“ಯಾರಿಗೆ ಬೇಕು ಈ ಹಾಳು ಪ್ರಪಂಚ… ಗಂಡನೂ ಇಷ್ಟಪಡಲ್ಲ, ನಂಬಿದ ಪ್ರೇಮಿಯೂ ಹತ್ತಿರ ಸೇರಿಸ್ತಿಲ್ಲ…” ಹೀಗೆಂದು ಕಣ್ಣೀರು ಹಾಕುತ್ತಾ, ಮೊಬೈಲ್ನಲ್ಲಿ ವಿಡಿಯೋ ರೆಕಾರ್ಡ್ ಮಾಡುತ್ತಲೇ ಯುವ ಗೃಹಿಣಿಯೊಬ್ಬರು ನೇಣಿಗೆ ಶರಣಾದ ಮನಕಲಕುವ ಘಟನೆ ಬಳ್ಳಾರಿ (Ballari) ಜಿಲ್ಲೆಯ ಹುಸೇನ್ ನಗರದಲ್ಲಿ ನಡೆದಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿದವರ ಎದೆಯನ್ನೊಮ್ಮೆ ನಡುಗಿಸುವಂತಿದ್ದು, ಕ್ಷಣಿಕ ನಿರ್ಧಾರವೊಂದು ಎರಡು ಮಕ್ಕಳ ತಾಯಿಯ ಪ್ರಾಣವನ್ನೇ ಬಲಿಪಡೆದಿದೆ.
Ballari – ಘಟನೆಯ ವಿವರ: ಏನಿದು ದುರಂತ?
ಆತ್ಮಹತ್ಯೆಗೆ ಶರಣಾದ ದುರ್ದೈವಿಯನ್ನು ಹುಸೇನ್ ನಗರದ ನಿವಾಸಿ ಮುನ್ನಿ (23) ಎಂದು ಗುರುತಿಸಲಾಗಿದೆ. ಮುನ್ನಿ ಅವರಿಗೆ ಈಗಾಗಲೇ ವಿವಾಹವಾಗಿದ್ದು, ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ. ಆದರೆ, ಕೌಟುಂಬಿಕ ಸಮಸ್ಯೆಯಿಂದಾಗಿ ಕಳೆದ ಆರು ತಿಂಗಳಿನಿಂದ ಪತಿಯಿಂದ ದೂರವಿದ್ದ ಅವರು, ತಮ್ಮ ತವರು ಮನೆಯಲ್ಲಿಯೇ ವಾಸವಿದ್ದರು. ವರದಿಗಳ ಪ್ರಕಾರ, ಗಂಡನಿಂದ ದೂರವಿದ್ದ ಸಮಯದಲ್ಲಿ ಮುನ್ನಿ ಅವರಿಗೆ ಮೊಹಮ್ಮದ್ ಶೇಕ್ಷಾವಲ್ಲಿ ಎಂಬ ಯುವಕನ ಪರಿಚಯವಾಗಿತ್ತು. ಈ ಪರಿಚಯ ಸ್ನೇಹಕ್ಕೆ ತಿರುಗಿತ್ತು ಎನ್ನಲಾಗಿದೆ. ಆದರೆ, ಇತ್ತೀಚೆಗೆ (Ballari) ಈ ಸಂಬಂಧದಲ್ಲೂ ಬಿರುಕು ಮೂಡಿತ್ತು.
ಲೈವ್ ವಿಡಿಯೋದಲ್ಲಿ ಕೊನೆಯ ಮಾತು
ಸಾವಿಗೂ ಮುನ್ನ ಮುನ್ನಿ ತಮ್ಮ ಮೊಬೈಲ್ನಲ್ಲಿ ಸೆಲ್ಫಿ ವಿಡಿಯೋ ಮಾಡಿಕೊಂಡಿದ್ದಾರೆ. ಅದರಲ್ಲಿ ತಾವು ಅನುಭವಿಸುತ್ತಿರುವ ನರಕಯಾತನೆ, ಒಂಟಿತನ ಮತ್ತು ಪ್ರೀತಿಯಲ್ಲಿ ಆದ ಮೋಸದ ಬಗ್ಗೆ ಮಾತನಾಡುತ್ತಲೇ ಫ್ಯಾನ್ಗೆ ನೇಣು ಬಿಗಿದುಕೊಂಡಿದ್ದಾರೆ. “ನನ್ನ ಗಂಡನಿಗೂ ನಾನು ಬೇಡವಾಗಿದ್ದೀನಿ, ಇತ್ತ ಪ್ರೇಮಿಯೂ ನನ್ನನ್ನು ದೂರ ಮಾಡುತ್ತಿದ್ದಾನೆ, ಇನ್ಯಾರಿಗೆ ಬೇಕು ಈ ಬದುಕು?” ಎಂಬರ್ಥದಲ್ಲಿ ಅವರು ನೋವು ತೋಡಿಕೊಂಡಿದ್ದಾರೆ.
ಕುಟುಂಬಸ್ಥರ ಗಂಭೀರ ಆರೋಪ
ಮುನ್ನಿ ಅವರ ಸಾವಿಗೆ ಮೊಹಮ್ಮದ್ ಶೇಕ್ಷಾವಲ್ಲಿ ಅವರೇ ನೇರ ಕಾರಣ ಎಂದು ಮೃತಳ ಕುಟುಂಬಸ್ಥರು ಆರೋಪಿಸಿದ್ದಾರೆ. “ಶೇಕ್ಷಾವಲ್ಲಿ ಮತ್ತು ಮುನ್ನಿ ನಡುವೆ ಇತ್ತೀಚೆಗೆ ಜಗಳವಾಗಿತ್ತು. ಆತ ನೀಡಿದ ಮಾನಸಿಕ ಕಿರುಕುಳದಿಂದಲೇ ನಮ್ಮ ಮಗಳು ಈ ನಿರ್ಧಾರ ತೆಗೆದುಕೊಂಡಿದ್ದಾಳೆ,” ಎಂದು ಪೋಷಕರು ಕಣ್ಣೀರು (Ballari) ಹಾಕಿದ್ದಾರೆ. Read this also : 40ರ ಅಂಕಲ್, 19ರ ಯುವತಿ ಲವ್ ಸ್ಟೋರಿ: ಪ್ರೇಮಲೋಕದಲ್ಲಿ ತೇಲಾಡುವಾಗಲೇ ನಡೆಯಿತು ಘನಘೋರ!
ಪೊಲೀಸ್ ತನಿಖೆ ಚುರುಕು
ಘಟನಾ ಸ್ಥಳಕ್ಕೆ ಬಳ್ಳಾರಿಯ ಗಾಂಧಿ ನಗರ ಠಾಣೆಯ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಲಾಗಿದ್ದು, ಮುನ್ನಿ ಅವರು ರೆಕಾರ್ಡ್ ಮಾಡಿದ್ದ ವಿಡಿಯೋವನ್ನು ಸಾಕ್ಷಿಯಾಗಿ ವಶಕ್ಕೆ ಪಡೆಯಲಾಗಿದೆ. ಇದು ಪ್ರೀತಿಯ ಹೆಸರಿನಲ್ಲಿ ನಡೆದ ವಂಚನೆಯೇ? ಅಥವಾ ಬೇರೆ (Ballari) ಏನಾದರೂ ಕಾರಣವಿದೆಯೇ? ಎಂಬ ಬಗ್ಗೆ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.
ಗಮನಿಸಿ: ಆತ್ಮಹತ್ಯೆ ಯಾವ ಸಮಸ್ಯೆಗೂ ಪರಿಹಾರವಲ್ಲ. ನಿಮಗೇನಾದರೂ ಮಾನಸಿಕ ಒತ್ತಡವಿದ್ದರೆ, ಖಿನ್ನತೆ ಕಾಡುತ್ತಿದ್ದರೆ ತಕ್ಷಣವೇ ಆಪ್ತರೊಂದಿಗೆ ಮಾತನಾಡಿ ಅಥವಾ ಸಹಾಯವಾಣಿ ಸಂಖ್ಯೆ 104 ಕ್ಕೆ ಕರೆ ಮಾಡಿ ಉಚಿತ ಸಲಹೆ ಪಡೆಯಿರಿ.