ಸೋಶಿಯಲ್ ಮೀಡಿಯಾದಲ್ಲಿ ಪ್ರತಿದಿನ ಸಾವಿರಾರು ವಿಡಿಯೋಗಳು ಅಪ್ಲೋಡ್ ಆಗುತ್ತವೆ. ಕೆಲವು ನಗಿಸಿದರೆ, ಇನ್ನು ಕೆಲವು ಬೆಚ್ಚಿಬೀಳಿಸುತ್ತವೆ. ಆದರೆ ಈಗ (Monkey Video) ವೈರಲ್ ಆಗಿರುವ ಒಂದು ವಿಡಿಯೋ ಮಾತ್ರ ನೋಡುವವರ ಮೈ ನವಿರೇಳಿಸುವಂತಿದೆ. “ದೈವಲೀಲೆ ಎಂದರೆ ಇದೇ ಇರಬೇಕೇನೋ” ಎಂದು ಭಕ್ತರು ಉದ್ಗರಿಸುವಂತೆ ಮಾಡಿರುವ ಈ ಘಟನೆಯು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ.
Monkey Video – ರೆಪ್ಪೆ ಬಡಿಯುವಷ್ಟರಲ್ಲಿ ತಪ್ಪಿತು ಘೋರ ಅಪಘಾತ
ವೈರಲ್ ಆಗಿರುವ ಸಿಸಿಟಿವಿ ದೃಶ್ಯಾವಳಿಯಲ್ಲಿ ಈ ಅಚ್ಚರಿಯ ಘಟನೆ ಸೆರೆಯಾಗಿದೆ. ಒಬ್ಬ ಯುವಕ ರಸ್ತೆಯ ಬದಿಯಲ್ಲಿರುವ ಕಟ್ಟೆಯ ಮೇಲೆ ಆರಾಮವಾಗಿ ಕುಳಿತಿದ್ದಾನೆ. ಅಷ್ಟರಲ್ಲಿ ಎಲ್ಲಿಂದಲೋ ಬಂದ ಕೋತಿಯೊಂದು ದಿಢೀರನೆ ಅವನ ತಲೆಯ ಮೇಲೆ ಹತ್ತಿ ಕುಳಿತುಕೊಳ್ಳುತ್ತದೆ. ಇದರಿಂದ ಗಾಬರಿಗೊಂಡ ಯುವಕ, ಕೋತಿಯಿಂದ ತಪ್ಪಿಸಿಕೊಳ್ಳಲು ತಕ್ಷಣ ಆ ಜಾಗದಿಂದ ಎದ್ದು ಪಕ್ಕಕ್ಕೆ ಸರಿಯುತ್ತಾನೆ.
ಯುವಕ ಎದ್ದ ಮರುಕ್ಷಣವೇ ಅತಿ ವೇಗವಾಗಿ ಬಂದ ವಾಹನವೊಂದು ಅವನು ಕುಳಿತಿದ್ದ ಜಾಗಕ್ಕೆ ಬಲವಾಗಿ ಡಿಕ್ಕಿ ಹೊಡೆದಿದೆ. ಒಂದು ವೇಳೆ ಆ ಕೋತಿ ಬಂದು ಅವನನ್ನು ಆ ಕ್ಷಣದಲ್ಲಿ ಎಬ್ಬಿಸದೇ ಹೋಗಿದ್ದರೆ, ಇಂದು ಆ ಯುವಕ ದೊಡ್ಡ ಪ್ರಾಣಾಪಾಯಕ್ಕೆ (Monkey Video) ಸಿಲುಕುತ್ತಿದ್ದ ಎನ್ನುವುದರಲ್ಲಿ ಸಂದೇಹವೇ ಇಲ್ಲ. Read this also : “ಅಯ್ಯೋ ಅಮ್ಮಾ… ಇದೇನಿದು!”: ಗಂಡನಿಂದ ಬಚ್ಚಿಟ್ಟಿದ್ದ 500-1000 ನೋಟುಗಳು 9 ವರ್ಷದ ನಂತರ ಪತ್ತೆ!
ನೆಟ್ಟಿಗರ ಪ್ರತಿಕ್ರಿಯೆ ಮತ್ತು ಭಕ್ತರ ನಂಬಿಕೆ
ಈ ವಿಡಿಯೋ ನೋಡಿದ ನೆಟ್ಟಿಗರು ಆಶ್ಚರ್ಯಚಕಿತರಾಗಿದ್ದಾರೆ. ಅನೇಕ ಭಕ್ತರು ಇದು ಕಾಕತಾಳೀಯವಲ್ಲ, ಸಾಕ್ಷಾತ್ ಹನುಮಂತನೇ ಬಂದು ಆ ಭಕ್ತನ ಪ್ರಾಣ ಉಳಿಸಿದ್ದಾನೆ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಈ ಜೀವರಕ್ಷಕ ವಾನರನ ಸಮಯಪ್ರಜ್ಞೆಯನ್ನು ಜನ ಕೊಂಡಾಡುತ್ತಿದ್ದಾರೆ. ಆದರೆ ಇನ್ನು ಕೆಲವರು ಇದು ನಿಜವಾದ ವಿಡಿಯೋನಾ ಅಥವಾ (Monkey Video) ಎಡಿಟಿಂಗ್ ಇರಬಹುದೇ ಎಂಬ ಅನುಮಾನವನ್ನೂ ವ್ಯಕ್ತಪಡಿಸುತ್ತಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
AI ತಂತ್ರಜ್ಞಾನದ ಇಂದಿನ ಕಾಲದಲ್ಲಿ ಜಾಗೃತಿಯೂ ಅಗತ್ಯ
ಇತ್ತೀಚೆಗೆ ಜಪಾನ್ನ ‘ಪಂಚ್ ಕೋತಿ’ ವಿಡಿಯೋ ವಿಶ್ವದಾದ್ಯಂತ ಸದ್ದು ಮಾಡಿದ್ದು ನಮಗೆಲ್ಲ ತಿಳಿದಿದೆ. ಪ್ರಸ್ತುತ ದಿನಗಳಲ್ಲಿ ಎಐ (AI) ಬಳಸಿ ಇಂತಹ ಅದ್ಭುತ ಎನಿಸುವ (Monkey Video) ವಿಡಿಯೋಗಳನ್ನು ಸೃಷ್ಟಿಸಲಾಗುತ್ತಿದೆ. ಹಾಗಾಗಿ, ಈ ವಿಡಿಯೋ ಸಂಪೂರ್ಣವಾಗಿ ನೈಜವೇ ಅಥವಾ ತಂತ್ರಜ್ಞಾನದ ಕರಾಮತ್ತೇ ಎಂಬ ಚರ್ಚೆಯೂ ಸೋಶಿಯಲ್ ಮೀಡಿಯಾದಲ್ಲಿ ನಡೆಯುತ್ತಿದೆ. ಏನೇ ಇರಲಿ, ಆ ಯುವಕ ಮಾತ್ರ ಕೂದಲೆಳೆ ಅಂತರದಲ್ಲಿ ಸಾವಿನಿಂದ ಪಾರಾಗಿದ್ದಂತೂ ಸತ್ಯ. ಸದ್ಯ ಈ ವಿಡಿಯೋ ಇಂಟರ್ನೆಟ್ನಲ್ಲಿ ಹಲ್ಚಲ್ ಎಬ್ಬಿಸುತ್ತಿದ್ದು, ಎಲ್ಲೆಡೆ ‘ಜೈ ಹನುಮಾನ್’ ಎಂಬ ಘೋಷಣೆಗಳು ಕೇಳಿಬರುತ್ತಿವೆ.