Tech News : ಇಂದಿನ ಡಿಜಿಟಲ್ ಜಗತ್ತಿನಲ್ಲಿ ಸ್ಮಾರ್ಟ್ ಪೋನ್ ನಮ್ಮ ಬದುಕಿನ ಅವಿಭಾಜ್ಯ ಅಂಗವಾಗಿದೆ. ಪರ್ಸನಲ್ ಮಾಹಿತಿ, ಬ್ಯಾಂಕ್ ಡೀಟೇಲ್ಸ್, ಪಾಸ್ವರ್ಡ್, ಫೋಟೋಗಳು, ಮತ್ತು ವಿಡಿಯೋಗಳನ್ನು ನಾವು ಸ್ಮಾರ್ಟ್ ಪೋನ್ ನಲ್ಲಿ ಸೇವ್ ಮಾಡುತ್ತೇವೆ. ಆದರೆ, ಸ್ಮಾರ್ಟ್ ಪೋನ್ ಗಳು ಹ್ಯಾಕರ್‌ಗಳ ಪ್ರಮುಖ ಟಾರ್ಗೆಟ್ ಆಗಿವೆ. ಸ್ಮಾರ್ಟ್ ಪೋನ್ ಹ್ಯಾಕ್ ಆದ್ರೆ ನಿಮ್ಮ ಪರ್ಸನಲ್ ಮಾಹಿತಿ ಕಳ್ಳತನವಾಗಬಹುದು ಮತ್ತು ಹಣಕಾಸು ನಷ್ಟವಾಗುವ ಸಾಧ್ಯತೆ ಇದೆ. ಆದರೆ ಕೆಲವೊಂದು ಸುಲಭ ಟಿಪ್ಸ್‌ಗಳನ್ನು ಪಾಲಿಸಿದರೆ ನಿಮ್ಮ ಸ್ಮಾರ್ಟ್ ಪೋನ್ ಅನ್ನು ಸುರಕ್ಷಿತವಾಗಿಟ್ಟುಕೊಳ್ಳಬಹುದು.
- ಸ್ಟ್ರಾಂಗ್ ಪಾಸ್ವರ್ಡ್ ಸೆಟ್ ಮಾಡಿರಿ ಸ್ಮಾರ್ಟ್ ಪೋನ್ ಸೆಕ್ಯೂರಿಟಿಯ ಮೊದಲ ಹೆಜ್ಜೆ ಸ್ಟ್ರಾಂಗ್ ಪಾಸ್ವರ್ಡ್ ಹೊಂದುವುದು. ಸಾಮಾನ್ಯ ಪಾಸ್ವರ್ಡ್‌ಗಳನ್ನು ಬಳಸಿದರೆ ಹ್ಯಾಕರ್‌ಗಳಿಗೆ ನಿಮ್ಮ ಫೋನ್ ಪ್ರವೇಶಿಸೋಕೆ ಸುಲಭವಾಗುತ್ತದೆ. ಕನಿಷ್ಠ 8 ಅಕ್ಷರಗಳ ಪಾಸ್ವರ್ಡ್ ಬಳಸಿ. ದೊಡ್ಡ (Capital Letters) ಅಕ್ಷರ, ಸಣ್ಣ ಅಕ್ಷರ (Small Letters), ನಂಬರ್ ಮತ್ತು ಸ್ಪೆಷಲ್ ಕ್ಯಾರೆಕ್ಟರ್ಸ್ (Ex: @, #, $) ಮಿಕ್ಸ್ ಮಾಡಿ. ಜೊತೆಗೆ ಫಿಂಗರ್ಪ್ರಿಂಟ್ ಅಥವಾ ಫೇಸ್ ಲಾಕ್ ನಂತಹ ಅಡ್ವಾನ್ಸ್ಡ್ ಸೆಕ್ಯೂರಿಟಿ ಫೀಚರ್ಸ್ ಬಳಸಿರಿ. ಈ ಬಯೋಮೆಟ್ರಿಕ್ ಆಪ್ಷನ್‌ಗಳು ನಿಮ್ಮ ಫೋನ್‌ಗೆ ಹೆಚ್ಚುವರಿ ಸೆಕ್ಯೂರಿಟಿ ನೀಡುತ್ತವೆ.
- ಸಾಫ್ಟ್ವೇರ್ ಅಪ್ಡೇಟ್ ಮಾಡಿರಿ ನಿಮ್ಮ ಸ್ಮಾರ್ಟ್ ಪೋನ್ ಮತ್ತು ಆಪ್ಸ್‌ಗಳನ್ನು ನಿಯಮಿತವಾಗಿ ಅಪ್ಡೇಟ್ ಮಾಡುವುದು ಬಹಳ ಮುಖ್ಯ. ಅಪ್ಡೇಟ್‌ಗಳಲ್ಲಿ ಹೊಸ ಸೆಕ್ಯೂರಿಟಿ ಪ್ಯಾಚ್‌ಗಳು ಸೇರಲಾಗುತ್ತವೆ. ಹಳೆಯ ಸಾಫ್ಟ್ವೇರ್‌ನಲ್ಲಿ ಇರುವ ದುರ್ಬಲತೆಯನ್ನು ಹ್ಯಾಕರ್‌ಗಳು ದುರ್ಬಳಕೆ ಮಾಡಬಹುದು. ಆಂಡ್ರಾಯ್ಡ್ ಅಥವಾ ಐಓಎಸ್ ಹೊಂದಿದ ಎಲ್ಲ ಫೋನ್‌ಗಳಿಗೂ ಅಪ್ಡೇಟ್‌ಗಳು ಬರುತ್ತವೆ. ಈ ಅಪ್ಡೇಟ್‌ಗಳನ್ನು ತಕ್ಷಣವೇ ಇನ್‌ಸ್ಟಾಲ್ ಮಾಡಿ. ವಿಶೇಷವಾಗಿ ಆನ್‌ಲೈನ್ ಬ್ಯಾಂಕಿಂಗ್ ಅಥವಾ ಪರ್ಸನಲ್ ಡೇಟಾ ಬಳಸುವ ಮೊದಲು ಸಾಫ್ಟ್ವೇರ್ ಅಪ್ಡೇಟ್ ಮಾಡುವುದು ಅಗತ್ಯ.
- ಪಬ್ಲಿಕ್ ವೈಫೈ ಬಳಕೆ ವೇಳೆ ಜಾಗ್ರತೆ ವಹಿಸಿ ಪಬ್ಲಿಕ್ ವೈಫೈ ಬಳಸುವಾಗ ಹೆಚ್ಚು ಎಚ್ಚರಿಕೆಯಿಂದಿರಿ. ಮಾಲ್‌ಗಳು, ಕ್ಯಾಫೇಗಳು ಅಥವಾ ಫ್ರೀ ವೈಫೈ ಕೊಡುವ ಸ್ಥಳಗಳಲ್ಲಿ ನೆಟ್ವರ್ಕ್‌ಗಳು ಸಿಕ್ಯೂರಿಟಿ ಕಡಿಮೆ ಇರುತ್ತದೆ. ಹ್ಯಾಕರ್‌ಗಳು ಈ ರೀತಿಯ ಪಬ್ಲಿಕ್ ನೆಟ್ವರ್ಕ್‌ಗಳನ್ನು ಬಳಸಿಕೊಂಡು ನಿಮ್ಮ ಡೇಟಾವನ್ನು ಕದ್ದುಕೊಳ್ಳಬಹುದು. ಪಬ್ಲಿಕ್ ವೈಫೈ ಬಳಸಬೇಕಾದರೆ ವಿಪಿಎನ್ (VPN) ಬಳಸುವುದು ಉತ್ತಮ. ವಿಪಿಎನ್ ನಿಮ್ಮ ಇಂಟರ್ನೆಟ್ ಕನೆಕ್ಷನ್ ಅನ್ನು ಎನ್‌ಕ್ರಿಪ್ಟ್ ಮಾಡಿ, ನಿಮ್ಮ ಡೇಟಾವನ್ನು ಕಾಪಾಡುತ್ತದೆ.
- ಅನಧಿಕೃತ ಆಪ್ಸ್‌ಗಳಿಂದ ದೂರವಿರಿ ಆಫೀಶಿಯಲ್ ಆಪ್ ಸ್ಟೋರ್‌ಗಳಿಂದಲೇ (Google Play Store ಅಥವಾ Apple App Store) ಆಪ್‌ಗಳನ್ನು ಡೌನ್ಲೋಡ್ ಮಾಡಿರಿ. ಅನಧಿಕೃತ ವೆಬ್‌ಸೈಟ್‌ಗಳಿಂದ ಡೌನ್ಲೋಡ್ ಮಾಡಿದ ಆಪ್ಸ್‌ಗಳಲ್ಲಿ ಮಾಲ್‌ವೇರ್ ಅಥವಾ ಸ್ಪೈವೇರ್ ಇರುವ ಸಾಧ್ಯತೆ ಇದೆ. ಈ ಅಪ್ಲಿಕೇಶನ್‌ಗಳು ನಿಮ್ಮ ಡೇಟಾವನ್ನು ಕದಿಯಬಹುದು. ಆಪ್‌ಗಳನ್ನು ಡೌನ್ಲೋಡ್ ಮಾಡುವ ಮೊದಲು ಅದರ ರಿವ್ಯೂಗಳನ್ನು ಚೆಕ್ ಮಾಡಿ.
- ಡಬಲ್ ಫ್ಯಾಕ್ಟರ್ ಅಥೆಂಟಿಕೇಶನ್ (2FA) ಬಳಸಿ ಡಬಲ್ ಫ್ಯಾಕ್ಟರ್ ಅಥೆಂಟಿಕೇಶನ್ ನಿಮ್ಮ ಖಾತೆಗಳಿಗೆ ಹೆಚ್ಚುವರಿ ಸೆಕ್ಯೂರಿಟಿ ಲೇಯರ್ ನೀಡುತ್ತದೆ. ನಿಮ್ಮ ಪಾಸ್ವರ್ಡ್ ಪ್ರವೇಶಿಸಿದ ನಂತರ, ಎರಡನೇ ಸ್ಟೆಪ್ನಲ್ಲಿ ಒಟಿಪಿ (OTP) ಅಥವಾ ಅಪ್ರೂವಲ್ ಕೋಡ್ ಕೇಳಲಾಗುತ್ತದೆ. ಇದು ಹ್ಯಾಕರ್‌ಗಳು ನಿಮ್ಮ ಖಾತೆಗೆ ಪ್ರವೇಶಿಸುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ.
- ಬ್ಯಾಕಪ್ ಮಾಡಿಕೊಳ್ಳಿ ನಿಮ್ಮ ಡೇಟಾವನ್ನು ನಿಯಮಿತವಾಗಿ ಬ್ಯಾಕಪ್ ಮಾಡುವುದು ಮಹತ್ವದ್ದು. ನಿಮ್ಮ ಫೋನ್ ಹ್ಯಾಕ್ ಆದರೂ ಅಥವಾ ಡೇಟಾ ಡಿಲೀಟ್ ಆದರೂ, ಬ್ಯಾಕಪ್ ಮೂಲಕ ಡೇಟಾವನ್ನು ಮರಳಿ ಪಡೆಯಬಹುದು. Google Drive, iCloud ಅಥವಾ ಇನ್ನಿತರೆ ಕ್ಲೌಡ್ ಸರ್ವೀಸ್‌ಗಳನ್ನು ಬಳಸಿ ನಿಮ್ಮ ಡೇಟಾವನ್ನು ಸುರಕ್ಷಿತವಾಗಿ ಸ್ಟೋರ್ ಮಾಡಬಹುದು.
- ಆಂಟಿವೈರಸ್ ಮತ್ತು ಸೆಕ್ಯೂರಿಟಿ ಆಪ್ಸ್ ಬಳಸಿ ನಿಮ್ಮ ಸ್ಮಾರ್ಟ್ಫೋನ್‌ನಲ್ಲಿ ಉತ್ತಮ ಆಂಟಿವೈರಸ್ ಅಥವಾ ಸೆಕ್ಯೂರಿಟಿ ಆಪ್ ಅನ್ನು ಇನ್‌ಸ್ಟಾಲ್ ಮಾಡಿ. ಇದು ಮಾಲ್‌ವೇರ್, ವೈರಸ್ ಅಥವಾ ಸ್ಪೈವೇರ್ ನಂತಹ ಅಪಾಯಕಾರಿ ಸಾಫ್ಟ್‌ವೇರ್‌ಗಳಿಂದ ನಿಮ್ಮ ಫೋನ್ ಅನ್ನು ಕಾಪಾಡುತ್ತದೆ.
- ವಿಪಿಎನ್ (VPN) ಬಳಸುವ ಮಹತ್ವ ವಿಪಿಎನ್ ನಿಮ್ಮ ಇಂಟರ್ನೆಟ್ ಕನೆಕ್ಷನ್ ಅನ್ನು ಎನ್‌ಕ್ರಿಪ್ಟ್ ಮಾಡಿ, ನಿಮ್ಮ ಡೇಟಾವನ್ನು ಹ್ಯಾಕರ್‌ಗಳಿಂದ ಕಾಪಾಡುತ್ತದೆ. ವಿಶೇಷವಾಗಿ ಪಬ್ಲಿಕ್ ವೈಫೈ ಬಳಸುವಾಗ ವಿಪಿಎನ್ ಬಳಸಿ. ಇದು ನಿಮ್ಮ ಐಪಿ ಅಡ್ರೆಸ್ ಅನ್ನು ಹೈಡ್ ಮಾಡಿ ನಿಮ್ಮ ಆನ್‌ಲೈನ್ ಆಕ್ಟಿವಿಟಿಗಳನ್ನು ಸುರಕ್ಷಿತವಾಗಿರಿಸುತ್ತದೆ.
ಇಂದಿನ ಡಿಜಿಟಲ್ ಯುಗದಲ್ಲಿ ಸ್ಮಾರ್ಟ್‌ಫೋನ್‌ಗಳನ್ನು ಸುರಕ್ಷಿತವಾಗಿಟ್ಟುಕೊಳ್ಳುವುದು ಬಹಳ ಮುಖ್ಯ. ಸರಿಯಾದ ಸೆಕ್ಯೂರಿಟಿ ಕ್ರಮಗಳನ್ನು ಅನುಸರಿಸುವ ಮೂಲಕ, ಹ್ಯಾಕರ್‌ಗಳಿಂದ ನಿಮ್ಮ ಮಾಹಿತಿಯನ್ನು ರಕ್ಷಿಸಬಹುದು. ಮೇಲ್ಕಂಡ ಸಲಹೆಗಳನ್ನು ಪಾಲಿಸುವ ಮೂಲಕ ನಿಮ್ಮ ಸ್ಮಾರ್ಟ್ ಪೋನ್ ಅನ್ನು ಸುರಕ್ಷಿತವಾಗಿಟ್ಟುಕೊಳ್ಳಿ. (ಈ ಸುದ್ದಿಯನ್ನು ಇಂಟರ್‍ ನೆಟ್ ಮೂಲಕ ಸಂಗ್ರಹಿಸಿದ ಮಾಹಿತಿಯಾಗಿದೆ)
