ಪ್ರತಿಯೊಬ್ಬ ಖಾಸಗಿ ಉದ್ಯೋಗಿಯ ಆಶಾಕಿರಣವೇ ಅವರ ಪಿಎಫ್ (EPFO PF Fraud Alert) ಖಾತೆ. ನಿವೃತ್ತಿ ಜೀವನ ಅಥವಾ ತುರ್ತು ಅಗತ್ಯಗಳಿಗಾಗಿ ಕಷ್ಟಪಟ್ಟು ಕೂಡಿಟ್ಟ ಈ ಹಣದ ಮೇಲೆ ಇದೀಗ ಸೈಬರ್ ಖದೀಮರ ಕಣ್ಣು ಬಿದ್ದಿದೆ. ಇತ್ತೀಚಿನ ದಿನಗಳಲ್ಲಿ ಮನೆಯಲ್ಲೇ ಕುಳಿತು ಮೊಬೈಲ್ ಮೂಲಕ ಪಿಎಫ್ ಬ್ಯಾಲೆನ್ಸ್ ಚೆಕ್ ಮಾಡಲು ಅಥವಾ ಹಣ ಡ್ರಾ ಮಾಡಲು (PF Withdrawal) ಹೋಗಿ ಅನೇಕರು ತಮ್ಮ ಖಾತೆಯಲ್ಲಿದ್ದ ಲಕ್ಷಾಂತರ ರೂಪಾಯಿ ಕಳೆದುಕೊಳ್ಳುತ್ತಿದ್ದಾರೆ.
ಹೌದು, ಇಪಿಎಫ್ಒ ಹೆಸರಿನಲ್ಲಿ ನಡೆಯುತ್ತಿರುವ ದೊಡ್ಡ ಆನ್ಲೈನ್ ದಂಧೆಯ ಬಗ್ಗೆ ಸ್ವತಃ ಭವಿಷ್ಯ ನಿಧಿ ಸಂಸ್ಥೆಯೇ (EPFO) ಇದೀಗ ತನ್ನ ಕೋಟ್ಯಂತರ ಚಂದಾದಾರರಿಗೆ ಖಡಕ್ ಎಚ್ಚರಿಕೆ (EPFO Alert) ನೀಡಿದೆ. ಆ ವಾರ್ನಿಂಗ್ ಏನು? ನಿಮ್ಮ ಹಣವನ್ನು ಕಾಪಾಡಿಕೊಳ್ಳುವುದು ಹೇಗೆ? ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ.
EPFO PF Fraud Alert – ವಂಚಕರು ನಿಮ್ಮ PF ಹಣವನ್ನು ಹೇಗೆ ಲೂಟಿ ಮಾಡುತ್ತಾರೆ?
ಪಿಎಫ್ ಬ್ಯಾಲೆನ್ಸ್ ಚೆಕ್ ಮಾಡುವುದು, ಹಣ ಹಿಂಪಡೆಯುವುದು (PF withdrawal), ಕೆವೈಸಿ (KYC) ಅಪ್ಡೇಟ್ ಮಾಡುವುದು ಅಥವಾ ಅಕೌಂಟ್ ಟ್ರಾನ್ಸ್ಫರ್ ಮಾಡಲು ನಾವೆಲ್ಲರೂ ಇಪಿಎಫ್ಒ ವೆಬ್ಸೈಟ್ ಬಳಸುತ್ತೇವೆ. ಇದನ್ನೇ ಬಂಡವಾಳ ಮಾಡಿಕೊಂಡಿರುವ ಸೈಬರ್ ಖದೀಮರು, ಅಚ್ಚುಮೆಚ್ಚು ಇಪಿಎಫ್ಒ ವೆಬ್ಸೈಟ್ನಂತೆಯೇ ಕಾಣುವ ನಕಲಿ (Fake) ಲಿಂಕ್ಗಳನ್ನು ಸೃಷ್ಟಿಸಿ ವಾಟ್ಸಾಪ್, ಎಸ್ಎಂಎಸ್ ಮತ್ತು ಸೋಶಿಯಲ್ ಮೀಡಿಯಾಗಳಲ್ಲಿ ಹರಿಬಿಡುತ್ತಿದ್ದಾರೆ. Read this also : ಪಿಎಫ್ (EPFO) ಹಣಕ್ಕಾಗಿ ಅಲೆದಾಡುವ ಚಿಂತೆ ಬಿಡಿ: ಕೇವಲ 3 ಹೆಜ್ಜೆಗಳಲ್ಲಿ ಯುಪಿಐ (UPI) ಮೂಲಕ ನಿಮ್ಮ ಬ್ಯಾಂಕ್ ಖಾತೆಗೆ ಹಣ!
ಇದನ್ನು ನಿಜವಾದ ಅಧಿಕೃತ ವೆಬ್ಸೈಟ್ ಎಂದು ನಂಬುವ ಜನಸಾಮಾನ್ಯರು, ತಮ್ಮ ಲಾಗಿನ್ ವಿವರಗಳನ್ನು ಅಲ್ಲಿ ನಮೂದಿಸುತ್ತಾರೆ. ಈ ಮೂಲಕ ನಿಮ್ಮ ಖಾಸಗಿ ಡೇಟಾವನ್ನು ಕದಿಯುವ ವಂಚಕರು, ಬ್ಯಾಂಕ್ ಖಾತೆಗೆ ಕನ್ನ ಹಾಕುತ್ತಿದ್ದಾರೆ.
ಅಧಿಕೃತ EPFO ವೆಬ್ಸೈಟ್ಗಳನ್ನು ಗುರುತಿಸುವುದು ಹೇಗೆ?
ಈ ಬಗ್ಗೆ ‘X’ (ಟ್ವಿಟರ್) ನಲ್ಲಿ ಎಚ್ಚರಿಕೆ ಸಂದೇಶ ಪೋಸ್ಟ್ ಮಾಡಿರುವ ಇಪಿಎಫ್ಒ, “ಯಾವುದೇ ಲಿಂಕ್ ಕ್ಲಿಕ್ ಮಾಡುವ ಮುನ್ನ ಯೋಚಿಸಿ. ಆನ್ಲೈನ್ನಲ್ಲಿ ಜಾಗರೂಕರಾಗಿರಿ ಮತ್ತು ಕ್ಲಿಕ್ ಮಾಡುವ ಮುನ್ನ URL ಅನ್ನು ಕಡ್ಡಾಯವಾಗಿ ಪರಿಶೀಲಿಸಿ” ಎಂದು ಮನವಿ ಮಾಡಿದೆ.
ನೀವು ಪಿಎಫ್ ಕೆಲಸಗಳಿಗಾಗಿ ಬಳಸಬೇಕಾದ ಅಧಿಕೃತ ವೆಬ್ಸೈಟ್ಗಳು ಇವು ಮಾತ್ರ:
- [https://www.epfindia.gov.in](https://www.epfindia.gov.in)
- [https://www.epfo.gov.in/](https://www.epfo.gov.in/)
- [https://unifiedportal-mem.epfindia.gov.in/memberinterface/](https://unifiedportal-mem.epfindia.gov.in/memberinterface/)
ಮರೆತೂ ಕೂಡ ಈ ಮಾಹಿತಿಗಳನ್ನು ಹಂಚಿಕೊಳ್ಳಬೇಡಿ!
ಮೊಬೈಲ್ ಎಸ್ಎಂಎಸ್ (SMS), ಇಮೇಲ್, ಅಥವಾ ಫೇಸ್ಬುಕ್/ವಾಟ್ಸಾಪ್ಗಳಲ್ಲಿ ಬರುವ ಅಪರಿಚಿತ ಲಿಂಕ್ಗಳನ್ನು ಎಂದಿಗೂ ಕ್ಲಿಕ್ ಮಾಡಬೇಡಿ. ಆ ನಕಲಿ ವೆಬ್ಸೈಟ್ಗಳಲ್ಲಿ ನಿಮ್ಮ ಈ ಕೆಳಗಿನ ಮಾಹಿತಿಗಳನ್ನು ನೀವು ಎಂಟ್ರಿ ಮಾಡಲೇಬಾರದು:
- ಯುಎಎನ್ (UAN) ಸಂಖ್ಯೆ ಮತ್ತು ಪಾಸ್ವರ್ಡ್
- ಪಿಪಿಒ (PPO) ಸಂಖ್ಯೆ
- ಆಧಾರ್ ಮತ್ತು ಪ್ಯಾನ್ ಕಾರ್ಡ್ (Aadhaar & PAN) ವಿವರಗಳು
- ನಿಮ್ಮ ಬ್ಯಾಂಕ್ ಖಾತೆ ವಿವರ
- ಮೊಬೈಲ್ಗೆ ಬರುವ ಓಟಿಪಿ (OTP)
ಆನ್ಲೈನ್ ವಂಚನೆಯಿಂದ ಪಾರಾಗಲು EPFO ನೀಡಿರುವ ಸೇಫ್ಟಿ ಟಿಪ್ಸ್
ನಿಮ್ಮ ಪಿಎಫ್ ಖಾತೆಯನ್ನು ಸೇಫ್ ಆಗಿ ಇಟ್ಟುಕೊಳ್ಳಲು ಈ ಕೆಳಗಿನ ಅಂಶಗಳನ್ನು ತಪ್ಪದೇ ಪಾಲಿಸಿ:
- URL ಕಾಗುಣಿತ ಗಮನಿಸಿ: ನಕಲಿ ವೆಬ್ಸೈಟ್ಗಳ ಲಿಂಕ್ನಲ್ಲಿ ಸಣ್ಣಪುಟ್ಟ ಕಾಗುಣಿತ (Spelling) ತಪ್ಪುಗಳಿರುತ್ತವೆ. ಉದಾಹರಣೆಗೆ epfindia ಬದಲು epffindia ಎಂದು ಇರಬಹುದು. ವೆಬ್ಸೈಟ್ ಓಪನ್ ಮಾಡುವ ಮುನ್ನ ಇದನ್ನು ಸೂಕ್ಷ್ಮವಾಗಿ ಗಮನಿಸಿ.
- EPFO ಎಂದಿಗೂ ಕರೆ ಮಾಡುವುದಿಲ್ಲ: ಇಪಿಎಫ್ಒ ಅಧಿಕಾರಿಗಳು ಅಥವಾ ಸಿಬ್ಬಂದಿ ಎಂದಿಗೂ ಫೋನ್ ಕರೆ, ವಾಟ್ಸಾಪ್, ಎಸ್ಎಂಎಸ್ ಅಥವಾ ಇಮೇಲ್ ಮೂಲಕ ನಿಮ್ಮ OTP, UAN ಅಥವಾ ಲಾಗಿನ್ ಮಾಹಿತಿಯನ್ನು ಕೇಳುವುದಿಲ್ಲ ಎಂಬುದನ್ನು ನೆನಪಿಡಿ.
- ತಕ್ಷಣ ದೂರು ನೀಡಿ: ನಿಮಗೆ ಇಂತಹ ಯಾವುದೇ ಅನುಮಾನಾಸ್ಪದ ಫಿಶಿಂಗ್ (Phishing) ಲಿಂಕ್ಗಳು ಅಥವಾ ಮೆಸೇಜ್ಗಳು ಬಂದರೆ, ತಕ್ಷಣವೇ ಇಪಿಎಫ್ಒ ಹೆಲ್ಪ್ಡೆಸ್ಕ್ ಸಂಪರ್ಕಿಸಿ ದೂರು ದಾಖಲಿಸಿ.
ಕೊನೆಯ ಮಾತು: ನಿಮ್ಮ ಕಷ್ಟದ ಸಂಪಾದನೆಯನ್ನು ರಕ್ಷಿಸಿಕೊಳ್ಳುವ ಜವಾಬ್ದಾರಿ ನಿಮ್ಮದೇ ಆಗಿದೆ. ಆನ್ಲೈನ್ನಲ್ಲಿ ಯಾವುದೇ ಕೆಲಸ ಮಾಡುವಾಗ ಆತುರಪಡಬೇಡಿ. ಅಧಿಕೃತ ಪೋರ್ಟಲ್ಗಳನ್ನು ಮಾತ್ರ ಬಳಸಿ ಮತ್ತು ನಿಮ್ಮ ಸಹೋದ್ಯೋಗಿಗಳು ಹಾಗೂ ಸ್ನೇಹಿತರಿಗೂ ಈ ಮಾಹಿತಿಯನ್ನು ಶೇರ್ ಮಾಡಿ ಜಾಗೃತಿ ಮೂಡಿಸಿ.