ಇಂದಿನ ಡಿಜಿಟಲ್ ಯುಗದಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಬೇಕು ಎನ್ನುವ ಹುಚ್ಚು ಯಾವ ಮಟ್ಟಕ್ಕೆ ತಲುಪಿದೆ ಎಂದರೆ, ಅದಕ್ಕಾಗಿ ಜನರು ತಮ್ಮ ನೈತಿಕತೆಯನ್ನು ಮರೆಯುತ್ತಿದ್ದಾರೆ. ಕೇವಲ ವ್ಯೂಸ್ ಮತ್ತು ಲೈಕ್ಸ್ಗಳ ಬೆನ್ನತ್ತಿ ಹೋಗುವ ಭರದಲ್ಲಿ ಮುಗ್ಧ ಜನರ ಮನಸ್ಸಿಗೆ ನೋವು ಮಾಡುವ ಅಥವಾ ಸಾರ್ವಜನಿಕವಾಗಿ ಮುಜುಗರ ಉಂಟುಮಾಡುವ ಕೆಲಸಗಳು ಎಗ್ಗಿಲ್ಲದೆ ನಡೆಯುತ್ತಿವೆ. ಇತ್ತೀಚೆಗೆ ಕುಂದನ್ ಪಟೇಲ್ ಎಂಬುವವರು ಹಂಚಿಕೊಂಡಿರುವ (Viral Video) ವಿಡಿಯೋವೊಂದು ಇಂತಹದ್ದೇ ಒಂದು ಗಂಭೀರ ಚರ್ಚೆಗೆ ದಾರಿ ಮಾಡಿಕೊಟ್ಟಿದೆ.
Viral Video – ಕೇವಲ ನೂರು ರೂಪಾಯಿಗಾಗಿ ಈ ಬಾರ್ಗೇನಿಂಗ್ ಬೇಕಿತ್ತಾ?
ಈ ವಿಡಿಯೋದಲ್ಲಿ ಇಬ್ಬರು ಯುವತಿಯರು ಕ್ಯಾಬ್ ಚಾಲಕನೊಬ್ಬನ ಜೊತೆ ಬಾಡಿಗೆ ವಿಚಾರವಾಗಿ ಚರ್ಚೆ ನಡೆಸುತ್ತಿರುವುದು ಕಂಡುಬರುತ್ತದೆ. ಆದರೆ ಇಲ್ಲಿ ಅಚ್ಚರಿ ಮತ್ತು ಆಕ್ರೋಶಕ್ಕೆ ಕಾರಣವಾಗಿರುವುದು ಅವರು ನೀಡಿದ ಆಫರ್. ಕೇವಲ 100 ರೂಪಾಯಿ ರಿಯಾಯಿತಿ ಪಡೆಯುವ ಉದ್ದೇಶದಿಂದ ಅವರು ಆ ಚಾಲಕನಿಗೆ ‘ಫ್ರೀ ಎಂಟರ್ಟೈನ್ಮೆಂಟ್’ ಅಂದರೆ ಉಚಿತ ಮನರಂಜನೆ ನೀಡುವುದಾಗಿ ಹೇಳಿದ್ದಾರೆ. ನೂರು ರೂಪಾಯಿಯಂತಹ ಸಣ್ಣ ಮೊತ್ತಕ್ಕಾಗಿ ಈ ರೀತಿ ಮಾತನಾಡುವುದು ಸರಿಯೇ ಎಂದು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ.
ಸೋಷಿಯಲ್ ಮೀಡಿಯಾ ಕ್ರೇಜ್ ಮತ್ತು ನೈತಿಕತೆಯ ಪ್ರಶ್ನೆ
ಇದು ನಿಜವಾಗಿಯೂ ನಡೆದ ಘಟನೆಯೇ ಅಥವಾ ಕೇವಲ (Viral Video) ಸೋಶಿಯಲ್ ಮೀಡಿಯಾ ರೀಲ್ಸ್ಗಾಗಿ ಸೃಷ್ಟಿಸಿದ ನಾಟಕವೇ ಎನ್ನುವ ಅನುಮಾನವೂ ವ್ಯಕ್ತವಾಗಿದೆ. ಕೇವಲ ಪ್ರಚಾರಕ್ಕಾಗಿ ಇಂತಹ ಕೆಟ್ಟ ವರ್ತನೆಗಳನ್ನು ತೋರುವುದು ಸರಿಯಲ್ಲ ಎನ್ನುವುದು ಅನೇಕರ ಅಭಿಪ್ರಾಯ. ದಿನವಿಡೀ ಕಷ್ಟಪಟ್ಟು ದುಡಿಯುವ ಕಾರ್ಮಿಕರನ್ನು ಇಂತಹ ಹಾಸ್ಯಾಸ್ಪದ ಅಥವಾ ಮುಜುಗರದ ಸನ್ನಿವೇಶಗಳಿಗೆ ಸಿಲುಕಿಸುವುದು ಆ ವ್ಯಕ್ತಿಯ ಘನತೆಗೆ ಮಾಡುವ ಅಪಮಾನವಾಗಿದೆ. ಅನೇಕ ನೆಟ್ಟಿಗರು ಇದನ್ನು ‘ಲಜ್ಜೆಗೆಟ್ಟ ವರ್ತನೆ’ ಎಂದು ಕರೆದಿದ್ದು, ಇಂತಹ ಘಟನೆಗಳ ವಿರುದ್ಧ ಶಿಸ್ತುಕ್ರಮ ಜರುಗಿಸಬೇಕು ಎಂದು ಒತ್ತಾಯಿಸಿದ್ದಾರೆ. Read this also : “ನಾನೂ ಒಬ್ಬ ಅಪ್ಪ, ಭಯ ಬೇಡ ತಾಯಿ”: ಆಟೋ ಡ್ರೈವರ್ ಸೀಟ್ ಹಿಂದಿನ ಬರಹ ಓದಿ ಕರಗಿದ ಯುವತಿ!
ಲಿಂಗ ತಾರತಮ್ಯದ ಬಗ್ಗೆ ಎದ್ದಿದೆ ದೊಡ್ಡ ಚರ್ಚೆ
ಇದೇ ಸಂದರ್ಭದಲ್ಲಿ ಸಮಾಜದಲ್ಲಿರುವ ಲಿಂಗ ತಾರತಮ್ಯದ ಬಗ್ಗೆಯೂ ಧ್ವನಿ ಕೇಳಿಬರುತ್ತಿದೆ. ಒಂದು ವೇಳೆ ಇದೇ ಸನ್ನಿವೇಶದಲ್ಲಿ ಹುಡುಗಿಯರ ಜಾಗದಲ್ಲಿ ಹುಡುಗರಿದ್ದು, ಚಾಲಕ ಮಹಿಳೆಯಾಗಿದ್ದರೆ ಪರಿಸ್ಥಿತಿ ಏನಾಗುತ್ತಿತ್ತು ಎಂದು ಜನರು ಕೇಳುತ್ತಿದ್ದಾರೆ. ಮಹಿಳೆಯರಿಗೆ ಇಂತಹ ಪರಿಸ್ಥಿತಿ ಎದುರಾಗಿದ್ದರೆ ಪೊಲೀಸರು ತಕ್ಷಣವೇ ಸುಮೋಟೋ ದೂರು ದಾಖಲಿಸಿಕೊಳ್ಳುತ್ತಿದ್ದರು, ಆದರೆ ಇಲ್ಲಿ ಪುರುಷ ಚಾಲಕನಿಗೆ ಮುಜುಗರವಾಗಿದ್ದರೂ ಯಾವುದೇ ಕ್ರಮವಾಗಿಲ್ಲ ಎಂದು ಕಾಮೆಂಟ್ ಬಾಕ್ಸ್ನಲ್ಲಿ ಆಕ್ರೋಶ (Viral Video) ವ್ಯಕ್ತವಾಗುತ್ತಿದೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ: Click Here
ಕಾರ್ಮಿಕರ ಘನತೆ ಮತ್ತು ಸಾರ್ವಜನಿಕ ಜವಾಬ್ದಾರಿ
ಈ ಬಗ್ಗೆ ಎಕ್ಸ್ ಖಾತೆಯಲ್ಲಿ ಶೋನಿ ಕಪೂರ್ ಎಂಬುವವರು ಕೂಡ ಪ್ರತಿಕ್ರಿಯಿಸಿದ್ದು, ಕ್ಯಾಬ್ ಚಾಲಕರು ಅಥವಾ ಯಾವುದೇ ಸೇವಾ ವಲಯದ ಕಾರ್ಮಿಕರು ಸಾರ್ವಜನಿಕ ಸೇವೆಯಲ್ಲಿರುವವರು ಎಂಬುದನ್ನು ನೆನಪಿಸಿದ್ದಾರೆ. ಅವರನ್ನು ಅಗ್ಗದ ಮನರಂಜನೆಗಾಗಿ ಅಥವಾ ವೈಯಕ್ತಿಕ ಲಾಭಕ್ಕಾಗಿ ಬಳಸಿಕೊಳ್ಳುವುದು ಅತ್ಯಂತ ಕಳವಳಕಾರಿ (Viral Video) ಸಂಗತಿ ಎಂದು ಅವರು ಹೇಳಿದ್ದಾರೆ. ಸಾರ್ವಜನಿಕ ಸ್ಥಳಗಳು ಅಥವಾ ವೃತ್ತಿಪರ ಸೇವೆಗಳು ಎಂದಿಗೂ ಇಂತಹ ಅಸಭ್ಯ ಬಾರ್ಗೇನಿಂಗ್ಗೆ ವೇದಿಕೆಯಾಗಬಾರದು.
ಕೇವಲ ‘ವ್ಯೂಸ್’ ಎಂಬ ತಾತ್ಕಾಲಿಕ ಸುಖಕ್ಕಾಗಿ ಗೌರವ ಮತ್ತು ಜವಾಬ್ದಾರಿಯನ್ನು ಬಲಿ ಕೊಡುವುದು ಸಮಾಜದ ಸ್ವಾಸ್ಥ್ಯವನ್ನು ಹಾಳು ಮಾಡುತ್ತದೆ. ಇಂತಹ ಘಟನೆಗಳು ಜವಾಬ್ದಾರಿಯುತ ನಡವಳಿಕೆಯ ಅಗತ್ಯತೆಯನ್ನು ನಮಗೆ ಪದೇ ಪದೇ ನೆನಪಿಸುತ್ತಿವೆ.