ಕೋತಿಗಳ ಚೇಷ್ಟೆಗಳ ಬಗ್ಗೆ ನಾವು ಆಗಾಗ ಕೇಳುತ್ತಲೇ ಇರುತ್ತೇವೆ. ಕೆಲವೊಮ್ಮೆ ಅವುಗಳ ತುಂಟಾಟ ನಮಗೆ ನಗು ತರಿಸಿದರೆ, ಇನ್ನು ಕೆಲವೊಮ್ಮೆ ತಲೆನೋವಾಗಿ ಪರಿಣಮಿಸುತ್ತದೆ. ಆದರೆ, ಉತ್ತರ ಪ್ರದೇಶದಲ್ಲಿ ನಡೆದ (Bulandshahr Monkey Incident) ಈ ಘಟನೆ ಮಾತ್ರ ನೋಡುಗರಿಗೆ ಅಚ್ಚರಿ ಹಾಗೂ ಬ್ಯಾಗ್ ಕಳೆದುಕೊಂಡಾತನಿಗೆ ಕ್ಷಣಕಾಲ ಆಘಾತ ಉಂಟುಮಾಡಿದೆ. ಹೌದು, ಕೋತಿಯೊಂದು ವ್ಯಕ್ತಿಯೊಬ್ಬನ ಕೈಯಲ್ಲಿದ್ದ ಹಣದ ಬ್ಯಾಗ್ ಕಸಿದುಕೊಂಡು ಮರವೇರಿ, ಅಲ್ಲಿಂದ ನೋಟುಗಳನ್ನು ತೂರಿ ಅಕ್ಷರಶಃ ಮಳೆಗರೆದಿದೆ. ಈ ಕುತೂಹಲಕಾರಿ ಘಟನೆಯ ಸಂಪೂರ್ಣ ವಿವರ ಇಲ್ಲಿದೆ.
Bulandshahr Monkey Incident – ಪ್ರಾಪರ್ಟಿ ರಿಜಿಸ್ಟ್ರೇಷನ್ ಮಾಡಲು ಬಂದಿದ್ದ ವ್ಯಕ್ತಿಗೆ ಶಾಕ್
ಉತ್ತರ ಪ್ರದೇಶದ ಬ್ಯುಲಂದ್ ಶಹರ್ (Bulandshahr) ರಿಜಿಸ್ಟ್ರಿ ಕಚೇರಿಯ ಆವರಣದಲ್ಲಿ ಈ ವಿಚಿತ್ರ ಘಟನೆ ನಡೆದಿದೆ. ವ್ಯಕ್ತಿಯೊಬ್ಬರು ಆಸ್ತಿ ನೋಂದಣಿ (Property Registration) ಕೆಲಸದ ನಿಮಿತ್ತ ಭಾರಿ ಮೊತ್ತದ ನಗದಿನೊಂದಿಗೆ ರಿಜಿಸ್ಟ್ರಿ ಕಚೇರಿಗೆ ಬಂದಿದ್ದರು. ಅವರು ತಮ್ಮ ಕೈಯಲ್ಲಿ ಬರೋಬ್ಬರಿ 2 ಲಕ್ಷ ರೂಪಾಯಿ ನಗದು ಇದ್ದ ಬ್ಯಾಗ್ ಹಿಡಿದುಕೊಂಡು ನಡೆದುಕೊಂಡು ಹೋಗುತ್ತಿದ್ದರು. ಈ ವೇಳೆ ಅಲ್ಲಿಯೇ ಹೊಂಚು ಹಾಕುತ್ತಿದ್ದ ಕೋತಿಯೊಂದು ಏಕಾಏಕಿ ಆತನ ಮೇಲೆರಗಿದೆ. Read this also : ಮಂಗನ ವಿಶಿಷ್ಟ ವರ್ತನೆ: ಬೆಂಗಳೂರಿನ ಹೋಟೆಲ್ನಲ್ಲಿ ಮನುಷ್ಯರಂತೆ ಟಿಫನ್ ಸವಿದ ಪ್ರಾಣಿ
ಕಣ್ಣೆದುರೇ ಮರವೇರಿದ 2 ಲಕ್ಷ ರೂಪಾಯಿ!
ಆ ವ್ಯಕ್ತಿ ಏನಾಗುತ್ತಿದೆ ಎಂದು ಅರಿತು, ಚೇತರಿಸಿಕೊಳ್ಳುವ ಮುನ್ನವೇ ಆತನ ಕೈಯಲ್ಲಿದ್ದ ಹಣದ ಬ್ಯಾಗನ್ನು ಕೋತಿ ಕಸಿದುಕೊಂಡಿದೆ. ಕಣ್ಣು ಮಿಟುಕಿಸುವಷ್ಟರಲ್ಲಿ ಪಕ್ಕದಲ್ಲೇ ಇದ್ದ ದೊಡ್ಡ ಮರವೊಂದನ್ನು ಏರಿ ಕುಳಿತಿದೆ. ತನ್ನ ಕಣ್ಣೆದುರೇ 2 ಲಕ್ಷ ರೂ. ಹಣ ಕಪಿಯ ಪಾಲಾದದ್ದನ್ನು ಕಂಡು ಆಘಾತಕ್ಕೊಳಗಾದ ವ್ಯಕ್ತಿ, ಲಬೋ ಲಬೋ ಎಂದು ಬಾಯಿಬಡಿದುಕೊಂಡು (Bulandshahr Monkey Incident) ಜೋರಾಗಿ ಕೂಗಿಕೊಳ್ಳಲಾರಂಭಿಸಿದ್ದಾರೆ. ಆತನ ಕೂಗು ಕೇಳಿ ಅಕ್ಕಪಕ್ಕದಲ್ಲಿದ್ದ ಜನರು ಹಾಗೂ ವಕೀಲರು ಅಲ್ಲಿಗೆ ಓಡಿ ಬಂದಿದ್ದಾರೆ.
ಮರದಿಂದ ಸುರಿಯಿತು 100, 500ರ ನೋಟಿನ ಮಳೆ!
ಕೆಳಗಿದ್ದವರೆಲ್ಲರೂ ಸೇರಿ ಕೋತಿಯನ್ನು ಮರದಿಂದ ಕೆಳಕ್ಕೆ ಇಳಿಸಲು ನಾನಾ ಪ್ರಯತ್ನಗಳನ್ನು ಮಾಡುತ್ತಿದ್ದರು. ಆದರೆ, ಮರದ ಮೇಲಿದ್ದ ಕೋತಿ ಬ್ಯಾಗ್ನ ಜಿಪ್ ತೆಗೆದು ಒಳಗಿದ್ದ ನೋಟಿನ ಕಂತೆಗಳನ್ನು ಹೊರತೆಗೆದಿದೆ. ಬಹುಶಃ ಅದು ತಿನ್ನುವ ವಸ್ತುವಲ್ಲ ಎಂದು ಅದಕ್ಕೆ ಅನಿಸಿರಬೇಕು, ಆ ನೋಟಿನ ಕಂತೆಗಳನ್ನು ಬಿಚ್ಚಿ ಒಂದೊಂದಾಗಿ (Bulandshahr Monkey Incident) ಗಾಳಿಯಲ್ಲಿ ತೂರಲು ಶುರುಮಾಡಿದೆ. 100 ಮತ್ತು 500 ರೂಪಾಯಿ ಮುಖಬೆಲೆಯ ನೋಟುಗಳು ಮರದಿಂದ ಮಳೆಯಂತೆ ಕೆಳಗೆ ಬೀಳುವುದನ್ನು ಕಂಡು ಅಲ್ಲಿದ್ದವರೆಲ್ಲರೂ ದಂಗಾಗಿದ್ದಾರೆ. ಕೆಲವರಂತೂ ಆಕಾಶದಿಂದ ಬೀಳುತ್ತಿದ್ದ ಆ ಹಣವನ್ನು ಕ್ಯಾಚ್ ಹಿಡಿಯಲು ಮತ್ತು ಕೆಳಗೆ ಬಿದ್ದಿದ್ದನ್ನು ಆಯ್ದುಕೊಳ್ಳಲು ಮುಗಿಬಿದ್ದಿದ್ದಾರೆ.
ವೈರಲ್ ಆಗ್ತಿದೆ ಸಿಸಿಟಿವಿ ವಿಡಿಯೋ
ಈ ಗೊಂದಲದ ನಡುವೆ, (Viral Video Here) ಹಣ ಕಳೆದುಕೊಂಡ ಸಂತ್ರಸ್ತ ಹಾಗೂ ಕೆಲವು ಒಳ್ಳೆಯ ಮನಸ್ಸಿನ ವ್ಯಕ್ತಿಗಳು ಸೇರಿ ಕೋತಿ ಎಸೆದ ನೋಟುಗಳನ್ನು ಹರಸಾಹಸ ಪಟ್ಟು ಮರಳಿ ಸಂಗ್ರಹಿಸಿದ್ದಾರೆ. ಅದೃಷ್ಟವಶಾತ್ ಆತನಿಗೆ ಬಹುಪಾಲು ಹಣ ಮರಳಿ ಸಿಕ್ಕಿದ್ದು, ಆತ ನಿಟ್ಟುಸಿರು ಬಿಟ್ಟಿದ್ದಾನೆ. ರಿಜಿಸ್ಟ್ರಿ ಕಚೇರಿಯ ಆವರಣದಲ್ಲಿದ್ದ ಸಿಸಿಟಿವಿ (CCTV) ಕ್ಯಾಮೆರಾದಲ್ಲಿ ಈ ಸಂಪೂರ್ಣ ದೃಶ್ಯಾವಳಿ ಸೆರೆಯಾಗಿದೆ. ಕೋತಿ ಬ್ಯಾಗ್ ಕಸಿದುಕೊಳ್ಳುವುದು, ಮರದಿಂದ ನೋಟುಗಳನ್ನು ಎಸೆಯುವುದು ಮತ್ತು ಜನರು ಅದರ ಹಿಂದೆ (Bulandshahr Monkey Incident) ಓಡುವುದು ಮುಂತಾದ ದೃಶ್ಯಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ (Social Media) ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ.
ನೆಟ್ಟಿಗರು ಈ ವಿಡಿಯೋ ನೋಡಿ, “ಈ ಕೋತಿಗೆ ಬ್ಯಾಂಕ್ ಅಕೌಂಟ್ ಇಲ್ಲದಂತಿದೆ, ಅದಕ್ಕೆ ಹೀಗೆ ದಾನವಾಗಿ ಎಲ್ಲರಿಗೂ ಹಂಚುತ್ತಿದೆ” ಎಂದು ತಮಾಷೆಯಾಗಿ ಕಮೆಂಟ್ ಮಾಡುತ್ತಿದ್ದಾರೆ. ವಿಡಿಯೋಗೆ ಲಕ್ಷಾಂತರ ಲೈಕ್ಸ್ ಹಾಗೂ ಶೇರ್ಸ್ ಹರಿದುಬರುತ್ತಿವೆ.