Thug life – ನಟ ಕಮಲ್ ಹಾಸನ್ ಅವರ ಬಹುನಿರೀಕ್ಷಿತ “ಥಗ್ ಲೈಫ್” ಸಿನಿಮಾ (Thug Life Movie) ದೊಡ್ಡ ಮಟ್ಟದ ಸಕ್ಸಸ್ ಆಗಲಿದೆ ಎಂದು ಹೇಳಲಾಗಿತ್ತು. ಆದರೆ, ತಮಿಳುನಾಡಿನಲ್ಲಿ ಶುಕ್ರವಾರ ಬಿಡುಗಡೆಯಾದ ಈ ಚಿತ್ರಕ್ಕೆ ತಮಿಳಿಗರಿಂದಲೇ ಭಾರಿ ಛೀಮಾರಿ ಸಿಗುತ್ತಿದೆ. ಕನ್ನಡಿಗರಿಂದ ತೀವ್ರ ಆಕ್ರೋಶಕ್ಕೆ ಗುರಿಯಾಗಿದ್ದ ಕಮಲ್ ಹಾಸನ್ (Kamal Haasan) ಈಗ ತಮಿಳುನಾಡಿನಲ್ಲೂ ಟ್ರೋಲ್ ಆಗುತ್ತಿದ್ದಾರೆ.
Thug life – ಥಗ್ ಲೈಫ್ ಕಥೆಯೇನು? ಆರಂಭದಲ್ಲೇ ಹಿನ್ನಡೆ!
ಸಿನಿಮಾ ತಂಡ “ಥಗ್ ಲೈಫ್” (Thug Life) ಒಂದು ಮಾಸ್ ಸಿನಿಮಾ (Mass Movie) ಎಂದು ಬಿಂಬಿಸಿತ್ತು. ಆದರೆ, ಬಿಡುಗಡೆಯಾದ ಮೊದಲ ದಿನವೇ ತಮಿಳುನಾಡಿನ ಪ್ರೇಕ್ಷಕರಿಂದ ನಕಾರಾತ್ಮಕ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಒಂದು ಪೋಸ್ಟ್ ಹೀಗಿದೆ: “ಥಗ್ ಲೈಫ್ ಸಿನಿಮಾದ ಮೊದಲಾರ್ಧವನ್ನು ಇನ್ನಷ್ಟು ಉತ್ತಮವಾಗಿ ಮಾಡಬಹುದಿತ್ತು. ಸೆಕೆಂಡ್ ಹಾಫ್ ಮಾಡದೇ ಇದ್ದರೆ ಇನ್ನೂ ಚೆನ್ನಾಗಿತ್ತು.” ಈ ಪೋಸ್ಟ್ ವೈರಲ್ (Viral Post) ಆಗಿದ್ದು, ಇದನ್ನು ನೋಡಿ ಕನ್ನಡಿಗರೂ ನಗುತ್ತಿದ್ದಾರೆ.
Thug life – ವಿವಾದಗಳ ಸುಳಿಯಲ್ಲಿ ಕಮಲ್ ಹಾಸನ್
ಕಮಲ್ ಹಾಸನ್ ಅವರು ಕನ್ನಡ ಭಾಷೆ ತಮಿಳಿನಿಂದ ಹುಟ್ಟಿದೆ ಎಂದು ಹೇಳಿ ದೊಡ್ಡ ವಿವಾದವನ್ನು ಮೈಮೇಲೆ ಎಳೆದುಕೊಂಡಿದ್ದರು. ಕನ್ನಡಿಗರಿಂದ ಭಾರೀ ಆಕ್ರೋಶ ವ್ಯಕ್ತವಾದರೂ, ಅವರು ಕ್ಷಮೆ ಕೇಳಿರಲಿಲ್ಲ. ಹೈಕೋರ್ಟ್ ಕ್ಷಮೆ ಕೇಳುವಂತೆ ಸೂಚಿಸಿದ ಮೇಲೂ ಅವರು ಮೌನವಾಗಿದ್ದರು. ಈ ಸಿನಿಮಾ ಕರ್ನಾಟಕದಲ್ಲಿ ಬಿಡುಗಡೆಯಾಗಿಲ್ಲ. ತಮಿಳುನಾಡಿನಲ್ಲಿ (Tamil Nadu) ಬಿಡುಗಡೆ ಮಾಡಿ ಭರ್ಜರಿ ಲಾಭ ಮಾಡಿಕೊಳ್ಳುವ ಕಮಲ್ ಹಾಸನ್ ಅವರ ಲೆಕ್ಕಾಚಾರ ತಲೆಕೆಳಗಾಗಿದೆ ಎನ್ನಲಾಗುತ್ತಿದೆ.
Thug life – ಮೊದಲು ತಮಿಳುನಾಡಿನ ಜನರ ಬಳಿ ಕ್ಷಮೆ ಕೇಳಲಿ!
“ಥಗ್ ಲೈಫ್” ಸಿನಿಮಾ ಕುರಿತಾಗಿ ಮತ್ತೊಂದು ಟ್ರೋಲ್ (Troll) ವೈರಲ್ ಆಗಿದೆ. ಕಮಲ್ ಹಾಸನ್ ಅವರು ಕನ್ನಡಿಗರ ಕ್ಷಮೆ ಕೇಳುವುದಕ್ಕಿಂತ ಮೊದಲು, ಇಂತಹ ಕೆಟ್ಟ ಸಿನಿಮಾ (Bad Movie) ಮಾಡಿದ್ದಕ್ಕಾಗಿ ತಮಿಳಿಗರ ಬಳಿ ಕ್ಷಮೆ ಕೇಳಬೇಕು ಎಂದು ಹೇಳಲಾಗುತ್ತಿದೆ. ಈ ಪೋಸ್ಟ್ ಕೂಡಾ ಸಾಕಷ್ಟು ವೈರಲ್ ಆಗಿದೆ.
ಅತ್ಯಂತ ಕೆಟ್ಟ ಸಿನಿಮಾ ಎಂಬ ವಿಮರ್ಶೆ!
ಕಮಲ್ ಹಾಸನ್ ಅವರ ಸಿನಿಮಾಗಳು ಸೋಲುವುದು ಅಥವಾ ಟೀಕೆಗೆ ಗುರಿಯಾಗುವುದು ಇದೇ ಮೊದಲಲ್ಲ. ಆದರೆ, “ಥಗ್ ಲೈಫ್” ಸಿನಿಮಾಕ್ಕೆ “ಅತ್ಯಂತ ಕೆಟ್ಟ ಸಿನಿಮಾ” ಎಂಬ ವಿಮರ್ಶೆ (Movie Review) ಬರುತ್ತಿರುವುದು ಗಮನಾರ್ಹ. ಶುಕ್ರವಾರ ಸಿನಿಮಾ ಬಿಡುಗಡೆಯಾದ ಮೇಲೆ ತಮಿಳಿಗರಿಂದಲೇ ವ್ಯಾಪಕ ಟೀಕೆ ವ್ಯಕ್ತವಾಗುತ್ತಿದೆ.
ಇದೇ ರೀತಿ ವೈರಲ್ ಆಗಿರುವ ಒಂದು ಪೋಸ್ಟ್ ಅನ್ನು ಇಲ್ಲಿ ನೋಡಬಹುದು: Click Here
ಹಳೆಯ ಫ್ಲಾಪ್ ಮೂವಿಗಳೇ ಉತ್ತಮ!
ಸಾಮಾಜಿಕ ಮಾಧ್ಯಮ ‘ಎಕ್ಸ್’ (Social Media X) ನಲ್ಲಿ “ಥಗ್ ಲೈಫ್” (Thug Life) ಸಿನಿಮಾಗಿಂತ ಕಮಲ್ ಹಾಸನ್ ಅವರ ಹಿಂದೆ ಫ್ಲಾಪ್ ಆಗಿದ್ದ ಸಿನಿಮಾಗಳೇ ಉತ್ತಮ ಎಂದು ಜನರು ಪೋಸ್ಟ್ ಮಾಡುತ್ತಿದ್ದಾರೆ. “Kanguva was better than this” ಮತ್ತು “Indian2 was better than this” ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಈ ಎರಡೂ ತಮಿಳು ಸಿನಿಮಾಗಳು (Tamil Movies) ಕೂಡಾ ಸೋಲಿನ ರುಚಿ ಕಂಡಿದ್ದವು.
Read this also : ಥಗ್ ಲೈಫ್’ ಬಿಡುಗಡೆಗೆ ಬ್ರೇಕ್? ಕರ್ನಾಟಕದಲ್ಲಿ ವಿರೋಧ, ತಮಿಳುನಾಡಿನಲ್ಲಿ ಕಮಲ್ ವಿಶೇಷ ಮನವಿ..!
ಈಗ ಸಿನಿಮಾ ಅಭಿಮಾನಿಗಳು “ಥಗ್ ಲೈಫ್” ಗಿಂತ ಆ ಸಿನಿಮಾಗಳೇ ಎಷ್ಟೋ ಚೆನ್ನಾಗಿದ್ದವು ಎಂದು ಕಮಲ್ ಹಾಸನ್ ಕಾಲೆಳೆಯುತ್ತಿದ್ದಾರೆ. ಭಾರೀ ಸಕ್ಸಸ್ ನಿರೀಕ್ಷೆಯಲ್ಲಿದ್ದ ಕಮಲ್ ಹಾಸನ್ ಅವರ “Indian2” ಸಿನಿಮಾ ಕೂಡಾ ಫ್ಲಾಪ್ ಆಗಿತ್ತು. ಈ ವೈರಲ್ ಪೋಸ್ಟ್‌ಗಳನ್ನು ನೋಡಿ, “ಈ ಸಿನಿಮಾ ಇಲ್ಲಿ ಬಿಡುಗಡೆ ಆಗದೇ ಇರುವುದೇ ಒಳ್ಳೆಯದು” ಎಂದು ಕನ್ನಡಿಗರು ಕಿಚಾಯಿಸುತ್ತಿದ್ದಾರೆ.