ನೀವು ಎಸ್ಬಿಐ ಕ್ರೆಡಿಟ್ ಕಾರ್ಡ್ (SBI Credit Card) ಬಳಸುತ್ತಿದ್ದೀರಾ? ಹಾಗಿದ್ದರೆ ಈ ಸುದ್ದಿ ನಿಮಗೆ ಮುಖ್ಯವಾಗಿದೆ! ಎಸ್ಬಿಐ ಕಾರ್ಡ್ ತನ್ನ ಕ್ರೆಡಿಟ್ ಕಾರ್ಡ್ ನಿಯಮಗಳಲ್ಲಿ ಮಹತ್ವದ ಬದಲಾವಣೆಗಳನ್ನು ಘೋಷಿಸಿದೆ. ಈ ಹೊಸ ನಿಯಮಗಳು ಜುಲೈ 15, 2025 ರಿಂದ ಜಾರಿಗೆ ಬರಲಿದ್ದು, ಹಲವು ಕಾರ್ಡ್ದಾರರ ಮೇಲೆ ನೇರ ಪರಿಣಾಮ ಬೀರಲಿವೆ. ಉಚಿತ ವಿಮಾನ ಅಪಘಾತ ವಿಮೆ, ಬಿಲ್ ಪಾವತಿ ವಿಧಾನ ಮತ್ತು ಕನಿಷ್ಠ ಬಾಕಿ ಮೊತ್ತದ (Minimum Amount Due – MAD) ಲೆಕ್ಕಾಚಾರದಲ್ಲಿ ಬದಲಾವಣೆಗಳಾಗಲಿವೆ.
SBI Credit Card – ವಿಮಾನ ಅಪಘಾತ ವಿಮೆಗೆ ಕತ್ತರಿ?
ಎಸ್ಬಿಐ ಕಾರ್ಡ್ ನೀಡುವ ಪ್ರಮುಖ ಸೇವೆಗಳಲ್ಲಿ ಒಂದಾಗಿದ್ದ ಉಚಿತ ವಿಮಾನ ಅಪಘಾತ ವಿಮೆ (Free Air Accident Insurance) ಇನ್ನು ಮುಂದೆ ಲಭ್ಯವಿರುವುದಿಲ್ಲ. ಇದು ಪ್ರೀಮಿಯಂ ಕಾರ್ಡ್ಗಳನ್ನು ಬಳಸುತ್ತಿದ್ದ ಗ್ರಾಹಕರಿಗೆ ದೊಡ್ಡ ಆಘಾತ ನೀಡಲಿದೆ.
1 ಕೋಟಿ ರೂ. ವಿಮೆ ಇನ್ನು ಸಿಗುವುದಿಲ್ಲ!
ಇಲ್ಲಿಯವರೆಗೆ, ಎಸ್ಬಿಐ ಕೆಲವು ಪ್ರೀಮಿಯಂ ಕಾರ್ಡ್ಗಳ ಮೇಲೆ 1 ಕೋಟಿ ರೂಪಾಯಿಗಳವರೆಗೆ ಉಚಿತ ವಿಮಾನ ಅಪಘಾತ ವಿಮೆಯನ್ನು ನೀಡುತ್ತಿತ್ತು. ಆದರೆ ಜುಲೈ 15, 2025 ರಿಂದ ಈ ಸೌಲಭ್ಯವನ್ನು ಎಸ್ಬಿಐ ನಿಲ್ಲಿಸಲಿದೆ. (SBI Credit Card)
ಯಾವ ಕಾರ್ಡ್ದಾರರಿಗೆ ಪರಿಣಾಮ?
- ಎಸ್ಬಿಐ ಕಾರ್ಡ್ ಎಲೈಟ್ (SBI Card Elite)
- ಎಸ್ಬಿಐ ಕಾರ್ಡ್ ಮೈಲ್ಸ್ ಎಲೈಟ್ (SBI Card Miles Elite)
- ಎಸ್ಬಿಐ ಕಾರ್ಡ್ ಮೈಲ್ಸ್ ಪ್ರೈಮ್ (SBI Card Miles Prime)
50 ಲಕ್ಷ ರೂ. ವಿಮೆಗೂ ಬೀಗ!
1 ಕೋಟಿ ರೂ. ವಿಮೆ ಮಾತ್ರವಲ್ಲದೆ, 50 ಲಕ್ಷ ರೂ. ವರೆಗಿನ ಉಚಿತ ವಿಮಾನ ಅಪಘಾತ ವಿಮೆಯನ್ನು ನೀಡುತ್ತಿದ್ದ ಕಾರ್ಡ್ಗಳಿಗೂ ಈ ನಿಯಮ ಅನ್ವಯವಾಗುತ್ತದೆ. ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲದೆ ಲಭ್ಯವಿದ್ದ ಈ ಸೌಲಭ್ಯ ಕೂಡ ಜುಲೈ 15 ರಿಂದ ನಿಂತುಹೋಗಲಿದೆ.
ಪ್ರಭಾವಿತ ಕಾರ್ಡ್ಗಳು:
- ಎಸ್ಬಿಐ ಕಾರ್ಡ್ ಪ್ರೈಮ್ (SBI Card Prime)
- ಎಸ್ಬಿಐ ಕಾರ್ಡ್ ಪಲ್ಸ್ (SBI Card Pulse)
ನೀವು ಈ ಕಾರ್ಡ್ಗಳನ್ನು ಬಳಸುತ್ತಿದ್ದರೆ, ಇನ್ನು ಮುಂದೆ ಈ ವಿಮಾ ರಕ್ಷಣೆಯ ಪ್ರಯೋಜನವನ್ನು ಪಡೆಯಲು ಸಾಧ್ಯವಾಗುವುದಿಲ್ಲ ಎಂಬುದನ್ನು ನೆನಪಿಡಿ.
ಬಿಲ್ ಪಾವತಿ ವಿಧಾನದಲ್ಲಿ ಬದಲಾವಣೆಗಳು
ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಸುವ ವಿಧಾನದಲ್ಲಿ ಎಸ್ಬಿಐ ಕಾರ್ಡ್ ಮಹತ್ವದ ಬದಲಾವಣೆಯನ್ನು ತರುತ್ತಿದೆ. ಇಲ್ಲಿಯವರೆಗೆ, ನೀವು ಮಾಡುವ ಪಾವತಿಯನ್ನು ಬ್ಯಾಂಕ್ ವಿವಿಧ ಖರ್ಚು ವಿಭಾಗಗಳಾಗಿ ವಿಂಗಡಿಸಿ ಹೊಂದಾಣಿಕೆ ಮಾಡುತ್ತಿತ್ತು. ಈಗ ಎಸ್ಬಿಐ ಕಾರ್ಡ್ ತನ್ನ ಪಾವತಿ ಹೊಂದಾಣಿಕೆಯ ಆದ್ಯತೆಯನ್ನು ಬದಲಾಯಿಸಿದೆ. ಈ ಕುರಿತು ಹೆಚ್ಚಿನ ಮಾಹಿತಿ ಶೀಘ್ರದಲ್ಲೇ ಲಭ್ಯವಾಗಲಿದೆ.
ಕನಿಷ್ಠ ಬಾಕಿ ಮೊತ್ತ (MAD) ಲೆಕ್ಕಾಚಾರದಲ್ಲಿ ಹೊಸ ನಿಯಮ!
ಎಸ್ಬಿಐ ಕ್ರೆಡಿಟ್ ಕಾರ್ಡ್ನ ಕನಿಷ್ಠ ಪಾವತಿ (Minimum Payment) ವಿಧಾನವೂ ಬದಲಾಗಿದೆ. ಈ ಬದಲಾವಣೆ ಎಂದರೆ, ನೀವು ಪ್ರತಿ ತಿಂಗಳು ಸಂಪೂರ್ಣ ಬಿಲ್ ಅನ್ನು ಪಾವತಿಸಲು ಸಾಧ್ಯವಾಗದಿದ್ದರೆ ಮತ್ತು ಕನಿಷ್ಠ ಬಾಕಿಯನ್ನು ಮಾತ್ರ ಪಾವತಿಸಿದರೆ, ಈಗ ನೀವು ಹಿಂದಿನದಕ್ಕಿಂತ ಹೆಚ್ಚು ಮೊತ್ತವನ್ನು ಪಾವತಿಸಬೇಕಾಗಬಹುದು. (SBI Credit Card)
Read this also : Credit Card : ಕ್ರೆಡಿಟ್ ಕಾರ್ಡ್ನ ಫುಲ್ ಲಿಮಿಟ್ ಬಳಸುವ ಮುನ್ನ ಹುಷಾರ್! ನಿಮ್ಮ ಕ್ರೆಡಿಟ್ ಸ್ಕೋರ್ ಮೇಲೆ ಬೀರುವ ಪರಿಣಾಮ….!
ಹೊಸ MAD ಲೆಕ್ಕಾಚಾರ ಹೀಗಿದೆ:
- 100% ಜಿಎಸ್ಟಿ (GST)
- 100% ಇಎಂಐ (EMI) ಮೊತ್ತ
- 100% ಶುಲ್ಕಗಳು ಮತ್ತು ಫೀಸುಗಳು (Charges & Fees)
- 100% ಹಣಕಾಸು ಶುಲ್ಕ (Finance Charge)
- ಮಿತಿ ಮೀರಿದ ಮೊತ್ತ (Overlimit Amount) (ಅನ್ವಯಿಸಿದರೆ)
- ಉಳಿದ ಮೊತ್ತದ 2%
ಸೂಚನೆ : ಈ ಬದಲಾವಣೆಯು ನಿಮ್ಮ ಆರ್ಥಿಕ ಯೋಜನೆಗಳ ಮೇಲೆ ಪರಿಣಾಮ ಬೀರಬಹುದು. ಹಾಗಾಗಿ, ನಿಮ್ಮ ಕ್ರೆಡಿಟ್ ಕಾರ್ಡ್ ಸ್ಟೇಟ್ಮೆಂಟ್ಗಳನ್ನು ಸೂಕ್ಷ್ಮವಾಗಿ ಪರಿಶೀಲಿಸಿ, ಹೊಸ ನಿಯಮಗಳ ಬಗ್ಗೆ ತಿಳಿದುಕೊಳ್ಳುವುದು ಉತ್ತಮ. ಈ ಬದಲಾವಣೆಗಳ ಕುರಿತು ನಿಮಗೆ ಯಾವುದೇ ಪ್ರಶ್ನೆಗಳಿದ್ದರೆ, ಎಸ್ಬಿಐ ಕಾರ್ಡ್ ಗ್ರಾಹಕ ಸೇವಾ ಕೇಂದ್ರವನ್ನು ಸಂಪರ್ಕಿಸಬಹುದು ಅಥವಾ ಅವರ ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಬಹುದು.