ಇತ್ತೀಚಿನ ದಿನಗಳಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ರೀಲ್ಸ್ ಮಾಡಿ ಫೇಮಸ್ ಆಗಬೇಕು ಎನ್ನುವ ಹುಚ್ಚು ಯುವಕ ಯುವತಿಯರಲ್ಲಿ ಹೆಚ್ಚಾಗುತ್ತಿದೆ. ಲೈಕ್ಸ್ ಮತ್ತು ಕಾಮೆಂಟ್ಸ್ಗಳಿಗಾಗಿ (Pratapgarh Couple Bike Stunt) ಪ್ರಾಣವನ್ನೇ ಪಣಕ್ಕಿಟ್ಟು ಸ್ಟಂಟ್ಗಳನ್ನು ಮಾಡುತ್ತಿದ್ದಾರೆ. ಇಂತಹದ್ದೇ ಒಂದು ಘಟನೆ ಈಗ ಉತ್ತರ ಪ್ರದೇಶದಲ್ಲಿ ನಡೆದಿದ್ದು, ದೇವಸ್ಥಾನದ ಆವರಣದಲ್ಲಿ ಅಪಾಯಕಾರಿ ಬೈಕ್ ಸ್ಟಂಟ್ ಮಾಡಿದ ದಂಪತಿಗಳು ಈಗ ಪೊಲೀಸ್ ಅತಿಥಿಯಾಗಿದ್ದಾರೆ!
ಉತ್ತರ ಪ್ರದೇಶದ ಪ್ರತಾಪ್ಗಢ ಜಿಲ್ಲೆಯ ಬೆಹ್ಲಾ ದೇವಿ ದೇವಸ್ಥಾನದ ಘಾಟ್ನಲ್ಲಿ ದಂಪತಿಯೊಬ್ಬರು ಮಾಡಿದ ಬೈಕ್ ಸ್ಟಂಟ್ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ಸಾರ್ವಜನಿಕರ ಕೆಂಗಣ್ಣಿಗೆ ಗುರಿಯಾಗಿದೆ.
Pratapgarh Couple Bike Stunt – ವೈರಲ್ ವಿಡಿಯೋದಲ್ಲೇನಿದೆ?
ವೈರಲ್ ಆಗಿರುವ ವಿಡಿಯೋದಲ್ಲಿ, ಕಾಂಧೈ ನಿವಾಸಿಯಾದ ರಾಜ್ಪಥ್ ಪಟೇಲ್ ಎಂಬಾತ ದೇವಸ್ಥಾನದ ಘಾಟ್ ಆವರಣದಲ್ಲಿ ಮೋಟಾರ್ ಸೈಕಲ್ ಹಿಡಿದು ವಿಚಿತ್ರವಾಗಿ ಸ್ಟಂಟ್ ಮಾಡುತ್ತಿರುವುದನ್ನು ಕಾಣಬಹುದು. ಈತ ಬೈಕನ್ನು ತನ್ನ ಬರಿಗೈಯಿಂದ ಮೇಲಕ್ಕೆ ಎತ್ತಲು ಪ್ರಯತ್ನಿಸುತ್ತಿದ್ದರೆ, ಪಕ್ಕದಲ್ಲೇ ಆತನ ಪತ್ನಿ ರೇಖಾ ನಿಂತಿರುತ್ತಾರೆ.
ಇಷ್ಟಕ್ಕೇ ಮುಗಿಯಲಿಲ್ಲ, ರಾಜ್ಪಥ್ ಬೈಕ್ ಎತ್ತಿ ನಿಲ್ಲಿಸುತ್ತಿದ್ದಂತೆ, ರೇಖಾ ಅವರು ಸಿನಿಮಾ ಶೈಲಿಯಲ್ಲಿ ಓಡಿ ಬಂದು ಆ ಬೈಕ್ ಮೇಲೆ ಹತ್ತಿ ಕೂರುತ್ತಾರೆ. ಕೇವಲ ಸೋಶಿಯಲ್ ಮೀಡಿಯಾ ರೀಲ್ಸ್ ಮತ್ತು ಕಂಟೆಂಟ್ ಕ್ರಿಯೇಟ್ ಮಾಡುವ ಉದ್ದೇಶದಿಂದಲೇ ಈ ಅಪಾಯಕಾರಿ ಸಾಹಸ ಮಾಡಲಾಗಿದೆ ಎಂಬುದು ವಿಡಿಯೋ ನೋಡಿದರೆ ಸ್ಪಷ್ಟವಾಗುತ್ತದೆ. ಭಕ್ತಾದಿಗಳು ಮತ್ತು ಪ್ರವಾಸಿಗರು ಸದಾ ಓಡಾಡುವ ಇಂತಹ ಪವಿತ್ರ ಜಾಗದಲ್ಲಿ ಇಂತಹ ಬೇಜವಾಬ್ದಾರಿ ವರ್ತನೆ ತೋರಿರುವುದಕ್ಕೆ ನೆಟ್ಟಿಗರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ದಂಪತಿ ವಿರುದ್ಧ ಕಾನೂನು ಸಮರ: ಪೊಲೀಸರ ಆಕ್ಷನ್
ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ (Viral Video Here) ವೈರಲ್ ಆಗುತ್ತಿದ್ದಂತೆ ಎಚ್ಚೆತ್ತ ಪ್ರತಾಪ್ಗಢ ಪೊಲೀಸರು ದಂಪತಿಗಳ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಂಡಿದ್ದಾರೆ.
- ಪತಿ ವಿರುದ್ಧ ಕೇಸ್: ಸ್ಟಂಟ್ ಮಾಡಿದ ರಾಜ್ಪಥ್ ಪಟೇಲ್ ವಿರುದ್ಧ ಭಾರತೀಯ ನಾಗರಿಕ ಸುರಕ್ಷಾ ಸಂಹಿತೆಯ (BNSS) ಸೆಕ್ಷನ್ 170 ರ ಅಡಿಯಲ್ಲಿ (ಮುನ್ನೆಚ್ಚರಿಕೆ ಕ್ರಮವಾಗಿ) ಪ್ರಕರಣ (Pratapgarh Couple Bike Stunt) ದಾಖಲಿಸಲಾಗಿದೆ.
- ಪತ್ನಿ ವಿರುದ್ಧವೂ ಎಫ್ಐಆರ್: ಆತನಿಗೆ ಸಾಥ್ ನೀಡಿದ ಪತ್ನಿ ರೇಖಾ ವಿರುದ್ಧ ಬಿಎನ್ಎಸ್ಎಸ್ ಸೆಕ್ಷನ್ 126 ಮತ್ತು 135 ರ ಅಡಿಯಲ್ಲಿ ಕೇಸ್ ಬುಕ್ ಮಾಡಲಾಗಿದೆ.
- ಬೈಕ್ ಜಪ್ತಿ / ದಂಡ: ಸ್ಟಂಟ್ಗೆ ಬಳಸಿದ ಮೋಟಾರ್ ಸೈಕಲ್ ವಿರುದ್ಧ ಮೋಟಾರು ವಾಹನ ಕಾಯ್ದೆಯಡಿ ಭಾರಿ ಮೊತ್ತದ ಚಲನ್ (ದಂಡ) ಹಾಕಲಾಗಿದೆ. Read this also : ರೀಲ್ಸ್ ಮಾಡೋಕೆ ಹೋಗಿ ಎಡವಟ್ಟು ಮಾಡ್ಕೊಂಡ ಯುವತಿ, ರೀಲ್ಸ್ ಮಾಡುತ್ತಾ ಮುಗ್ಗರಿಸಿ ಬಿದ್ದ ಯುವತಿ….!
ಪ್ರಸಿದ್ಧ ದೇವಸ್ಥಾನದ ಆವರಣದೊಳಗೆ ಇಂತಹ ಅಪಾಯಕಾರಿ ಸ್ಟಂಟ್ಗಳನ್ನು ಚಿತ್ರೀಕರಿಸಿ ಸಾರ್ವಜನಿಕರ ನೆಮ್ಮದಿಗೆ ಭಂಗ ತಂದಿದ್ದಕ್ಕಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ಪೊಲೀಸರ ಎಚ್ಚರಿಕೆ: “ಕೇವಲ ಸೋಶಿಯಲ್ ಮೀಡಿಯಾ (Pratapgarh Couple Bike Stunt) ಲೈಕ್ಸ್ ಮತ್ತು ಪ್ರಸಿದ್ಧಿಗಾಗಿ ಟ್ರಾಫಿಕ್ ನಿಯಮಗಳನ್ನು ಹಾಗೂ ಸಾರ್ವಜನಿಕ ಸುರಕ್ಷತೆಯನ್ನು ಗಾಳಿಗೆ ತೂರಬೇಡಿ. ಇಂತಹ ಸ್ಟಂಟ್ಗಳು ನಿಮ್ಮ ಪ್ರಾಣಕ್ಕೆ ಮಾತ್ರವಲ್ಲ, ಸುತ್ತಮುತ್ತಲಿನ ಅಮಾಯಕರಿಗೂ ಕಂಟಕವಾಗಬಹುದು.”
ಇನ್ನು ಮುಂದಾದರೂ ಇಂತಹ ರೀಲ್ಸ್ ಸ್ಟಾರ್ಗಳು ಬುದ್ಧಿ ಕಲಿಯುತ್ತಾರಾ ಎಂಬುದನ್ನು ಕಾದು ನೋಡಬೇಕು. ನಿಮ್ಮ ಸುತ್ತಮುತ್ತ ಇಂತಹ ಘಟನೆಗಳು ನಡೆದರೆ ತಕ್ಷಣ ಪೊಲೀಸರಿಗೆ ದೂರು ನೀಡಿ.