ಸಾಮಾಜಿಕ ಜಾಲತಾಣಗಳಲ್ಲಿ ನಿತ್ಯವೂ ನೂರಾರು ವಿಡಿಯೋಗಳು ಕಣ್ಣಿಗೆ ಬೀಳುತ್ತವೆ. ಆದರೆ ಕೆಲವು ವಿಡಿಯೋಗಳನ್ನು ನೋಡಿದಾಗ “ಛೆ! ಮನುಷ್ಯರಾದವರಿಗೆ ಇಷ್ಟೊಂದು ಕ್ರೌರ್ಯ ಇರಬೇಕಾ?” ಅನಿಸುವುದು ಸುಳ್ಳಲ್ಲ. ಅಂತಹದ್ದೇ ಒಂದು ಘೋರ ಘಟನೆ ಉತ್ತರ ಪ್ರದೇಶದ ರಾಯ್ಬರೇಲಿಯಲ್ಲಿ (Raebareli Hospital Incident) ನಡೆದಿದ್ದು, ಸದ್ಯ ಇಡೀ ದೇಶಾದ್ಯಂತ ಸಾರ್ವಜನಿಕರ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ.
Raebareli Hospital Incident – ಆಸ್ಪತ್ರೆ ಆವರಣದಲ್ಲೇ ಅಮಾನವೀಯ ಕೃತ್ಯ: ಅಸಲಿ ಕಥೆ ಏನು?
ಉತ್ತರ ಪ್ರದೇಶದ ರಾಯ್ಬರೇಲಿ ಜಿಲ್ಲಾ ಸರ್ಕಾರಿ ಆಸ್ಪತ್ರೆಯ ಆವರಣದಲ್ಲಿ ಮಾನಸಿಕವಾಗಿ ಅಸ್ವಸ್ಥನಾಗಿದ್ದ ಯುವಕನೊಬ್ಬ ಅಸಹಾಯಕನಾಗಿ ನೆಲದ ಮೇಲೆ ಬಿದ್ದಿದ್ದ. ರೋಗಿಗಳಿಗೆ ನೆರವಾಗಬೇಕಾದ ಆಸ್ಪತ್ರೆಯ ಮಹಿಳಾ ವಾರ್ಡ್ ಗರ್ಲ್ ಒಬ್ಬಳು ಆತನ ಬಳಿ ಬಂದು ಅತಿ ಕ್ರೂರವಾಗಿ ವರ್ತಿಸಿದ್ದಾಳೆ.
ಮೊದಲು ಆತನಿಗೆ ಮನಬಂದಂತೆ ಬೈದ ಆಕೆ, ನಂತರ ಆ ಯುವಕನ ಮುಖ ಮತ್ತು ತಲೆಗೆ ಕಾಲಿನಿಂದ ಬಲವಾಗಿ ಒದ್ದಿದ್ದಾಳೆ. ಅಷ್ಟಕ್ಕೇ ನಿಲ್ಲದೆ, ತನ್ನ ಕೈಯಲ್ಲಿದ್ದ ಚಪ್ಪಲಿಯಿಂದ ಆತನಿಗೆ ಮನಬಂದಂತೆ ಥಳಿಸಿದ್ದಾಳೆ. ಈ ಇಡೀ ಘಟನೆ ಸದ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ವಿಡಿಯೋ ನೋಡಿದವರ ಕರಳು ಚುರುಕ್ ಎನ್ನುವಂತಿದೆ. ಈ ದೌರ್ಜನ್ಯ (Raebareli Hospital Incident) ನಡೆಯುತ್ತಿದ್ದಾಗ ಪಕ್ಕದಲ್ಲೇ ನಿಂತಿದ್ದ ಸೆಕ್ಯೂರಿಟಿ ಗಾರ್ಡ್, ಆಕೆಯನ್ನು ತಡೆಯುವ ಬದಲು ಸುಮ್ಮನೆ ನಿಂತು ತಮಾಷೆ ನೋಡುತ್ತಿದ್ದದ್ದು ಅಲ್ಲಿನ ಭದ್ರತಾ ವೈಫಲ್ಯ ಹಾಗೂ ಜವಾಬ್ದಾರಿತನಕ್ಕೆ ಹಿಡಿದ ಕೈಗನ್ನಡಿಯಾಗಿದೆ. Read this also : ಹುಳುಕು ಹಲ್ಲಿನ ಬದಲು ಆರೋಗ್ಯವಂತ ಹಲ್ಲು ಕಿತ್ತ ವೈದ್ಯೆ! ಅಜ್ಮೀರ್ನ ಜೆಎಲ್ಎನ್ ಆಸ್ಪತ್ರೆಯಲ್ಲಿ ಮಹಿಳೆಯ ಆಕ್ರೋಶ
ಇಂಟರ್ನೆಟ್ನಲ್ಲಿ ತೀವ್ರ ಆಕ್ರೋಶ: ರಂಗಕ್ಕಿಳಿದ ಡೆಪ್ಯುಟಿ ಸಿಎಂ!
ಯಾವಾಗ ಈ ವಿಡಿಯೋ (Video link here) ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಯಿತೋ, ನೆಟ್ಟಿಗರು ಆಸ್ಪತ್ರೆ ಸಿಬ್ಬಂದಿ ವಿರುದ್ಧ ಕಿಡಿಕಾರಿದ್ದಾರೆ. ವಿಷಯದ ಗಂಭೀರತೆಯನ್ನು ಅರಿತ ಉತ್ತರ ಪ್ರದೇಶದ ಉಪಮುಖ್ಯಮಂತ್ರಿ ಹಾಗೂ ಆರೋಗ್ಯ ಸಚಿವ ಬ್ರಜೇಶ್ ಪಾಠಕ್ ಅವರು ತಕ್ಷಣವೇ ಕಠಿಣ ಕ್ರಮಕ್ಕೆ ಆದೇಶಿಸಿದ್ದಾರೆ.
- ತಕ್ಷಣದ ಅಮಾನತು: ಡೆಪ್ಯುಟಿ ಸಿಎಂ ಆದೇಶದ ಮೇರೆಗೆ ಜಿಲ್ಲಾ (Raebareli Hospital Incident) ಆಸ್ಪತ್ರೆಯ ಮುಖ್ಯಸ್ಥರಾದ ಡಾ. ಪುಷ್ಪೇಂದ್ರ ಕುಮಾರ್ ಅವರು ಆರೋಪಿ ಮಹಿಳಾ ಸಿಬ್ಬಂದಿಯನ್ನು ಸೇವೆಯಿಂದ ತಕ್ಷಣವೇ ಅಮಾನತುಗೊಳಿಸಿದ್ದಾರೆ.
- ಕಾನೂನು ಕ್ರಮ: ಈ ಘಟನೆಯ ಕುರಿತು ಸಂಪೂರ್ಣ ತನಿಖೆ ನಡೆಸಿ, ತಪ್ಪಿತಸ್ಥರ ವಿರುದ್ಧ ಮುಂದಿನ ಕಠಿಣ ಕಾನೂನು ಕ್ರಮ ಜರುಗಿಸುವಂತೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ.
ವೈದ್ಯಕೀಯ ಲೋಕಕ್ಕೆ ಕಪ್ಪು ಚುಕ್ಕೆ!
ಆಸ್ಪತ್ರೆ ಎನ್ನುವುದು ರೋಗಿಗಳ ಪಾಲಿಗೆ ಜೀವ ನೀಡುವ ದೇವಸ್ಥಾನವಿದ್ದಂತೆ. ಅದರಲ್ಲೂ ಮಾನಸಿಕವಾಗಿ ಕುಗ್ಗಿರುವ ಹಾಗೂ ಅಸಹಾಯಕ ಸ್ಥಿತಿಯಲ್ಲಿರುವ ರೋಗಿಗಳೊಂದಿಗೆ ಅತ್ಯಂತ ಪ್ರೀತಿ ಮತ್ತು ತಾಳ್ಮೆಯಿಂದ (Raebareli Hospital Incident) ನಡೆದುಕೊಳ್ಳಬೇಕು. ಆದರೆ, ಇಂತಹ ಘಟನೆಗಳು ಇಡೀ ವೈದ್ಯಕೀಯ ವ್ಯವಸ್ಥೆಯ ಮೇಲಿದ್ದ ನಂಬಿಕೆಯನ್ನೇ ಹುಸಿಗೊಳಿಸುತ್ತವೆ. ಇಂತಹ ಕ್ರೂರಿಗಳಿಗೆ ಕಠಿಣ ಶಿಕ್ಷೆಯಾದರೆ ಮಾತ್ರ ಭವಿಷ್ಯದಲ್ಲಿ ಇಂತಹ ತಪ್ಪುಗಳು ಮರುಕಳಿಸುವುದಿಲ್ಲ ಎಂಬುದು ಸಾರ್ವಜನಿಕರ ಒತ್ತಾಯವಾಗಿದೆ.