ಹೋಮ್ವರ್ಕ್ ಮಾಡುವುದು ಮಕ್ಕಳಿಗೆ ಕೆಲವೊಮ್ಮೆ ಕಷ್ಟವಾಗಬಹುದು. ಅದಕ್ಕೆ ಪ್ರೀತಿಯಿಂದ ಹೇಳಿಕೊಡಬೇಕಾದ ತಂದೆಯೇ ಕಾಲನಾದ ಘಟನೆಯೊಂದು ಹರಿಯಾಣದ ಫರಿದಾಬಾದ್ನಲ್ಲಿ (Faridabad Crime) ನಡೆದಿದೆ. ಕೇವಲ 1 ರಿಂದ 50ರವರೆಗೆ ಸಂಖ್ಯೆಗಳನ್ನು ಬರೆಯಲು ಬರಲಿಲ್ಲ ಎಂಬ ಸಣ್ಣ ಕಾರಣಕ್ಕೆ, 31 ವರ್ಷದ ವ್ಯಕ್ತಿಯೊಬ್ಬ ತನ್ನ 4 ವರ್ಷದ ಪುಟ್ಟ ಮಗಳನ್ನು ಲಟ್ಟಣಿಗೆಯಿಂದ ಹೊಡೆದು ಬರ್ಬರವಾಗಿ ಹತ್ಯೆ ಮಾಡಿದ್ದಾನೆ.
Faridabad Crime – ಘಟನೆಯ ಹಿನ್ನೆಲೆ: ಏನಿದು ಪ್ರಕರಣ?
ಫರಿದಾಬಾದ್ ನ ಬಲ್ಲಬ್ಗಢದ ಸೆಕ್ಟರ್ 58ರಲ್ಲಿ ವಾಸವಿರುವ ಕೃಷ್ಣ ಜೈಸ್ವಾಲ್ ಎಂಬಾತನೇ ಈ ಘಾತುಕ ಕೃತ್ಯ ಎಸಗಿದ ತಂದೆ. ಈತ ಖಾಸಗಿ ಕಂಪನಿಯೊಂದರಲ್ಲಿ ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುತ್ತಿದ್ದ. ಪತ್ನಿ ರಂಜೀತಾ ಹಗಲು ಪಾಳಿಯಲ್ಲಿ ಕೆಲಸಕ್ಕೆ ಹೋಗುತ್ತಿದ್ದರು. ತಾಯಿ ಕೆಲಸಕ್ಕೆ ಹೋದ ಸಮಯದಲ್ಲಿ ಮಕ್ಕಳನ್ನು ಶಾಲೆಗೆ ಕಳುಹಿಸುವುದು ಮತ್ತು ಅವರ ಓದಿನ ಉಸ್ತುವಾರಿ ನೋಡಿಕೊಳ್ಳುವುದು ತಂದೆಯ ಜವಾಬ್ದಾರಿಯಾಗಿತ್ತು. ಬುಧವಾರ ಮಧ್ಯಾಹ್ನ 4 ವರ್ಷದ ಮಗಳು ವಂಶಿಕಾಳಿಗೆ (Faridabad Crime) ಗಣಿತದ ಹೋಮ್ವರ್ಕ್ ಮಾಡಿಸುತ್ತಿದ್ದಾಗ, ಆಕೆಗೆ 1 ರಿಂದ 50ರವರೆಗೆ ಸಂಖ್ಯೆಗಳನ್ನು ಬರೆಯಲು ಸಾಧ್ಯವಾಗಿಲ್ಲ. ಇದರಿಂದ ಕೆರಳಿದ ಜೈಸ್ವಾಲ್, ಮಗುವಿನ ಮೇಲೆ ಅಮಾನುಷವಾಗಿ ಹಲ್ಲೆ ನಡೆಸಿದ್ದಾನೆ.
ಲಟ್ಟಣಿಗೆಯಿಂದ ಹಲ್ಲೆ, ನೆಲಕ್ಕೆ ಅಪ್ಪಳಿಸಿದ ತಂದೆ!
ಪೊಲೀಸ್ ವರದಿಯ ಪ್ರಕಾರ, ಕೋಪದ ಭರದಲ್ಲಿ ಕೃಷ್ಣ ಜೈಸ್ವಾಲ್ ಮಗಳ ಮೇಲೆ ಕೈ ಎತ್ತಿದ್ದಾನೆ. ಅಷ್ಟಕ್ಕೇ ನಿಲ್ಲದೆ, ಮನೆಯಲ್ಲಿದ್ದ ಲಟ್ಟಣಿಗೆಯಿಂದ ಮಗುವಿಗೆ ಮನಬಂದಂತೆ ಹೊಡೆದಿದ್ದಾನೆ. ಪೆಟ್ಟು ತಾಳಲಾರದೆ ಮಗು ಕಿರುಚಿದಾಗ, ಆಕೆಯನ್ನು ಎತ್ತಿ ಜೋರಾಗಿ ನೆಲಕ್ಕೆ ಅಪ್ಪಳಿಸಿದ್ದಾನೆ. ತೀವ್ರವಾಗಿ ಗಾಯಗೊಂಡ ಪುಟ್ಟ ವಂಶಿಕಾ ಸ್ಥಳದಲ್ಲೇ ಕುಸಿದು ಬಿದ್ದಿದ್ದಾಳೆ. Read this also : ಶಾಲಾ ಸಮವಸ್ತ್ರದಲ್ಲೇ ನದಿಗೆ ಜಿಗಿದ (Schoolgirl) ಬಾಲಕಿ : ಎದೆನಡುಗಿಸುವ ಸಿಸಿಟಿವಿ ದೃಶ್ಯ ವೈರಲ್! ಪೋಷಕರೇ ಎಚ್ಚರ
ಅಪರಾಧ ಮುಚ್ಚಿ ಹಾಕಲು “ಮೆಟ್ಟಿಲು” ಕಥೆ!
ಮಗು ಪ್ರಜ್ಞೆ ತಪ್ಪುತ್ತಿದ್ದಂತೆಯೇ ಗಾಬರಿಯಾದ (Faridabad Crime) ಜೈಸ್ವಾಲ್, ತಕ್ಷಣ ಆಕೆಯನ್ನು ಬಲ್ಲಬ್ಗಢ ಸಿವಿಲ್ ಆಸ್ಪತ್ರೆಗೆ ಕರೆದೊಯ್ದಿದ್ದಾನೆ. ಅಲ್ಲಿ ಮಗು ಮೃತಪಟ್ಟಿದೆ ಎಂದು ವೈದ್ಯರು ಘೋಷಿಸಿದಾಗ, ತಾನು ಸಿಕ್ಕಿಬೀಳುವ ಭಯದಿಂದ “ಮಗು ಮೆಟ್ಟಿಲುಗಳಿಂದ ಜಾರಿ ಬಿದ್ದು ಸಾವನ್ನಪ್ಪಿದೆ” ಎಂದು ಸುಳ್ಳು ಕಥೆ ಕಟ್ಟಿದ್ದಾನೆ. Read this also : ರೀಲ್ಸ್ ಹುಚ್ಚಿಗೆ ಗಂಡನ ನಾಲಿಗೆಯನ್ನೇ ಕಚ್ಚಿ ತುಂಡರಿಸಿದ ಪತ್ನಿ! ಅಸಲಿ ಕಾರಣ ಕೇಳಿದ್ರೆ ದಂಗಾಗ್ತೀರಾ!
ಸತ್ಯ ಬಯಲು ಮಾಡಿದ್ದು 6 ವರ್ಷದ ಮಗ!
ಆದರೆ, ಈ ಇಡೀ ಕ್ರೌರ್ಯವನ್ನು (Faridabad Crime) ಕಣ್ಣಾರೆ ಕಂಡಿದ್ದ ಜೈಸ್ವಾಲ್ನ 6 ವರ್ಷದ ಮಗ, ಕೆಲಸ ಮುಗಿಸಿ ಮನೆಗೆ ಮರಳಿದ ತಾಯಿಗೆ ಅಸಲಿ ವಿಷಯ ತಿಳಿಸಿದ್ದಾನೆ. ತನ್ನ ಕಣ್ಣೆದುರೇ ತಂದೆ ತಂಗಿಯನ್ನು ಹೇಗೆ ಹೊಡೆದರು ಎಂಬುದನ್ನು ಮಗು ವಿವರಿಸಿದೆ. ಇದರಿಂದ ಬೆಚ್ಚಿಬಿದ್ದ ತಾಯಿ ರಂಜೀತಾ, ತಕ್ಷಣ ಪೊಲೀಸ್ ನಿಯಂತ್ರಣ ಕೊಠಡಿಗೆ ಕರೆ ಮಾಡಿ ದೂರು ನೀಡಿದ್ದಾರೆ. “ಬುಧವಾರ ಮಧ್ಯಾಹ್ನ 12.10 ರಿಂದ 12.30 ರ ನಡುವೆ ಈ ಘಟನೆ ನಡೆದಿದೆ. ಮಗುವಿಗೆ ಸಂಖ್ಯೆ ಬರೆಯಲು ಬಾರದಿದ್ದಕ್ಕೆ ತಂದೆ ಅತಿಯಾದ ಕೋಪಗೊಂಡು ಈ ಕೃತ್ಯ ಎಸಗಿದ್ದಾನೆ” ಎಂದು ಫರಿದಾಬಾದ್ ಪೊಲೀಸ್ ಪಿಆರ್ಒ ಯಶ್ಪಾಲ್ ಯಾದವ್ ತಿಳಿಸಿದ್ದಾರೆ.
ಆರೋಪಿಯ ಬಂಧನ
ಪತ್ನಿಯ ದೂರು (Faridabad Crime) ಮತ್ತು ಮಗನ ಸಾಕ್ಷ್ಯದ ಆಧಾರದ ಮೇಲೆ ಪೊಲೀಸರು ಗುರುವಾರ ಆರೋಪಿ ಕೃಷ್ಣ ಜೈಸ್ವಾಲ್ನನ್ನು ಬಂಧಿಸಿದ್ದಾರೆ. ಸದ್ಯ ಪ್ರಕರಣ ದಾಖಲಾಗಿದ್ದು, ಮಗುವಿನ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಒಂದು ಸಣ್ಣ ತಪ್ಪು ಅಥವಾ ಕಲಿಕೆಯ ವಿಳಂಬಕ್ಕೆ ಹಸುಗೂಸಿನ ಪ್ರಾಣವನ್ನೇ ತೆಗೆದ ಈ ಘಟನೆ ಸಮಾಜದಲ್ಲಿ ಪೋಷಕರ ತಾಳ್ಮೆ ಮತ್ತು ಮಕ್ಕಳ ಸುರಕ್ಷತೆಯ ಬಗ್ಗೆ ಗಂಭೀರ ಚರ್ಚೆಯನ್ನು ಹುಟ್ಟುಹಾಕಿದೆ.