ಕೆಲವು ದಿನಗಳ ಹಿಂದೆ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋವೊಂದು ಕಿಚ್ಚು ಹಚ್ಚಿತ್ತು. ಮದುವೆಯ ಸಜ್ಜಿನಲ್ಲಿದ್ದ ವಧುವೊಬ್ಬರು, ಮದುವೆಗೆ ಕೆಲವೇ ಗಂಟೆಗಳ ಮೊದಲು ತನ್ನ ಮಾಜಿ ಪ್ರೇಮಿಯನ್ನು ಭೇಟಿಯಾಗಿ ಭಾವುಕರಾಗುವ ದೃಶ್ಯ ಆ ವಿಡಿಯೋದಲ್ಲಿತ್ತು. ಇದನ್ನು ನೋಡಿದ ನೆಟ್ಟಿಗರು ಆಕೆಯ ನಡತೆಯನ್ನು ಪ್ರಶ್ನಿಸಿ, ಹಿಗ್ಗಾಮುಗ್ಗಾ ಟ್ರೋಲ್ ಮಾಡಿದ್ದರು. ಆದರೆ, ಈಗ ಈ ವಿಡಿಯೋದಲ್ಲಿದ್ದ ಮಹಿಳೆ ಸ್ವತಃ ಮುಂದೆ ಬಂದು ಶಾಕಿಂಗ್ ಸತ್ಯವೊಂದನ್ನು ಬಿಚ್ಚಿಟ್ಟಿದ್ದಾರೆ.
Viral Bride Video – ಇದು ಕೇವಲ ನಟನೆ, ನಿಜ ಜೀವನವಲ್ಲ!
ವಿಡಿಯೋದಲ್ಲಿದ್ದ ಯುವತಿ ಶ್ರುತಿ ದಹುಜಾ (Shruti Dahuja), ಇತ್ತೀಚೆಗೆ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಸ್ಪಷ್ಟನೆ ನೀಡಿದ್ದಾರೆ. ಆ ವಿಡಿಯೋ ಸಂಪೂರ್ಣವಾಗಿ ‘ಸ್ಕ್ರಿಪ್ಟೆಡ್’ (Scripted) ಅಂದರೆ ಪೂರ್ವಯೋಜಿತವಾಗಿ ಚಿತ್ರೀಕರಿಸಿದ ನಟನೆಯಾಗಿತ್ತು ಎಂದು ಅವರು ತಿಳಿಸಿದ್ದಾರೆ. ಕೇವಲ ಮನರಂಜನೆಗಾಗಿ ಮಾಡಿದ ವಿಡಿಯೋವನ್ನು ನಿಜ ಜೀವನದ ಘಟನೆ ಎಂಬಂತೆ ಬಿಂಬಿಸಿರುವುದು ಅವರಿಗೆ ಮತ್ತು ಅವರ ಕುಟುಂಬಕ್ಕೆ ದೊಡ್ಡ ಸಂಕಷ್ಟ ತಂದೊಡ್ಡಿದೆ. Read this also : ಮದುವೆಗೆ 2 ಗಂಟೆ ಮುಂಚೆ ಮಾಜಿ ಪ್ರೇಮಿಯನ್ನು ಭೇಟಿಯಾದ ವಧು! ವೈರಲ್ ವಿಡಿಯೋ ನೋಡಿ ನೆಟ್ಟಿಗರು ಗರಂ
Viral Bride Video – ಅನುಮತಿ ಇಲ್ಲದೆ ವಿಡಿಯೋ ಅಪ್ಲೋಡ್?
ಶ್ರುತಿ ಅವರು ನೀಡಿರುವ ಹೇಳಿಕೆಯ ಪ್ರಕಾರ, ಈ ವಿಡಿಯೋವನ್ನು ಅವರ ಅನುಮತಿ ಇಲ್ಲದೆ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳಲಾಗಿದೆ. ಕಂಟೆಂಟ್ ಕ್ರಿಯೇಟರ್ ಆರವ್ ಮಾವಿ ಎಂಬುವವರು ಈ ವಿಡಿಯೋವನ್ನು ಪೋಸ್ಟ್ ಮಾಡಿದ್ದರು. “ನಟನೆ ಅಂದ ಮೇಲೆ ಇದೆಲ್ಲಾ ಮಾಮೂಲಿ” ಎಂದು ಹೇಳಿ ಆರವ್ ವಿಡಿಯೋ ಮಾಡಿಸಿದ್ದರು, ಆದರೆ ಅಪ್ಲೋಡ್ ಮಾಡುವಾಗ ಇದು ‘ನಟಿಸಿದ ವಿಡಿಯೋ’ ಎಂಬ ಯಾವುದೇ ಡಿಸ್ಕ್ಲೇಮರ್ (Disclaimer) ಹಾಕಿರಲಿಲ್ಲ. ಇದರಿಂದಾಗಿ ಜನರು ಇದನ್ನು ನಿಜವೆಂದು ನಂಬಿದರು.
“ಆ ವ್ಯಕ್ತಿ ನನ್ನನ್ನು ಕೇಳದೆಯೇ ವಿಡಿಯೋ ಹಾಕಿದ್ದಾರೆ. ನನ್ನನ್ನು ಮಾತ್ರವಲ್ಲದೆ ನನ್ನ ತಂದೆ-ತಾಯಿಯನ್ನೂ ಜನರು ಟ್ರೋಲ್ ಮಾಡುತ್ತಿದ್ದಾರೆ. ನಮಗೆ ತುಂಬಾ ನೋವಾಗಿದೆ,” ಎಂದು ಶ್ರುತಿ ಅಳಲು ತೋಡಿಕೊಂಡಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click here
Viral Bride Video – ನೆಟ್ಟಿಗರ ಆಕ್ರೋಶ ಮತ್ತು ಸೋಷಿಯಲ್ ಮೀಡಿಯಾ ಪಾಠ
ಈ ವಿಡಿಯೋ ವೈರಲ್ ಆದಾಗ ಜನರು ವಧುವಿನ ಕ್ಯಾರೆಕ್ಟರ್ ಬಗ್ಗೆ ಕೆಟ್ಟದಾಗಿ ಮಾತನಾಡಿದ್ದರು. “ಆ ವರನ ಗತಿಯೇನು?” ಎಂದು ಅನುಕಂಪ ತೋರಿದ್ದರು. ಆದರೆ ಸತ್ಯ ತಿಳಿಯುತ್ತಿದ್ದಂತೆ ಈಗ ಜನರ ಅಭಿಪ್ರಾಯ ಬದಲಾಗುತ್ತಿದೆ. ಕೇವಲ ಲೈಕ್ಸ್ ಮತ್ತು ವ್ಯೂಸ್ಗಾಗಿ ಜನರ ಖಾಸಗಿ ಜೀವನಕ್ಕೆ ತೊಂದರೆ ಕೊಡುವ ಕಂಟೆಂಟ್ ಕ್ರಿಯೇಟರ್ಗಳ ವಿರುದ್ಧ ಸಾರ್ವಜನಿಕರು ಕಿಡಿಕಾರುತ್ತಿದ್ದಾರೆ.