..!

ಬೆಚ್ಚಿಬೀಳಿಸಿದ ಆ ದೃಶ್ಯ

“ಏನಾಗುತ್ತಿದೆ ಎಂದು ತಿಳಿಯದೆ ನಾವು ಆತಂಕಗೊಂಡು ನೋಡಿದಾಗ, ಕಾರಿನ ಮುಂದಿನ ಸೀಟಿನಲ್ಲಿ ಯುವಕನೊಬ್ಬ ಸಂಪೂರ್ಣ ಬೆತ್ತಲಾಗಿ ಕುಳಿತಿದ್ದ. ಆತ ತನ್ನ ಕಾಲುಗಳನ್ನು ಡ್ಯಾಶ್‌ಬೋರ್ಡ್ ಮೇಲೆ ಇಟ್ಟುಕೊಂಡು ನಮ್ಮನ್ನು ನೋಡಿ ವಿಕೃತವಾಗಿ ನಗುತ್ತಿದ್ದ. ಹಿಂದಿನ ಸೀಟಿನಲ್ಲಿ ಇನ್ನೊಬ್ಬನಿದ್ದ, ಆದರೆ ಆತನ ಮುಖ ನಮಗೆ ಕಾಣಿಸಲಿಲ್ಲ. ಅವರು ಮತ್ತೆ (Noida Women Harassment) ನಮ್ಮ ಆಟೋವನ್ನು ಓವರ್‌ಟೇಕ್ ಮಾಡಲು ಯತ್ನಿಸಿದರು,” ಎಂದು ದೀಪಿಕಾ ಹೇಳಿಕೊಂಡಿದ್ದಾರೆ. ಆಟೋವನ್ನು ಓವರ್‌ಟೇಕ್ ಮಾಡಿದ ಆ ಯುವಕರು ಕಾರನ್ನು ಆಟೋದ ಮುಂದೆ ತಂದು ನಿಲ್ಲಿಸಿದ್ದಾರೆ. ಆಟೋದಲ್ಲಿ ಮೂವರು ಮಹಿಳೆಯರೇ ಇದ್ದಿದ್ದರಿಂದ, ಆ ಕ್ಷಣದಲ್ಲಿ ಪ್ರಾಣ ಉಳಿಸಿಕೊಂಡರೆ ಸಾಕು ಎಂಬ ಭಯ ಆವರಿಸಿತ್ತು ಎಂದು ಅವರು ಆತಂಕ ವ್ಯಕ್ತಪಡಿಸಿದ್ದಾರೆ.

“ಮಧ್ಯಾಹ್ನ 2 ಗಂಟೆಗೂ ಮಹಿಳೆಯರಿಗೆ ರಕ್ಷಣೆಯಿಲ್ಲ”

ನೋಯ್ಡಾದಲ್ಲಿ ಕೆಲಸ ಮಾಡುತ್ತಿರುವ ಮಹಿಳೆಯರಿಗೆ ಎಚ್ಚರಿಕೆ ನೀಡುವ ಉದ್ದೇಶದಿಂದಲೇ ಈ ವಿಡಿಯೋ ಮಾಡಿದ್ದಾಗಿ ಹೇಳಿರುವ ದೀಪಿಕಾ, ನಗರದ ಸುರಕ್ಷತಾ ವ್ಯವಸ್ಥೆಯ ಬಗ್ಗೆ ಕನ್ನಡಿ ಹಿಡಿದಿದ್ದಾರೆ. “ದಯವಿಟ್ಟು ನಿಮ್ಮ ಸುರಕ್ಷತೆಯ ಬಗ್ಗೆ ಎಚ್ಚರವಹಿಸಿ. ಇಲ್ಲಿ ಬೆಳಗಿನ ಜಾವ 2 ಗಂಟೆಯಿರಲಿ ಅಥವಾ ಮಧ್ಯಾಹ್ನ 2 ಗಂಟೆಯಿರಲಿ, (Noida Women Harassment) ಮಹಿಳೆಯರಿಗೆ ಯಾವುದೇ ಸುರಕ್ಷತೆ ಇಲ್ಲ,” ಎಂದು ಅಳಲು ತೋಡಿಕೊಂಡಿದ್ದಾರೆ.

ವಿಡಿಯೋ ವೈರಲ್, ನೆಟ್ಟಿಗರ ಆಕ್ರೋಶ

ಈ ವಿಡಿಯೋ (Viral Video Here) ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಮಹಿಳೆಯರ ಸುರಕ್ಷತೆಯ ಬಗ್ಗೆ ಭಾರೀ ಚರ್ಚೆ ಹುಟ್ಟುಹಾಕಿದೆ. ಕಾಮೆಂಟ್ ವಿಭಾಗದಲ್ಲಿ ಅನೇಕರು ತಮ್ಮ ಆಕ್ರೋಶ ವ್ಯಕ್ತಪಡಿಸಿದ್ದಾರೆ:

• ದೂರು ನೀಡಿದ್ದೀರಾ?: “ನೀವು ಘಟನೆಯನ್ನು ರೆಕಾರ್ಡ್ ಮಾಡಿದ್ದೀರಾ ಅಥವಾ ಪೊಲೀಸ್ ದೂರು ನೀಡಿದ್ದೀರಾ? ಇಲ್ಲದಿದ್ದರೆ ತಕ್ಷಣ ದೂರು ನೀಡಿ. ಪೊಲೀಸರು ಕ್ರಮ ಕೈಗೊಳ್ಳದಿದ್ದರೆ ಇಂತಹ ವಿಕೃತಿಗಳು ಮುಂದುವರಿಯುತ್ತವೆ,” ಎಂದು ನೆಟ್ಟಿಗರೊಬ್ಬರು ಕಳವಳ ವ್ಯಕ್ತಪಡಿಸಿದ್ದಾರೆ.
• ಇದು ಅವರ ಸಂಸ್ಕೃತಿ: “ಬಹಳ ಭಯಾನಕವಾಗಿದೆ. ನೋಯ್ಡಾ, (Noida Women Harassment) ಗಾಜಿಯಾಬಾದ್ ಕಡೆಯ ಜನರಿಂದ ಇನ್ನೇನು ನಿರೀಕ್ಷಿಸಲು ಸಾಧ್ಯ? ಇದು ಅವರ ಬೆಳೆದುಬಂದ ವಾತಾವರಣವನ್ನು ತೋರಿಸುತ್ತದೆ. ನನಗೂ ಅಲ್ಲಿ ಕುಡುಕರು ಕಿಡ್ನಾಪ್ ಮಾಡಲು ಯತ್ನಿಸಿದ ಅನುಭವವಾಗಿದೆ,” ಎಂದು ಮತ್ತೊಬ್ಬರು ಬರೆದುಕೊಂಡಿದ್ದಾರೆ.
• ನೋಯ್ಡಾ ಬಿಡಲು ಇದೇ ಕಾರಣ: “ಈ ಘಟನೆಯ ಬಗ್ಗೆ ಕೇಳಿದರೇ ಭಯವಾಗುತ್ತಿದೆ. ನಾನು ಅಲ್ಲಿ ವಾಸವಿದ್ದಾಗ, ಪ್ರತಿಯೊಂದು ಗೇಟ್‌ಗೂ ಸೆಕ್ಯುರಿಟಿ ಗಾರ್ಡ್ ಇರುವ ಟೌನ್‌ಶಿಪ್ ರಸ್ತೆಯಲ್ಲೇ ನನಗೆ ಕಿರುಕುಳ ನೀಡಲಾಗಿತ್ತು. ನಾನು ನೋಯ್ಡಾ ಬಿಡಲು ಇದೂ ಒಂದು ಕಾರಣ,” ಎಂದು ಇನ್ನೊಬ್ಬ ಬಳಕೆದಾರರು ತಮ್ಮ ಕಹಿ ಅನುಭವ ಹಂಚಿಕೊಂಡಿದ್ದಾರೆ.