ರೇಷನ್ ಕಾರ್ಡ್ (Ration Card e-KYC) ಇ-ಕೆವೈಸಿ ಮಾಡಿಸಲು ನ್ಯಾಯಬೆಲೆ ಅಂಗಡಿಗಳ ಮುಂದೆ ಗಂಟೆಗಟ್ಟಲೆ ಕ್ಯೂ ನಿಂತು ಸುಸ್ತಾಗಿದ್ದೀರಾ? ಹಾಗಾದರೆ ನಿಮಗೊಂದು ಗುಡ್ ನ್ಯೂಸ್! ಸರ್ವರ್ ಡೌನ್, ಬಯೋಮೆಟ್ರಿಕ್ ಸಮಸ್ಯೆಗಳಿಗೆಲ್ಲಾ ಶಾಶ್ವತ ಬ್ರೇಕ್ ಹಾಕಲು ಆಹಾರ ಇಲಾಖೆಯು (Food Department) ಹೊಸ ಡಿಜಿಟಲ್ ತಂತ್ರಜ್ಞಾನವನ್ನು ಪರಿಚಯಿಸಿದೆ.
ಹೌದು, ಈಗ ನಿಮ್ಮ ಮೊಬೈಲ್‌ನಲ್ಲೇ, ಮನೆಯಲ್ಲೇ ಕುಳಿತು ಕೇವಲ ಐದೇ ನಿಮಿಷದಲ್ಲಿ e-KYC ಮುಗಿಸಬಹುದು. ಇದಕ್ಕಾಗಿ ‘ಅನ್ನ ಸೇವೆ’ (Anna Seve Mobile App) ಎಂಬ ಹೊಸ ಆ್ಯಪ್ ಅನ್ನು ಇಲಾಖೆ ಬಿಡುಗಡೆ ಮಾಡಿದೆ.
Ration Card e-KYC – ಕೇವಲ 8 ಜಿಲ್ಲೆಗಳಿಗೆ ಸೀಮಿತವಾಗಿದ್ದ ‘ಅನ್ನ ಸೇವೆ’ ಈಗ ಇಡೀ ರಾಜ್ಯಕ್ಕೆ!
ಆರಂಭದಲ್ಲಿ ಈ ಡಿಜಿಟಲ್ ಸೌಲಭ್ಯವನ್ನು ಪ್ರಾಯೋಗಿಕವಾಗಿ ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಉಡುಪಿ, ಹಾವೇರಿ, ಉತ್ತರ ಕನ್ನಡ, ಬಳ್ಳಾರಿ, ಬೀದರ್ ಹಾಗೂ ಕೊಪ್ಪಳ ಸೇರಿದಂತೆ ಕೇವಲ 8 ಜಿಲ್ಲೆಗಳಿಗೆ ಮಾತ್ರ ನೀಡಲಾಗಿತ್ತು. ಆದರೆ, ಇದೀಗ ಜನರಿಗೆ ಆಗುತ್ತಿರುವ ಅನುಕೂಲವನ್ನು ಗಮನಿಸಿ, ಈ ಸೇವೆಯನ್ನು ಕರ್ನಾಟಕದ ಎಲ್ಲಾ ಜಿಲ್ಲೆಗಳಿಗೂ ವಿಸ್ತರಿಸಲಾಗಿದೆ.
ಜನಸಾಮಾನ್ಯರಿಗೆ ಇದರಿಂದೇನು ಲಾಭ?
- ರೇಷನ್ ಅಂಗಡಿಗಳ ಮುಂದೆ ದಿನಗಟ್ಟಲೆ ಕಾಯುವ ಕಿರಿಕಿರಿ ಇರುವುದಿಲ್ಲ.
- ಸರ್ವರ್ ಬ್ಯುಸಿ ಅಥವಾ ಬಯೋಮೆಟ್ರಿಕ್ ಕೈಕೊಡುವ (ಬೆರಳಚ್ಚು ಮೂಡದ) ಟೆನ್ಷನ್ ಇರಲ್ಲ.
- ನಿಮ್ಮ ಬಿಡುವಿನ ವೇಳೆಯಲ್ಲೇ ಸ್ಮಾರ್ಟ್‌ಫೋನ್ ಬಳಸಿ ಫೇಸ್ ಅಥೆಂಟಿಕೇಶನ್ (Face Authentication) ತಂತ್ರಜ್ಞಾನದ ಮೂಲಕ ಸುಲಭವಾಗಿ ಪ್ರಕ್ರಿಯೆ ಮುಗಿಸಬಹುದು.
ಮನೆಯಲ್ಲೇ ರೇಷನ್ ಕಾರ್ಡ್ ಇ-ಕೆವೈಸಿ ಮಾಡುವುದು ಹೇಗೆ? (ಸುಲಭ ಹಂತಗಳು)
ಮನೆಯಲ್ಲೇ ಕುಳಿತು ಈ ಪ್ರಕ್ರಿಯೆ ಪೂರ್ಣಗೊಳಿಸಲು ನೀವು ನಿಮ್ಮ ಮೊಬೈಲ್‌ನ ಗೂಗಲ್ ಪ್ಲೇ ಸ್ಟೋರ್‌ಗೆ (Google Play Store) ಹೋಗಿ ಈ ಕೆಳಗಿನ ಮೂರು ಪ್ರಮುಖ ಆ್ಯಪ್‌ಗಳನ್ನು ಇನ್‌ಸ್ಟಾಲ್ ಮಾಡಿಕೊಳ್ಳಬೇಕು. Read this also : Ration Card e-KYC : ‘ಅನ್ನ ಸೇವೆ’ ಮೊಬೈಲ್ ಆಪ್ ಮೂಲಕ ಮನೆಯಲ್ಲೇ ಮಾಡಿ ರೇಷನ್ ಕಾರ್ಡ್ ಇ-ಕೆವೈಸಿ: ಮೊದಲ ಹಂತದಲ್ಲಿ 8 ಜಿಲ್ಲೆಗಳಿಗೆ ಅವಕಾಶ
ಡೌನ್‌ಲೋಡ್ ಮಾಡಬೇಕಾದ 3 ಪ್ರಮುಖ ಆ್ಯಪ್‌ಗಳು ಹಾಗೂ ಲಿಂಕ್‌ಗಳು:
- CeG Face KYC App: ಈ ಆ್ಯಪ್ ಅನ್ನು ಆಹಾರ ಇಲಾಖೆಯ ಅಧಿಕೃತ ವೆಬ್‌ಸೈಟ್‌ನಿಂದ ಡೌನ್‌ಲೋಡ್ ಮಾಡಿಕೊಳ್ಳಿ. ಲಿಂಕ್ ಇಲ್ಲಿದೆ
- AadhaarFaceRD App: ಆಧಾರ್ ಮುಖಬೆಲೆ ತಂತ್ರಜ್ಞಾನಕ್ಕಾಗಿ ಈ ಆ್ಯಪ್ ಅಗತ್ಯ. ಇಲ್ಲಿ ಡೌನ್‌ಲೋಡ್ ಮಾಡಿ
- Anna Seve App (ಅನ್ನ ಸೇವೆ): ಇ-ಕೆವೈಸಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುವ ಮುಖ್ಯ ಆ್ಯಪ್. ಇಲ್ಲಿ ಕ್ಲಿಕ್ ಮಾಡಿ
ಈ ಮೂರು ಆ್ಯಪ್‌ಗಳನ್ನು ಡೌನ್‌ಲೋಡ್ ಮಾಡಿದ ನಂತರ, ನಿಮ್ಮ ಮುಖವನ್ನು ಸ್ಕ್ಯಾನ್ ಮಾಡುವ ಮೂಲಕ (ಫೇಸ್ ಆಥಂಟಿಕೇಷನ್) ಅತ್ಯಂತ ಸುರಕ್ಷಿತವಾಗಿ ಹಾಗೂ ವೇಗವಾಗಿ ಇ-ಕೆವೈಸಿ ಮಾಡಿಕೊಳ್ಳಬಹುದು.
ಅಕ್ಟೋಬರ್ 20, 2026: ಇ-ಕೆವೈಸಿಗೆ ಕೊನೆಯ ದಿನಾಂಕ!
ರಾಜ್ಯಾದ್ಯಂತ ಒಟ್ಟು 2,67,64,276 ಪಡಿತರ ಚೀಟಿ ಫಲಾನುಭವಿಗಳು ಕಡ್ಡಾಯವಾಗಿ ಇ-ಕೆವೈಸಿ ಮಾಡಿಸಿಕೊಳ್ಳಬೇಕಿದೆ. ಸೆಪ್ಟೆಂಬರ್ 29ರ ವರದಿಯಂತೆ ಈಗಾಗಲೇ 1,56,21,608 ಜನರು ಯಶಸ್ವಿಯಾಗಿ ಈ ಪ್ರಕ್ರಿಯೆ ಮುಗಿಸಿದ್ದಾರೆ. ಇ-ಕೆವೈಸಿ ಪ್ರಕ್ರಿಯೆ ಪೂರ್ಣಗೊಳಿಸಲು ನೀಡಿದ್ದ ಗಡುವನ್ನು ಅಕ್ಟೋಬರ್ 20, 2026ರವರೆಗೆ ವಿಸ್ತರಿಸಲಾಗಿದೆ. ಹೀಗಾಗಿ ಕೊನೆಯ ದಿನದವರೆಗೂ ಕಾಯದೆ ಆದಷ್ಟು ಬೇಗ ಕೆವೈಸಿ ಮುಗಿಸಿಕೊಳ್ಳಿ.
ಒಮ್ಮೆಯೂ e-KYC ಮಾಡಿಸದವರಿಗೆ ಎಚ್ಚರಿಕೆ!
ರಾಜ್ಯದಲ್ಲಿ ಸುಮಾರು 3,82,362 ಸದಸ್ಯರು ಇದುವರೆಗೆ ಒಮ್ಮೆಯೂ ಇ-ಕೆವೈಸಿ ಮಾಡಿಸಿಲ್ಲ. ಅಂಥವರು ತಕ್ಷಣವೇ ಈ ಪ್ರಕ್ರಿಯೆ ಮುಗಿಸುವುದು ಕಡ್ಡಾಯವಾಗಿದೆ. ತಪ್ಪಿದ್ದಲ್ಲಿ ಮುಂದಿನ ದಿನಗಳಲ್ಲಿ ಆಹಾರ ಇಲಾಖೆಯಿಂದ ಕಠಿಣ ಕ್ರಮ ಜರುಗಿಸಲಾಗುವುದು.
ಸೂಚನೆ: ಒಂದು ವೇಳೆ ನಿಮಗೆ ಮೊಬೈಲ್‌ನಲ್ಲಿ ತಾಂತ್ರಿಕವಾಗಿ ಇ-ಕೆವೈಸಿ ಮಾಡಲು ಸಾಧ್ಯವಾಗದಿದ್ದರೆ, ಗಾಬರಿಯಾಗುವ ಅಗತ್ಯವಿಲ್ಲ. ನಿಮ್ಮ ಹತ್ತಿರದ ನ್ಯಾಯಬೆಲೆ ಅಂಗಡಿಗಳು ಅಥವಾ ಆಹಾರ ನಿರೀಕ್ಷಕರ ಮೂಲಕವೂ ಮೊದಲಿನಂತೆಯೇ ಇ-ಕೆವೈಸಿ ಮಾಡಿಸಿಕೊಳ್ಳಲು ಅವಕಾಶವಿದೆ.
