ಪ್ರಕೃತಿಯ ಮಡಿಲಲ್ಲಿ ಅದೆಷ್ಟು ವಿಸ್ಮಯಗಳು ಅಡಗಿವೆಯೋ ತಿಳಿಯದು. ಆಂಧ್ರಪ್ರದೇಶದ ಪವಿತ್ರ ಪುಣ್ಯಕ್ಷೇತ್ರ ತಿರುಮಲ ಮತ್ತು ಸುತ್ತಮುತ್ತಲಿನ ಶೇಷಾಚಲಂ ಅರಣ್ಯ ಪ್ರದೇಶವು (Tirumala Green Cobra) ಜೀವವೈವಿಧ್ಯತೆಗೆ ಹೆಸರುವಾಸಿ. ಇಲ್ಲಿ ಆಗಾಗ ಅಪರೂಪದ ಪ್ರಾಣಿ-ಪಕ್ಷಿಗಳು ಕಾಣಿಸಿಕೊಳ್ಳುತ್ತಲೇ ಇರುತ್ತವೆ. ಆದರೆ, ಈ ಬಾರಿ ಭಕ್ತರು ಮತ್ತು ಸ್ಥಳೀಯರು ಬೆಚ್ಚಿಬೀಳುವ ಜೊತೆಗೆ ಅಚ್ಚರಿ ಪಡುವಂತಹ ಘಟನೆಯೊಂದು ನಡೆದಿದೆ.
ಸಾಮಾನ್ಯವಾಗಿ ನಾವು ಕಡು ಕಂದು ಅಥವಾ ಬೂದಿ ಬಣ್ಣದ ನಾಗರಹಾವುಗಳನ್ನು ನೋಡಿರುತ್ತೇವೆ. ಆದರೆ ತಿರುಮಲದಲ್ಲಿ ಈಗ ಸಂಪೂರ್ಣ ಹಸಿರು ಬಣ್ಣದ ನಾಗರಹಾವು ಕಾಣಿಸಿಕೊಂಡು ಎಲ್ಲರ ಗಮನ ಸೆಳೆದಿದೆ.
Tirumala Green Cobra – ಏನಿದು ಘಟನೆ?
ತಿರುಮಲದ ಜನನಿಬಿಡ ಪ್ರದೇಶದ ಬಳಿ ಸುಮಾರು ಎರಡು ಅಡಿ ಉದ್ದದ ಈ ಹಸಿರು ನಾಗರಹಾವು ಪ್ರತ್ಯಕ್ಷವಾಗಿದೆ. ಹಸಿರು ಬಣ್ಣದಲ್ಲಿ ಮಿನುಗುತ್ತಿದ್ದ ಈ ಹಾವು ಪಟ್ಟೆ ಬಿಚ್ಚಿ ಬುಸುಗುಟ್ಟುತ್ತಿರುವುದನ್ನು ಕಂಡು ಜನ ಆತಂಕಕ್ಕೊಳಗಾದರು. ತಕ್ಷಣವೇ ಟಿಟಿಡಿ (TTD) ಅರಣ್ಯ ವಿಭಾಗದ ಸ್ನೇಕ್ ಕ್ಯಾಚರ್ ಭಾಸ್ಕರ್ ನಾಯ್ಡು ಅವರಿಗೆ ಮಾಹಿತಿ ನೀಡಲಾಯಿತು.
ಸ್ಥಳಕ್ಕೆ ಧಾವಿಸಿದ ಭಾಸ್ಕರ್ ನಾಯ್ಡು ಅವರು ಚಾಕಚಕ್ಯತೆಯಿಂದ ಹಾವನ್ನು (Video Here) ಸೆರೆಹಿಡಿದರು. ಈ ವೇಳೆ ಮಾತನಾಡಿದ ಅವರು, “ಇದು ನಾಗರಹಾವು ತಳಿಗೆ ಸೇರಿದ್ದೇ ಆಗಿದ್ದು, ಅತ್ಯಂತ ವಿಷಕಾರಿಯಾಗಿದೆ. ಸಾಮಾನ್ಯವಾಗಿ ಇವು ಬೇರೆ ಬಣ್ಣದಲ್ಲಿರುತ್ತವೆ, ಆದರೆ ಈ ರೀತಿ ಹಸಿರು ಬಣ್ಣದಲ್ಲಿರುವುದು ತುಂಬಾ ಅಪರೂಪ,” ಎಂದು ತಿಳಿಸಿದರು. ನಂತರ ಈ (Tirumala Green Cobra) ಹಾವನ್ನು ಸುರಕ್ಷಿತವಾಗಿ ಶೇಷಾಚಲಂ ದಟ್ಟ ಅರಣ್ಯಕ್ಕೆ ಬಿಡಲಾಯಿತು. Read this also : ಮದ್ಯದ ಅಮಲಿನಲ್ಲಿ ನಾಗರಹಾವಿಗೆ ಮುತ್ತಿಡಲು ಹೋಗಿ ಪ್ರಾಣ ಕಳೆದುಕೊಂಡ ವ್ಯಕ್ತಿ! ವೈರಲ್ ಆಯ್ತು ವಿಡಿಯೋ
ಆಯುರ್ವೇದ ಕಾಲೇಜಿನಲ್ಲಿ 6 ಅಡಿ ಉದ್ದದ ಹಾವು!
ಇತ್ತ ಹಸಿರು ಹಾವಿನ ಚರ್ಚೆ ನಡೆಯುತ್ತಿರುವಾಗಲೇ, ತಿರುಪತಿಯ ಶ್ರೀ ವೆಂಕಟೇಶ್ವರ ಆಯುರ್ವೇದ ಕಾಲೇಜು ಆವರಣದಲ್ಲಿ ಮತ್ತೊಂದು ಬೃಹತ್ ಹಾವು ಕಾಣಿಸಿಕೊಂಡು ಆತಂಕ ಮೂಡಿಸಿತ್ತು. ಸುಮಾರು 6 ಅಡಿ ಉದ್ದದ ಕೇರೆಹಾವು (Rat Snake) ಕಾಲೇಜು ಆವರಣದಲ್ಲಿ ಓಡಾಡುತ್ತಿರುವುದನ್ನು ಕಂಡ ಸಿಬ್ಬಂದಿ ತಕ್ಷಣ ಅರಣ್ಯ ಇಲಾಖೆಗೆ (Tirumala Green Cobra) ಕರೆ ಮಾಡಿದರು. ಸ್ನೇಕ್ ಕ್ಯಾಚರ್ ಭಾಸ್ಕರ್ ನಾಯ್ಡು ಅವರೇ ಅಲ್ಲಿಗೂ ತಲುಪಿ ಹಾವನ್ನು ಹಿಡಿದು ಅರಣ್ಯಕ್ಕೆ ಬಿಟ್ಟರು. ಇದರಿಂದಾಗಿ ವಿದ್ಯಾರ್ಥಿಗಳು ಮತ್ತು ಸಿಬ್ಬಂದಿ ನಿಟ್ಟುಸಿರು ಬಿಟ್ಟಿದ್ದಾರೆ.
ಸಾರ್ವಜನಿಕರಿಗೆ ಸೂಚನೆ
ಮಳೆಗಾಲದ ನಂತರದ ದಿನಗಳಲ್ಲಿ ಅಥವಾ ಅರಣ್ಯ ಪ್ರದೇಶಕ್ಕೆ (Tirumala Green Cobra) ಹೊಂದಿಕೊಂಡಿರುವ ಜಾಗಗಳಲ್ಲಿ ಹಾವುಗಳು ಬರುವುದು ಸಹಜ. ಇಂತಹ ಸಮಯದಲ್ಲಿ ಅವುಗಳಿಗೆ ತೊಂದರೆ ನೀಡದೆ, ಪರಿಣಿತ ಹಾವು ಹಿಡಿಯುವವರಿಗೆ ಅಥವಾ ಅರಣ್ಯ ಇಲಾಖೆಗೆ ಮಾಹಿತಿ ನೀಡುವುದು ಉತ್ತಮ.