ರಾಜ್ಯ ರಾಜಕಾರಣದಲ್ಲಿ ಹೈಡ್ರಾಮಾ ಹಾಗೂ ಭಾರಿ ಕುತೂಹಲ ಮೂಡಿಸಿದ್ದ ಸಚಿವ ಸಂಪುಟದ ಕೊಠಡಿ ಹಂಚಿಕೆ ಪ್ರಕ್ರಿಯೆ (D K Shivakumar Cabinet) ಕೊನೆಗೂ ಮುಕ್ತಾಯಗೊಂಡಿದೆ. ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ನೇತೃತ್ವದ ಸಂಪುಟದ ಮೊದಲ ಹಂತದ 13 ನೂತನ ಸಚಿವರಿಗೆ ವಿಧಾನಸೌಧ ಮತ್ತು ವಿಕಾಸಸೌಧದಲ್ಲಿ ಕೊಠಡಿಗಳನ್ನು ಹಂಚಿಕೆ ಮಾಡಿ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆ (DPAR) ಇಂದು (ಜೂನ್ 08) ಅಧಿಕೃತ ಆದೇಶ ಹೊರಡಿಸಿದೆ. ಆದರೆ, ಈ ಇಡೀ ಕೊಠಡಿ ಹಂಚಿಕೆ ಪ್ರಕ್ರಿಯೆಯಲ್ಲಿ ಎಲ್ಲರ ಗಮನ ಸೆಳೆದಿರುವುದು ಹಿರಿಯ ನಾಯಕ ರಾಮಲಿಂಗಾರೆಡ್ಡಿ ಅವರಿಗೆ ಸಿಕ್ಕ ಭರ್ಜರಿ ಆಫರ್!
D K Shivakumar Cabinet – ಅಸಮಾಧಾನಗೊಂಡಿದ್ದ ರಾಮಲಿಂಗಾರೆಡ್ಡಿಗೆ ಸಿಕ್ತು 4 ಕೊಠಡಿಗಳ ‘ಬಂಪರ್’!
ಹೌದು, ಬೆಂಗಳೂರು ನಗರಾಭಿವೃದ್ಧಿ ಖಾತೆ ಸಿಗಲಿಲ್ಲ ಎಂಬ ಕಾರಣಕ್ಕೆ ತೀವ್ರ ಅಸಮಾಧಾನಗೊಂಡು ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಲು ಮುಂದಾಗಿದ್ದ ಹಿರಿಯ ಸಚಿವ ರಾಮಲಿಂಗಾರೆಡ್ಡಿ ಅವರನ್ನು ಸಮಾಧಾನಪಡಿಸಲು ಹೈಕಮಾಂಡ್ ಹಾಗೂ ಸಿಎಂ ಭರ್ಜರಿ ಪ್ಲಾನ್ ಮಾಡdisturbance ಇದ್ದಂತಿದೆ. ಇದೀಗ ಅವರಿಗೆ ವಿಧಾನಸೌಧದಲ್ಲಿ ಒಂದಲ್ಲ, ಎರಡಲ್ಲ, ಬರೋಬ್ಬರಿ ನಾಲ್ಕು ಕೊಠಡಿಗಳನ್ನು (ರೂಮ್ ನಂ. 335, 336, 337 ಮತ್ತು 337A) ಹಂಚಿಕೆ ಮಾಡಲಾಗಿದೆ. ಈ ಮೂಲಕ ಅವರ ಸಿಟ್ಟು ತಣಿಸುವ ಯಶಸ್ವಿ ಪ್ರಯತ್ನ ನಡೆದಿದೆ ಎನ್ನಲಾಗುತ್ತಿದೆ.
ಸಿಎಂ ಆಫೀಸ್ನಂತಿದ್ದ ಕಚೇರಿ ಈಗ ಜಲಸಂಪನ್ಮೂಲ ಸಚಿವರಿಗೆ ಸ್ವಂತ!
ಇಲ್ಲಿ ಮತ್ತೊಂದು ಸ್ವಾರಸ್ಯಕರ ವಿಷಯವಿದೆ. ಈ ಹಿಂದೆ ಡಿ.ಕೆ.ಶಿವಕುಮಾರ್ ಅವರು ಉಪಮುಖ್ಯಮಂತ್ರಿಯಾಗಿದ್ದಾಗ ಬಳಸುತ್ತಿದ್ದ ಕಚೇರಿ ಇದಾಗಿದೆ. ಅಂದು ಡಿಕೆಶಿ ಅವರು ಮುಖ್ಯಮಂತ್ರಿಗಳ ಕಚೇರಿಯ ಮಾದರಿಯಲ್ಲೇ ಅತ್ಯಂತ ಐಷಾರಾಮಿಯಾಗಿ ಈ ಕಚೇರಿಯನ್ನು ನವೀಕರಣ ಮಾಡಿಸಿದ್ದರು. ಈಗ ಅದೇ ಅದ್ಧೂರಿ ಕೊಠಡಿಗಳನ್ನು (D K Shivakumar Cabinet) ಜಲಸಂಪನ್ಮೂಲ ಸಚಿವರಾಗಿರುವ ರಾಮಲಿಂಗಾರೆಡ್ಡಿ ಅವರಿಗೆ ಬಿಟ್ಟುಕೊಡಲಾಗಿದೆ. Read this also : 3,395 ಪೊಲೀಸ್ ಕಾನ್ಸ್ಟೇಬಲ್ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಜುಲೈ 3 ಕೊನೆಯ ದಿನ: ಇಂದೇ ಅಪ್ಲೈ ಮಾಡಿ
ಯಾರಿಗೆ ಯಾವ ಕೊಠಡಿ? ಇಲ್ಲಿದೆ ಕಂಪ್ಲೀಟ್ ಲಿಸ್ಟ್:
ವಿಧಾನಸೌಧ ಮತ್ತು ವಿಕಾಸಸೌಧದಲ್ಲಿ ನೂತನ ಸಚಿವರುಗಳಿಗೆ ಹಂಚಿಕೆಯಾಗಿರುವ ಕೊಠಡಿಗಳ ಸಂಪೂರ್ಣ ವಿವರ ಇಲ್ಲಿದೆ:
| ಸಚಿವರ ಹೆಸರು | ಖಾತೆ | ಕಚೇರಿ ಇರುವ ಸ್ಥಳ ಹಾಗೂ ಕೊಠಡಿ ಸಂಖ್ಯೆ |
| ಜಿ. ಪರಮೇಶ್ವರ್ | ಉಪ ಮುಖ್ಯಮಂತ್ರಿ (ಕಂದಾಯ ಮತ್ತು ಯುವಸಬಲೀಕರಣ) | ವಿಧಾನಸೌಧ – 327 / 327A |
| ಕೆ.ಎಚ್. ಮುನಿಯಪ್ಪ | ಆಹಾರ ಮತ್ತು ನಾಗರಿಕ ಸರಬರಾಜು ಸಚಿವ | ವಿಧಾನಸೌಧ – 340A / 341 / 341A |
| ಕೆ.ಜೆ. ಜಾರ್ಜ್ | ಇಂಧನ ಮತ್ತು ಪ್ರವಾಸೋದ್ಯಮ ಸಚಿವ | ವಿಧಾನಸೌಧ – 317 / 317A |
| ಎಂ.ಬಿ. ಪಾಟೀಲ್ | ಬೃಹತ್ ಮತ್ತು ಮಧ್ಯಮ ಕೈಗಾರಿಕೆ ಸಚಿವ | ವಿಧಾನಸೌಧ – 344 / 344A |
| ರಾಮಲಿಂಗಾರೆಡ್ಡಿ | ಜಲಸಂಪನ್ಮೂಲ ಸಚಿವ | ವಿಧಾನಸೌಧ – 335 / 336 / 337 / 337A |
| ಸತೀಶ್ ಜಾರಕಿಹೊಳಿ | ಲೋಕೋಪಯೋಗಿ ಸಚಿವ | ವಿಕಾಸಸೌಧ – 444 / 445 |
| ಕೃಷ್ಣ ಬೈರೇಗೌಡ | ಬೆಂಗಳೂರು ನಗರಾಭಿವೃದ್ಧಿ ಸಚಿವ | ವಿಕಾಸಸೌಧ – 244 / 245 |
| ಪ್ರಿಯಾಂಕ್ ಖರ್ಗೆ | ಗೃಹ ಇಲಾಖೆ ಮತ್ತು ಐಟಿ-ಬಿಟಿ ಸಚಿವ | ವಿಕಾಸಸೌಧ – 242 / 243 |
| ಯು.ಟಿ. ಖಾದರ್ | ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ | ವಿಧಾನಸೌಧ – 315 / 315A |
| ಈಶ್ವರ್ ಖಂಡ್ರೆ | ಗ್ರಾಮೀಣಾಭಿವೃದ್ಧಿ ಸಚಿವ | ವಿಕಾಸಸೌಧ – 36 / 37 |
| ಯತೀಂದ್ರ ಸಿದ್ದರಾಮಯ್ಯ | ನಗರಾಭಿವೃದ್ಧಿ ಸಚಿವ | ವಿಧಾನಸೌಧ – 314 / 314A |
| ಶರಣಪ್ರಕಾಶ್ ಪಾಟೀಲ್ | ವೈದ್ಯಕೀಯ ಶಿಕ್ಷಣ ಸಚಿವ | ವಿಕಾಸಸೌಧ – 344 / 345 |
| ಬೈರತಿ ಸುರೇಶ್ | ಸಾರಿಗೆ ಸಚಿವ | ವಿಧಾನಸೌಧ – 316 / 316A |
ಸಿಎಂ ಗೃಹ ಕಚೇರಿ ದಿಕ್ಕು ಬದಲು: ವಾಸ್ತು ಮೊರೆ ಹೋದರಾ ಡಿಕೆಶಿ?
ಸಚಿವರಿಗೆಲ್ಲ ಕೊಠಡಿ ಹಂಚಿಕೆಯಾಗುತ್ತಿರುವ ಬೆನ್ನಲ್ಲೇ, ಇತ್ತ ಮುಖ್ಯಮಂತ್ರಿಗಳ ಗೃಹ ಕಚೇರಿಯಲ್ಲೂ ಮಹತ್ತರ ಬದಲಾವಣೆಯಾಗುತ್ತಿದೆ. ‘ಕುಮಾರಕೃಪಾ ಅತಿಥಿ ಗೃಹ’ವೇ ಇನ್ಮುಂದೆ ಸಿಎಂ ಗೃಹ ಕಚೇರಿಯಾಗಿ ಕಾರ್ಯನಿರ್ವಹಿಸಲಿದೆ.
ಈ ಹಿಂದೆ ಕುಮಾರಕೃಪಾದ (D K Shivakumar Cabinet) ಪೂರ್ವ ದಿಕ್ಕಿನಲ್ಲಿದ್ದ ಮುಖ್ಯ ದ್ವಾರವನ್ನೇ ಎಲ್ಲರೂ ಬಳಸುತ್ತಿದ್ದರು. ಆದರೆ ಈಗ ಸಿಎಂ ಡಿ.ಕೆ. ಶಿವಕುಮಾರ್ ಅವರು ಪೂರ್ವ ಬಾಗಿಲನ್ನು ಕೈಬಿಟ್ಟು, ಉತ್ತರ ದಿಕ್ಕಿನ ಬಾಗಿಲಿನಿಂದ ಪ್ರವೇಶ ಮಾಡಲು ನಿರ್ಧರಿಸಿದ್ದಾರೆ. ಸದ್ಯ ಗೃಹ ಕಚೇರಿಯ ನವೀಕರಣ ಕಾಮಗಾರಿ ಭರದಿಂದ ಸಾಗುತ್ತಿದ್ದು, ಹೊಸ ಸೆಂಟ್ರಲ್ ಎಸಿ, ಬೃಹತ್ ಟಿವಿ ಸೇರಿದಂತೆ ಅತ್ಯಾಧುನಿಕ ಪೀಠೋಪಕರಣಗಳನ್ನು ಅಳವಡಿಸಿ ಕಚೇರಿಯನ್ನು ಸಜ್ಜುಗೊಳಿಸಲಾಗುತ್ತಿದೆ.