Wedding Viral Video : ವಧುವನ್ನು ಎತ್ತಿಕೊಂಡು ವೇದಿಕೆ ಏರಲು ಹೋದ ವರ.. ಅತಿ ವಿಶ್ವಾಸದಿಂದ ಮುಗ್ಗರಿಸಿ ಬಿದ್ದ ನವಜೋಡಿ!

ಮದುವೆ ಎಂದರೆ ‘ಸಾವಿರ ಕಾಲದ ಬೆಳೆ’. ಈ ವಿಶೇಷವಾದ ದಿನವನ್ನು ಜೀವನಪೂರ್ತಿ ನೆನಪಿನಲ್ಲಿಡಲು ವಧು-ವರರು ನಾನಾ ರೀತಿಯ ಪ್ರಯತ್ನಗಳನ್ನು ಮಾಡುತ್ತಾರೆ. ಅದ್ಧೂರಿ ಎಂಟ್ರಿ, ಭರ್ಜರಿ ಡ್ಯಾನ್ಸ್ ಹೀಗೆ ಮದುವೆಯನ್ನು (Wedding Viral Video) ಸ್ಪೆಷಲ್ ಆಗಿರಿಸಲು ಹೋಗಿ ಕೆಲವೊಮ್ಮೆ ಪೇಚಿಗೆ ಸಿಲುಕುವ ಘಟನೆಗಳೂ ನಡೆಯುತ್ತವೆ. ಹೌದು, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಮದುವೆ ಸಮಾರಂಭದ ವಿಡಿಯೋವೊಂದು ಸಖತ್ ವೈರಲ್ ಆಗುತ್ತಿದ್ದು, ವರನ ಅತಿ ವಿಶ್ವಾಸ (Overconfidence) ಹೇಗೆ ಅವಘಡಕ್ಕೆ ಕಾರಣವಾಯಿತು ಎಂಬುದನ್ನು ನೀವು ಇಲ್ಲಿ ಕಾಣಬಹುದು.

Wedding Viral Video – ಹುಮ್ಮಸ್ಸಿನಲ್ಲಿ ‘ಪುಷ್ಪ’ ಡ್ಯಾನ್ಸ್.. ಆಮೇಲೆ ಫ್ಲಾಪ್ ಶೋ!

ಸೋಶಿಯಲ್ ಮೀಡಿಯಾ ಪ್ಲಾಟ್‌ಫಾರ್ಮ್ X (ಹಿಂದಿನ ಟ್ವಿಟರ್) ನಲ್ಲಿ @hindugj ಎಂಬ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ವಿಡಿಯೋದಲ್ಲಿರುವಂತೆ, ಹಾರ ಬದಲಾಯಿಸಿಕೊಳ್ಳುವ (ವರ್‌ಮಾಲಾ) ಕಾರ್ಯಕ್ರಮಕ್ಕೂ ಮುನ್ನ ವರನು ವೇದಿಕೆ ಮೇಲೆ ‘ಪುಷ್ಪ’ ಸಿನಿಮಾದ ಹಾಡಿಗೆ ಭರ್ಜರಿಯಾಗಿ ಸ್ಟೆಪ್ಸ್ ಹಾಕಿದ್ದಾನೆ.

ಡ್ಯಾನ್ಸ್ ಮುಗಿದ ಬಳಿಕ, ಅತಿಯಾದ ಹುಮ್ಮಸ್ಸಿನಿಂದ ವೇದಿಕೆಯಿಂದ ಕೆಳಗಿಳಿದು ಬಂದ ವರ, ತನ್ನ ವಧುವನ್ನು ತನ್ನೆರಡು ಕೈಗಳಿಂದ ಎತ್ತಿಕೊಂಡು ಮತ್ತೆ ವೇದಿಕೆ ಏರಲು ಮುಂದಾಗಿದ್ದಾನೆ. ಆರಂಭದಲ್ಲಿ ಎಲ್ಲವೂ ಸಿನಿಮೀಯ ರೀತಿಯಲ್ಲಿಯೇ ಇತ್ತು. ಆದರೆ, ಯಾವಾಗ ಆತ ಮೆಟ್ಟಿಲುಗಳನ್ನು ಹತ್ತಲು ಶುರು ಮಾಡಿದನೋ, (Wedding Viral Video) ಆತನ ಬ್ಯಾಲೆನ್ಸ್ ತಪ್ಪಿದೆ. ಅಷ್ಟೇ, ಮರುಕ್ಷಣವೇ ವಧು-ವರರಿಬ್ಬರೂ ಒಟ್ಟಿಗೆ ಧಡಾರ್ ಅಂತ ಕೆಳಗೆ ಬಿದ್ದಿದ್ದಾರೆ! ತಕ್ಷಣವೇ ಎಚ್ಚೆತ್ತುಕೊಂಡ ಅತಿಥಿಗಳು ಮತ್ತು ಸಂಬಂಧಿಕರು ಗಾಬರಿಯಿಂದ ಅವರ ಸಹಾಯಕ್ಕೆ ಓಡಿಬಂದಿದ್ದಾರೆ.

ನೆಟ್ಟಿಗರ ಪ್ರತಿಕ್ರಿಯೆಗಳು

ಈ ಇಡೀ ಘಟನೆ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಇದೀಗ ಇಂಟರ್ನೆಟ್‌ನಲ್ಲಿ ಟ್ರೆಂಡ್ ಆಗುತ್ತಿದೆ. ವಿಡಿಯೋ ನೋಡಿದ ನೆಟ್ಟಿಗರು ವರನ ಓವರ್‌ ಕಾನ್ಫಿಡೆನ್ಸ್ ಬಗ್ಗೆ ತರಹೇವಾರಿ (Wedding Viral Video) ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ:

• “ಏನೇ ಆಗಲಿ, ಈ ಮದುವೆ ಮಾತ್ರ ಅವರಿಬ್ಬರಿಗೂ ಜೀವನಪೂರ್ತಿ ನೆನಪಿನಲ್ಲಿ ಉಳಿಯುತ್ತದೆ ಬಿಡು ಗುರು” ಎಂದು ಒಬ್ಬರು ತಮಾಷೆಯಾಗಿ ಕಾಮೆಂಟ್ ಮಾಡಿದ್ದಾರೆ.

• “ಸಂತೋಷದ ಭರದಲ್ಲಿ ಮೈಮರೆಯಬಾರದು ಎನ್ನುವುದು ಇದಕ್ಕೆನೇ” ಎಂದು ಮತ್ತೊಬ್ಬರು ಹೇಳಿದ್ದಾರೆ.
• “ವರನು ತನ್ನ ಶಕ್ತಿ ಹಾಗೂ ವಧುವಿನ ತೂಕವನ್ನು ಸರಿಯಾಗಿ ಅಂದಾಜು ಮಾಡಬೇಕಿತ್ತು” ಎಂದು ಇನ್ನೊಬ್ಬ ಬಳಕೆದಾರರು ಕಿವಿಮಾತು ಹೇಳಿದ್ದಾರೆ. Read this also : “ಅಯ್ಯೋ ಅಮ್ಮಾ… ಇದೇನಿದು!”: ಗಂಡನಿಂದ ಬಚ್ಚಿಟ್ಟಿದ್ದ 500-1000 ನೋಟುಗಳು 9 ವರ್ಷದ ನಂತರ ಪತ್ತೆ!
• “ಅತಿ ವಿಶ್ವಾಸ ಯಾವಾಗಲೂ ದೊಡ್ಡ ತಪ್ಪುಗಳಿಗೆ ಕಾರಣವಾಗುತ್ತದೆ. ಆತ್ಮವಿಶ್ವಾಸ ಇರಬೇಕು, ಆದರೆ ಅಲ್ಲಿ ವಿನಯವೂ ಇರಬೇಕು” ಎಂದು ಕೆಲವರು ಬುದ್ಧಿವಾದ ಹೇಳಿದ್ದಾರೆ.

ಕೆಲವರು ಇದನ್ನು (Wedding Viral Video) ಮುಜುಗರದ ಘಟನೆ ಎಂದರೆ, ಇನ್ನೂ ಕೆಲವರು ವರನ ಬೆಂಬಲಕ್ಕೂ ನಿಂತಿದ್ದಾರೆ. ಒಟ್ಟಿನಲ್ಲಿ, ಮದುವೆಯ ಸಂಭ್ರಮದಲ್ಲಿ ನಡೆದ ಈ ಸಣ್ಣ ಎಡವಟ್ಟು ಇದೀಗ ನೆಟ್ಟಿಗರಿಗೆ ಭರ್ಜರಿ ಮನರಂಜನೆ ನೀಡುತ್ತಿದೆ.

ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here