ಸೋಶಿಯಲ್ ಮೀಡಿಯಾ (Social Media) ಅಂದ್ರೇನೆ ಹಾಗೆ, ಇಲ್ಲಿ ಯಾವಾಗ ಏನು ವೈರಲ್ ಆಗುತ್ತೆ ಅಂತ ಹೇಳೋಕೆ ಆಗಲ್ಲ. ಕೆಲವೊಮ್ಮೆ ನಗಿಸೋ ವಿಡಿಯೋಗಳು ಬಂದ್ರೆ, ಇನ್ನೂ ಕೆಲವೊಮ್ಮೆ ಎದೆ ಝಲ್ ಅನ್ನಿಸೋ ದೃಶ್ಯಗಳು ಎದುರಾಗುತ್ತವೆ. ಅದರಲ್ಲೂ ಪ್ರಾಣಿಗಳ ತುಂಟಾಟದ ವಿಡಿಯೋಗಳಂತೂ (Viral Video) ಜನರಿಗೆ ಸಿಕ್ಕಾಪಟ್ಟೆ ಇಷ್ಟ. ನಾಯಿ, ಬೆಕ್ಕು ಅಥವಾ ಕೋತಿಗಳು ಮಾಡೋ ತರಲೆ ಕೆಲಸಗಳು ನೋಡೋಕೆ ಸಖತ್ ಮಜಾ ಕೊಡುತ್ತವೆ.
ಸದ್ಯ ಅಂತದ್ದೇ ವಿಡಿಯೋ ಒಂದು ಈಗ ಇಂಟರ್ನೆಟ್ನಲ್ಲಿ ಧೂಳೆಬ್ಬಿಸುತ್ತಿದೆ. ಸಾಧಾರಣವಾಗಿ ಹಾವನ್ನು ಕಂಡರೆ ಸಾಕು ಮನುಷ್ಯರೇ ಹೌಹಾರಿ ಓಡ್ತಾರೆ. ಆದ್ರೆ ಇಲ್ಲೊಂದು ಬೆಕ್ಕು (Cat) ಮಾತ್ರ ಸಾಕ್ಷಾತ್ ಹಾವಿನ (Snake) ಜೊತೆಗೇ ಇಟ್ಟುಕೊಂಡಿದೆ!
Viral Video – ಹಾವಿನ ಜೊತೆ ಬೆಕ್ಕಿನ ಸರಸ!
ಸಾಮಾನ್ಯವಾಗಿ ಬೆಕ್ಕುಗಳು ಸಾಧು ಪ್ರಾಣಿಗಳು, ಅವು ತಮ್ಮ ಪಾಡಿಗೆ ತಾವು ಇರುತ್ತವೆ ಅಂದುಕೊಳ್ತೀವಿ. ಆದರೆ ಈ ವೈರಲ್ ವಿಡಿಯೋದಲ್ಲಿ (Viral Video) ಬೆಕ್ಕಿನ ಧೈರ್ಯ ನೋಡಿದ್ರೆ ನೀವು ಹುಬ್ಬೇರಿಸೋದು ಗ್ಯಾರಂಟಿ. ಬೆಕ್ಕೊಂದು ಏಕಾಏಕಿ ಹಾವಿನ ಹತ್ತಿರ ಹೋಗಿ ತಂಟೆ ತೆಗೆದಿದೆ. ಮೊದಲು ಹಾವನ್ನು ಮೂಸಿ ನೋಡಿದ ಬೆಕ್ಕು, ನಂತರ ತನ್ನ ಮುಂಗಾಲಿನಿಂದ ಅದನ್ನ ಕೆಣಕಲು ಶುರುಮಾಡಿದೆ.
Read this also : ಒಂದು ಹಾವು ಇನ್ನೊಂದು ಹಾವನ್ನೇ ನುಂಗುತ್ತಿರುವ ದೃಶ್ಯ ನೋಡಿ ನೆಟ್ಟಿಗರು ಶಾಕ್…!
Viral Video – ಸಿನಿಮಾ ಸ್ಟೈಲ್ ಫೈಟಿಂಗ್
ಬೆಕ್ಕು ತನ್ನ ತಂಟೆಗೆ ಬರುತ್ತಿದ್ದಂತೆ ಹಾವು ಬುಸ್ ಎಂದು ಹೆದರಿಸಲು ನೋಡಿದೆ. ಆದರೂ ಈ ಬೆಕ್ಕುರಾಯ ಮಾತ್ರ ಜಗ್ಗಿಲ್ಲ. ಹಾವು ಅಟ್ಯಾಕ್ ಮಾಡಿದ್ರೂ, ಸಲೀಸಾಗಿ ತಪ್ಪಿಸಿಕೊಂಡು ಮತ್ತೆ ಮತ್ತೆ ಹಾವಿನ ಮೈಮೇಲೆ ಕಾಲು ಹಾಕಿ ಸವಾಲ್ ಹಾಕಿದೆ. ಹಾವು ಎಷ್ಟೇ ಕೋಪ ಮಾಡ್ಕೊಂಡ್ರೂ, ಬೆಕ್ಕು ಮಾತ್ರ ಡೋಂಟ್ ಕೇರ್ ಅನ್ನೋ ಹಾಗೆ ವರ್ತಿಸಿದೆ. ಕೊನೆಗೆ ಬೆಕ್ಕಿನ ಕಾಟ ತಾಳಲಾರದೇ ಹಾವೇ ಸುಸ್ತಾಗಿ ಹಿಂದೆ ಸರಿದಂತೆ ಕಾಣುತ್ತದೆ. ಇವರಿಬ್ಬರ ಈ ಕಾಳಗ ಯಾವುದೋ ಸಿನಿಮಾ ದೃಶ್ಯಕ್ಕಿಂತ ಕಡಿಮೆಯಿಲ್ಲ ಬಿಡಿ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
Viral Video – ನೆಟ್ಟಿಗರ ಕಾಮೆಂಟ್ಸ್ ಹೇಗಿದೆ?
@NatureNexus4321 ಎಂಬ ಟ್ವಿಟರ್ (X) ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಕೇವಲ 29 ಸೆಕೆಂಡ್ಗಳ ಈ ವಿಡಿಯೋವನ್ನು ಈಗಾಗಲೇ 65 ಸಾವಿರಕ್ಕೂ ಹೆಚ್ಚು ಜನ ವೀಕ್ಷಿಸಿದ್ದಾರೆ. ವಿಡಿಯೋ ನೋಡಿದ ಜನ ಬಗೆಬಗೆಯಾಗಿ ಕಮೆಂಟ್ ಮಾಡುತ್ತಿದ್ದಾರೆ. ಒಬ್ಬ ಬಳಕೆದಾರರು, “ಜೀವನದಲ್ಲಿ ಏನೇ ಕಷ್ಟ ಬಂದ್ರೂ ಈ ಬೆಕ್ಕಿನ ತರಹ ಕಾನ್ಫಿಡೆನ್ಸ್ ಇರಬೇಕು” ಎಂದು ಹೇಳಿದ್ರೆ, ಮತ್ತೊಬ್ಬರು “ಬೆಕ್ಕು ಅಂದ್ರೆ ಸುಮ್ನೆನಾ? ಅದು ಸಿಂಹದ ಜಾತಿಗೆ ಸೇರಿದ್ದು, ಅದರ ರಕ್ತದಲ್ಲೇ ಭಯ ಇಲ್ಲ” ಎಂದು ಬೆಕ್ಕಿನ ಧೈರ್ಯವನ್ನು ಮೆಚ್ಚಿಕೊಂಡಿದ್ದಾರೆ.