OG Pre Release Event – ಪವರ್ ಸ್ಟಾರ್ ಪವನ್ ಕಲ್ಯಾಣ್ ನಟಿಸಿರುವ ಬಹುನಿರೀಕ್ಷಿತ ಚಿತ್ರ ‘OG‘ (ಒರಿಜಿನಲ್ ಗ್ಯಾಂಗ್ಸ್ಟರ್) ನ ಪ್ರಿ-ರಿಲೀಸ್ ಈವೆಂಟ್ ಅದ್ದೂರಿಯಾಗಿ ನೆರವೇರಿದೆ. ಭಾರೀ ಮಳೆಯ ನಡುವೆಯೂ, ಪವನ್ ಕಲ್ಯಾಣ್ ಅವರು ತಮ್ಮ ಕೈಯಲ್ಲಿ ಕತ್ತಿ ಹಿಡಿದು, ಚಿತ್ರದ ಗ್ಯಾಂಗ್ಸ್ಟರ್ ಲುಕ್ನಲ್ಲಿ ಅಭಿಮಾನಿಗಳಿಗೆ ಅಚ್ಚರಿ ನೀಡಿದರು. “ಸೋಲು ನನ್ನನ್ನು ತಡೆಯಲಿಲ್ಲ, ಈ ಮಳೆ ನನ್ನನ್ನು ತಡೆಯುತ್ತದೆಯೇ?” ಎಂದು ಮಳೆಯಲ್ಲೇ ನಿಂತು ಭಾಷಣ ಮಾಡಿ ಅಭಿಮಾನಿಗಳನ್ನು ಹುರಿದುಂಬಿಸಿದರು.
OG Pre Release Event – ಮಳೆಯಲ್ಲೇ ಪವರ್ ಸ್ಟಾರ್ ಸ್ಪೀಚ್
ಭಾರೀ ಮಳೆಯ ನಡುವೆಯೂ ಅಭಿಮಾನಿಗಳ ಪ್ರೀತಿಗಾಗಿ ಪವನ್ ಕಲ್ಯಾಣ್ ಭಾಷಣ ಮಾಡಿದರು. ಈ ಬಗ್ಗೆ ಮಾತನಾಡಿದ ಅವರು, “ನಾನು ರಾಜಕೀಯಕ್ಕೆ ಹೋದರೂ ನೀವು ನನ್ನನ್ನು ಬಿಡಲಿಲ್ಲ, ನಿಮ್ಮ ಪ್ರೀತಿಗಾಗಿ ನಾನು ಹೀಗೆ ಹೋರಾಡುತ್ತಿದ್ದೇನೆ. ಈ ದಿನ ಆಕಾಶವೇ ಗುಡುಗುತ್ತಿದೆ, ಇದು ತೆಲುಗನ ಶಕ್ತಿ” ಎಂದು ಹೇಳಿದರು. ತಮ್ಮ ಅಭಿಮಾನಿಗಳಿಗಾಗಿ ಜಪಾನೀಸ್ ಕವಿತೆ “ವಾಷಿ ಯೋ ವಾಷಿ” ಯನ್ನು ಮಳೆಯಲ್ಲೇ ಹೇಳಿದರು.
OG Pre Release Event – ಖುಷಿ ಸಿನಿಮಾದ ಕತ್ತಿಯೇ ಸ್ಫೂರ್ತಿ
ನಿರ್ದೇಶಕ ಸುಜೀತ್ ಬಗ್ಗೆ ಮಾತನಾಡಿದ ಪವನ್, “ಸುಜೀತ್ ನನ್ನ ಅಭಿಮಾನಿ. ಖುಷಿ ಚಿತ್ರದಲ್ಲಿ ನಾನು ಬಳಸಿದ ಕಟಾನ ಕತ್ತಿಯನ್ನು ನೋಡಿ, ಅದರ ಸುತ್ತ ಈ OG ಕಥೆಯನ್ನು ರೂಪಿಸಿದ್ದಾರೆ. ನಿರ್ದೇಶಕ ಸುಜೀತ್ ಹಾಗೂ ಸಂಗೀತ ನಿರ್ದೇಶಕ ಥಮನ್ ಇಬ್ಬರೇ ಈ ಸಿನಿಮಾದ ನಿಜವಾದ ಸ್ಟಾರ್ಗಳು. ನಾನು ರಾಜಕೀಯದಲ್ಲಿದ್ದೇನೆ ಎಂಬುದು ಅವರ ಕೆಲಸ ನೋಡಿದಾಗ ಮರೆತುಹೋಯಿತು” ಎಂದು ಹೇಳಿದರು. ಈ ಚಿತ್ರವು 80ರ ದಶಕದ ಹಿನ್ನೆಲೆಯಲ್ಲಿ ಸಾಗುವ ಅದ್ಭುತ ಲವ್ ಸ್ಟೋರಿ ಹೊಂದಿದೆ ಎಂದು ತಿಳಿಸಿದರು. ನಾಯಕಿ ಪ್ರಿಯಾಂಕಾ ಅರುಳ್ ಮೋಹನ್ ಅವರ ಅಭಿನಯವನ್ನು ಪವನ್ ಕೊಂಡಾಡಿದರು. Read this also : ಪವನ್ ಕಲ್ಯಾಣ್ ಚಿತ್ರವನ್ನು ತನ್ನ ರಕ್ತದಲ್ಲಿ ಬಿಡಿಸಿದ ಕಟ್ಟಾಭಿಮಾನಿ, ವೈರಲ್ ಆದ ಪೋಟೋ…!
OG Pre Release Event – ಟ್ರೈಲರ್ ಬಿಡುಗಡೆ ಮುಂದೂಡಿಕೆ
ಇಮ್ರಾನ್ ಹಶ್ಮಿ ಅವರೊಂದಿಗೆ ಕೆಲಸ ಮಾಡಿದ್ದು ಖುಷಿಯಾಗಿದೆ ಎಂದು ಹೇಳಿದ ಪವನ್ ಕಲ್ಯಾಣ್, ಚಿತ್ರದ ಟ್ರೈಲರ್ ಬಿಡುಗಡೆ ಆಗಲಿದೆ ಎಂದು ಮೊದಲು ಘೋಷಿಸಲಾಗಿತ್ತು. ಆದರೆ, ಕೆಲವು ಗ್ರಾಫಿಕ್ಸ್ ಕೆಲಸಗಳು ಬಾಕಿ ಇರುವುದರಿಂದ ಟ್ರೈಲರ್ ಬಿಡುಗಡೆಯನ್ನು ಮುಂದೂಡಲಾಗಿದೆ. ಈ ತಿಂಗಳ 25 (ಸೆಪ್ಟೆಂಬರ್ 25) ರಂದು ಚಿತ್ರವು ಬಿಡುಗಡೆ ಆಗಲಿದೆ ಎಂದು ತಿಳಿಸುವ ಮೂಲಕ ಅಭಿಮಾನಿಗಳಲ್ಲಿ ಮತ್ತಷ್ಟು ಉತ್ಸಾಹ ತುಂಬಿದರು.
ನಮಸ್ಕಾರ, ನಾನು ಬಾಲಾಜಿ ಆರ್. 10+ ವರ್ಷಗಳ ಅನುಭವ ಹೊಂದಿರುವ ಕಂಟೆಂಟ್ ರೈಟರ್ ಹಾಗೂ ಕಾಪಿ ಎಡಿಟರ್ ಆಗಿದ್ದು, ಹಣಕಾಸು, ಸರ್ಕಾರಿ ಯೋಜನೆಗಳು, ತಂತ್ರಜ್ಞಾನ, ವೈರಲ್ ಸುದ್ದಿ, ರಾಜಕೀಯ ಸುದ್ದಿ ಮತ್ತು ಸಿನಿಮಾ ಸುದ್ದಿಗಳ ಬಗ್ಗೆ ಬರೆಯುತ್ತೇನೆ. ಸಂಕೀರ್ಣ ಮಾಹಿತಿಯನ್ನು ಸರಳವಾಗಿ ನೀಡುವುದು ನನ್ನ ಉದ್ದೇಶ. ISM Kannada News ಮೂಲಕ ನಿಖರ ಮತ್ತು ಉಪಯುಕ್ತ ಮಾಹಿತಿಯನ್ನು ಹಂಚಿಕೊಳ್ಳುತ್ತೇನೆ.