ಇತ್ತೀಚಿನ ದಿನಗಳಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋವೊಂದು ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಮದುವೆ ಮನೆಯೊಂದಕ್ಕೆ ಮಂಗಳಮುಖಿಯರ ವೇಷ ಧರಿಸಿ ಬಂದ ಯುವಕರ ಗ್ಯಾಂಗ್ಗೆ ಮಹಿಳೆಯರೆಲ್ಲ ಸೇರಿ ಚೆನ್ನಾಗಿ ಧರ್ಮದೇಟು ನೀಡಿರುವ ಘಟನೆ (MP Chhindwara Viral Video) ಮಧ್ಯಪ್ರದೇಶದಲ್ಲಿ ನಡೆದಿದೆ. ನಕಲಿ ವೇಷ ಧರಿಸಿ ಜನರನ್ನು ವಂಚಿಸಲು ಹೋದ ಕಿರಾತಕರಿಗೆ ಅಲ್ಲಿನ ಮಹಿಳೆಯರು ಸರಿಯಾಗಿಯೇ ಪಾಠ ಕಲಿಸಿದ್ದಾರೆ. ಸದ್ಯ ಈ ವಿಡಿಯೋ ಇಂಟರ್ನೆಟ್ನಲ್ಲಿ ಭಾರಿ ಸದ್ದು ಮಾಡ್ತಿದೆ.
MP Chhindwara Viral Video – ಅಸಲಿಗೆ ನಡೆದಿದ್ದೇನು?
ಈ ಶಾಕಿಂಗ್ ಘಟನೆ ನಡೆದಿರುವುದು ಮಧ್ಯಪ್ರದೇಶದ ಛಿಂದ್ವಾರಾ ಜಿಲ್ಲೆಯ ಪರಾಸಿಯಾ ಪ್ರದೇಶದ ದರ್ಬಾಯಿ ಎಂಬ ಹಳ್ಳಿಯಲ್ಲಿ. ಅಲ್ಲಿನ ಮದುವೆ ಮನೆಯೊಂದರಲ್ಲಿ ಸಂಭ್ರಮದ ವಾತಾವರಣವಿತ್ತು. ಹಠಾತ್ತನೆ ಅಲ್ಲಿಗೆ ಮಂಗಳಮುಖಿಯರಂತೆ ವೇಷ ಧರಿಸಿದ ಕೆಲ ಯುವಕರು ಎಂಟ್ರಿ ಕೊಟ್ಟಿದ್ದಾರೆ. ಮದುವೆ ಮನೆಗೆ ಬಂದು ಸಾಂಪ್ರದಾಯಿಕವಾಗಿ ನೀಡಲಾಗುವ ‘ನೆಗ್’ (ಶಕುನದ ಹಣ) ಗಾಗಿ ಭಾರಿ ಬೇಡಿಕೆ ಇಟ್ಟಿದ್ದಾರೆ. ಅವರು ಕೇಳಿದ ದೊಡ್ಡ ಮೊತ್ತವನ್ನು ನೋಡಿ ಅಲ್ಲಿದ್ದ ಗ್ರಾಮಸ್ಥರಿಗೆ ಅನುಮಾನ ಶುರುವಾಗಿದೆ.
ಮುಖವಾಡ ಕಳಚಿದ ಸ್ಥಳೀಯ ಮಂಗಳಮುಖಿಯರು!
ಗ್ರಾಮಸ್ಥರು ತಕ್ಷಣವೇ ಸ್ಥಳೀಯ ಮಂಗಳಮುಖಿಯರ ಸಂಘಟನೆಗೆ ವಿಷಯ ತಿಳಿಸಿದ್ದಾರೆ. ಸ್ಥಳಕ್ಕೆ ಧಾವಿಸಿದ ನಿಜವಾದ ಮಂಗಳಮುಖಿಯರು, ಈ ವೇಷಧಾರಿಗಳ ಗುರುತನ್ನು ಪರಿಶೀಲಿಸಲು ಮುಂದಾಗಿದ್ದಾರೆ. ಆಗಲೇ ಅಸಲಿ ಆಟ ಬಯಲಾಗಿದ್ದು! ಮಂಗಳಮುಖಿಯರ ಸೀರೆಯುಟ್ಟು ಬಂದವರೆಲ್ಲರೂ ಕೇವಲ ಹಣ ಲೂಟಿ ಮಾಡಲು ಬಂದ ಗಂಡಸರು ಎಂಬುದು ಸಾಬೀತಾಗಿದೆ.
ಯಾವಾಗ ಇವರ ಕಳ್ಳಾಟ ಬಯಲಾಯಿತೋ, ಮದುವೆ ಮನೆಯಲ್ಲಿದ್ದ ಮಹಿಳೆಯರ ಆಕ್ರೋಶ ಕಟ್ಟೆ ಒಡೆದಿದೆ. ವಂಚಿಸಲು ಬಂದ ಯುವಕರಿಗೆ ಅಲ್ಲೇ ಸಾರ್ವಜನಿಕವಾಗಿ ತಳಿಸಲು ಶುರು ಮಾಡಿದ್ದಾರೆ. (MP Chhindwara Viral Video) ಅವರ ಸೀರೆಗಳನ್ನು ಎಳೆದು, ಕಪಾಳಮೋಕ್ಷ ಮಾಡಿ ಸರಿಯಾಗಿ ಬೆಂಡೆತ್ತಿದ್ದಾರೆ. Read this also : ಮದುವೆ ಮನೆಯಲ್ಲಿ ಮಂಗಳಮುಖಿಯರ ಹೈಡ್ರಾಮಾ : ₹10 ಸಾವಿರಕ್ಕಾಗಿ ಅಸಭ್ಯ ವರ್ತನೆ, ಸಂಭ್ರಮದ ನಡುವೆ ಆತಂಕ!
ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ವೈರಲ್
ಅಲ್ಲಿದ್ದ ಸಾರ್ವಜನಿಕರು ಈ ಇಡೀ ಘಟನೆಯನ್ನು ತಮ್ಮ ಮೊಬೈಲ್ ಫೋನ್ಗಳಲ್ಲಿ ಸೆರೆಹಿಡಿದಿದ್ದಾರೆ. ವಿಡಿಯೋದಲ್ಲಿ (Related Video Here) ಮಹಿಳೆಯರು ನಕಲಿ ಮಂಗಳಮುಖಿಯರ ಮುಖವಾಡ ಕಳಚಿ, ಅವರಿಗೆ ಧರ್ಮದೇಟು (MP Chhindwara Viral Video) ನೀಡುತ್ತಿರುವುದು ಸ್ಪಷ್ಟವಾಗಿ ಕಾಣಿಸುತ್ತಿದೆ. ಸದ್ಯ ಈ ವಿಡಿಯೋ ಎಲ್ಲಾ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗ್ತಿದೆ.
ಇದು ಮೊದಲ ಬಾರಿ ಅಲ್ಲ!
ಸ್ಥಳೀಯರ ಪ್ರಕಾರ, ಈ ಯುವಕರ ಗ್ಯಾಂಗ್ ಈ ಹಿಂದೆಯೂ ಇಂತಹದ್ದೇ ಕೆಲಸ ಮಾಡಿ ಸಿಕ್ಕಿಬಿದ್ದಿತ್ತಂತೆ. ಜಿಲ್ಲೆಯ ಬೇರೆ ಬೇರೆ ಮದುವೆ ಹಾಗೂ ಶುಭ ಸಮಾರಂಭಗಳಿಗೆ ಇದೇ ರೀತಿ ಮಂಗಳಮುಖಿಯರ ವೇಷ ಧರಿಸಿ ಹೋಗಿ, ಕುಟುಂಬಸ್ಥರಿಂದ ಸಾವಿರಾರು ರೂಪಾಯಿ ಹಣ ವಸೂಲಿ ಮಾಡುತ್ತಿದ್ದರು ಎಂದು ಗ್ರಾಮಸ್ಥರು ಆಕ್ರೋಶ ಹೊರಹಾಕಿದ್ದಾರೆ.
ಘಟನೆ ಇಷ್ಟೊಂದು ದೊಡ್ಡದಾಗಿದ್ದರೂ, ಈವರೆಗೂ (MP Chhindwara Viral Video) ಪೊಲೀಸರು ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಈ ಪ್ರಕರಣದ ಬಗ್ಗೆ ಹೆಚ್ಚಿನ ಮಾಹಿತಿ ಇನ್ನಷ್ಟೇ ಹೊರಬರಬೇಕಿದೆ. ಏನೇ ಆಗಲಿ, ಕಷ್ಟಪಡದೆ ಹಣ ಗಳಿಸಲು ಹೋಗಿ ಮದುವೆ ಮನೆಯಲ್ಲಿ ಬೆತ್ತಲಾದ ಯುವಕರ ಕಥೆ ಮಾತ್ರ ಈಗ ಇಡೀ ದೇಶಕ್ಕೆ ಹರಡಿದೆ!