Cobra Rescue : 15 ಅಡಿಯ ಬೃಹತ್ ಕಾಳಿಂಗ ಸರ್ಪವನ್ನು ಜಸ್ಟ್ 30 ಸೆಕೆಂಡ್‌ಗಳಲ್ಲಿ ಹಿಡಿದ ಅಧಿಕಾರಿ, ವಿಡಿಯೋ ವೈರಲ್…!

ಸೋಷಿಯಲ್ ಮೀಡಿಯಾದಲ್ಲಿ ಹಾವಿನ ವಿಡಿಯೋಗಳಿಗೆ ಯಾವತ್ತೂ ಭಾರಿ ಡಿಮ್ಯಾಂಡ್. ಆದರೆ ಇದೀಗ ವೈರಲ್ ಆಗಿರುವ ಈ (Cobra Rescue) ವಿಡಿಯೋ ನೋಡಿದರೆ ಎಂಥವರ ಬೆವರೂ ಇಳಿಯುವುದು ಗ್ಯಾರಂಟಿ! ದಾರಿಯಲ್ಲಿ ಹೋಗುವಾಗ ಅಪ್ಪಿತಪ್ಪಿ ಒಂದು ಸಣ್ಣ ಹಾವು ಕಣ್ಣಿಗೆ ಬಿದ್ದರೆ ಸಾಕು, ನಮ್ಮ ಪ್ರಾಣವೇ ಹೋದಂತಾಗುತ್ತದೆ.

ಅಂಥದ್ದರಲ್ಲಿ ಬರೋಬ್ಬರಿ 15 ಅಡಿ ಉದ್ದದ, ನೋಡಿದರೇನೇ ಮೈಜುಮ್ ಎನ್ನಿಸುವ ಬೃಹತ್ ಕಾಳಿಂಗ ಸರ್ಪವೊಂದು (King Cobra) ರಸ್ತೆ ಮಧ್ಯೆ ಪ್ರತ್ಯಕ್ಷವಾದರೆ ಹೇಗಿರಬೇಡ ಹೇಳಿ? ಹೌದು, ಎಂಥವರ ಎದೆಯಲ್ಲೂ ನಡುಕ ಹುಟ್ಟಿಸುವ ಇಂತಹದ್ದೊಂದು ಭಯಾನಕ ಹಾಗೂ ಅಷ್ಟೇ ರೋಚಕವಾದ ಘಟನೆಯ ವಿಡಿಯೋವೊಂದು ಇದೀಗ ಜಾಲತಾಣಗಳಲ್ಲಿ ಸಂಚಲನ ಸೃಷ್ಟಿಸುತ್ತಿದೆ.

Cobra Rescue – ನಡುರಸ್ತೆಯಲ್ಲಿ ಪ್ರತ್ಯಕ್ಷವಾದ 15 ಅಡಿಯ ಕಾಳಿಂಗ ಸರ್ಪ!

ಜನನಿಬಿಡ ರಸ್ತೆಯಲ್ಲಿ ಏಕಾಏಕಿ ಬೃಹತ್ ಕಾಳಿಂಗ ಸರ್ಪವೊಂದು ಪ್ರತ್ಯಕ್ಷವಾಗಿದೆ. ರಸ್ತೆಯಲ್ಲಿದ್ದ ಹಾವನ್ನು ನೋಡಿ ವಾಹನ ಸವಾರರು ಒಮ್ಮೆಲೆ ಬೆಚ್ಚಿಬಿದ್ದಿದ್ದಾರೆ. ಪ್ರಾಣಭಯದಿಂದ ಹಿಂದಕ್ಕೆ ಓಡಿದ್ದಾರೆ. ಕೂಡಲೇ ಎಚ್ಚೆತ್ತ ಸಾರ್ವಜನಿಕರು ಪೊಲೀಸರು ಹಾಗೂ ಅರಣ್ಯ ಇಲಾಖೆ ಸಿಬ್ಬಂದಿಗೆ ಮಾಹಿತಿ ನೀಡಿದ್ದಾರೆ. ತಕ್ಷಣವೇ ಸ್ಥಳಕ್ಕೆ ಧಾವಿಸಿದ ಅಧಿಕಾರಿಗಳು ಹಾವನ್ನು ಹಿಡಿಯುವ ಕಾರ್ಯಾಚರಣೆಗೆ ಮುಂದಾದರು.

ಕೇವಲ 30 ಸೆಕೆಂಡ್‌ಗಳಲ್ಲಿ ರೆಸ್ಕ್ಯೂ ಆಪರೇಷನ್!

ಸಾಮಾನ್ಯವಾಗಿ ಒಂದು ಸಣ್ಣ ಹಾವನ್ನು ಹಿಡಿಯಲೇ ಹರಸಾಹಸ ಪಡಬೇಕಾಗುತ್ತದೆ. ಆದರೆ, ಇಲ್ಲಿ ಅಧಿಕಾರಿಗಳು ಬರೋಬ್ಬರಿ 15 ಅಡಿ ಉದ್ದದ ಆ ಬೃಹತ್ ಕಾಳಿಂಗ ಸರ್ಪವನ್ನು ಕೇವಲ 30 ಸೆಕೆಂಡ್‌ಗಳಲ್ಲಿ ಅತ್ಯಂತ (Cobra Rescue) ಚಾಕಚಕ್ಯತೆಯಿಂದ ಹಿಡಿದಿದ್ದಾರೆ. ಹಾವನ್ನು ಬಹಳ ಎಚ್ಚರಿಕೆಯಿಂದ ಮತ್ತು ಸುರಕ್ಷಿತವಾಗಿ ರಕ್ಷಿಸಿದ ಸಿಬ್ಬಂದಿ, ನಂತರ ಅದನ್ನು ಜನವಸತಿಯಿಲ್ಲದ ಕಾಡಿಗೆ ತಂದು ಬಿಟ್ಟಿದ್ದಾರೆ. ಈ ಕಾರ್ಯಾಚರಣೆ ಯಶಸ್ವಿಯಾದ ಬಳಿಕವೇ ಸ್ಥಳೀಯರೆಲ್ಲರೂ ನಿರಾಳರಾಗಿ ಉಸಿರು ಬಿಟ್ಟಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಪ್ರಸ್ತುತ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗುತ್ತಿದ್ದು, ಅಧಿಕಾರಿಗಳ ಕಾರ್ಯಕ್ಷಮತೆ ಕಂಡು ನೆಟ್ಟಿಗರು ಆಶ್ಚರ್ಯಚಕಿತರಾಗಿ ಬಗೆಬಗೆಯ ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ. Read this also : ಚಲಿಸುವ ಸ್ಕೂಟಿಯಲ್ಲಿ ಹೆಡೆಬಿಚ್ಚಿದ ನಾಗರಹಾವು! ಯುವತಿಯ ಧೈರ್ಯಕ್ಕೆ ಬೆಚ್ಚಿಬಿದ್ದ ನೆಟ್ಟಿಗರು!

ಪ್ರಪಂಚದ ಅತ್ಯಂತ ಉದ್ದದ ವಿಷಪೂರಿತ ಹಾವು

ಹಾವುಗಳಲ್ಲೇ ಅತ್ಯಂತ ಅಪಾಯಕಾರಿ (Viral Video Here) ಹಾಗೂ ವಿಶಿಷ್ಟವಾದ ಕಾಳಿಂಗ ಸರ್ಪದ ಬಗ್ಗೆ ಕೆಲ ಆಸಕ್ತಿದಾಯಕ ವಿಚಾರಗಳು ಬೆಳಕಿಗೆ ಬಂದಿವೆ. ಏಷ್ಯಾ ಖಂಡಕ್ಕೆ ಮಾತ್ರ ಸೀಮಿತವಾದ ಈ ಹಾವಿನ ಪ್ರಭೇದ, ವಿಶ್ವದ ಅತ್ಯಂತ ಉದ್ದದ ವಿಷಪೂರಿತ ಹಾವು ಎಂಬ ದಾಖಲೆ ಬರೆದಿದೆ. ಇದನ್ನು ನಾವು ಸಾಮಾನ್ಯವಾಗಿ ‘ನಾಗರಹಾವು’ ಎಂದು (Cobra Rescue) ಕರೆದರೂ, ವೈಜ್ಞಾನಿಕವಾಗಿ ಇದು ‘ಓಫಿಯೋಫಾಗಸ್’ (Ophiophagus) ಎಂಬ ವಿಶೇಷ ಜಾತಿಗೆ ಸೇರಿದ ಕಾಳಿಂಗ ಸರ್ಪವಾಗಿದೆ.

ನೋಡಲು ಸಾಮಾನ್ಯ ನಾಗರಹಾವಿನಂತೆ ಕಂಡರೂ, ಈ ಕಾಳಿಂಗ ಸರ್ಪವು ಸಾಮಾನ್ಯವಾಗಿ 3.18 ಮೀಟರ್‌ನಿಂದ 4 ಮೀಟರ್‌ವರೆಗೆ ಅಂದರೆ 10.4 ರಿಂದ 13.1 ಅಡಿಗಳಷ್ಟು ಉದ್ದ ಬೆಳೆಯುತ್ತದೆ. ಕೇವಲ ಉದ್ದದಲ್ಲಿ ಮಾತ್ರವಲ್ಲ, ಪ್ರಪಂಚದ ಅತ್ಯಂತ ಭಾರವಾದ ವಿಷಕಾರಿ ಹಾವುಗಳ ಪಟ್ಟಿಯಲ್ಲೂ ಇದು ಮುಂಚೂಣಿಯಲ್ಲಿದೆ.

ಇವು ಹೆಚ್ಚಾಗಿ ಎಲ್ಲಿ ಕಂಡುಬರುತ್ತವೆ?

ಭಾರತೀಯ ಉಪಖಂಡದಿಂದ (Cobra Rescue) ಹಿಡಿದು ಆಗ್ನೇಯ ಏಷ್ಯಾ ಮತ್ತು ದಕ್ಷಿಣ ಚೀನಾದವರೆಗಿನ ದಟ್ಟವಾದ ಕಾಡುಗಳಲ್ಲಿ ಇವು ಹೆಚ್ಚಾಗಿ ಕಂಡುಬರುತ್ತವೆ. ಇವು ಮನುಷ್ಯರಿಗೆ ಅಷ್ಟು ಸುಲಭವಾಗಿ ಕಾಣಸಿಗುವುದಿಲ್ಲ. ದಟ್ಟವಾದ ಅರಣ್ಯಗಳಲ್ಲಿ, ಜನಸಂಚಾರಕ್ಕೆ ದೂರವಾಗಿ, ಏಕಾಂತದಲ್ಲಿರಲು ಇವು ಹೆಚ್ಚು ಇಷ್ಟಪಡುತ್ತವೆ.