ಸೋಶಿಯಲ್ ಮೀಡಿಯಾ ಅನ್ನೋದು ಒಂದು ವಿಚಿತ್ರ ಪ್ರಪಂಚ. ಇಲ್ಲಿ ಯಾವಾಗ ಏನು ವೈರಲ್ ಆಗುತ್ತೆ ಅಂತ ಹೇಳೋಕೆ ಆಗಲ್ಲ. ಪ್ರಾಣಿಗಳ ಅದೆಷ್ಟೋ ಮುದ್ದಾದ ವಿಡಿಯೋಗಳನ್ನು ನಾವು ನೋಡಿರುತ್ತೇವೆ. ಆದರೆ, ಸದ್ಯ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿದರೆ ಎಂಥವರ ಎದೆ ಕೂಡ ಒಮ್ಮೆ ‘ಝಲ್’ ಎನ್ನುತ್ತದೆ. ಇದಕ್ಕೆ ಕಾರಣ ಇಲ್ಲೊಬ್ಬ ಯುವಕ ಸಾಕ್ಷಾತ್ ಯಮನ ಸ್ವರೂಪಿಯಾದ ಕಾಳಿಂಗ ಸರ್ಪದ (King Cobra) ಜೊತೆ ಸರಸವಾಡಲು ಹೋಗಿರುವುದು!
King Cobra – ಹಾವಿನ ಹೆಡೆಗೆ ಮುತ್ತಿಕ್ಕಿದ ಸಾಹಸಿ!
ಜಗತ್ತಿನ ಅತ್ಯಂತ ವಿಷಕಾರಿ ಹಾವುಗಳಲ್ಲಿ ಒಂದಾದ ‘ಕಿಂಗ್ ಕೋಬ್ರಾ’ ಅಥವಾ ಕಾಳಿಂಗ ಸರ್ಪದ ಹೆಸರು ಕೇಳಿದರೆ ಸಾಕು, ಮಾರುದ್ದ ದೂರ ಓಡುತ್ತೇವೆ. ಆದರೆ, ಈ ವಿಡಿಯೋದಲ್ಲಿರುವ ಯುವಕ ನಿರ್ಭಯವಾಗಿ ಆ ಹಾವಿನ ಜೊತೆ ಆಟವಾಡುತ್ತಿದ್ದಾನೆ. ಅಷ್ಟೇ ಅಲ್ಲ, ಟೇಬಲ್ ಮೇಲೆ ಹೆಡೆ ಎತ್ತಿ ನಿಂತಿರುವ ಆ ಬೃಹತ್ ಹಾವಿನ ಹೆಡೆಗೆ ಮುತ್ತು (Kiss) ಕೊಡಲು ಪ್ರಯತ್ನಿಸಿದ್ದಾನೆ. ಹಾವಿನ ಕಣ್ಣಲ್ಲಿ ಕಣ್ಣಿಟ್ಟು ನೋಡುತ್ತಾ, ನಗುತ್ತಾ ಕುಳಿತಿರುವ ಈತನ ಮುಖದಲ್ಲಿ ಭಯದ ಸಣ್ಣ ಎಳೆ ಕೂಡ ಕಾಣಿಸುತ್ತಿಲ್ಲ. ಇದು ನೋಡುಗರಿಗೆ ಆಶ್ಚರ್ಯದ ಜೊತೆಗೆ ಆತಂಕವನ್ನೂ ಉಂಟುಮಾಡಿದೆ.
King Cobra – ಕಣ್ಣು ಮಿಟುಕಿಸುವುದರೊಳಗೆ ದಾಳಿ!
ವಿಡಿಯೋದಲ್ಲಿರುವ ರೋಚಕ ಸಂಗತಿ ಏನೆಂದರೆ, ಆತ ಹಾವಿನ ಜೊತೆ ಸಲುಗೆಯಿಂದ ವರ್ತಿಸುತ್ತಿದ್ದಂತೆ, ಕೋಪಗೊಂಡ ನಾಗರಹಾವು ಅರೆ ಕ್ಷಣದಲ್ಲಿ ಆತನ ಮೇಲೆ ದಾಳಿ ಮಾಡಲು ಮುಂದಾಗುತ್ತದೆ. ಆದರೆ, ಚುರುಕಾಗಿದ್ದ ಆ ಯುವಕ ಅಷ್ಟೇ ವೇಗವಾಗಿ ಹಿಂದಕ್ಕೆ ಸರಿದು ತನ್ನನ್ನು ತಾನು ರಕ್ಷಿಸಿಕೊಳ್ಳುತ್ತಾನೆ. Read this also : ವಿಷ ಸರ್ಪ ಕಚ್ಚಿದರೂ, ಭಯಪಡದೇ ಅದನ್ನೇ ಹಿಡಿದು ಹೋಗಿ ಪ್ರಾಣ ಉಳಿಸಿಕೊಂಡ ಭೂಪ…!
ಸಾಮಾನ್ಯವಾಗಿ ಹಾವು ದಾಳಿ ಮಾಡಿದರೆ ಸಾಕು ಪ್ರಾಣಭಯ ಬರುತ್ತದೆ. ಆದರೆ ಈತ ಅದ್ಯಾವುದನ್ನೂ ಲೆಕ್ಕಿಸದೆ, ಮತ್ತೆ ಹಾವಿನ ಕುತ್ತಿಗೆಯನ್ನು ಸವರಿಕೊಂಡು ಅದರೊಂದಿಗೆ ಮಾತನಾಡಲು ಶುರು ಮಾಡುತ್ತಾನೆ. ವಿಡಿಯೋದ ಕೊನೆಯಲ್ಲಿ ಹಾವು ಮತ್ತೆ ಆತನ ಮುಖಕ್ಕೆ ಕಚ್ಚಲು ಹಾರಿದಂತೆ ಕಾಣುತ್ತದೆ, ಅಲ್ಲಿಗೆ ವಿಡಿಯೋ ಕಟ್ ಆಗುತ್ತದೆ. ಇದು ನೋಡುಗರ ಎದೆಯಲ್ಲಿ ಢವಢವ ಎನ್ನುವಂತೆ ಮಾಡಿದೆ.
King Cobra – ಯಾರಿವನು ‘ಸ್ನೇಕ್ ಮ್ಯಾನ್’?
ಈ ವಿಡಿಯೋದಲ್ಲಿ ಕಾಣುವ ವ್ಯಕ್ತಿಯನ್ನು ಇಂಡೋನೇಷ್ಯಾದ ಪ್ರಸಿದ್ಧ ಯೂಟ್ಯೂಬರ್ ಡೆಡೆ ಇನೊಯೆನ್ (Dede Inoen) ಎಂದು ಗುರುತಿಸಲಾಗಿದೆ. ಇಂತಹ ಅಪಾಯಕಾರಿ ಪ್ರಾಣಿಗಳ ಜೊತೆ ವಿಡಿಯೋ ಮಾಡುವುದು ಮತ್ತು ವಿಚಿತ್ರ ಸಾಹಸಗಳಿಗೆ ಇವರು ಫೇಮಸ್.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
3.5 ಮಿಲಿಯನ್ ವೀಕ್ಷಣೆ!
ಈ ಆಘಾತಕಾರಿ ವಿಡಿಯೋವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ @therealtarzann ಎಂಬ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಅಪ್ಲೋಡ್ ಆದ ಕೆಲವೇ ಸಮಯದಲ್ಲಿ ಈ ವಿಡಿಯೋ ಬರೋಬ್ಬರಿ 3.5 ಮಿಲಿಯನ್‌ಗಿಂತಲೂ ಹೆಚ್ಚು ವೀಕ್ಷಣೆ (Views) ಪಡೆದುಕೊಂಡಿದೆ. ಕಮೆಂಟ್ ಬಾಕ್ಸ್‌ನಲ್ಲಿ ನೆಟ್ಟಿಗರು “ಇವನಿಗೆ ಗುಂಡಿಗೆ ಗಟ್ಟಿ ಗುರು”, “ಇದು ಹುಚ್ಚುತನದ ಪರಮಾವಧಿ” ಅಂತೆಲ್ಲಾ ಕಾಮೆಂಟ್ ಮಾಡುತ್ತಿದ್ದಾರೆ.
ಎಚ್ಚರಿಕೆ: ಈ ವಿಡಿಯೋದಲ್ಲಿರುವ ವ್ಯಕ್ತಿ ತರಬೇತಿ ಪಡೆದವರಾಗಿರಬಹುದು. ದಯವಿಟ್ಟು ವನ್ಯಜೀವಿಗಳ ಜೊತೆ ಇಂತಹ ಅಪಾಯಕಾರಿ ಸಾಹಸಗಳನ್ನು ಯಾರೂ ಪ್ರಯೋಗಿಸಬೇಡಿ.