ಹಾವು ಎಂದರೆ ಯಾರಿಗೆ ತಾನೇ ಭಯವಿಲ್ಲ ಹೇಳಿ? ಅದರಲ್ಲೂ ಜಗತ್ತಿನ ಅತ್ಯಂತ ವಿಷಪೂರಿತ ಹಾವುಗಳಲ್ಲಿ ಒಂದಾದ ಕಿಂಗ್ ಕೋಬ್ರಾ ಎದುರಿಗೆ ಬಂದರೆ ಸಾಕು, ಎಂತಹ ಧೈರ್ಯವಂತನಿಗೂ ಒಂದು ಕ್ಷಣ ಮೈ ನಡುಗುತ್ತದೆ. ಕಿಂಗ್ ಕೋಬ್ರಾ (King Cobra Rescue) ಕಚ್ಚಿದರೆ ತಕ್ಷಣ ಚಿಕಿತ್ಸೆ ಸಿಗದಿದ್ದರೆ ಸಾವು ಖಚಿತ. ಅದಕ್ಕೇ ಜನ ಈ ಹಾವಿನಿಂದ ಮೈಲು ದೂರ ಇರುತ್ತಾರೆ. ಆದರೆ, ಇಲ್ಲೊಂದು ಅರಣ್ಯ ಇಲಾಖೆಯ ತಂಡ ಬರೋಬ್ಬರಿ 18 ಅಡಿ ಉದ್ದದ ಬೃಹತ್ ಕಿಂಗ್ ಕೋಬ್ರಾವನ್ನು ಹಿಡಿಯುವ ಸಾಹಸ ಮಾಡಿದೆ.
King Cobra Rescue – ಉಸಿರು ಬಿಗಿಹಿಡಿಯುವಂತಿದೆ ಈ ರಕ್ಷಣಾ ಕಾರ್ಯಾಚರಣೆ
ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿದ್ರೆ ಅಕ್ಷರಶಃ ಬೆಚ್ಚಿಬೀಳ್ತೀರಾ. ಅರಣ್ಯ ಇಲಾಖೆಯ ಸಿಬ್ಬಂದಿಗಳು ಹಾವನ್ನು ಸುರಕ್ಷಿತವಾಗಿ ಹಿಡಿದು ಮೆಶ್ ಬಾಕ್ಸ್ನಲ್ಲಿ (ಜಾಲರಿಯ ಪೆಟ್ಟಿಗೆ) ಹಾಕಲು ಪ್ರಯತ್ನಿಸುತ್ತಿರುವುದನ್ನು ಇಲ್ಲಿ ಕಾಣಬಹುದು. ಆ ಹಾವಿನ ಗಾತ್ರ ಎಷ್ಟಿದೆ ಎಂದರೆ, ಅದನ್ನು ನೋಡಲು ಕೂಡ ಭಯವಾಗುತ್ತದೆ. ವಿಡಿಯೋದಲ್ಲಿ ಒಬ್ಬ ಸಿಬ್ಬಂದಿ ಹಾವಿನ ಬಾಯಿ ಹಿಡಿದಿದ್ದರೆ, ಮತ್ತೊಬ್ಬರು ಬಾಲವನ್ನು ಹಿಡಿದು ನಿಯಂತ್ರಿಸುತ್ತಿದ್ದಾರೆ. ಅತ್ಯಂತ ಎಚ್ಚರಿಕೆಯಿಂದ ಹರಸಾಹಸ ಪಟ್ಟು ಕೊನೆಗೂ ಆ ಬೃಹತ್ ಸರ್ಪವನ್ನು ಪೆಟ್ಟಿಗೆಯೊಳಗೆ ಹಾಕುವಲ್ಲಿ ಅವರು ಯಶಸ್ವಿಯಾಗಿದ್ದಾರೆ. ಸ್ವಲ್ಪ ಎಚ್ಚರ ತಪ್ಪಿದ್ದರೂ ದೊಡ್ಡ ಅನಾಹುತವೇ ಸಂಭವಿಸುತ್ತಿತ್ತು.
ಸೋಶಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್!
ಈ ವಿಡಿಯೋವನ್ನು ಟ್ವಿಟರ್ನಲ್ಲಿ (X) @VegBiryani108 ಎಂಬ ಖಾತೆಯಿಂದ ಹಂಚಿಕೊಳ್ಳಲಾಗಿದೆ. “ಅರಣ್ಯ ಇಲಾಖೆ ಅಧಿಕಾರಿಗಳು 18 ಅಡಿ ಉದ್ದದ ಕಿಂಗ್ ಕೋಬ್ರಾವನ್ನು ಹೇಗೆ ರಕ್ಷಿಸಿದ್ದಾರೆ ನೋಡಿ” ಎಂಬ ಶೀರ್ಷಿಕೆಯೊಂದಿಗೆ (King Cobra Rescue) ಹಂಚಿಕೊಳ್ಳಲಾದ ಈ 35 ಸೆಕೆಂಡುಗಳ ವಿಡಿಯೋ ಈಗಾಗಲೇ 74,000ಕ್ಕೂ ಹೆಚ್ಚು ವೀಕ್ಷಣೆ ಕಂಡಿದೆ.
ನೆಟ್ಟಿಗರ ಪ್ರತಿಕ್ರಿಯೆ ಹೇಗಿದೆ?
ವಿಡಿಯೋ ನೋಡಿದ ನೆಟ್ಟಿಗರು ತರಹೇವಾರಿ ಕಾಮೆಂಟ್ ಮಾಡುತ್ತಿದ್ದಾರೆ:
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
- ಒಬ್ಬ ಬಳಕೆದಾರರು, “ಇವರಿಗೆ ಸ್ವಲ್ಪನೂ ಭಯ ಆಗಲ್ವಾ?” ಎಂದು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.
- ಮತ್ತೊಬ್ಬರು, “ಈ ವಿಡಿಯೋ ನೋಡ್ತಿದ್ರೆ (King Cobra Rescue) ನನಗೇ ಭಯ ಆಗ್ತಿದೆ” ಎಂದು ಬರೆದುಕೊಂಡಿದ್ದಾರೆ.
- “ಇದು ಅರಣ್ಯದಲ್ಲಿ ಕೆಲಸ ಮಾಡುವ ಸಿಬ್ಬಂದಿಗಳ ದೈನಂದಿನ ಜೀವನದ ಭಾಗ” ಎಂದು ಇನ್ನು ಕೆಲವರು ಅವರ ಧೈರ್ಯವನ್ನು ಮೆಚ್ಚಿಕೊಂಡಿದ್ದಾರೆ. Read this also : ಬೈಕ್ನಲ್ಲಿ ಬೃಹತ್ ಹಾವಿನೊಂದಿಗೆ ಯುವಕನ ಅಪಾಯಕಾರಿ ಸ್ಟಂಟ್! ನೆಟ್ಟಿಗರು ಫುಲ್ ಗರಂ!
- ಮತ್ತೊಬ್ಬ ನೆಟ್ಟಿಗರು ತಮಾಷೆಯಾಗಿ, “ಇದರಲ್ಲಿ ಭಯಪಡಲು ಏನಿದೆ? ಹಾವುಗಳ ಜೊತೆ ಬದುಕಿ ಅಭ್ಯಾಸ ಮಾಡಿ, ಭಯ ತಾನಾಗಿಯೇ ಹೋಗುತ್ತದೆ” ಎಂದು ಕಾಮೆಂಟ್ ಮಾಡಿದ್ದಾರೆ.
ನಿಜಕ್ಕೂ ಪ್ರಾಣವನ್ನು ಪಣಕ್ಕಿಟ್ಟು ಇಂತಹ ಕಾಡು ಪ್ರಾಣಿಗಳನ್ನು ರಕ್ಷಿಸುವ ಅರಣ್ಯ ಇಲಾಖೆ ಸಿಬ್ಬಂದಿಗಳ ಕಾರ್ಯ ಶ್ಲಾಘನೀಯ.