Video – ನಮ್ಮ ದೇಶದಲ್ಲಿ ಹಸುವನ್ನು ಸಾಮಾನ್ಯವಾಗಿ ಗೋಮಾತೆ ಎಂದು ಪೂಜಿಸುತ್ತಾರೆ. ಆದರೆ, ಕೆಲವೊಮ್ಮೆ ಅವು ಅಪಾಯದಲ್ಲಿರುವಾಗಲೂ ನಿರ್ಲಕ್ಷ್ಯ ವಹಿಸಿ ಮುಂದೆ ಹೋಗುವವರೇ ಹೆಚ್ಚು. ಆದರೆ ಇಲ್ಲೊಬ್ಬ ಆಸ್ಟ್ರೇಲಿಯಾದ ಯುವಕ ನಮ್ಮ ದೇಶದವನಲ್ಲ, ನಮ್ಮ ಧರ್ಮದವನೂ ಅಲ್ಲ, ಆದರೂ ಕೂಡ ಅಪಾಯದಲ್ಲಿದ್ದ ಗೋಮಾತೆಯನ್ನು ರಕ್ಷಿಸಿ ಮಾನವೀಯತೆ ಮೆರೆದಿದ್ದಾನೆ. ಈ ಘಟನೆಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದೆ.
Video – ಭಾರತ ಪ್ರವಾಸದ ವೇಳೆ ನಡೆದ ಘಟನೆ
ಭಾರತ ಪ್ರವಾಸಕ್ಕೆ ಬಂದಿದ್ದ ಆಸ್ಟ್ರೇಲಿಯಾದ ಈ ಪ್ರವಾಸಿಗ ತಾನು ಕಂಡ ದೃಶ್ಯವೊಂದರಿಂದ ಅಘಾತಗೊಂಡನು. ಒಂದು ಸಣ್ಣ ಕಾಲುವೆಯಲ್ಲಿ ಪಾಪ ಒಂದು ಹಸು ಬಿದ್ದಿತ್ತು. ಅದರ ಹಿಂಭಾಗ ಕಾಲುವೆಯಲ್ಲಿ ಸಿಕ್ಕಿಹಾಕಿಕೊಂಡಿತ್ತು. ಆ ಕಾರಣದಿಂದ ಹಸು ಹೊರಬರಲು ಸಾಧ್ಯವಾಗದೆ ನರಳುತ್ತಿತ್ತು. ಇದನ್ನು ನೋಡಿದ ಪ್ರವಾಸಿಗ ತಕ್ಷಣವೇ ಸ್ಪಂದಿಸಿ, ಮತ್ತೊಬ್ಬ ವ್ಯಕ್ತಿಯ ಸಹಾಯದಿಂದ ಹಸುವನ್ನು ರಕ್ಷಿಸಿದ್ದಾನೆ. Read this also : ರಸ್ತೆ ಮಧ್ಯೆ ದಾರಿ ತಪ್ಪಿ ಬಂದ ಬೃಹತ್ ಹೆಬ್ಬಾವನ್ನು ರಕ್ಷಿಸಿದ ಬೈಕರ್ : ವಿಡಿಯೋ ವೈರಲ್..!
Video – ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಶಂಸೆ
ಹಸುವನ್ನು ಕಾಲುವೆಯಿಂದ ಹೊರಗೆ ತರುವಾಗ ಆಸ್ಟ್ರೇಲಿಯಾದ ಯುವಕನ ಬೆರಳಿಗೆ ಗಾಯವಾಯಿತು. ಆದರೂ ಆತ ಗಾಯವನ್ನು ಲೆಕ್ಕಿಸದೆ, ಮೂಕಪ್ರಾಣಿಯೊಂದನ್ನು ರಕ್ಷಿಸಿದ ಸಂತೋಷದಲ್ಲಿ ಇದ್ದನು. ಈ ವಿಡಿಯೋವನ್ನು ಯುವಕನೇ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾನೆ. ಈ ಮಾನವೀಯ ಕಾರ್ಯಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಎಲ್ಲರೂ ಪ್ರಶಂಸಿಸುತ್ತಿದ್ದಾರೆ. ಪ್ರಾಣಿಗಳ ಮೇಲಿನ ಅವನ ಪ್ರೀತಿಗೆ ಮತ್ತು ತಾನು ಮಾಡಿದ ಕಾರ್ಯಕ್ಕೆ ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಈ ವಿಡಿಯೋವು ಅನೇಕರಿಗೆ ಪ್ರೇರಣೆಯಾಗಿದೆ.
Video – ವೈರಲ್ ಆದ ವಿಡಿಯೋ
ಈ ಘಟನೆಯ ವಿಡಿಯೋವನ್ನು ಯುವಕ ಸ್ವತಃ ತನ್ನ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಹಂಚಿಕೊಂಡಿದ್ದು, ಅದು ಕ್ಷಣಾರ್ಧದಲ್ಲಿ ವೈರಲ್ ಆಗಿದೆ. ನೆಟ್ಟಿಗರು ಆತನ ಮಾನವೀಯ ಕಾರ್ಯವನ್ನು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ. ‘ನಮ್ಮ ದೇಶದವರಲ್ಲದಿದ್ದರೂ, ಪ್ರಾಣಿಯ ಮೇಲಿನ ಪ್ರೀತಿ ಮೆರೆದ ಈ ವ್ಯಕ್ತಿ ನಿಜವಾದ ಹೀರೋ,’ ಎಂದು ಹಲವರು ಕಾಮೆಂಟ್ ಮಾಡಿದ್ದಾರೆ. ಈ ಘಟನೆ ಭಾರತೀಯರಲ್ಲಿ ಗೋವಿನ ಬಗ್ಗೆ ಇರುವ ಗೌರವವನ್ನು ಮತ್ತೊಮ್ಮೆ ನೆನಪಿಸಿದೆ.