ಭಾರತದಲ್ಲಿ ನೋಟು ಅಮಾನ್ಯೀಕರಣ (Demonetisation) ಆಗಿ ಸುಮಾರು ಒಂಬತ್ತು ವರ್ಷಗಳೇ ಕಳೆದಿವೆ. ಆದರೆ ಈಗಲೂ ಜನರ ಮನೆಯ ಯಾವುದೋ ಮೂಲೆಯಲ್ಲಿ ಅಂದು ರದ್ದಾದ ಹಳೆಯ ನೋಟುಗಳು ಪತ್ತೆಯಾಗುತ್ತಲೇ ಇವೆ. ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ (Viral Video) ವಿಡಿಯೋವೊಂದು ಇದಕ್ಕೆ ಲೇಟೆಸ್ಟ್ ಉದಾಹರಣೆ. ಗಂಡನಿಗೆ ತಿಳಿಯದಂತೆ ಅಮ್ಮ ಕೂಡಿಟ್ಟಿದ್ದ ಹಣ ಈಗ ಸಿಕ್ಕಿದೆ, ಆದರೆ ಅದನ್ನು ನೋಡಿ ಅಮ್ಮನಿಗೆ ಈಗ ಅಳು ಬರುತ್ತಿದೆ. ಇನ್ನೂ ವಿಡಿಯೋಲ್ಲಿ ಏನಿದೆ ಎಂಬ ವಿಚಾರಕ್ಕೆ ಬಂದರೇ…
Viral Video – ಏನಿದು ವೈರಲ್ ಸ್ಟೋರಿ?
ಇನ್ಸ್ಟಾಗ್ರಾಮ್ ಬಳಕೆದಾರರಾದ ಆಯುಷಿ ದೀಕ್ಷಿತ್ (@ayushidixit___) ಹಂಚಿಕೊಂಡಿರುವ ವಿಡಿಯೋ ಈಗ ನೆಟ್ಟಿಗರ ಗಮನ ಸೆಳೆದಿದೆ. ಆಯುಷಿಯ ತಾಯಿ ಸುಮಾರು 9 ವರ್ಷಗಳ ಹಿಂದೆ ಅಂದರೆ 2016ರಲ್ಲಿ ನೋಟು ನಿಷೇಧವಾಗುವ ಮೊದಲು, ಯಾರಿಗೂ ತಿಳಿಯದಂತೆ 500 ಮತ್ತು 1000 ರೂಪಾಯಿಗಳ ಕಂತೆಗಳನ್ನು ಬಚ್ಚಿಟ್ಟಿದ್ದರು. ಈಗ ಅಚಾನಕ್ ಆಗಿ ಆ ನೋಟುಗಳು ಸಿಕ್ಕಿವೆ.
ವಿಡಿಯೋದಲ್ಲಿ ಮಗಳು ತಮಾಷೆಯಾಗಿ ಹೀಗೆ ಹೇಳುತ್ತಾರೆ:
“ಗೈಸ್, ನೋಡಿ ನಮ್ಮ ಅಮ್ಮ ಅಳ್ತಿದ್ದಾರೆ! ಇವರು ಅಪ್ಪನಿಗೆ ಗೊತ್ತಿಲ್ಲದ ಹಾಗೆ 500-1000 ನೋಟುಗಳನ್ನು ಬಚ್ಚಿಟ್ಟಿದ್ದರು. ಈಗ ಈ ನೋಟುಗಳನ್ನು ಬ್ಯಾಂಕ್ನವರು ವಾಪಸ್ ತಗೊಳ್ತಾರಾ ಇಲ್ವಾ ಅಂತ ಇವರು ಅಳ್ತಿದ್ದಾರೆ.” 2016ರ ನವೆಂಬರ್ನಲ್ಲಿ ಸರ್ಕಾರವು ಹಳೆಯ 500 ಮತ್ತು 1000 ರೂಪಾಯಿ ನೋಟುಗಳನ್ನು ರದ್ದುಗೊಳಿಸಿದಾಗ, ಅದನ್ನು ಬದಲಾಯಿಸಿಕೊಳ್ಳಲು ನಿರ್ದಿಷ್ಟ ಸಮಯ ನೀಡಲಾಗಿತ್ತು. ಆದರೆ ಈ ತಾಯಿ ಹಣವನ್ನು ಇಷ್ಟು ಭದ್ರವಾಗಿ ಅಡಗಿಸಿಟ್ಟಿದ್ದರೆಂದರೆ, ಅದು ಅವರಿಗೆ ನೆನಪೇ ಇರಲಿಲ್ಲ! ಇಂದು ಆ (Viral Video) ನೋಟುಗಳು ಬರಿ ಕಾಗದದ ತುಣುಕುಗಳಾಗಿ ಮಾರ್ಪಟ್ಟಿವೆ ಎಂಬ ಸತ್ಯ ಅಮ್ಮನಿಗೆ ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ.
Read this also : ಈ 3 ರಾಶಿಯವರ ಜೀವನದಲ್ಲಿ ಅದೃಷ್ಟದ ಮಳೆ, ನಿಮ್ಮ ರಾಶಿ ಇದೆಯಾ ಚೆಕ್ ಮಾಡಿ!
ಸೋಶಿಯಲ್ ಮೀಡಿಯಾದಲ್ಲಿ ಹಾಸ್ಯದ ಹೊಳೆ
ಈ ವಿಡಿಯೋ ಅಪ್ಲೋಡ್ ಆದ ಬೆನ್ನಲ್ಲೇ ಜನರು ತರಹೇವಾರಿ ಕಾಮೆಂಟ್ಗಳನ್ನು ಮಾಡುತ್ತಿದ್ದಾರೆ:
- “ಆರ್ಬಿಐಗೆ ಹೋಗಿ ಒಮ್ಮೆ ಮಾತಾಡಿ ನೋಡಿ, ಏನಾದ್ರೂ ಚಾನ್ಸ್ ಸಿಗಬಹುದು” ಎಂದು ಒಬ್ಬರು ಸಲಹೆ ನೀಡಿದ್ದಾರೆ.
- “9 ವರ್ಷದ ನಂತರ ನೆನಪಾಯ್ತಾ ಆಂಟಿ?” ಎಂದು ಇನ್ನೊಬ್ಬರು (Viral Video) ಕಾಲೆಳೆದಿದ್ದಾರೆ.
- ಹೆಚ್ಚಿನವರು ಕೇಳುತ್ತಿರುವುದು ಒಂದೇ ಪ್ರಶ್ನೆ- “ಇದು ಗೊತ್ತಾದ ಮೇಲೆ ಅಪ್ಪನ ರಿಯಾಕ್ಷನ್ ಹೇಗಿತ್ತು? ಅದನ್ನು ಪೋಸ್ಟ್ ಮಾಡಿ!”
ಇದು ಕೇವಲ ಕಥೆಯಲ್ಲ, ಇಂದಿಗೂ ಕಾಡುವ ವಾಸ್ತವ!
ಕಪ್ಪು ಹಣ ಮತ್ತು ನಕಲಿ ನೋಟುಗಳ (Viral Video) ಹಾವಳಿ ತಡೆಯಲು ತಂದ ಈ ನೋಟು ಅಮಾನ್ಯೀಕರಣ ಅಂದು ದೇಶವನ್ನೇ ನಡುಗಿಸಿತ್ತು. ಜನರು ಬ್ಯಾಂಕ್ಗಳ ಮುಂದೆ ಸಾಲುಗಟ್ಟಿ ನಿಂತಿದ್ದು ಈಗ ಇತಿಹಾಸ. ಆದರೆ ಇಂದಿಗೂ ಅನೇಕರ ಮನೆಯ ಹಳೆಯ ಪೆಟ್ಟಿಗೆಗಳಲ್ಲಿ, ಹಳೆಯ ಸೀರೆಗಳ ಮಡಿಕೆಯಲ್ಲಿ ಇಂತಹ ‘ನಿಧಿ’ಗಳು ಪತ್ತೆಯಾಗುತ್ತಲೇ ಇವೆ.