ಮಧ್ಯಪ್ರದೇಶದ ಜಬಲ್ಪುರದಲ್ಲಿ ತಲೆತಗ್ಗಿಸುವಂತಹ ಘಟನೆಯೊಂದು ನಡೆದಿದೆ. ಸಾರ್ವಜನಿಕರ ಕುಂದುಕೊರತೆ ಆಲಿಸುವ ಜಬಲ್ಪುರದ ಎಸ್ಪಿ (Superintendent of Police) ಕಚೇರಿಯಲ್ಲೇ ಇಬ್ಬರು ಮಹಿಳೆಯರು ಸಿನೆಮಾ ಶೈಲಿಯಲ್ಲಿ ಹೊಡೆದಾಡಿಕೊಂಡಿದ್ದಾರೆ. ಪರಸ್ಪರ ಪಂಚ್ ಮಾಡಿ, ಒದ್ದು, ಜುಟ್ಟು ಹಿಡಿದು ಎಳೆದಾಡಿದ ಹೈಡ್ರಾಮಾ ವಿಡಿಯೋ ಈಗ (Jabalpur Women Fight) ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಈ ಜಗಳದಲ್ಲಿ ಒಬ್ಬ ಮಹಿಳೆಗೆ ಗಂಭೀರ ಗಾಯಗಳಾಗಿದ್ದು, ಸದ್ಯ ಇಬ್ಬರನ್ನೂ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
Jabalpur Women Fight – ಜನಸಂಪರ್ಕ ಸಭೆಯಲ್ಲೇ ಶುರುವಾಯ್ತು ರಂಪಾಟ!
ಪ್ರತಿ ವಾರ ನಡೆಯುವ ಸಾರ್ವಜನಿಕರ ಅಹವಾಲು ಸ್ವೀಕರಿಸುವ ಸಭೆಯ ದಿನವೇ ಈ ಘಟನೆ ನಡೆದಿದೆ. ಕಚೇರಿಗೆ ಬಂದಿದ್ದ ಇಬ್ಬರು ಮಹಿಳೆಯರ ನಡುವೆ ಮೊದಲು ಮಾತಿನ ಚಕಮಕಿ ನಡೆದಿದೆ. ನೋಡನೋಡುತ್ತಿದ್ದಂತೆ ಈ ಜಗಳ ವಿಕೋಪಕ್ಕೆ ತಿರುಗಿ, ಇಬ್ಬರೂ ಕಚೇರಿಯ ನೆಲದ ಮೇಲೆಯೇ ಬಿದ್ದು ಉರುಳಾಡುತ್ತಾ ಒಬ್ಬರಿಗೊಬ್ಬರು ಮನಬಂದಂತೆ ಥಳಿಸಿಕೊಳ್ಳಲು ಶುರು ಮಾಡಿದರು. ಅಲ್ಲಿದ್ದ ಸಾರ್ವಜನಿಕರು ಹಾಗೂ ಪೊಲೀಸ್ ಸಿಬ್ಬಂದಿ ಗಾಬರಿಯಾಗಿ ಇಬ್ಬರನ್ನೂ ಬಿಡಿಸಲು ಹರಸಾಹಸ ಪಡಬೇಕಾಯಿತು.
ಮೊಬೈಲ್ನಲ್ಲಿ ವಿಡಿಯೋ ಮಾಡಿದ ಸಾರ್ವಜನಿಕರು
ಪೊಲೀಸ್ ಕಚೇರಿಯ ಒಳಗೆ ಇಷ್ಟೆಲ್ಲಾ ಹೈಡ್ರಾಮಾ ನಡೆಯುತ್ತಿದ್ದರೂ, ಅಲ್ಲಿದ್ದ ಕೆಲವರು ಜಗಳ ಬಿಡಿಸುವ ಬದಲು ತಮ್ಮ ಮೊಬೈಲ್ ಫೋನ್ಗಳನ್ನು ಹೊರತೆಗೆದು ವಿಡಿಯೋ ರೆಕಾರ್ಡ್ ಮಾಡಿಕೊಳ್ಳುವುದರಲ್ಲಿ ಬ್ಯುಸಿಯಾಗಿದ್ದರು. ಸದ್ಯ ಈ ಹೊಡೆದಾಟದ ದೃಶ್ಯಗಳು ಸೋಶಿಯಲ್ ಮೀಡಿಯಾದಲ್ಲಿ (Viral Video Here) ಸಖತ್ ಸೌಂಡ್ ಮಾಡುತ್ತಿವೆ. Read this also : ಪೆಟ್ರೋಲ್ ಬಂಕ್ನಲ್ಲಿ ಹುಡುಗಿಯರ ಹೈಡ್ರಾಮಾ: ಜುಟ್ಟು ಹಿಡಿದು ಕಿತ್ತಾಡಿಕೊಂಡ ಯುವತಿಯರು! ವಿಡಿಯೋ ವೈರಲ್
ಅಷ್ಟಕ್ಕೂ ಇಬ್ಬರ ನಡುವೆ ಜಗಳವಾಗಿದ್ದು ಯಾಕೆ?
ಪೊಲೀಸ್ ಮೂಲಗಳ ಪ್ರಕಾರ, ಗಾಯಗೊಂಡ ಮಹಿಳೆಯು ಯೂಟ್ಯೂಬರ್ (YouTuber) ಎನ್ನಲಾದ ವಿದ್ಯಾ ರೈಕ್ವಾರ್ ಎಂಬಾಕೆಯ ವಿರುದ್ಧ ದೂರು ನೀಡಲು ಎಸ್ಪಿ ಕಚೇರಿಗೆ ಬಂದಿದ್ದರು. ವಿದ್ಯಾ ರೈಕ್ವಾರ್ ಇತ್ತೀಚೆಗೆ ಈ ಗಾಯಾಳು ಮಹಿಳೆಯ ವಿರುದ್ಧ ಸುಳ್ಳು ಸುದ್ದಿ ಬಿತ್ತರಿಸಿದ್ದಾಳೆ ಮತ್ತು ಆಕೆಗೆ ಅಪರಾಧಿಗಳೊಂದಿಗೆ ಸಂಪರ್ಕವಿದೆ ಎಂದು ಆರೋಪಿಸಲಾಗಿತ್ತು. ಇದೇ ವಿಚಾರವಾಗಿ ಎಸ್ಪಿ ಬಳಿ ನ್ಯಾಯ ಕೇಳಲು ಬಂದಾಗ, ಅಲ್ಲಿಗೆ ಬಂದ ವಿದ್ಯಾ ರೈಕ್ವಾರ್ ಜೊತೆ ನೇರ ಮುಖಾಮುಖಿಯಾಗಿ ಈ ಮಾರಾಮಾರಿ ನಡೆದಿದೆ.
ತನಿಖೆ ಕೈಗೆತ್ತಿಕೊಂಡ ಸಿವಿಲ್ ಲೈನ್ಸ್ ಪೊಲೀಸರು
ಸದ್ಯ ಗಾಯಗೊಂಡ ಮಹಿಳೆಯನ್ನು ಚಿಕಿತ್ಸೆಗೆ ದಾಖಲಿಸಲಾಗಿದ್ದು, ಇಬ್ಬರು ಮಹಿಳೆಯರನ್ನು ಸಿವಿಲ್ ಲೈನ್ಸ್ ಪೊಲೀಸ್ ಠಾಣೆಗೆ ಕರೆದೊಯ್ದು ವಿಚಾರಣೆ ನಡೆಸಲಾಗುತ್ತಿದೆ. ಇಬ್ಬರ ನಡುವಿನ ನಿಜವಾದ ದ್ವೇಷಕ್ಕೆ ಕಾರಣವೇನು ಎಂಬುದು ಪೊಲೀಸರ ಸಂಪೂರ್ಣ ತನಿಖೆಯ ಬಳಿಕವಷ್ಟೇ ಬೆಳಕಿಗೆ ಬರಬೇಕಿದೆ. ಕಾನೂನು ಸುವ್ಯವಸ್ಥೆ ಕಾಪಾಡಬೇಕಾದ ಜಾಗದಲ್ಲೇ ಇಂತಹ ಘಟನೆ ನಡೆದಿರುವುದು ಸಾರ್ವಜನಿಕ ವಲಯದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.