ಕೆಲವೊಮ್ಮೆ ಸಿನಿಮಾ ದೃಶ್ಯಗಳನ್ನೂ ಮೀರಿಸುವಂತಹ ರೋಮಾಂಚನಕಾರಿ ಘಟನೆಗಳು ನಮ್ಮ ಕಣ್ಣೆದುರೇ ನಡೆದುಬಿಡುತ್ತವೆ. ಇತ್ತೀಚೆಗೆ ಗುಜರಾತ್ನ ಸೂರತ್ನಲ್ಲಿ ಇಂತಹುದೇ ಒಂದು ಎದೆಬಡಿತ ಹೆಚ್ಚಿಸುವ ಘಟನೆ ನಡೆದಿದೆ. 7ನೇ ಮಹಡಿಯ ಫ್ಲ್ಯಾಟ್ನಲ್ಲಿ ಆತ್ಮ**ತ್ಯೆಗೆ ಯತ್ನಿಸುತ್ತಿದ್ದ ವ್ಯಕ್ತಿಯೊಬ್ಬನನ್ನು (Surat Police Rescue) ಸೂರತ್ ನಗರದ ಪೊಲೀಸ್ ಪೇದೆಯೊಬ್ಬರು ತಮ್ಮ ಪ್ರಾಣವನ್ನೇ ಪಣಕ್ಕಿಟ್ಟು ರಕ್ಷಿಸಿದ್ದಾರೆ. ಸದ್ಯ ಈ ಧೈರ್ಯಶಾಲಿ ರಕ್ಷಣಾ ಕಾರ್ಯಾಚರಣೆಯ ವಿಡಿಯೋ (Video Link Here) ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಇಡೀ ದೇಶವೇ ಈ ‘ಖಾಕಿ’ ಹೀರೋಗೆ ಸಲಾಂ ಎನ್ನುತ್ತಿದೆ.
Surat Police Rescue – ಪತಿಯ ಜೀವ ಉಳಿಸಲು ಬಂದ ತುರ್ತು ಕರೆ!
ಜೂನ್ 8 ರಂದು ಸೂರತ್ನ ಲಸ್ಕಾನಾ ಪ್ರದೇಶದಲ್ಲಿ ಈ ಆತಂಕದ ಕ್ಷಣಗಳು ಎದುರಾಗಿದ್ದವು. ಮಹಿಳೆಯೊಬ್ಬರು ಸೂರತ್ ನಗರ ಪೊಲೀಸ್ ನಿಯಂತ್ರಣ ಕೊಠಡಿಗೆ (Control Room) ಅತ್ಯಂತ ಆತಂಕದಿಂದ ಕರೆ ಮಾಡಿದ್ದರು. “ನನ್ನ ಪತಿ ಮನೆಯೊಳಗೆ ಬೀಗ ಹಾಕಿಕೊಂಡು ಆತ್ಮಹತ್ಯೆಗೆ ಯತ್ನಿಸುತ್ತಿದ್ದಾರೆ, ಹೇಗಾದರೂ ಮಾಡಿ ಅವರನ್ನು ಉಳಿಸಿಕೊಡಿ” ಎಂದು ಕಣ್ಣೀರಿಡುತ್ತಾ ಸಹಾಯ ಬೇಡಿದ್ದರು. ಪತಿ ಈಗಾಗಲೇ ಯಾವುದೋ ವಿಷಕಾರಿ ಪದಾರ್ಥ ಸೇವಿಸಿದ್ದು, ಪರಿಸ್ಥಿತಿ ಗಂಭೀರವಾಗಿದೆ ಎಂಬ ವಿಷಯ ತಿಳಿಯುತ್ತಿದ್ದಂತೆ ಪೊಲೀಸರು ತಕ್ಷಣ ಅಲರ್ಟ್ ಆಗಿ ರಕ್ಷಣೆಗೆ ಧಾವಿಸಿದರು.
ಕ್ಷಣಾರ್ಧದಲ್ಲಿ ಧಾವಿಸಿದ ‘ಡಯಲ್ 112’ ತಂಡ
ಕರೆ ಬಂದ ಕೆಲವೇ ನಿಮಿಷಗಳಲ್ಲಿ ಲಸ್ಕಾನಾ ಪೊಲೀಸ್ ಠಾಣೆಯ ‘ಡಯಲ್ 112’ ತುರ್ತು ಸ್ಪಂದನಾ ತಂಡ, ಅಗ್ನಿಶಾಮಕ ದಳ ಮತ್ತು ಆಂಬ್ಯುಲೆನ್ಸ್ನೊಂದಿಗೆ ಸ್ಥಳಕ್ಕೆ ಧಾವಿಸಿತು. ಆದರೆ, ಪೊಲೀಸರು ಅಲ್ಲಿಗೆ ತಲುಪಿದಾಗ ಎದುರಾಗಿದ್ದು ದೊಡ್ಡ ಸವಾಲು. (Surat Police Rescue) ಆ ಅಪಾರ್ಟ್ಮೆಂಟ್ನ 7ನೇ ಮಹಡಿಯ ಫ್ಲ್ಯಾಟ್ನ ಬಾಗಿಲನ್ನು ಒಳಗಿನಿಂದ ಗಟ್ಟಿಯಾಗಿ ಲಾಕ್ ಮಾಡಲಾಗಿತ್ತು. ಪ್ರತಿಯೊಂದು ಸೆಕೆಂಡೂ ಆ ವ್ಯಕ್ತಿಯ ಜೀವದಷ್ಟೇ ಅಮೂಲ್ಯವಾಗಿತ್ತು. ಬಾಗಿಲು ಮುರಿದು ಒಳಗೆ ಹೋಗಲು ಸಮಯ ಹಿಡಿಯುತ್ತದೆ ಎಂದು ಅರಿತ ಪೊಲೀಸರು ಪರ್ಯಾಯ ದಾರಿಯ ಹುಡುಕಾಟದಲ್ಲಿದ್ದರು. Read this also : ಬಾವಿಗೆ ಬಿದ್ದ ಚಿರತೆಯ ರಕ್ಷಣೆ: ಗುಜರಾತ್ನ ಭಾವನಗರದಲ್ಲಿ ಅರಣ್ಯ ಇಲಾಖೆಯಿಂದ ಸಾಹಸಮಯ ಕಾರ್ಯಾಚರಣೆ!
ಜೀವದ ಹಂಗು ತೊರೆದು 7ನೇ ಮಹಡಿಯ ಕಿಟಕಿ ಗ್ರಿಲ್ ಏರಿದ ಕಾನ್ಸ್ಟೇಬಲ್!
ಯಾವುದೇ ದಾರಿ ಕಾಣದಿದ್ದಾಗ ಪೊಲೀಸ್ ಕಾನ್ಸ್ಟೇಬಲ್ ಶೈಲೇಶ್ ಚುಡಾಸಮಾ ಮತ್ತು ಚಾಲಕ ಕೃಪಾಲ್ ಸಿಂಗ್ ಗೋಹಿಲ್ ತಕ್ಷಣವೇ ಒಂದು ಯೋಚನೆ ಮಾಡಿದರು. ಪಕ್ಕದ ಮನೆಯವರ ಸಹಾಯ (Surat Police Rescue) ಪಡೆದು, ಅವರ ಕಿಟಕಿಯ ಮೂಲಕ ಹೊರಬರಲು ನಿರ್ಧರಿಸಿದರು. ಯಾವುದೇ ಸುರಕ್ಷತಾ ಸಾಧನಗಳಿಲ್ಲದೆ, ಬರೀ ಕೈಯಲ್ಲಿ 7ನೇ ಮಹಡಿಯ ಕಟ್ಟಡದ ಹೊರಭಾಗದ ಸೇಫ್ಟಿ ಗ್ರಿಲ್ (ಕಬ್ಬಿಣದ ಕಂಬಿಗಳನ್ನು) ಹಿಡಿದುಕೊಂಡು ಶೈಲೇಶ್ ಅತ್ಯಂತ ಜಾಗರೂಕತೆಯಿಂದ ಪಕ್ಕದ ಫ್ಲ್ಯಾಟ್ಗೆ ತೆರಳಿದರು. ಕೆಳಗೆ ನೋಡಿದರೆ ಕಣ್ಣು ತಿರುಗುವಂತಹ ಎತ್ತರ! ಆದರೆ ಶೈಲೇಶ್ ಮನಸ್ಸಿನಲ್ಲಿ ಇದ್ದದ್ದು ಒಂದೇ ಗುರಿ – ಆ ಜೀವವನ್ನು ಉಳಿಸುವುದು. ಕೊನೆಗೂ ಕಿಟಕಿಯ ಮೂಲಕ ಫ್ಲ್ಯಾಟ್ನೊಳಗೆ ಪ್ರವೇಶಿಸುವಲ್ಲಿ ಅವರು ಯಶಸ್ವಿಯಾದರು.
ಸಾಹಸಿ ಪೊಲೀಸ್ ಶೈಲೇಶ್ ಅವರ ಹೇಳಿದ್ದು: “ಬಾಗಿಲು ಒಳಗಿನಿಂದ ಲಾಕ್ ಆಗಿತ್ತು. ನಾನು ಹೇಗೋ ಕಿಟಕಿಯಿಂದ ಒಳನುಗ್ಗಿ ಬಾಗಿಲು ತೆರೆದೆ. ಅಷ್ಟರಲ್ಲೇ ಆ ವ್ಯಕ್ತಿ ವಿಷ ಸೇವಿಸಿ ವಾಂತಿ ಮಾಡಿಕೊಳ್ಳುತ್ತಿದ್ದ. ನಾನು ತಕ್ಷಣ ಆತನನ್ನು ಹಿಡಿದು ತಡೆದು, ಆತನ ಬಳಿಯಿದ್ದ ಇನ್ನುಳಿದ ವಿಷದ ಬಾಟಲಿಯನ್ನು ಕಿತ್ತುಕೊಂಡೆ.” ಎಂದು ಹೇಳಿದ್ದಾರೆ.
ಆಂಬ್ಯುಲೆನ್ಸ್ಗೆ ಕಾಯದೆ ಆಸ್ಪತ್ರೆಗೆ ಓಟ: ಸಮಯ ಪ್ರಜ್ಞೆಗೆ ಮೆಚ್ಚುಗೆ
ಅಪಾಯದಿಂದ ವ್ಯಕ್ತಿಯನ್ನು ರಕ್ಷಿಸಿದ ಮೇಲೆಯೂ (Surat Police Rescue) ಪೊಲೀಸರ ಸವಾಲು ಮುಗಿಯಲಿಲ್ಲ. ಆತನ ಸ್ಥಿತಿ ತೀರಾ ಹದಗೆಡುತ್ತಿತ್ತು. ಕೆಳಗೆ ಆಂಬ್ಯುಲೆನ್ಸ್ ಇತ್ತಾದರೂ, ಟ್ರಾಫಿಕ್ ಕಷ್ಟವಾಗಬಹುದು ಎಂದು ಯೋಚಿಸಿದ ಪೊಲೀಸರು ಸಮಯ ವ್ಯರ್ಥ ಮಾಡದೆ ಆತನನ್ನು ತಾವೇ ಹೊತ್ತುಕೊಂಡು ಕೆಳಗೆ ತಂದರು. ಬಳಿಕ ತಕ್ಷಣವೇ ಕಾಮ್ರೇಜ್ನಲ್ಲಿರುವ ಆಸ್ಪತ್ರೆಗೆ ಕೊಂಡೊಯ್ಯಲು ನಿರ್ಧರಿಸಿದರು. ಅದೃಷ್ಟವಶಾತ್ ಹಾದಿಯಲ್ಲೇ ಆಂಬ್ಯುಲೆನ್ಸ್ ಸಿಕ್ಕಿದ್ದರಿಂದ, ತಕ್ಷಣವೇ ಆತನನ್ನು ಅದಕ್ಕೆ ಶಿಫ್ಟ್ ಮಾಡಿ ತುರ್ತು ಚಿಕಿತ್ಸೆ ಕೊಡಿಸಲಾಯಿತು. ಸದ್ಯ ವಜ್ರದ ಕಟಿಂಗ್ ಮತ್ತು ಪಾಲಿಶಿಂಗ್ ಕಾರ್ಖಾನೆಯಲ್ಲಿ ಕೆಲಸ ಮಾಡುವ ಈ ವ್ಯಕ್ತಿ ಪ್ರಾಣಾಪಾಯದಿಂದ ಪಾರಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.