ಜಮ್ಮು ಮತ್ತು ಕಾಶ್ಮೀರ: ಸಾಮಾಜಿಕ ಜಾಲತಾಣಗಳಲ್ಲಿ ಪ್ರತಿದಿನ ಸಾವಿರಾರು ವಿಡಿಯೋಗಳು ಹರಿದಾಡುತ್ತವೆ. ಆದರೆ ಕೆಲವು ವಿಡಿಯೋಗಳು ನಮ್ಮ ಕಣ್ಣಾಲಿಗಳನ್ನು ಒದ್ದೆ ಮಾಡುವುದಲ್ಲದೆ, ಎದೆಯಾಳದಲ್ಲಿ ಒಂದು ರೀತಿಯ ನೋವನ್ನು ಉಳಿಸಿ ಹೋಗುತ್ತವೆ. ಸದ್ಯ ಅಂತಹದ್ದೇ ಒಂದು ಹೃದಯ ವಿದ್ರಾವಕ ವಿಡಿಯೋ (Viral Video) ಇಂಟರ್ನೆಟ್ನಲ್ಲಿ ವೈರಲ್ ಆಗುತ್ತಿದ್ದು, ಇದನ್ನು ನೋಡಿದ ಪ್ರತಿಯೊಬ್ಬರೂ ಕಣ್ಣೀರು ಹಾಕುತ್ತಿದ್ದಾರೆ.
Viral Video – ಏನಿದು ಘಟನೆ?
ದೇಶಕ್ಕಾಗಿ ಪ್ರಾಣತ್ಯಾಗ ಮಾಡಿದ ವೀರ ಯೋಧನಿಗೆ ಜಗತ್ತೇ ನಮನ ಸಲ್ಲಿಸುತ್ತಿದ್ದರೆ, ಇತ್ತ ತನ್ನ ತಂದೆ ಇನ್ನಿಲ್ಲ ಎಂಬ ಅರಿವೇ ಇಲ್ಲದ ಒಂದು ವರ್ಷದ ಪುಟ್ಟ ಕಂದಮ್ಮ “ಪಪ್ಪಾ.. ಪಪ್ಪಾ..” ಎಂದು ಕೂಗುತ್ತಿರುವ ದೃಶ್ಯ ಯಾರಿಗಾದರೂ ಮರುಕ ಹುಟ್ಟಿಸುವಂತಿದೆ. ಇತ್ತೀಚೆಗೆ ಜಮ್ಮು ಮತ್ತು ಕಾಶ್ಮೀರದ ಉಧಂಪುರ ಜಿಲ್ಲೆಯ ಸೋಹನ್ ಅರಣ್ಯ ಪ್ರದೇಶದಲ್ಲಿ ಪಾಕಿಸ್ತಾನಿ ಭಯೋತ್ಪಾದಕರ ವಿರುದ್ಧ ನಡೆದ ಎನ್ಕೌಂಟರ್ನಲ್ಲಿ ಎಸ್ಓಜಿ (SOG) ಜವಾನ್ ಅಮ್ಜದ್ ಅಲಿ ಖಾನ್ ವೀರಮರಣ ಹೊಂದಿದ್ದರು.
ಮಗುವಿನ ಮುಗ್ಧತೆ, ನೆರೆದವರ ಕಣ್ಣೀರು
ಉಧಂಪುರದ ಜಿಲ್ಲಾ ಪೊಲೀಸ್ (Viral Video) ಲೈನ್ಸ್ನಲ್ಲಿ ನಡೆದ ಪುಷ್ಪಗುಚ್ಛ ಅರ್ಪಿಸುವ ಕಾರ್ಯಕ್ರಮದಲ್ಲಿ ಅಮ್ಜದ್ ಅಲಿ ಖಾನ್ ಅವರ ಪಾರ್ಥಿವ ಶರೀರವನ್ನು ಇರಿಸಲಾಗಿತ್ತು. ಈ ವೇಳೆ ಅವರ ಒಂದು ವರ್ಷದ ಪುಟ್ಟ ಮಗಳು, ತನ್ನ ತಂದೆಯ ಮೃತದೇಹದ ಬಳಿ ಬಂದು ಅಸ್ಪಷ್ಟವಾಗಿ “ಪಪ್ಪಾ.. ಪಪ್ಪಾ..” ಎಂದು ಕರೆಯುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ತನ್ನ ತಂದೆ ಮಲಗಿದ್ದಾರೆ, ಏಳುತ್ತಾರೆ ಎಂಬ ಮುಗ್ಧ ಭಾವನೆಯಲ್ಲಿದ್ದ ಆ ಮಗುವಿನ ಕೂಗು ನೆರೆದಿದ್ದ ಪೊಲೀಸರ ಮತ್ತು ಸಾರ್ವಜನಿಕರ ಎದೆ ಸೀಳುವಂತಿತ್ತು.
“ವೀರರು ಎಂದಿಗೂ ಸಾಯುವುದಿಲ್ಲ”
ಈ ಘಟನೆಗೆ ಸಂಬಂಧಿಸಿದಂತೆ ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ಎಕ್ಸ್ (X) ಖಾತೆಯಲ್ಲಿ ಭಾವುಕ ಪೋಸ್ಟ್ ಹಂಚಿಕೊಂಡಿದ್ದಾರೆ. “ವೀರರು ಎಂದಿಗೂ ಸಾಯುವುದಿಲ್ಲ! (Viral Video)ಡಿಜಿಪಿ ನಳಿನ್ ಪ್ರಭಾತ್ ಮತ್ತು ಜಮ್ಮು ಕಾಶ್ಮೀರ ಪೊಲೀಸರೆಲ್ಲರೂ ಉಧಂಪುರದ ಸೋನ್ ಅರಣ್ಯದಲ್ಲಿ ಪಾಕಿಸ್ತಾನಿ ಉಗ್ರರ ವಿರುದ್ಧ ಹೋರಾಡಿ ಪರಮೋಚ್ಚ ತ್ಯಾಗ ಮಾಡಿದ ಕಾನ್ಸ್ಟೇಬಲ್ ಅಮ್ಜದ್ ಅಲಿ ಖಾನ್ ಅವರಿಗೆ ಗೌರವ ಸಲ್ಲಿಸುತ್ತೇವೆ. ಹುತಾತ್ಮರ ಕುಟುಂಬದ ನೋವಿನಲ್ಲಿ ನಾವೂ ಭಾಗಿಗಳಾಗಿದ್ದೇವೆ” ಎಂದು ಬರೆದುಕೊಂಡಿದ್ದಾರೆ. Read this also : ಅಮ್ಮನ ಮುಗ್ಧ ನಗು, ಅಪ್ಪನ ಮೌನ.. ಕಣ್ಣೀರು ತರಿಸುತ್ತೆ ರೈಲ್ವೆ ಸ್ಟೇಷನ್ನ ಈ ವೈರಲ್ ವಿಡಿಯೋ
ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ಮತ್ತು ಸಂತಾಪ
ಈ ವಿಡಿಯೋ ವೈರಲ್ (Viral Video) ಆಗುತ್ತಿದ್ದಂತೆ ನೆಟ್ಟಿಗರು ಭಾರೀ ಪ್ರಮಾಣದಲ್ಲಿ ಪ್ರತಿಕ್ರಿಯಿಸುತ್ತಿದ್ದಾರೆ. “ದೇಶಕ್ಕಾಗಿ ಪ್ರಾಣ ಕೊಟ್ಟ ಈ ವೀರನ ತಂದೆಗೆ ನಮ್ಮ ನಮನಗಳು, ಆದರೆ ಆ ಪುಟ್ಟ ಮಗುವಿನ ಭವಿಷ್ಯ ನೆನೆದರೆ ಮನಸ್ಸು ಭಾರವಾಗುತ್ತದೆ” ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ. “ಕಾಶ್ಮೀರದ ಕಥೆಯು ಇಂತಹ ಅನೇಕ ತ್ಯಾಗಗಳಿಂದ ಬರೆಯಲ್ಪಟ್ಟಿದೆ” ಎಂದು ಹಲವರು ತಮ್ಮ ಭಾವನೆ ಹಂಚಿಕೊಂಡಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
ತನ್ನ ತಂದೆಯ ಮಡಿಲಲ್ಲಿ ಆಡಬೇಕಾದ ವಯಸ್ಸಿನಲ್ಲಿ, ದೇಶ ಕಾಯುವ ಕಾಯಕದಲ್ಲಿ ತಂದೆಯನ್ನು ಕಳೆದುಕೊಂಡ ಈ ಮಗುವಿನ ವಿಡಿಯೋ ದೇಶದ ಪ್ರತಿಯೊಬ್ಬ ನಾಗರಿಕನ ಕಣ್ಣಲ್ಲೂ ನೀರು ತರಿಸುತ್ತಿದೆ. ಭಾರತದ ರಕ್ಷಣೆಗಾಗಿ ತನ್ನ ಪ್ರಾಣವನ್ನೇ ಅರ್ಪಿಸಿದ ಅಮ್ಜದ್ ಅಲಿ ಖಾನ್ ಅವರಿಗೆ ನಾವೆಲ್ಲರೂ ನಮಿಸೋಣ.