Strawberry Moon – ಆಗಸದತ್ತ ಕಣ್ಣರಳಿಸಿ ನೋಡಲು ಇದಕ್ಕಿಂತ ಉತ್ತಮ ಸಮಯ ಮತ್ತೊಂದಿಲ್ಲ! ಬರೋಬ್ಬರಿ 11 ವರ್ಷಗಳ ಸುದೀರ್ಘ ಕಾಯುವಿಕೆಯ ನಂತರ, ಆಕಾಶದಲ್ಲಿ ಅತಿ ಅಪರೂಪದ ಮತ್ತು ಮನಮೋಹಕ ಘಟನೆಯೊಂದು ನಡೆಯಲಿದೆ – ಅದೇ ‘ಸ್ಟ್ರಾಬರಿ ಚಂದ್ರ‘! ಭೂಮಿಗೆ ಅತ್ಯಂತ ಸಮೀಪದಲ್ಲಿ ಗೋಚರಿಸುವ ಈ ಚಂದ್ರ, ತನ್ನ ಸಾಮಾನ್ಯ ರೂಪಕ್ಕಿಂತ ವಿಭಿನ್ನವಾಗಿ, ದೊಡ್ಡದಾಗಿ ಮತ್ತು ವಿಶಿಷ್ಟ ಬಣ್ಣದಲ್ಲಿ ಕಣ್ಮನ ಸೆಳೆಯಲಿದೆ.
Strawberry Moon – ಏನಿದು ‘ಸ್ಟ್ರಾಬರಿ ಚಂದ್ರ’ದ ಕೌತುಕ?
ಪ್ರತಿ ದಿನ ಆಗಸದಲ್ಲಿ ಏನಾದರೂ ಒಂದು ಕೌತುಕ ನಡೆಯುತ್ತಲೇ ಇರುತ್ತದೆ. ಆದರೆ ಕೆಲವು ಘಟನೆಗಳು ಮಾತ್ರ ನಮ್ಮನ್ನು ಅಚ್ಚರಿಗೊಳಿಸುತ್ತವೆ. ‘ಸ್ಟ್ರಾಬರಿ ಚಂದ್ರ’ ಅಂತಹ ಒಂದು ವಿಶೇಷ ಖಗೋಳ ವಿದ್ಯಮಾನ. ಇದು ಕೇವಲ ಪ್ರಕಾಶಮಾನವಾದ ಹುಣ್ಣಿಮೆಯಲ್ಲ, ಬದಲಿಗೆ ಭೂಮಿಗೆ ಚಂದ್ರ ಅತ್ಯಂತ ಹತ್ತಿರದಲ್ಲಿ ಹಾದುಹೋಗುವ ಕಾರಣ ಅದು ದೊಡ್ಡದಾಗಿ ಮತ್ತು ಗುಲಾಬಿ-ಕೆಂಪು ಬಣ್ಣದಲ್ಲಿ ಗೋಚರಿಸುತ್ತದೆ. ಈ ಅಸಾಮಾನ್ಯ ದೃಶ್ಯವನ್ನು ನೋಡಲು ನಿಮಗೆ ಯಾವುದೇ ದುಬಾರಿ ಉಪಕರಣಗಳು ಬೇಕಾಗಿಲ್ಲ. ಬರಿಗಣ್ಣಿನಿಂದಲೇ ಈ ವಿಸ್ಮಯವನ್ನು ಸವಿಯಬಹುದು! ಹಾಗಾದರೆ, ಈ ಅದ್ಭುತವನ್ನು ಯಾವಾಗ ನೋಡಬಹುದು?
Strawberry Moon ಯಾವಾಗ ಮತ್ತು ಹೇಗೆ ನೋಡಬಹುದು?
ಈ ಅದ್ಭುತ ‘ಸ್ಟ್ರಾಬರಿ ಚಂದ್ರ’ ಜೂನ್ 10 ಮತ್ತು 11 ರಂದು ಆಗಸದಲ್ಲಿ ನಿಮ್ಮನ್ನು ಸ್ವಾಗತಿಸಲಿದೆ. ಈ ದಿನಗಳಲ್ಲಿ ಚಂದ್ರ ದಿಗಂತಕ್ಕೆ ಅತ್ಯಂತ ಹತ್ತಿರದಲ್ಲಿ ಕಾಣುವ ಕಾರಣ, ಅದರ ಗಾತ್ರ ಸಾಮಾನ್ಯವಾಗಿರುವುದಕ್ಕಿಂತ ದೊಡ್ಡದಾಗಿ ಗೋಚರಿಸುತ್ತದೆ. ಭೂಮಿಯ ವಾತಾವರಣದ ಮೂಲಕ ಚಂದ್ರನ ಬೆಳಕು ಹಾದುಹೋಗುವುದರಿಂದ, ಅದು ಇನ್ನೂ ಬೃಹದಾಕಾರವಾಗಿ ಕಾಣುತ್ತದೆ.
Strawberry Moon ನನ್ನು ಕಣ್ತುಂಬಿಕೊಳ್ಳಲು ಉತ್ತಮ ಸಮಯ:
- ಜೂನ್ 10 ಮತ್ತು 11 ರಂದು, ರಾತ್ರಿ 12:20 ರಿಂದ ಮುಂಜಾನೆ 3:44 ರವರೆಗೆ ಚಂದ್ರ ಅತ್ಯಂತ ದೊಡ್ಡದಾಗಿ ಮತ್ತು ಪ್ರಕಾಶಮಾನವಾಗಿ ಕಾಣುತ್ತದೆ.
- ಈ ಸಮಯದಲ್ಲಿ ಚಂದ್ರ ಸಾಮಾನ್ಯಕ್ಕಿಂತ ಶೇಕಡಾ 99.60% ರಷ್ಟು ದೊಡ್ಡದಾಗಿ ಗೋಚರಿಸುವ ನಿರೀಕ್ಷೆಯಿದೆ!
Strawberry Moon – ‘ಸ್ಟ್ರಾಬರಿ ಚಂದ್ರ’ನ ಹಿಂದಿನ ವಿಜ್ಞಾನ
ಖಗೋಳ ವಿಜ್ಞಾನಿಗಳು ಈ ವಿಶೇಷ ಚಂದ್ರನನ್ನು ‘ಸ್ಟ್ಯಾಂಡಿಂಗ್ ಸ್ಟಿಲ್ ಮೂನ್’ ಎಂದು ಕರೆಯುತ್ತಾರೆ. ಸೂರ್ಯ ಮತ್ತು ಚಂದ್ರನ ನಡುವಿನ ಕೋನೀಯ ಸ್ಥಾನದಿಂದಾಗಿ ಈ ಖಗೋಳ ಘಟನೆ ಸಂಭವಿಸುತ್ತದೆ. ಈ ಸಮಯದಲ್ಲಿ ಚಂದ್ರನ ಬಣ್ಣವು ಗುಲಾಬಿ-ಕೆಂಪು ಬಣ್ಣಕ್ಕೆ ತಿರುಗುತ್ತದೆ, ಇದೇ ಕಾರಣಕ್ಕೆ ಇದಕ್ಕೆ ‘ಸ್ಟ್ರಾಬರಿ ಚಂದ್ರ’ ಎಂಬ ಹೆಸರು ಬಂದಿದೆ.
ಭೂಮಿಯು ತನ್ನ ಕಕ್ಷೆಯಲ್ಲಿ ಸೂರ್ಯನಿಂದ 23.5 ಡಿಗ್ರಿಗಳಷ್ಟು ವಾಲಿದೆ. ಜೂನ್ ತಿಂಗಳಿನಲ್ಲಿ ಭೂಮಿಗೆ ಸೂರ್ಯನ ನೇರ ಬೆಳಕು ಹೆಚ್ಚು ಬೀಳುತ್ತದೆ. ಸಾಮಾನ್ಯವಾಗಿ ಚಂದ್ರ ಭೂಮಿಯಿಂದ ಸುಮಾರು 4 ಲಕ್ಷ ಕಿ.ಮೀ ದೂರದಲ್ಲಿದ್ದರೂ, ಭೂಮಿಯ ಕಕ್ಷೆ ವಾಲಿದ ಕಾರಣ ಚಂದ್ರ ಸಾಮಾನ್ಯವಾಗಿ 5.5 ಡಿಗ್ರಿ ಕೋನದಲ್ಲಿರುತ್ತದೆ. ಆದರೆ ‘ಸ್ಟ್ರಾಬರಿ ಚಂದ್ರ’ನ ಸಮಯದಲ್ಲಿ, ಚಂದ್ರ 5.5 ಡಿಗ್ರಿ ಕೆಳಗೆ ಬರುವುದರಿಂದ ಈ ವಿಶೇಷ ದೃಶ್ಯ ರೂಪುಗೊಳ್ಳುತ್ತದೆ.
Read this also : ಅಪ್ಪ-ಮಗಳ ಮಧುರ ಬಾಂಧವ್ಯದ ಹೃದಯಸ್ಪರ್ಶಿ ಕ್ಷಣ, ವೈರಲ್ ಆದ ವಿಡಿಯೋ…!
Strawberry Moon – ಮಿಸ್ ಮಾಡ್ಕೋಬೇಡಿ ಈ ಅರಿಯರ್ ಅವಕಾಶ!
ಸಾಮಾನ್ಯವಾಗಿ ಇಂತಹ ಖಗೋಳ ಘಟನೆಗಳು 18 ವರ್ಷಗಳಿಗೊಮ್ಮೆ ಸಂಭವಿಸುತ್ತವೆ. ಆದರೆ ಈ ಬಾರಿ, ಅಚ್ಚರಿಯೆಂಬಂತೆ, ಕೇವಲ 11 ವರ್ಷಗಳ ನಂತರ ‘ಸ್ಟ್ರಾಬರಿ ಚಂದ್ರ’ ಮತ್ತೆ ಕಾಣಿಸಿಕೊಳ್ಳುತ್ತಿದೆ. ಕೊನೆಯದಾಗಿ 2006 ರ ಜೂನ್‌ನಲ್ಲಿ ‘ಸ್ಟ್ರಾಬರಿ ಚಂದ್ರ’ ಕಾಣಿಸಿಕೊಂಡಿತ್ತು. ಮುಂದಿನ ಬಾರಿ ಇದನ್ನು ನೋಡಲು ನೀವು 2043 ರವರೆಗೆ ಕಾಯಬೇಕಾಗುತ್ತದೆ. ಆದ್ದರಿಂದ, ಈ ಅಪರೂಪದ ಅವಕಾಶವನ್ನು ಯಾವುದೇ ಕಾರಣಕ್ಕೂ ಕಳೆದುಕೊಳ್ಳಬೇಡಿ. ಜೂನ್ 10 ಮತ್ತು 11 ರಂದು ರಾತ್ರಿ ಆಕಾಶದಲ್ಲಿ ಮೂಡುವ ಈ ಕೌತುಕವನ್ನು ನಿಮ್ಮ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಬರಿಗಣ್ಣಿನಿಂದಲೇ ನೋಡಿ ಆನಂದಿಸಿ.