ಜೀವನದಲ್ಲಿ ಎಷ್ಟೇ ದೊಡ್ಡ ಕೆಲಸದಲ್ಲಿದ್ದರೂ, ಮನೆಯ ಜವಾಬ್ದಾರಿ ಮತ್ತು ಭವಿಷ್ಯದ ಆತಂಕ ಕೆಲವೊಮ್ಮೆ ಮನುಷ್ಯನನ್ನು ಕುಗ್ಗಿಸಿಬಿಡುತ್ತದೆ. ಇಂತಹದ್ದೇ ಒಂದು ನೋವಿನ ಕಥೆ ಈಗ ಹೈದರಾಬಾದ್ ನಿಂದ ಕೇಳಿಬಂದಿದೆ. ಸಾಫ್ಟ್ವೇರ್ ಎಂಜಿನಿಯರ್ (Hyderabad Software Engineer) ಆಗಿ ಕೆಲಸ ಮಾಡುತ್ತಿದ್ದ 26 ವರ್ಷದ ಯುವತಿ ವಿಜಯಲಕ್ಷ್ಮಿ, ಹುಸೇನ್ ಸಾಗರ್ ಕೆರೆಗೆ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಘಟನೆಯ ಹಿಂದೆ ಇರುವ ಕಾರಣ ಮಾತ್ರ ಯಾರಿಗಾದರೂ ಕಣ್ಣೀರು ತರಿಸುವಂತಿದೆ.
Hyderabad Software Engineer – ಏನಿದು ಮನಕಲಕುವ ಘಟನೆ?
ಮೇಡ್ಚಲ್ ಜಿಲ್ಲೆಯ ಕಂಡ್ಲಕೋಯ ಮೂಲದ ತೋಷ್ನಿವಾಲ್ ವಿಜಯಲಕ್ಷ್ಮಿ, ಕೂಕಟ್ಪಲ್ಲಿಯ ಮೈತ್ರಿ ನಗರದಲ್ಲಿ ವಾಸವಿದ್ದರು. ತಂದೆಯನ್ನು ಬಾಲ್ಯದಲ್ಲೇ ಕಳೆದುಕೊಂಡಿದ್ದ ಇವರಿಗೆ ತಾಯಿಯೇ ಸರ್ವಸ್ವ. ವಿಜಯಲಕ್ಷ್ಮಿ ಅವರ ತಾಯಿ ಸರಸ್ವತಿ ಅವರು ಮಾನಸಿಕ ಮತ್ತು ದೈಹಿಕ ಅಸ್ವಸ್ಥತೆಯಿಂದ (ವೈಕಲ್ಯ) ಬಳಲುತ್ತಿದ್ದರು. ವಿಜಯಲಕ್ಷ್ಮಿ ಒಬ್ಬರೇ ಐಟಿ ಕಂಪನಿಯಲ್ಲಿ ಕೆಲಸ ಮಾಡುತ್ತಾ, ತಾಯಿಯನ್ನು ಮಗುವಿನಂತೆ ಸಲಹುತ್ತಿದ್ದರು.
ಮದುವೆಯ ಅಡ್ಡಿಯಾದ ‘ತಾಯಿಯ ಪ್ರೀತಿ’
ವಿಜಯಲಕ್ಷ್ಮಿ ಅವರಿಗೆ ಮದುವೆ ವಯಸ್ಸು ಬಂದಿದ್ದರಿಂದ ಸಂಬಂಧಗಳು ಬರುತ್ತಿದ್ದವು. ಆದರೆ, ಅವರು ಇಟ್ಟಿದ್ದ ಒಂದು ಷರತ್ತು ಮದುವೆಗೆ ಅಡ್ಡಿಯಾಗುತ್ತಿತ್ತು. “ಮದುವೆಯ ನಂತರವೂ ಅಮ್ಮ ನನ್ನ ಜೊತೆಗೇ ಇರುತ್ತಾರೆ, ಅವರನ್ನು ನಾನೇ ನೋಡಿಕೊಳ್ಳಬೇಕು” ಎಂಬುದು ಅವರ ಮೌಖಿಕ (Hyderabad Software Engineer) ಒಪ್ಪಂದವಾಗಿತ್ತು. ಆದರೆ, ಈ ಷರತ್ತಿಗೆ ಮದುವೆಯ ಪ್ರಸ್ತಾಪ ಹೊತ್ತು ಬಂದವರು ಒಪ್ಪುತ್ತಿರಲಿಲ್ಲ. ಒಂದೆಡೆ ತಾಯಿಯ ಅನಾರೋಗ್ಯ, ಇನ್ನೊಂದೆಡೆ ಮದುವೆಯಾಗುತ್ತಿಲ್ಲ ಎಂಬ ಕೊರಗು ಮತ್ತು ಮದುವೆಯಾದರೆ ತನ್ನ ತಾಯಿಯನ್ನು ಯಾರು ನೋಡಿಕೊಳ್ಳುತ್ತಾರೆಂಬ ಆತಂಕ ವಿಜಯಲಕ್ಷ್ಮಿಯನ್ನು ತೀವ್ರವಾಗಿ ಕಾಡಲಾರಂಭಿಸಿತು. Read this also : 9 ವರ್ಷ ಪ್ರೀತಿಸಿ ಮದುವೆಯಾದ ಎರಡೇ ತಿಂಗಳಿಗೆ ಪತಿಯನ್ನೇ ಕೊಂದ ಪತ್ನಿ: ಕಾರಣ ಕೇಳಿದ್ರೆ ಶಾಕ್ ಆಗ್ತೀರಾ…!
“ಎರಡು ದಿನದಲ್ಲಿ ಬರ್ತೀನಿ” ಎಂದು ಹೋದವರು ಮರಳಲೇ ಇಲ್ಲ
ಕಳೆದ ಜನವರಿ 31 ರಂದು ಶನಿವಾರ ಸಂಜೆ, “ಎರಡು ದಿನ ಹೊರಗಡೆ ಹೋಗಿ ಬರುತ್ತೇನೆ” ಎಂದು ತಾಯಿಗೆ ಹೇಳಿ ವಿಜಯಲಕ್ಷ್ಮಿ ಮನೆಯಿಂದ (Hyderabad Software Engineer) ಹೊರಟಿದ್ದರು. ಆದರೆ ನಂತರ ಅವರ ಫೋನ್ ಸ್ವಿಚ್ ಆಫ್ ಆಗಿತ್ತು. ಆತಂಕಗೊಂಡ ಸಂಬಂಧಿಕರು ಕೂಕಟ್ಪಲ್ಲಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರು. ಪೊಲೀಸರು ತನಿಖೆ ನಡೆಸುತ್ತಿರುವಾಗಲೇ, ಸೋಮವಾರ ಹುಸೇನ್ ಸಾಗರ್ ಕೆರೆಯಲ್ಲಿ ಯುವತಿಯ ಶವ ಪತ್ತೆಯಾಗಿದೆ. ಅದು ವಿಜಯಲಕ್ಷ್ಮಿ ಅವರದ್ದೇ ಎಂದು ಪೊಲೀಸರು ಖಚಿತಪಡಿಸಿದ್ದಾರೆ.
ಅನಾಥವಾದ ಅಸ್ವಸ್ಥ ತಾಯಿ
ಕಣ್ಣರೆಪ್ಪೆಯಂತೆ ತಾಯಿಯನ್ನು ಕಾಪಾಡುತ್ತಿದ್ದ ವಿಜಯಲಕ್ಷ್ಮಿ ಈಗ ಇಲ್ಲವಾಗಿದ್ದಾರೆ. “ನನ್ನನ್ನು ಬಿಟ್ಟು ಹೋದರೆ ನನ್ನ ಕಥೆ ಏನು?” ಎಂದು ಕೇಳಲಾಗದ ಸ್ಥಿತಿಯಲ್ಲಿರುವ ಆ ಅಸ್ವಸ್ಥ ತಾಯಿಯ ಪರಿಸ್ಥಿತಿಯನ್ನು ಕಂಡು ಸ್ಥಳೀಯರು ಮತ್ತು ಕುಟುಂಬಸ್ಥರು ಕಣ್ಣೀರು ಹಾಕುತ್ತಿದ್ದಾರೆ.
ಗಮನಿಸಿ: ಜೀವನದಲ್ಲಿ ಎಷ್ಟೇ ಕಷ್ಟಗಳು ಬಂದರೂ ಆತ್ಮಹತ್ಯೆ ಯಾವುದಕ್ಕೂ ಪರಿಹಾರವಲ್ಲ. ಮಾನಸಿಕ ಒತ್ತಡ ಅಥವಾ ಖಿನ್ನತೆಯಲ್ಲಿದ್ದರೆ ಸಹಾಯ ಪಡೆಯಲು ಹಿಂಜರಿಯಬೇಡಿ. ಸಹಾಯಕ್ಕಾಗಿ ಸಹಾಯವಾಣಿ ಸಂಖ್ಯೆಗಳನ್ನು ಸಂಪರ್ಕಿಸಿ.
ನಮಸ್ಕಾರ, ನಾನು ಬಾಲಾಜಿ ಆರ್. 10+ ವರ್ಷಗಳ ಅನುಭವ ಹೊಂದಿರುವ ಕಂಟೆಂಟ್ ರೈಟರ್ ಹಾಗೂ ಕಾಪಿ ಎಡಿಟರ್ ಆಗಿದ್ದು, ಹಣಕಾಸು, ಸರ್ಕಾರಿ ಯೋಜನೆಗಳು, ತಂತ್ರಜ್ಞಾನ, ವೈರಲ್ ಸುದ್ದಿ, ರಾಜಕೀಯ ಸುದ್ದಿ ಮತ್ತು ಸಿನಿಮಾ ಸುದ್ದಿಗಳ ಬಗ್ಗೆ ಬರೆಯುತ್ತೇನೆ. ಸಂಕೀರ್ಣ ಮಾಹಿತಿಯನ್ನು ಸರಳವಾಗಿ ನೀಡುವುದು ನನ್ನ ಉದ್ದೇಶ. ISM Kannada News ಮೂಲಕ ನಿಖರ ಮತ್ತು ಉಪಯುಕ್ತ ಮಾಹಿತಿಯನ್ನು ಹಂಚಿಕೊಳ್ಳುತ್ತೇನೆ.