ಮದ್ಯಪಾನ ಮಾಡಿದಾಗ ಕೆಲವರು ಮಾಡುವ ರಂಪಾಟ ಅಷ್ಟಿಷ್ಟಲ್ಲ. ‘ನಾನೇ ರಾಜ, ನಾನೇ ಮಂತ್ರಿ’ ಎಂಬಂತೆ ವರ್ತಿಸುವ ಕುಡುಕರ ನಡುವೆ, ಇಲ್ಲೊಬ್ಬ ವ್ಯಕ್ತಿ ಒಂದು ಹೆಜ್ಜೆ ಮುಂದೆ ಹೋಗಿ ಭಾರಿ ಅವಾಂತರವನ್ನೇ ಸೃಷ್ಟಿಸಿದ್ದಾನೆ. ಕುಡಿದ ಮತ್ತಿನಲ್ಲಿ ನೇರವಾಗಿ ಹೈ-ವೋಲ್ಟೇಜ್ ವಿದ್ಯುತ್ ಕಂಬವನ್ನೇರಿ, ಹಕ್ಕಿಯಂತೆ ತಂತಿಗಳ ಮೇಲೆ (Drunk Man Viral Video) ಮಲಗಿರುವ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ. ಈ ವಿಡಿಯೋ (Viral Video Link Here) ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.
Drunk Man Viral Video – ಮಂಚದ ಮೇಲೆ ಮಲಗುವಂತೆ ಕರೆಂಟ್ ತಂತಿ ಮೇಲೆ ಮಲಗಿದ!
ಉತ್ತರ ಪ್ರದೇಶದ ಮಹಾರಾಜ್ಗಂಜ್ ಜಿಲ್ಲೆಯ ಪರ್ಸಾ ಖುರ್ದ್ ಗ್ರಾಮದಲ್ಲಿ ಈ ವಿಚಿತ್ರ ಘಟನೆ ನಡೆದಿದೆ. ಭಿತೌಲಿ ಪೊಲೀಸ್ ಠಾಣಾ ವ್ಯಾಪ್ತಿಗೆ ಬರುವ ಈ ಗ್ರಾಮದ ನಿವಾಸಿ ದೀನ್ ದಯಾಳ್ ಎಂಬಾತನೇ ಈ ಹೈಡ್ರಾಮಾ ಸೃಷ್ಟಿಸಿದ ವ್ಯಕ್ತಿ. ಕಂಠಪೂರ್ತಿ ಮದ್ಯ ಸೇವಿಸಿದ್ದ ಈತ, ಊರ ಹೊರಗಿದ್ದ 11 KV ವಿದ್ಯುತ್ ಕಂಬವನ್ನು ಲೀಲಾಜಾಲವಾಗಿ ಏರಿದ್ದಾನೆ. ಅಷ್ಟಕ್ಕೇ ಸುಮ್ಮನಾಗದೆ, ಮನೆಯಲ್ಲಿರುವ ಮಂಚದ ಮೇಲೆ ಮಲಗುವಂತೆ ಆ ಅಪಾಯಕಾರಿ ವಿದ್ಯುತ್ ತಂತಿಗಳ ಮೇಲೆ ಒರಗಿ ಮಲಗಿದ್ದಾನೆ. ಇದನ್ನು ನೋಡಿದ ದಾರಿಹೋಕರು ಮತ್ತು ಗ್ರಾಮಸ್ಥರು ಅಕ್ಷರಶಃ ಬೆಚ್ಚಿಬಿದ್ದಿದ್ದಾರೆ.
ಆತಂಕಗೊಂಡ ಜನ, ಎರಡು ಗಂಟೆಗಳ ಕಾಲ ಹರಸಾಹಸ
ತಂತಿ ಮೇಲೆ ಮನುಷ್ಯ ಮಲಗಿರುವುದನ್ನು ನೋಡಿ ತಕ್ಷಣವೇ ಆತನಿಗೆ ಕೆಳಗಿಳಿಯುವಂತೆ ಜನ ಕೂಗಿ ಹೇಳಿದ್ದಾರೆ. ಆದರೆ, ಮದ್ಯದ ನಶೆಯಲ್ಲಿದ್ದ ಆತ ಯಾರ ಮಾತನ್ನೂ ಕೇಳುವ ಸ್ಥಿತಿಯಲ್ಲಿರಲಿಲ್ಲ. ಕೂಡಲೇ ಸ್ಥಳೀಯರು (Drunk Man Viral Video) ಪೊಲೀಸರಿಗೆ ಹಾಗೂ ವಿದ್ಯುತ್ ಇಲಾಖೆಗೆ ಮಾಹಿತಿ ಮುಟ್ಟಿಸಿದರು.
ಸ್ಥಳಕ್ಕೆ ಬಂದ ಪೊಲೀಸರು, ರಕ್ಷಣಾ ಕಾರ್ಯಾಚರಣೆ ಮುಗಿಯುವವರೆಗೆ ಯಾವುದೇ ಕಾರಣಕ್ಕೂ ವಿದ್ಯುತ್ ಪೂರೈಕೆ ಮಾಡದಂತೆ ಅಧಿಕಾರಿಗಳಿಗೆ ಕಟ್ಟುನಿಟ್ಟಿನ ಸೂಚನೆ ನೀಡಿದರು. ಸರಿಸುಮಾರು ಎರಡು ಗಂಟೆಗಳ ಕಾಲ ಗ್ರಾಮಸ್ಥರು, ಪೊಲೀಸರು ಹಾಗೂ ವಿದ್ಯುತ್ ಸಿಬ್ಬಂದಿ ಸತತವಾಗಿ ಮನವೊಲಿಸಿದ ನಂತರ ಆತ ಸುರಕ್ಷಿತವಾಗಿ ಕೆಳಗಿಳಿದಿದ್ದಾನೆ. ಆತ ಕೆಳಗಿಳಿಯುವವರೆಗೂ ನೆರೆದಿದ್ದವರ ಜೀವವೇ ಬಾಯಿಗೆ ಬಂದಂತಿತ್ತು. Read this also : ಬ್ರ್ಯಾಂಡ್ ಸಿಗಲಿಲ್ಲ ಅಂತ ವೈನ್ ಶಾಪ್ ಗೆ ನುಗ್ಗಿ ಜಗಳವಾಡಿದ ಲೇಡಿ : ವಿಡಿಯೋ ನೋಡಿ ನೆಟ್ಟಿಗರು ಫುಲ್ ಶಾಕ್!
ಪ್ರಾಣ ಉಳಿಸಿದ್ದು ಆ ಒಂದು ಪವಾಡ!
ಇಷ್ಟೆಲ್ಲಾ ರಾದ್ಧಾಂತ ನಡೆದರೂ, 11 KV ಹೈ-ವೋಲ್ಟೇಜ್ ತಂತಿ ಮೇಲೆ ಮಲಗಿದ್ದ ಆತನಿಗೆ ಕರೆಂಟ್ ಶಾಕ್ ಹೊಡೆಯಲಿಲ್ಲ ಎಂಬುದು ಹಲವರ ಆಶ್ಚರ್ಯಕ್ಕೆ ಕಾರಣವಾಗಿದೆ. ಅದಕ್ಕೆ ಮುಖ್ಯ ಕಾರಣ ಆತನ ಅದೃಷ್ಟ ಎನ್ನಬಹುದು. ಆತ ಕಂಬ ಏರುವುದಕ್ಕೂ ಕೇವಲ ಕೆಲವೇ ನಿಮಿಷಗಳ ಮುಂಚೆಯಷ್ಟೇ ಆ ಪ್ರದೇಶದಲ್ಲಿ ವಿದ್ಯುತ್ ಕಡಿತಗೊಂಡಿತ್ತು.
ಒಂದು ವೇಳೆ ಆ ಸಮಯದಲ್ಲಿ (Drunk Man Viral Video) ಕರೆಂಟ್ ಇದ್ದಿದ್ದರೆ, ಹೈ-ವೋಲ್ಟೇಜ್ಗೆ ಆತ ಕ್ಷಣಾರ್ಧದಲ್ಲಿ ಸುಟ್ಟು ಕರಕಲಾಗುತ್ತಿದ್ದ ಎಂದು ಸ್ಥಳೀಯರು ಹೇಳಿದ್ದಾರೆ. ಆತನ ಅದೃಷ್ಟವೇ ಆತನನ್ನು ಸಾವಿನ ದವಡೆಯಿಂದ ಪಾರು ಮಾಡಿದೆ. ಸದ್ಯ, ದೀನ್ ದಯಾಳ್ ಕಂಬದ ಮೇಲೆ ಹಕ್ಕಿಯಂತೆ ಕುಳಿತಿರುವ ಮತ್ತು ಮಲಗಿರುವ ದೃಶ್ಯವನ್ನು ಸ್ಥಳೀಯರು ಮೊಬೈಲ್ನಲ್ಲಿ ಸೆರೆಹಿಡಿದು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಈ ವಿಡಿಯೋ ಅಂತರ್ಜಾಲದಲ್ಲಿ ಭಾರಿ ಸದ್ದು ಮಾಡುತ್ತಿದೆ.