Salary Account Benefits : ನಿಮ್ಮದು ಸ್ಯಾಲರಿ ಅಕೌಂಟಾ? ಹಾಗಾದ್ರೆ ಬ್ಯಾಂಕ್‌ನಲ್ಲಿ ಸಿಗುವ ಈ 8 ಅದ್ಭುತ ಲಾಭಗಳ ಬಗ್ಗೆ ನಿಮಗೆ ತಿಳಿದಿದೆಯೇ?

ಬಹುತೇಕ ಉದ್ಯೋಗಿಗಳು ತಮ್ಮ ಸ್ಯಾಲರಿ ಅಕೌಂಟ್ ಅನ್ನು ಕೇವಲ ಹಣ ಡ್ರಾ ಮಾಡಲು, ಇಎಂಐ (EMI) ಕಟ್ಟಲು ಅಥವಾ ಯುಪಿಐ (UPI) ಪಾವತಿಗಳಿಗೆ ಮಾತ್ರ ಬಳಸುತ್ತಾರೆ. ಆದರೆ, ನಿಮ್ಮದೇ ಬ್ಯಾಂಕ್ ಈ (Salary Account Benefits) ಒಂದು ಖಾತೆಯ ಮೇಲೆ ಲಕ್ಷಾಂತರ ರೂಪಾಯಿ ಮೌಲ್ಯದ ಉಚಿತ ವಿಮೆ, ಝೀರೋ ಬ್ಯಾಲೆನ್ಸ್ ಸೌಲಭ್ಯ ಹಾಗೂ ಸಾಲದ ಮೇಲೆ ಭರ್ಜರಿ ರಿಯಾಯಿತಿಗಳನ್ನು ನೀಡುತ್ತದೆ ಎಂಬುದು ನಿಮಗೆ ಗೊತ್ತೇ? ಹೌದು, ಸಾಮಾನ್ಯ ಸೇವಿಂಗ್ಸ್ ಅಕೌಂಟ್‌ಗಿಂತ ಭಿನ್ನವಾಗಿರುವ ‘ಸ್ಯಾಲರಿ ಅಕೌಂಟ್’ನ ಟಾಪ್ 8 ಸೀಕ್ರೆಟ್ ಲಾಭಗಳು ಇಲ್ಲಿವೆ.

Salary Account Benefits – ಆ 8 ಪ್ರಮುಖ ಲಾಭಗಳು ಇಲ್ಲಿವೆ

1. ಮಿನಿಮಮ್ ಬ್ಯಾಲೆನ್ಸ್ ಕಿರಿಕಿರಿ ಇಲ್ಲ (Zero Balance Facility)

ಸಾಮಾನ್ಯ ಉಳಿತಾಯ ಖಾತೆಗಳಲ್ಲಿ ಒಂದು ನಿರ್ದಿಷ್ಟ ಮೊತ್ತದ ಹಣವನ್ನು ಸದಾ ಇಟ್ಟಿರಬೇಕು, ಇಲ್ಲದಿದ್ದರೆ ಬ್ಯಾಂಕ್ ದಂಡ ವಿಧಿಸುತ್ತದೆ. ಆದರೆ ಸ್ಯಾಲರಿ ಅಕೌಂಟ್‌ನಲ್ಲಿ ಅಂತಹ ಯಾವುದೇ ನಿಯಮವಿಲ್ಲ. ನಿಮ್ಮ ಖಾತೆಯಲ್ಲಿ ಹಣ ಶೂನ್ಯವಾಗಿದ್ದರೂ ಬ್ಯಾಂಕ್ ಯಾವುದೇ ಪೆನಾಲ್ಟಿ ಹಾಕುವುದಿಲ್ಲ. ಇದು ಉದ್ಯೋಗಿಗಳಿಗೆ ತಮ್ಮ ಸಂಪೂರ್ಣ ಸಂಬಳವನ್ನು ಮುಕ್ತವಾಗಿ ಬಳಸಲು ಸಹಕಾರಿಯಾಗಿದೆ.

2. ಎಟಿಎಂನಿಂದ ಎಷ್ಟು ಬೇಕಾದರೂ ಹಣ ಪಡೆಯಿರಿ

ಹಣದ ತುರ್ತು ಅವಶ್ಯಕತೆ ಇದ್ದಾಗ ಪದೇ ಪದೇ ಎಟಿಎಂ ಬಳಸಬೇಕಾಗಬಹುದು. ಸ್ಯಾಲರಿ ಅಕೌಂಟ್ ಹೊಂದಿರುವವರಿಗೆ ತಮ್ಮದೇ ಬ್ಯಾಂಕಿನ ಎಟಿಎಂಗಳಲ್ಲಿ ಅನ್ಲಿಮಿಟೆಡ್ ಉಚಿತ ವಿತ್‌ಡ್ರಾ ಸೌಲಭ್ಯವಿರುತ್ತದೆ. (Salary Account Benefits) ಅಷ್ಟೇ ಅಲ್ಲದೆ, ಇತರ ಬ್ಯಾಂಕುಗಳ ಎಟಿಎಂಗಳಲ್ಲಿಯೂ ತಿಂಗಳಿಗೆ 5 ರಿಂದ 10 ಬಾರಿ ಉಚಿತವಾಗಿ ವ್ಯವಹಾರ ನಡೆಸಬಹುದು.

3. ತುರ್ತು ಸಂದರ್ಭಕ್ಕೆ ‘ಓವರ್‌ಡ್ರಾಫ್ಟ್’ ಸಂಜೀವಿನಿ

ಖಾತೆಯಲ್ಲಿ ಹಣ ಖಾಲಿಯಾಗಿದೆಯೇ? ಚಿಂತೆ ಬೇಡ. ಸ್ಯಾಲರಿ ಅಕೌಂಟ್ ಹೊಂದಿರುವವರಿಗೆ ಬ್ಯಾಂಕ್‌ಗಳು ಓವರ್‌ಡ್ರಾಫ್ಟ್ (Overdraft) ಸೌಲಭ್ಯ ನೀಡುತ್ತವೆ. ಇದರ ಮೂಲಕ ನಿಮ್ಮ ಸಂಬಳದ 2 ರಿಂದ 3 ಪಟ್ಟು ಹಣವನ್ನು ಸಾಲದ ರೂಪದಲ್ಲಿ ಪಡೆಯಬಹುದು. ಇದಕ್ಕೆ ಹೆಚ್ಚಿನ ದಾಖಲೆಗಳ ಅಗತ್ಯವಿಲ್ಲ ಮತ್ತು ಬಡ್ಡಿ ದರವೂ ಕೂಡ ಕಡಿಮೆಯಿರುತ್ತದೆ.

4. ಉಳಿತಾಯದ ಮೇಲೆ ಹೆಚ್ಚಿನ ಬಡ್ಡಿ

ಅನೇಕ ಪ್ರಮುಖ ಬ್ಯಾಂಕುಗಳು ಸ್ಯಾಲರಿ ಅಕೌಂಟ್ ಮೇಲೆ ಶೇ. 3 ರಿಂದ 7 ರವರೆಗೆ ಬಡ್ಡಿಯನ್ನು ನೀಡುತ್ತವೆ. ಇದು ಸಾಮಾನ್ಯ ಉಳಿತಾಯ ಖಾತೆಗಳಿಗಿಂತ ತುಸು ಹೆಚ್ಚೇ ಇರುತ್ತದೆ. ನೀವು ಖಾತೆಯಲ್ಲಿ ಇಡುವ ಹಣದ (Salary Account Benefits) ಮೇಲೆ ಉತ್ತಮ ಲಾಭ ಗಳಿಸಲು ಇದು ಉತ್ತಮ ಅವಕಾಶ.

5. ಉಚಿತ ವಿಮಾ ಸೌಲಭ್ಯ (Insurance Benefit)

ಇದು ಬಹಳಷ್ಟು ಜನರಿಗೆ ತಿಳಿಯದ ಸಂಗತಿ! ಸ್ಯಾಲರಿ ಅಕೌಂಟ್ ಜೊತೆಗೆ ಬ್ಯಾಂಕ್‌ಗಳು ಉಚಿತವಾಗಿ ವೈಯಕ್ತಿಕ ಅಪಘಾತ ವಿಮೆಯನ್ನು ನೀಡುತ್ತವೆ. ಖಾತೆ ಮತ್ತು ಬ್ಯಾಂಕ್ ಆಧಾರದ ಮೇಲೆ ಇದು 1 ಲಕ್ಷದಿಂದ 20 ಲಕ್ಷದವರೆಗೆ ಇರುತ್ತದೆ. ಕೆಲವು ಬ್ಯಾಂಕ್‌ಗಳು ಆರೋಗ್ಯ ವಿಮೆಯ ರಕ್ಷಣೆಯನ್ನು (Salary Account Benefits)  ಕೂಡ ಒದಗಿಸುತ್ತವೆ.

6. ಸಾಲ ಪಡೆಯುವಾಗ ವಿಶೇಷ ರಿಯಾಯಿತಿ

ನೀವು ಮನೆ ಕಟ್ಟಲು (Home Loan), ಕಾರು ಖರೀದಿಸಲು (Car Loan) ಅಥವಾ ವೈಯಕ್ತಿಕ ಸಾಲ (Personal Loan) ಪಡೆಯಲು ಯೋಜಿಸುತ್ತಿದ್ದರೆ, ನಿಮ್ಮ ಸ್ಯಾಲರಿ ಅಕೌಂಟ್ ಇರುವ ಬ್ಯಾಂಕ್‌ಗೆ ಮೊದಲು ಭೇಟಿ ನೀಡಿ. ಅಲ್ಲಿ ನಿಮಗೆ ಪ್ರೊಸೆಸಿಂಗ್ ಫೀಸ್‌ನಲ್ಲಿ ರಿಯಾಯಿತಿ ಮತ್ತು ಕಡಿಮೆ ಬಡ್ಡಿ ದರದ ಸೌಲಭ್ಯ ದೊರೆಯುವ ಸಾಧ್ಯತೆ ಹೆಚ್ಚಿರುತ್ತದೆ. Read more : ಸಿಬಿಲ್ ಸ್ಕೋರ್ ಕಡಿಮೆ ಇದೆಯೇ? ಚಿಂತಿಸಬೇಡಿ, ಸಾಲ ಪಡೆಯಲು ಇಲ್ಲಿವೆ 5 ಸ್ಮಾರ್ಟ್ ಮಾರ್ಗಗಳು!

7. ಕ್ರೆಡಿಟ್ ಕಾರ್ಡ್ ಮತ್ತು ಡಿಮ್ಯಾಟ್ ಖಾತೆ ಸುಲಭವಾಗಿ ಲಭ್ಯ

ಸ್ಯಾಲರಿ ಅಕೌಂಟ್ ಆಧಾರದ ಮೇಲೆ ಬ್ಯಾಂಕುಗಳು ಯಾವುದೇ ಮುನ್ಸೂಚನೆಯಿಲ್ಲದೆ ಕ್ರೆಡಿಟ್ ಕಾರ್ಡ್‌ಗಳನ್ನು ಆಫರ್ ಮಾಡುತ್ತವೆ. ಇದರ ಜೊತೆಗೆ, ಶೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು (Salary Account Benefits)  ಆಸಕ್ತಿ ಇದ್ದರೆ ಉಚಿತವಾಗಿ ಡಿಮ್ಯಾಟ್ ಖಾತೆಯನ್ನು ಕೂಡ ತೆರೆಯಬಹುದು. ಅಲ್ಲದೆ, ಬ್ಯಾಂಕ್ ಲಾಕರ್ ಬಾಡಿಗೆಯ ಮೇಲೆ ಶೇ. 25 ರಿಂದ 50 ರಷ್ಟು ರಿಯಾಯಿತಿ ಪಡೆಯಬಹುದು.

8. ಪ್ರೀಮಿಯಂ ಸೇವೆಗಳು ಸಂಪೂರ್ಣ ಉಚಿತ

ಸ್ಯಾಲರಿ ಅಕೌಂಟ್ ಇದ್ದರೆ ನೀವು ಚೆಕ್ ಬುಕ್, ಡಿಮಾಂಡ್ ಡ್ರಾಫ್ಟ್ (DD), ನೆಫ್ಟ್ (NEFT) ಅಥವಾ ಆರ್ ಟಿ ಜಿ ಎಸ್ (RTGS) ವರ್ಗಾವಣೆಗಳಿಗೆ ಯಾವುದೇ ಹೆಚ್ಚುವರಿ ಶುಲ್ಕ ನೀಡಬೇಕಿಲ್ಲ. ಇವೆಲ್ಲವೂ ಉಚಿತವಾಗಿ ದೊರೆಯುತ್ತವೆ. ಜೊತೆಗೆ ಎಸ್‌ಎಂಎಸ್ ಅಲರ್ಟ್‌ಗಳು ಕೂಡ ಫ್ರೀ ಇರುವುದರಿಂದ (Salary Account Benefits)  ನಿಮ್ಮ ಪ್ರತಿ ವ್ಯವಹಾರದ ಮೇಲೆ ನಿಗಾ ಇಡಬಹುದು.

ಗಮನಿಸಿ: ಒಂದು ವೇಳೆ ನಿಮ್ಮ ಸ್ಯಾಲರಿ ಅಕೌಂಟ್‌ಗೆ ಸತತ ಮೂರು ತಿಂಗಳು ಸಂಬಳ ಜಮೆಯಾಗದಿದ್ದರೆ, ಅದು ಸಾಮಾನ್ಯ ಉಳಿತಾಯ ಖಾತೆಯಾಗಿ (Savings Account) ಬದಲಾಗುತ್ತದೆ. ಆಗ ಮೇಲಿನ ಎಲ್ಲಾ ಸೌಲಭ್ಯಗಳು ರದ್ದಾಗಬಹುದು.