Uttar Pradesh – ಉತ್ತರ ಪ್ರದೇಶದ ಅಮ್ರೋಹ ಜಿಲ್ಲೆಯಲ್ಲಿ ನಡೆದ ಒಂದು ಅಪರೂಪದ ಘಟನೆಯಲ್ಲಿ, ಮೂರು ಮಕ್ಕಳ ತಾಯಿಯಾಗಿರುವ 30 ವರ್ಷದ ಮುಸ್ಲಿಂ ಮಹಿಳೆಯೊಬ್ಬಳು ಹಿಂದೂ ಧರ್ಮಕ್ಕೆ (Hindu Conversion) ಮತಾಂತರಗೊಂಡು, 12ನೇ ತರಗತಿಯಲ್ಲಿ ಓದುತ್ತಿರುವ ಯುವಕನನ್ನು (PUC Student) ಮದುವೆಯಾಗಿದ್ದಾಳೆ. ಈ ಘಟನೆ ಸಾಮಾಜಿಕ ಮಾಧ್ಯಮಗಳಲ್ಲಿ ಮತ್ತು ಸ್ಥಳೀಯರಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.
Uttar Pradesh – ಶಬ್ನಮ್ ಇಂದ ಶಿವಾನಿಗೆ: ಒಂದು ಹೊಸ ಜೀವನದ ಆರಂಭ
ಈ ಮಹಿಳೆಯನ್ನು ಮೂಲತಃ ಶಬ್ನಮ್ ಎಂದು ಗುರುತಿಸಲಾಗಿತ್ತು. ಆದರೆ, ಧಾರ್ಮಿಕ ಸಮಾರಂಭದಲ್ಲಿ ಹಿಂದೂ ಧರ್ಮಕ್ಕೆ ಮತಾಂತರಗೊಂಡ ಬಳಿಕ ಆಕೆ ತನ್ನ ಹೆಸರನ್ನು ಶಿವಾನಿ ಎಂದು ಬದಲಿಸಿಕೊಂಡಿದ್ದಾಳೆ. ಆಕೆಯ ಪೋಷಕರು ಈಗಾಗಲೇ ಮೃತಪಟ್ಟಿದ್ದಾರೆ. ಶಿವಾನಿ ಈ ಹಿಂದೆ ಎರಡು ಬಾರಿ ವಿವಾಹವಾಗಿದ್ದಳು ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಮದುವೆಯ ಹಿಂದಿನ ಕಥೆ ಮತ್ತು ಸಂದರ್ಭಗಳನ್ನು ಪೊಲೀಸರು ಈಗ ಪರಿಶೀಲಿಸುತ್ತಿದ್ದಾರೆ.
Uttar Pradesh – ಉತ್ತರ ಪ್ರದೇಶದ ಮತಾಂತರ ವಿರೋಧಿ ಕಾನೂನು
ಉತ್ತರ ಪ್ರದೇಶದಲ್ಲಿ ಮತಾಂತರ ವಿರೋಧಿ ಕಾನೂನು (Anti-Conversion Law) ಜಾರಿಯಲ್ಲಿದೆ. ಈ ಕಾಯ್ದೆಯು ಬಲವಂತ, ವಂಚನೆ ಅಥವಾ ಯಾವುದೇ ರೀತಿಯ ಒತ್ತಡದ ಮೂಲಕ ನಡೆಯುವ ಧಾರ್ಮಿಕ ಮತಾಂತರವನ್ನು (Religious Conversion) ಕಟ್ಟುನಿಟ್ಟಾಗಿ ನಿಷೇಧಿಸುತ್ತದೆ. ಈ ಪ್ರಕರಣದಲ್ಲಿ ಯಾವುದೇ ದೂರು ದಾಖಲಾಗಿಲ್ಲವಾದರೂ, ಪೊಲೀಸರು ಈ ವಿವಾಹದ ಸತ್ಯಾಸತ್ಯತೆಯನ್ನು ತನಿಖೆ ಮಾಡುತ್ತಿದ್ದಾರೆ.
Read this also : Love Marriage : ಮದುವೆಯಾದ ಎರಡೇ ವಾರಕ್ಕೆ ಮುರಿದು ಬಿದ್ದ ಹಿಂದೂ ಯುವಕ-ಮುಸ್ಲೀಂ ಯುವತಿಯ ಪ್ರೇಮ ವಿವಾಹ
Uttar Pradesh – ಶಿವಾನಿಯ ಹಿಂದಿನ ಜೀವನ
ಶಿವಾನಿ ಮೊದಲು ಮೀರತ್ನಲ್ಲಿ ಒಬ್ಬ ವ್ಯಕ್ತಿಯನ್ನು ಮದುವೆಯಾಗಿದ್ದಳು. ಆದರೆ, ಕೆಲವು ವರ್ಷಗಳ ನಂತರ ಆಕೆಗೆ ವಿಚ್ಛೇದನ (Divorce) ಆಗಿತ್ತು. ಬಳಿಕ ಆಕೆ ಸೈದನ್ವಾಲಿ ಗ್ರಾಮದ ತೌಫಿಕ್ ಎಂಬಾತನನ್ನು ವಿವಾಹವಾಗಿದ್ದಳು. ತೌಫಿಕ್ 2011ರಲ್ಲಿ ರಸ್ತೆ ಅಪಘಾತದಲ್ಲಿ (Road Accident) ಅಂಗವಿಕಲರಾಗಿದ್ದರು. ಇದಾದ ಬಳಿಕ ಶಿವಾನಿ ಇತ್ತೀಚೆಗೆ 12ನೇ ತರಗತಿಯಲ್ಲಿ ಓದುತ್ತಿದ್ದ ಸುಮಾರು 18 ವರ್ಷದ ಯುವಕನೊಂದಿಗೆ ಸಂಬಂಧ ಬೆಳೆಸಿಕೊಂಡಿದ್ದಳು.
ಸಂಬಂಧಿಸಿದ ವಿಡಿಯೋ ಇಲ್ಲಿದೆ ನೋಡಿ: Click Here
Uttar Pradesh – ವಿಚ್ಛೇದನದಿಂದ ಮದುವೆಯವರೆಗೆ
ಕಳೆದ ಶುಕ್ರವಾರ ಶಬ್ನಮ್ ತೌಫಿಕ್ನಿಂದ ವಿಚ್ಛೇದನ ಪಡೆದುಕೊಂಡಿದ್ದಳು. ಇದಾದ ಬಳಿಕ ಆಕೆ ಹಿಂದೂ ಧರ್ಮಕ್ಕೆ ಮತಾಂತರಗೊಂಡು, ಈ ಯುವಕನೊಂದಿಗೆ ವಿವಾಹವಾಗಿದ್ದಾಳೆ. ಯುವಕನ ತಂದೆ ದತಾರಾಮ್ ಸಿಂಗ್ ತಮ್ಮ ಮಗನ ಈ ನಿರ್ಧಾರಕ್ಕೆ ಸಂಪೂರ್ಣ ಬೆಂಬಲ ನೀಡಿದ್ದಾರೆ. “ಅವರಿಬ್ಬರು ಸಂತೋಷವಾಗಿದ್ದರೆ ನಮಗೂ ಖುಷಿ. ಇಬ್ಬರೂ ಚೆನ್ನಾಗಿರಲಿ ಎಂದು ಆಶಿಸುತ್ತೇವೆ,” ಎಂದು ಅವರು ಹೇಳಿದ್ದಾರೆ ಎಂದು ತಿಳಿದುಬಂದಿದೆ.