ಇತ್ತೀಚಿನ ದಿನಗಳಲ್ಲಿ ಧಾರ್ಮಿಕ ಗುರುಗಳು ಮತ್ತು ಬಾಬಾಗಳ ಹೆಸರಿನಲ್ಲಿ ನಡೆಯುತ್ತಿರುವ ವಂಚನೆಗಳು, ಅಪರಾಧ ಕೃತ್ಯಗಳು ಸಾರ್ವಜನಿಕರನ್ನು ಬೆಚ್ಚಿಬೀಳಿಸುತ್ತಿವೆ. ಮಹಾರಾಷ್ಟ್ರದ ನಾಸಿಕ್ನಲ್ಲಿ ಧಾರ್ಮಿಕ ಗುರು ಅಶೋಕ್ ಖಾರಟ್ ನಡೆಸಿದ್ದ ಲೈಂಗಿಕ ದೌರ್ಜನ್ಯದ ಕರಾಳ ದಂಧೆ ಮಾಸುವ ಮುನ್ನವೇ, ಉತ್ತರ ಪ್ರದೇಶದ ಮಥುರಾದಲ್ಲಿ ಮತ್ತೊಂದು ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ.
ಯೂಟ್ಯೂಬ್ನಲ್ಲಿ ಭಜನೆಗಳ ಮೂಲಕವೇ ಫೇಮಸ್ ಆಗಿದ್ದ 29 ವರ್ಷದ (Abhishek Mishra case) ಯುವ ಧಾರ್ಮಿಕ ಗುರುವೊಬ್ಬ, ಪ್ರಸಾದದ ಹೆಸರಲ್ಲಿ ಮಹಿಳೆಯರಿಗೆ ಮಾದಕ ದ್ರವ್ಯ ಮಿಶ್ರಿತ ಹಾಲು ನೀಡಿ ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪದ ಮೇಲೆ ಉತ್ತರ ಪ್ರದೇಶ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಆರೋಪಿಯ ಮೊಬೈಲ್ ಪರಿಶೀಲಿಸಿದ ಪೊಲೀಸರಿಗೆ ಬರೋಬ್ಬರಿ 12 ಆಕ್ಷೇಪಾರ್ಹ ವಿಡಿಯೋಗಳು ಪತ್ತೆಯಾಗಿದ್ದು, ಇಡೀ ಪ್ರಕರಣ ಈಗ ದೇಶಾದ್ಯಂತ ಸಂಚಲನ ಮೂಡಿಸಿದೆ.
Abhishek Mishra case – ಮೆಕಾನಿಕಲ್ ಎಂಜಿನಿಯರ್ ಟು ಧಾರ್ಮಿಕ ಗುರು!
ಬಂಧಿತ ಆರೋಪಿಯನ್ನು ಒಡಿಶಾ ಮೂಲದ ಐಐಟಿ ಪದವೀಧರ ಅಭಿಷೇಕ್ ಮಿಶ್ರಾ ಎಂದು ಗುರುತಿಸಲಾಗಿದೆ. ಈತ ಉತ್ತರ ಪ್ರದೇಶದ ಮಥುರಾದಲ್ಲಿ ತನ್ನ ಹೆಸರನ್ನು “ಆಚಾರ್ಯ ನಾರಾಯಣ ದಾಸ್ ಗುರು” ಎಂದು ಬದಲಾಯಿಸಿಕೊಂಡಿದ್ದ. ರೂರ್ಕಿಯಲ್ಲಿ ಮೆಕಾನಿಕಲ್ ಎಂಜಿನಿಯರಿಂಗ್ ಮುಗಿಸಿದ್ದ ಈತನಿಗೆ ಧರ್ಮದ ಹೆಸರಿನಲ್ಲಿ ಜನರನ್ನು ಹೇಗೆ ಮರಳು ಮಾಡಬೇಕೆಂಬ ಕದೀಮ ಬುದ್ಧಿ ಇತ್ತು. ಇದಕ್ಕಾಗಿಯೇ ಈತ ‘ರಾಧಾಕೃಪಾ ಅಮೃತಾ’ ಎಂಬ ಯೂಟ್ಯೂಬ್ ಚಾನೆಲ್ ಆರಂಭಿಸಿ, ಅದರಲ್ಲಿ ಭಜನೆಗಳು ಹಾಗೂ ಆಧ್ಯಾತ್ಮಿಕ ಮಾತುಗಳ ಮೂಲಕ ಲಕ್ಷಾಂತರ ಅನುಯಾಯಿಗಳನ್ನು ಸಂಪಾದಿಸಿದ್ದ. ಈತನ ಮಾತು ಹಾಗೂ ಭಜನೆಗೆ ಮರುಳಾದವರಲ್ಲಿ ಯುವತಿಯರೇ ಹೆಚ್ಚಾಗಿದ್ದರು.
ಹಾಲಿನಲ್ಲಿ ಅಮಲು ಪದಾರ್ಥ: ಸುಶಿಕ್ಷಿತ ಯುವತಿಯರೇ ಈತನ ಟಾರ್ಗೆಟ್!
ಕೇವಲ 29 ವರ್ಷದ ಅಭಿಷೇಕ್ ಮಿಶ್ರಾ, (Abhishek Mishra case) ಮಥುರಾದ ವೃಂದಾವನದಲ್ಲಿ ಐಷಾರಾಮಿ ಅಪಾರ್ಟ್ಮೆಂಟ್ ಪಡೆದು ನೆಲೆಸಿದ್ದ. ವಿಶೇಷ ಎಂದರೆ ಈತ ಹೆಚ್ಚಾಗಿ ಟಾರ್ಗೆಟ್ ಮಾಡುತ್ತಿದ್ದದ್ದೇ ಎಂಜಿನಿಯರಿಂಗ್ ಓದಿದ ಸುಶಿಕ್ಷಿತ ಯುವತಿಯರನ್ನು! ಆಧ್ಯಾತ್ಮದ ಹೆಸರಿನಲ್ಲಿ ಯುವತಿಯರ ಬ್ರೈನ್ ವಾಶ್ ಮಾಡುತ್ತಿದ್ದ ಈತ, ಮೊದಲು ಅವರನ್ನು ಹೆತ್ತವರಿಂದ ಮತ್ತು ಕುಟುಂಬದಿಂದ ದೂರ ಮಾಡುತ್ತಿದ್ದ. ನಂತರ ಮಥುರಾದಲ್ಲಿರುವ ತನ್ನ ಅಪಾರ್ಟ್ಮೆಂಟ್ಗೆ ಒಂಟಿಯಾಗಿ ಬರುವಂತೆ ಕರೆಸಿಕೊಳ್ಳುತ್ತಿದ್ದ. ಅಲ್ಲಿ ಅವರಿಗೆ ಪವಿತ್ರ ಪ್ರಸಾದದ ರೂಪದಲ್ಲಿ ಹಾಲನ್ನು ನೀಡುತ್ತಿದ್ದ. ಆದರೆ ಆ ಹಾಲಿನಲ್ಲಿ ಪ್ರಜ್ಞೆ ತಪ್ಪಿಸುವ ಮಾದಕ ದ್ರವ್ಯವನ್ನು ಬೆರೆಸುತ್ತಿರುವುದು ಯುವತಿಯರಿಗೆ ತಿಳಿಯುತ್ತಿರಲಿಲ್ಲ (Related Video here) ಎಂದು ಪೊಲೀಸರು ಹೇಳಿದ್ದಾರೆ.
‘ಗಂಧರ್ವ ವಿವಾಹ’ದ ಹೆಸರಿನಲ್ಲಿ ವಿಕೃತಿ, ಲಕ್ಷ ಲಕ್ಷ ಹಣಕ್ಕೆ ಬ್ಲ್ಯಾಕ್ಮೇಲ್!
ಹಾಲು ಕುಡಿದು (Abhishek Mishra case) ಯುವತಿಯರು ಪ್ರಜ್ಞೆ ಕಳೆದುಕೊಳ್ಳುತ್ತಿದ್ದಂತೆ, ಈತ ‘ಗಂಧರ್ವ ವಿವಾಹ’ ಮತ್ತು ‘ಮೊದಲ ರಾತ್ರಿ’ಯ ಶಾಸ್ತ್ರಗಳ ಹೆಸರಿನಲ್ಲಿ ಅವರ ಮೇಲೆ ಲೈಂಗಿಕ ದೌರ್ಜನ್ಯ ಎಸಗುತ್ತಿದ್ದ. ಇಷ್ಟಕ್ಕೇ ನಿಲ್ಲದ ಈತನ ವಿಕೃತಿ, ಆ ಕರಾಳ ದೃಶ್ಯಗಳನ್ನೆಲ್ಲಾ ತನ್ನ ಮೊಬೈಲ್ನಲ್ಲಿ ರೆಕಾರ್ಡ್ ಮಾಡಿಕೊಳ್ಳುತ್ತಿದ್ದ. Read this also : ರೋಗ ವಾಸಿ ಮಾಡೋ ಸ್ವಾಮಿ ಅಂದ್ರೆ, ಯುವತಿಯ ಖಾಸಗಿ ಅಂಗ ಮುಟ್ಟಿದ ಡೋಂಗಿ ಬಾಬಾ…!
ಯುವತಿಯರಿಗೆ ಪ್ರಜ್ಞೆ ಬಂದು ತಮಗೆ ಮೋಸ ಹೋಗಿರುವುದು ತಿಳಿಯುತ್ತಿದ್ದಂತೆ, ಈತ ತನ್ನ ಅಸಲಿ ರೂಪ ತೋರಿಸುತ್ತಿದ್ದ. ರೆಕಾರ್ಡ್ ಮಾಡಿದ ವಿಡಿಯೋಗಳನ್ನು ಯುವತಿಯರಿಗೆ ಕಳುಹಿಸಿ, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಮಾಡುವುದಾಗಿ ಬೆದರಿಕೆ ಹಾಕುತ್ತಿದ್ದ. ಮಾನಹಾನಿಗೆ ಹೆದರಿ ಯುವತಿಯರು ಸುಮ್ಮನಿರುತ್ತಿದ್ದರು. ಇದನ್ನು ಬಂಡವಾಳ ಮಾಡಿಕೊಂಡ ಈ ಮುಖವಾಡದ ಬಾಬಾ, ಹಲವು ಪೋಷಕರಿಗೂ ವಿಡಿಯೋ ಕಳುಹಿಸಿ ಲಕ್ಷ ಲಕ್ಷ ರೂಪಾಯಿ ಹಣ ಪೀಕಿದ್ದಾನೆ ಎಂದು ತನಿಖೆಯಿಂದ ತಿಳಿದುಬಂದಿದೆ.
ಮೊಬೈಲ್ನಲ್ಲಿ 12 ವಿಡಿಯೋ ಪತ್ತೆ: ಪೊಲೀಸರಿಂದ ತನಿಖೆ ತೀವ್ರ
ಬಲಿಪಶುಗಳಾದ ಸಂತ್ರಸ್ತರು ನೀಡಿದ ದೂರಿನ ಮೇರೆಗೆ ಸಕಾಲದಲ್ಲಿ ಕಾರ್ಯಾಚರಣೆ ನಡೆಸಿದ ಯುಪಿ ಪೊಲೀಸರು ಸದ್ಯ ಅಭಿಷೇಕ್ ಮಿಶ್ರಾ ಅರೆಸ್ಟ್ ಮಾಡಿದ್ದಾರೆ. ಆತನ (Abhishek Mishra case) ಮೊಬೈಲ್ ಫೋನ್ ವಶಪಡಿಸಿಕೊಂಡಾಗ ಪೊಲೀಸರೇ ಶಾಕ್ ಆಗಿದ್ದಾರೆ. ಅದರಲ್ಲಿ ಬೇರೆ ಬೇರೆ 12 ಯುವತಿಯರ ಮೇಲಿನ ದೌರ್ಜನ್ಯದ ವಿಡಿಯೋಗಳು ಪತ್ತೆಯಾಗಿವೆ. ಸದ್ಯ ಪೊಲೀಸರು ಈತನ ಬ್ಯಾಂಕ್ ಖಾತೆ ಹಾಗೂ ಇತರ ಮಹತ್ವದ ದಾಖಲೆಗಳನ್ನು ವಶಪಡಿಸಿಕೊಂಡಿದ್ದು, ಜಾಲವನ್ನು ಮತ್ತಷ್ಟು ಭೇದಿಸಲು ತನಿಖೆಯನ್ನು ತೀವ್ರಗೊಳಿಸಿದ್ದಾರೆ.
ಸಾರ್ವಜನಿಕ ಗಮನಕ್ಕೆ: ಇಂತಹ ಆನ್ಲೈನ್ ಹಾಗೂ ಡಿಜಿಟಲ್ ಬಾಬಾಗಳ ಮಾತುಗಳನ್ನು ನಂಬಿ ಸಾರ್ವಜನಿಕರು, ವಿಶೇಷವಾಗಿ ಮಹಿಳೆಯರು ಮತ್ತು ಯುವತಿಯರು ಮೋಸ ಹೋಗಬಾರದು. ಯಾವುದೇ ಅಪರಿಚಿತರು ನೀಡುವ ಪ್ರಸಾದ ಅಥವಾ ಪಾನೀಯಗಳನ್ನು ಸೇವಿಸುವಾಗ ಅತ್ಯಂತ ಎಚ್ಚರ ವಹಿಸುವುದು ಇಂದಿನ ದಿನಗಳಲ್ಲಿ ಅಗತ್ಯವಾಗಿದೆ.