ಪ್ರತಿ ತಿಂಗಳು ಗೃಹಲಕ್ಷ್ಮಿ ಯೋಜನೆಯ (Gruhalakshmi Scheme) ಎರಡು ಸಾವಿರ ರೂಪಾಯಿ ಹಣಕ್ಕಾಗಿ ಕಾಯುವ ರಾಜ್ಯದ ಹೆಣ್ಣುಮಕ್ಕಳಿಗೆ ಇಲ್ಲೊಂದು ಪ್ರಮುಖವಾದ ಅಲರ್ಟ್ ಇದೆ. ಹೌದು, ಸರ್ಕಾರ ಈಗ ಯೋಜನೆಯಲ್ಲಿ ಒಂದು ದೊಡ್ಡ ಬದಲಾವಣೆ ತಂದಿದೆ. ಇನ್ಮುಂದೆ ನೀವು ನಿಮ್ಮ ಬಯೋಮೆಟ್ರಿಕ್ (ಹೆಬ್ಬೆಟ್ಟಿನ ಗುರುತು) ನೀಡದಿದ್ದರೆ, ನಿಮ್ಮ ಖಾತೆಗೆ ಬರುತ್ತಿದ್ದ ಹಣ ಸದ್ದಿಲ್ಲದೆ ಕಟ್ ಆಗಲಿದೆ. ಹಾಗಾದರೆ ಸರ್ಕಾರ ತಂದಿರುವ ಆ ಹೊಸ ನಿಯಮವೇನು? ನೀವು ಏನು ಮಾಡಬೇಕು? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್.
Gruhalakshmi Scheme – ಏನಿದು ಸರ್ಕಾರದ ಹೊಸ ‘ಬಯೋಮೆಟ್ರಿಕ್’ ಪ್ಲಾನ್?
ಯೋಜನೆ ಶುರುವಾಗಿ ಹಲವು ತಿಂಗಳುಗಳಾಗಿವೆ. ಆದರೆ, ಇದರ ಮಧ್ಯೆ ಸರ್ಕಾರಕ್ಕೆ ಒಂದು ಶಾಕಿಂಗ್ ವಿಷಯ ಗೊತ್ತಾಗಿದೆ. ಅದೇನೆಂದರೆ, ರಾಜ್ಯದಲ್ಲಿ ಸುಮಾರು 2 ಲಕ್ಷಕ್ಕೂ ಹೆಚ್ಚು ಜನ ಮೃತಪಟ್ಟಿದ್ದರೂ, ಅವರ ಹೆಸರಿನಲ್ಲಿ ಗೃಹಲಕ್ಷ್ಮಿ ಹಣ ಡ್ರಾ ಆಗುತ್ತಿದೆ! ಇದರ ಜೊತೆಗೆ 50 ಸಾವಿರಕ್ಕೂ ಹೆಚ್ಚು ಆದಾಯ ತೆರಿಗೆ ಪಾವತಿದಾರರು (IT Payers) ಅನರ್ಹರಾಗಿದ್ದರೂ ಈ ಹಣ ಪಡೆಯುತ್ತಿದ್ದಾರೆ.
ಇದೇ ಕಾರಣಕ್ಕೆ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ಅವರು ಒಂದು ಕಟ್ಟುನಿಟ್ಟಿನ ಕ್ರಮಕ್ಕೆ ಮುಂದಾಗಿದ್ದಾರೆ. ಯೋಜನೆ ದುರ್ಬಳಕೆಯಾಗುವುದನ್ನು ತಡೆಯಲು ಮತ್ತು ಕೇವಲ ಅರ್ಹ ಮಹಿಳೆಯರಿಗೆ ಮಾತ್ರ ಈ 2,000 ರೂಪಾಯಿ ತಲುಪಲಿ ಎಂಬ ಕಾರಣಕ್ಕೆ ‘ಒನ್-ಟೈಮ್ ಬಯೋಮೆಟ್ರಿಕ್’ ವ್ಯವಸ್ಥೆಯನ್ನು ತರಲಾಗುತ್ತಿದೆ. Read this also : ಗೃಹಲಕ್ಷ್ಮಿ ಹಣ ಬಂದಿಲ್ಲವೇ? ಚಿಂತಿಸಬೇಡಿ, ಈಗಲೇ ಈ ವಿಧಾನದಲ್ಲಿ ಸ್ಟೇಟಸ್ ನೋಡಿ…!
ಮೊದಲು ಜೀವಿತ ಪ್ರಮಾಣಪತ್ರ ಅಂದಿದ್ದರು, ಈಗ ಯಾಕೆ ಬದಲಾಯ್ತು?
ನಿಜ ಹೇಳಬೇಕೆಂದರೆ, ಮೃತಪಟ್ಟವರ ಖಾತೆಗೆ ಹಣ ಹೋಗುವುದನ್ನು ತಡೆಯಲು ಸರ್ಕಾರ ಮೊದಲು “ಜೀವಿತ ಪ್ರಮಾಣಪತ್ರ” (Life Certificate) ಕೇಳಲು ಯೋಚಿಸಿತ್ತು. ಆದರೆ, ಜನಸಾಮಾನ್ಯರಿಂದ ಇದಕ್ಕೆ ತೀವ್ರ ವಿರೋಧ ವ್ಯಕ್ತವಾಯಿತು. ವಯಸ್ಸಾದ ತಾಯಂದಿರಿಗೆ ಇದರಿಂದ ತೊಂದರೆಯಾಗುತ್ತದೆ ಎಂದು ಅರಿತ ಸರ್ಕಾರ, ಆ ನಿಯಮ ಕೈಬಿಟ್ಟು ಈಗ ಸುಲಭವಾದ ‘ಬಯೋಮೆಟ್ರಿಕ್’ ಅಪ್ಡೇಟ್ ನಿಯಮ ತಂದಿದೆ.
ಯಾರಿಗೆಲ್ಲಾ ಇನ್ಮುಂದೆ ಗೃಹಲಕ್ಷ್ಮಿ ಹಣ ಸಿಗಲ್ಲ?
- ನೀವು ಬಿಪಿಎಲ್ ಕಾರ್ಡ್ ಹೊಂದಿದ್ದರೂ, ಒಂದು ವೇಳೆ ಆದಾಯ ತೆರಿಗೆ ಪಾವತಿಸುತ್ತಿದ್ದರೆ ನಿಮಗೆ ಹಣ ಸಿಗಲ್ಲ.
- ಈಗಾಗಲೇ ಇಲಾಖೆಯು ಇಂತಹ 2 ಲಕ್ಷಕ್ಕೂ ಅಧಿಕ ಬಿಪಿಎಲ್ ಕಾರ್ಡ್ಗಳನ್ನು ಎಪಿಎಲ್ಗೆ ಬದಲಾಯಿಸಿದೆ. ಇವರೆಲ್ಲರಿಗೂ ಗೃಹಲಕ್ಷ್ಮಿ ಯೋಜನೆ ಕಟ್ ಆಗಲಿದೆ.
- ಯಾರು ನಿಗದಿತ ಸಮಯದೊಳಗೆ ತಮ್ಮ ಬಯೋಮೆಟ್ರಿಕ್ ನವೀಕರಣ ಮಾಡುವುದಿಲ್ಲವೋ, ಅವರ ಖಾತೆಗಳು ಆಟೋಮ್ಯಾಟಿಕ್ ಆಗಿ ರದ್ದಾಗುತ್ತವೆ.
ನೀವು ಮಾಡಬೇಕಾಗಿರುವುದೇನು? (ಅಪ್ಡೇಟ್ ಪ್ರಕ್ರಿಯೆ ಇಲ್ಲಿದೆ)
ನಿಮ್ಮ ಖಾತೆಗೆ ಎಂದಿನಂತೆ ಹಣ ಬರಬೇಕು ಅಂದರೆ ನೀವು ಗಾಬರಿಯಾಗಬೇಕಿಲ್ಲ. ನಿಮ್ಮ ಹತ್ತಿರದ ಕೇಂದ್ರಕ್ಕೆ ಹೋಗಿ ಕೇವಲ ಒಂದು ಬಾರಿ ಈ ಕೆಲಸ ಮಾಡಿ:
- ನಿಮ್ಮ ಹತ್ತಿರದ ಬೆಂಗಳೂರು ಒನ್ ಅಥವಾ ಕರ್ನಾಟಕ ಒನ್ ಕೇಂದ್ರಕ್ಕೆ ಭೇಟಿ ನೀಡಿ.
- ನಿಮ್ಮ ಬಳಿ ಸದ್ಯ ಚಾಲ್ತಿಯಲ್ಲಿರುವ (Active) ಮೊಬೈಲ್ ಸಂಖ್ಯೆಯನ್ನು ಲಿಂಕ್ ಮಾಡಿಸಿ.
- ನಿಮ್ಮ ಬೆರಳಚ್ಚು (Biometric) ನೀಡಿ ಖಾತೆಯನ್ನು ಮರು-ನೋಂದಣಿ (Verify) ಮಾಡಿಕೊಳ್ಳಿ.
ಸಚಿವರ ಮಾತು: “ನಾವು ಯಾರ ಹೆಸರನ್ನೂ ನಾವಾಗಿಯೇ ಲಿಸ್ಟ್ನಿಂದ ಡಿಲೀಟ್ ಮಾಡುತ್ತಿಲ್ಲ. ಮಹಿಳೆಯರು ಕೇವಲ ಒಂದು ಬಾರಿ ಬಯೋಮೆಟ್ರಿಕ್ ನೀಡಿದರೆ ಸಾಕು, ಹಣ ಎಂದಿನಂತೆ ಬ್ಯಾಂಕ್ ಖಾತೆಗೆ ಜಮೆಯಾಗುತ್ತದೆ” ಎಂದು ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ಸ್ಪಷ್ಟಪಡಿಸಿದ್ದಾರೆ.
ಸರ್ಕಾರ ಈ ಕುರಿತು ಶೀಘ್ರದಲ್ಲೇ ಅಧಿಕೃತ ಆದೇಶ ಮತ್ತು ಕೊನೆಯ ದಿನಾಂಕವನ್ನು ಪ್ರಕಟಿಸಲಿದೆ. ಹಾಗಾಗಿ, ತಡಮಾಡದೆ ನಿಮ್ಮ ಹತ್ತಿರದ ಸೇವಾ ಕೇಂದ್ರಕ್ಕೆ ಹೋಗಿ ಒಮ್ಮೆ ಬೆರಳುಚ್ಚು ನವೀಕರಿಸಿಕೊಳ್ಳಿ. ನಿಮ್ಮ ಆಪ್ತರಿಗೂ ಈ ಮಾಹಿತಿ ಹಂಚಿಕೊಳ್ಳಿ!