ಸೋಶಿಯಲ್ ಮೀಡಿಯಾದಲ್ಲಿ ದಿನಕ್ಕೊಂದು ವಿಡಿಯೋ ವೈರಲ್ ಆಗುತ್ತದೆ. ಆದರೆ, ಸದ್ಯ ಅಮೆರಿಕದಲ್ಲಿ ನಡೆದ ಘಟನೆಯೊಂದರ ವಿಡಿಯೋ ನೆಟ್ಟಿಗರ ಎದೆಬಡಿತ ಹೆಚ್ಚಿಸುವುದರ ಜೊತೆಗೆ, ಕೊನೆಯಲ್ಲಿ ನಿಟ್ಟುಸಿರು ಬಿಡುವಂತೆ ಮಾಡಿದೆ. ಹೌದು, ನಡುರಸ್ತೆಯಲ್ಲಿ ಸಾವು ಬದುಕಿನ ನಡುವೆ ಹೋರಾಡುತ್ತಿದ್ದ ಹಸುಗೂಸೊಂದನ್ನು ಪೊಲೀಸ್ ಅಧಿಕಾರಿಯೊಬ್ಬರು ಸಮಯಪ್ರಜ್ಞೆಯಿಂದ ರಕ್ಷಿಸಿದ್ದಾರೆ. ಈ ಘಟನೆಯ ವಿಡಿಯೋ ಈಗ ಇಂಟರ್ನೆಟ್ನಲ್ಲಿ ವೈರಲ್ ಆಗಿದ್ದು, ಪೊಲೀಸ್ ಅಧಿಕಾರಿಯ ಕಾರ್ಯಕ್ಕೆ ಜಗತ್ತಿನಾದ್ಯಂತ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
Viral Video – ಅಸಲಿಗೆ ಆಗಿದ್ದೇನು?
ನ್ಯೂಯಾರ್ಕ್ ಪೊಲೀಸ್ ಇಲಾಖೆಯ (NYPD) ಡಿಟೆಕ್ಟಿವ್ ಫಸ್ಟ್ ಗ್ರೇಡ್ ಆಗಿರುವ ಮೈಕೆಲ್ ಗ್ರೀನಿ (Michael Greene) ಅವರು ತಮ್ಮ ಪಾಡಿಗೆ ತಾವು ಕೆಲಸಕ್ಕೆ ಹೋಗುತ್ತಿದ್ದರು. ರಸ್ತೆಯಲ್ಲಿ ಫುಲ್ ಟ್ರಾಫಿಕ್ ಇತ್ತು. ಈ ಸಮಯದಲ್ಲಿ ಕಪ್ಪು ಬಣ್ಣದ BMW ಕಾರೊಂದು ಎಮರ್ಜೆನ್ಸಿ ಶೋಲ್ಡರ್ ಲೇನ್ನಲ್ಲಿ (ತುರ್ತು ಮಾರ್ಗದಲ್ಲಿ) ವೇಗವಾಗಿ ಚಲಿಸುತ್ತಿರುವುದನ್ನು ಗ್ರೀನಿ ಗಮನಿಸಿದರು. ಏನೋ ಅವಘಡ ಸಂಭವಿಸಿದೆ ಎಂದು ತಕ್ಷಣ ಅರ್ಥಮಾಡಿಕೊಂಡ ಗ್ರೀನಿ, ಕೂಡಲೇ ತಮ್ಮ ಕಾರಿನ ಲೈಟ್ ಆನ್ ಮಾಡಿ ಆ ವೇಗವಾಗಿ ಹೋಗುತ್ತಿದ್ದ ಕಾರನ್ನು ತಡೆದರು.
Viral Video – ಮಗುವಿನ ಪ್ರಾಣ ಉಳಿಸಿದ ‘ರಿಯಲ್ ಹೀರೋ’
ಕಾರು ನಿಲ್ಲಿಸಿದ ತಕ್ಷಣ, ಒಳಗಿದ್ದ ತಂದೆ ಗಾಬರಿಯಿಂದ “ನನ್ನ ಮಗು ಉಸಿರಾಡಲು ಕಷ್ಟಪಡುತ್ತಿದೆ, ಮಗು ಉಸಿರುಗಟ್ಟಿಕೊಂಡಿದೆ” ಎಂದು ಜೋರಾಗಿ ಕಿರುಚಿದರು. ಆ ತಂದೆಯ ಆಕ್ರಂದನ ಕೇಳಿದ ತಕ್ಷಣ, ಕ್ಷಣವೂ ತಡಮಾಡದ ಡಿಟೆಕ್ಟಿವ್ ಗ್ರೀನಿ, ಕಾರಿನಿಂದ ಕೆಳಗೆ ಹಾರಿ ಆ ಪುಟ್ಟ ಮಗುವನ್ನು ಹೊರಗೆ ತೆಗೆದರು. Read this also : ಇಟಲಿಯಲ್ಲಿ (Italy) ಭಾರತೀಯ ಯೂಟ್ಯೂಬರ್ ಗೆ ಲೈಂಗಿಕ ಕಿರುಕುಳ! ಲಿಫ್ಟ್ ಕೇಳಿದ್ದಕ್ಕೆ ಚಾಲಕನ ಅಸಭ್ಯ ವರ್ತನೆ; ವಿಡಿಯೋ ವೈರಲ್
ಈಗ ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ, ಗ್ರೀನಿ ಅವರು ಮಗುವನ್ನು ತಮ್ಮ ಕೈಯಲ್ಲಿ ಹಿಡಿದು, ಅದರ ಬೆನ್ನಿನ ಮೇಲೆ ಮೆಲ್ಲಗೆ ತಟ್ಟುತ್ತಿರುವುದನ್ನು ಕಾಣಬಹುದು. ಹೀಗೆ ಮಾಡುವುದರಿಂದ ಮಗುವಿನ ಗಂಟಲಿನಲ್ಲಿ ಸಿಲುಕಿದ್ದ ಅಡಚಣೆ ನಿವಾರಣೆಯಾಗಿ, ಮಗು ಮತ್ತೆ ಸರಾಗವಾಗಿ ಉಸಿರಾಡಲು ಶುರುಮಾಡಿತು.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
Viral Video – 17 ವರ್ಷಗಳ ಅನುಭವ ಕೈಹಿಡಿಯಿತು!
ಮಗು ಚೇತರಿಸಿಕೊಂಡ ನಂತರ ಆ ತಂದೆ ನಿಟ್ಟುಸಿರು ಬಿಟ್ಟರು ಮತ್ತು “ನನ್ನ ಮಗಳು ಈಗ ಚೆನ್ನಾಗಿದ್ದಾಳೆ” ಎಂದು ಪೊಲೀಸರಿಗೆ ತಿಳಿಸಿದರು. ಮೈಕೆಲ್ ಗ್ರೀನಿ ಅವರು NYPD ಯಲ್ಲಿ ಕಳೆದ 17 ವರ್ಷಗಳಿಂದ ಸೇವೆ ಸಲ್ಲಿಸುತ್ತಿದ್ದಾರೆ. ಅವರ ಈ ಅಪಾರ ಅನುಭವ ಮತ್ತು ಸಮಯಪ್ರಜ್ಞೆ ಇಂದು ಒಂದು ಪುಟ್ಟ ಜೀವವನ್ನು ಉಳಿಸಿದೆ. ನೆಟ್ಟಿಗರು ಗ್ರೀನಿ ಅವರ ಈ ಕಾರ್ಯವನ್ನು ಮುಕ್ತಕಂಠದಿಂದ ಶ್ಲಾಘಿಸುತ್ತಿದ್ದಾರೆ. “ದೇವರು ಎಲ್ಲ ಕಡೆ ಇರಲು ಸಾಧ್ಯವಿಲ್ಲ, ಅದಕ್ಕೇ ಇಂತಹ ಪೊಲೀಸ್ ಅಧಿಕಾರಿಗಳ ರೂಪದಲ್ಲಿ ಬರುತ್ತಾನೆ,” ಎಂದು ಹಲವರು ಕಮೆಂಟ್ ಮಾಡುತ್ತಿದ್ದಾರೆ.