ಬೇಸಿಗೆಯ ಧಗೆ ಏರುತ್ತಿದ್ದಂತೆ ಮನುಷ್ಯರು ಮಾತ್ರವಲ್ಲ, ಪ್ರಾಣಿ-ಪಕ್ಷಿಗಳು ಕೂಡ ಹೈರಾಣಾಗಿವೆ. ಅತ್ತ ಕಾಡಿನಲ್ಲಿ ಕಿಚ್ಚು, ಇತ್ತ ಕುಡಿಯಲು ನೀರಿಲ್ಲದೆ ವನ್ಯಜೀವಿಗಳು ನಾಡಿನತ್ತ ಮುಖ ಮಾಡುತ್ತಿವೆ. ಇತ್ತೀಚೆಗೆ ಹಾವುಗಳು, (Rare White Cobra) ಚಿರತೆಗಳು ಮತ್ತು ಕರಡಿಗಳು ಜನವಸತಿ ಪ್ರದೇಶಕ್ಕೆ ನುಗ್ಗುತ್ತಿರುವ ವರದಿಗಳು ಹೆಚ್ಚಾಗುತ್ತಿವೆ. ಆದರೆ, ತೆಲಂಗಾಣದ ಜಯಶಂಕರ್ ಭೂಪಾಲಪಲ್ಲಿ ಜಿಲ್ಲೆಯಲ್ಲಿ ನಡೆದ ಘಟನೆ ಮಾತ್ರ ಎಲ್ಲರ ಎದೆಯಲ್ಲಿ ನಡುಕ ಹುಟ್ಟಿಸಿದೆ!
Rare White Cobra – ನಡುರಸ್ತೆಯಲ್ಲಿ ಪ್ರತ್ಯಕ್ಷವಾದ ‘ಶ್ವೇತ ನಾಗ’!
ಸಾಮಾನ್ಯವಾಗಿ ಹಾವುಗಳು ಅಡಗಿಕೊಳ್ಳಲು ತಂಪಾದ ಜಾಗ ಹುಡುಕುತ್ತವೆ. ಕಾರು, ಬೈಕ್ ಅಥವಾ ಮನೆಯ ಮೂಲೆಗಳಲ್ಲಿ ಅಡಗಿರುವ ಹಾವುಗಳನ್ನು ನಾವು ನೋಡಿರುತ್ತೇವೆ. ಆದರೆ, ಜಿಲ್ಲೆಯ ಪರಶುರಾಮಪಲ್ಲಿ ಗ್ರಾಮದ ಸಮೀಪ ಕಂಡುಬಂದ ದೃಶ್ಯ ತೀರಾ ವಿಭಿನ್ನವಾಗಿತ್ತು. ದಟ್ಟವಾದ ಗಿಡಗಂಟೆಗಳ ನಡುವಿನಿಂದ ಬೃಹತ್ ಗಾತ್ರದ ‘ಶ್ವೇತ ನಾಗ’ (White Cobra) ಒಂದು ದಿಢೀರನೆ ರಸ್ತೆಗೆ ಬಂದಿದೆ. ನಡುರಸ್ತೆಯಲ್ಲಿ ರಾಜಗಾಂಭೀರ್ಯದಿಂದ ಓಡಾಡುತ್ತಿದ್ದ ಈ ಬಿಳಿ ಹಾವನ್ನು ಕಂಡು ಆ ಹಾದಿಯಲ್ಲಿ ಹೋಗುತ್ತಿದ್ದ ಪ್ರಯಾಣಿಕರು ಒಮ್ಮೆಲೆ ಸ್ತಬ್ದರಾದರು. ಅಪರೂಪದ ಈ ಹಾವನ್ನು ನೋಡಿ ಕೆಲವರು ಆಶ್ಚರ್ಯಪಟ್ಟರೆ, ಇನ್ನು ಕೆಲವರು (Rare White Cobra) ಅದರ ಭಯಾನಕ ರೂಪಕ್ಕೆ ಬೆಚ್ಚಿಬಿದ್ದರು.
Read this also : ಫ್ರಿಡ್ಜ್ ಓಪನ್ ಮಾಡಿದ್ರೆ ಕಾದಿತ್ತು ಶಾಕ್! ತರಕಾರಿ ಬದಲು ಹೆಡೆ ಎತ್ತಿ ಬುಸುಗುಟ್ಟಿದ ನಾಗರಹಾವು!
40 ವರ್ಷದ ಹಳೆಯ ನಾಗರಹಾವು?
ವಿಷಯ ತಿಳಿಯುತ್ತಿದ್ದಂತೆಯೇ (Rare White Cobra) ಸ್ಥಳೀಯರು ಹಾವಿನ ರಕ್ಷಕ (Snake Catcher) ಸೈಯದ್ ರಹೀಮ್ ಅವರಿಗೆ ಮಾಹಿತಿ ನೀಡಿದರು. ಕೂಡಲೇ ಸ್ಥಳಕ್ಕೆ ಧಾವಿಸಿದ ರಹೀಮ್, ಅತ್ಯಂತ ಜಾಗರೂಕತೆಯಿಂದ ಹಾವನ್ನು ಸೆರೆಹಿಡಿದರು. ಈ ಸಂದರ್ಭದಲ್ಲಿ ಮಾತನಾಡಿದ ರಹೀಮ್ ಅವರು ಒಂದು ಕುತೂಹಲಕಾರಿ ವಿಷಯ ಹಂಚಿಕೊಂಡಿದ್ದಾರೆ. “ಇದು ಅತ್ಯಂತ ವಿಷಪೂರಿತವಾದ ಶ್ವೇತ ನಾಗರಹಾವು. ಇದರ ವಯಸ್ಸು ಸುಮಾರು 40 ವರ್ಷ ಇರಬಹುದು” ಎಂದು ಅಂದಾಜಿಸಿದ್ದಾರೆ. ಸೆರೆಹಿಡಿಯುವಾಗ ಹಾವು ಹಲವು ಬಾರಿ ಅವರ ಮೇಲೆ ದಾಳಿ ಮಾಡಲು ಯತ್ನಿಸಿದರೂ, ಚಾಕಚಕ್ಯತೆಯಿಂದ ಅದನ್ನು ಹಿಡಿದು ಸುರಕ್ಷಿತವಾಗಿ ದಟ್ಟ ಕಾಡಿಗೆ ಬಿಟ್ಟು ಬಂದಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
ವೈರಲ್ ಆದ ವಿಡಿಯೋ!
ಈ ಅಪರೂಪದ ಶ್ವೇತ ನಾಗನ (Rare White Cobra) ದೃಶ್ಯಗಳನ್ನು ಸ್ಥಳೀಯರು ತಮ್ಮ ಮೊಬೈಲ್ನಲ್ಲಿ ಸೆರೆಹಿಡಿದಿದ್ದು, ಸದ್ಯ ಇದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗುತ್ತಿದೆ. “ನಾಗದೇವತೆಯೇ ರಸ್ತೆಗೆ ಬಂದಂತಿದೆ” ಎಂದು ಕೆಲವರು ಕಾಮೆಂಟ್ ಮಾಡುತ್ತಿದ್ದರೆ, “ಬೇಸಿಗೆಯ ತಾಪಕ್ಕೆ ಪಾಪ ಮೂಕ ಪ್ರಾಣಿಗಳು ಹೊರಬರುತ್ತಿವೆ” ಎಂದು ಇನ್ನು ಕೆಲವರು ಮರುಕ ವ್ಯಕ್ತಪಡಿಸುತ್ತಿದ್ದಾರೆ.
ಗಮನಿಸಿ: ಕಾಡು ಪ್ರಾಣಿಗಳು ಅಥವಾ ಹಾವುಗಳು ಕಾಣಿಸಿಕೊಂಡಾಗ ನೀವೇ ಸಾಹಸಕ್ಕೆ ಕೈಹಾಕಬೇಡಿ. ಕೂಡಲೇ ನುರಿತ ಸ್ನೇಕ್ ಕ್ಯಾಚರ್ ಅಥವಾ ಅರಣ್ಯ ಇಲಾಖೆಗೆ ಮಾಹಿತಿ ನೀಡುವುದು ಸುರಕ್ಷಿತ.
ನಮಸ್ಕಾರ, ನಾನು ಬಾಲಾಜಿ ಆರ್. 10+ ವರ್ಷಗಳ ಅನುಭವ ಹೊಂದಿರುವ ಕಂಟೆಂಟ್ ರೈಟರ್ ಹಾಗೂ ಕಾಪಿ ಎಡಿಟರ್ ಆಗಿದ್ದು, ಹಣಕಾಸು, ಸರ್ಕಾರಿ ಯೋಜನೆಗಳು, ತಂತ್ರಜ್ಞಾನ, ವೈರಲ್ ಸುದ್ದಿ, ರಾಜಕೀಯ ಸುದ್ದಿ ಮತ್ತು ಸಿನಿಮಾ ಸುದ್ದಿಗಳ ಬಗ್ಗೆ ಬರೆಯುತ್ತೇನೆ. ಸಂಕೀರ್ಣ ಮಾಹಿತಿಯನ್ನು ಸರಳವಾಗಿ ನೀಡುವುದು ನನ್ನ ಉದ್ದೇಶ. ISM Kannada News ಮೂಲಕ ನಿಖರ ಮತ್ತು ಉಪಯುಕ್ತ ಮಾಹಿತಿಯನ್ನು ಹಂಚಿಕೊಳ್ಳುತ್ತೇನೆ.