ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಹಾವಿನ ವಿಡಿಯೋಗಳು ಸಿಕ್ಕಾಪಟ್ಟೆ ವೈರಲ್ ಆಗುತ್ತಿರುವುದನ್ನು ನೀವು ನೋಡಿರಬಹುದು. ಅದರಲ್ಲೂ ನಾಗರಹಾವಿನ ವಿಡಿಯೋಗಳು (Giant Cobra Video) ಎಂದರೆ ನೆಟ್ಟಿಗರಿಗೆ ಎಲ್ಲಿಲ್ಲದ ಕುತೂಹಲ. ಹಿಂದೆಯೆಲ್ಲಾ ಹಾವು ಕಂಡರೆ ಜನ ಭಯದಿಂದ ಓಡಿ ಹೋಗುತ್ತಿದ್ದರು. ಆದರೆ ಈಗ ಕಾಲ ಬದಲಾಗಿದೆ, ಹಾವು ಕಂಡ ತಕ್ಷಣ ಉರಗ ರಕ್ಷಕರಿಗೆ ಕರೆ ಮಾಡಿ ಮಾಹಿತಿ ನೀಡುವಷ್ಟು ಜನ ಜಾಗೃತರಾಗಿದ್ದಾರೆ.
ಇನ್ನು ಕೆಲವರಂತೂ ಹಾವಿನ ಜೊತೆ ರೀಲ್ಸ್, ಸ್ಟಂಟ್ ಮಾಡಲು ಹೋಗಿ ಅಪಾಯವನ್ನು ಮೈಮೇಲೆ ಎಳೆದುಕೊಳ್ಳುತ್ತಾರೆ. ಇವೆಲ್ಲದರ ನಡುವೆ, ಇದೀಗ ಇಂತಹದ್ದೇ ಒಂದು ಮೈನವಿರೇಳಿಸುವ ಬೃಹತ್ ನಾಗರಹಾವಿನ ವಿಡಿಯೋವೊಂದು ಇಂಟರ್ನೆಟ್ನಲ್ಲಿ ಭಾರಿ ಸಂಚಲನ ಸೃಷ್ಟಿಸಿದೆ.
Giant Cobra Video – ಮನೆಯಂಗಳಕ್ಕೆ ಬಂದ ಬೃಹತ್ ನಾಗರಹಾವು
ಘಟನೆಯ ವಿವರಗಳಿಗೆ ಬರುವುದಾದರೆ, ಬೃಹತ್ ಗಾತ್ರದ ನಾಗರಹಾವೊಂದು ಮನೆಯ ಕಾಂಪೌಂಡ್ ಒಳಗೆ ನುಗ್ಗಿದೆ. ಅಲ್ಲಿ ಮನೆಯವರು ಮುದ್ದಾಗಿ ಸಾಕಿದ್ದ ನಾಯಿಯನ್ನು ಕಟ್ಟಿಹಾಕಲಾಗಿತ್ತು. ಹಾವನ್ನು ನೋಡಿದ ತಕ್ಷಣ ನಾಯಿ ಜೋರಾಗಿ ಬೊಗಳಲು ಶುರು ಮಾಡಿದೆ. ನಾಯಿಯ ಶಬ್ದಕ್ಕೆ ರೊಚ್ಚಿಗೆದ್ದ ನಾಗರಹಾವು, ಕಟ್ಟಿಹಾಕಿದ್ದ ಶ್ವಾನದ ಮುಂದೆಯೇ ಹೆಡೆ ಬಿಚ್ಚಿ ಕಚ್ಚಲು ಮುಂದಾಗಿದೆ. ನಾಯಿಯ ಸತತ ಬೊಗಳುವಿಕೆ ಕೇಳಿ ಮನೆಯವರು ಹೊರಬಂದು ನೋಡಿದಾಗ, ಹೆಡೆ ಬಿಚ್ಚಿ ನಿಂತಿದ್ದ ನಾಗರಹಾವನ್ನು ಕಂಡು ಅಕ್ಷರಶಃ ಶಾಕ್ ಆಗಿದ್ದಾರೆ.
ಒಂದು ವೇಳೆ ನಾಯಿಯನ್ನು ಬಿಚ್ಚಿಟ್ಟಿದ್ದರೆ, ಅದು ಹಾವಿನ ಮೇಲೆರಗಿ ಅದನ್ನು (Giant Cobra Video) ಛಿದ್ರ ಛಿದ್ರ ಮಾಡುತ್ತಿತ್ತೇನೋ! ಆದರೆ ಸರಪಳಿಯಿಂದ ಕಟ್ಟಿದ್ದ ಕಾರಣ ನಾಯಿ ಅಸಹಾಯಕವಾಗಿತ್ತು. ವಿಡಿಯೋದಲ್ಲಿ ಸ್ವಲ್ಪ ದೂರದಲ್ಲಿಯೇ ಮುದ್ದಾದ ನಾಯಿಮರಿಗಳು ಮಲಗಿರುವುದನ್ನೂ ನೀವು ಕಾಣಬಹುದು. Read this also : ಸೂರತ್ನಲ್ಲಿ ಹಾವು ಹಿಡಿಯಲು ಹೋದ ಯುವಕನಿಗೆ ಕಚ್ಚಿದ ಹಾವು: ವೈರಲ್ ವಿಡಿಯೋ ನೋಡಿ ನೆಟ್ಟಿಗರು ಶಾಕ್!
ಮನುಷ್ಯರು ಚಲಿಸಿದ ಕಡೆಗೇ ತಿರುಗುತ್ತಿದ್ದ ನಾಗರಹಾವು!
ಹಾವು ಮಾತ್ರ ನಾಯಿಗೆ ಅಥವಾ ಅಲ್ಲಿರುವವರಿಗೆ ಕಚ್ಚಲು ಸಂಪೂರ್ಣ ಸನ್ನದ್ಧವಾಗಿತ್ತು. ಮನೆಯವರು ದೂರದಿಂದಲೇ ಈ ಭಯಾನಕ ದೃಶ್ಯವನ್ನು ಮೊಬೈಲ್ನಲ್ಲಿ ಸೆರೆಹಿಡಿದಿದ್ದಾರೆ. ವಿಡಿಯೋ ಮಾಡುತ್ತಿರುವಾಗ ಮನುಷ್ಯರು ಯಾವ ಕಡೆ ಚಲಿಸುತ್ತಾರೋ ಅದೇ ಕಡೆಗೆ ಹಾವು ಕೂಡ ತಿರುಗಿ ದಾಳಿ ಮಾಡಲು ಯತ್ನಿಸುತ್ತಿರುವುದು (Giant Cobra Video) ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಬೆಚ್ಚಿಬಿದ್ದ ನೆಟ್ಟಿಗರು: ಶ್ವಾನದ ಸಮಯಪ್ರಜ್ಞೆಗೆ ಸಲಾಂ!
ಸದ್ಯ ಈ ವೈರಲ್ ವಿಡಿಯೋ (Viral Video Here) ಇಂಟರ್ನೆಟ್ನಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಇದನ್ನು ನೋಡಿದ ನೆಟ್ಟಿಗರು ಅಚ್ಚರಿ ಹಾಗೂ ಆತಂಕ ವ್ಯಕ್ತಪಡಿಸಿದ್ದಾರೆ. ಪಾಪ, ಒಂದು ವೇಳೆ ಆ ಹಾವು ನಾಯಿಗೆ ಕಚ್ಚಿದ್ದರೆ ಪರಿಸ್ಥಿತಿ ಏನಾಗುತ್ತಿತ್ತು ಎಂದು ಹಲವರು ಕಳವಳ ವ್ಯಕ್ತಪಡಿಸಿದ್ದಾರೆ.
ಇನ್ನು ಕೆಲವರು, ಮನೆಯಲ್ಲಿ ನಾಯಿ ಸಾಕುವುದು (Giant Cobra Video) ಎಷ್ಟು ಮುಖ್ಯ ನೋಡಿ, ಅದು ಬೊಗಳಿದ್ದರಿಂದಲೇ ಮನೆಯವರಿಗೆ ಹಾವಿನ ಬಗ್ಗೆ ಎಚ್ಚರಿಕೆ ಸಿಕ್ಕಿತು ಎಂದು ಶ್ವಾನದ ಕಾರ್ಯವನ್ನು ಕೊಂಡಾಡಿದ್ದಾರೆ. ಹಾವುಗಳ ಸಂಚಾರದ ಬಗ್ಗೆ ಸದಾ ಎಚ್ಚರದಿಂದಿರಿ, ಅದರಲ್ಲೂ ಸಾಕುಪ್ರಾಣಿಗಳಿರುವ ಮನೆಯವರು ಹೆಚ್ಚಿನ ಕಾಳಜಿ ವಹಿಸಿ ಎಂದು ನೆಟ್ಟಿಗರು ಎಚ್ಚರಿಕೆಯ ಸಲಹೆಗಳನ್ನು ನೀಡುತ್ತಿದ್ದಾರೆ.