ನಮ್ಮ ದೇಶದಲ್ಲಿ, ಅದರಲ್ಲೂ ವಿಶೇಷವಾಗಿ ಗ್ರಾಮೀಣ ಭಾಗದಲ್ಲಿ ಅಂಚೆ ಕಚೇರಿ ಎಂದರೆ ಕೇವಲ ಪತ್ರ ತಲುಪಿಸುವ ಜಾಗವಲ್ಲ; ಅದು ಕೋಟ್ಯಂತರ ಜನರ ಹೂಡಿಕೆಯ ನಂಬಿಕಸ್ತ ಕೇಂದ್ರ. ಆದರೆ ಈಗ ಅಂಚೆ ಕಚೇರಿಯ ವಹಿವಾಟು ನಡೆಸುವವರಿಗೆ ಕೇಂದ್ರ ಸರ್ಕಾರವೊಂದು ಪ್ರಮುಖ ಸುದ್ದಿ ನೀಡಿದೆ.
ಹೌದು, ಇನ್ಮುಂದೆ ಅಂಚೆ ಕಚೇರಿಗಳಲ್ಲಿ ಆರ್ಥಿಕ ವಹಿವಾಟು ನಡೆಸಲು ಪಾನ್ ಕಾರ್ಡ್ (PAN Card) ಕಡ್ಡಾಯಗೊಳಿಸಲಾಗಿದೆ. ತೆರಿಗೆ ವಂಚನೆಗೆ ಬ್ರೇಕ್ ಹಾಕಲು ಮತ್ತು ಹಣಕಾಸು ವ್ಯವಹಾರಗಳಲ್ಲಿ ಪಾರದರ್ಶಕತೆ ತರಲು ಕೇಂದ್ರ ಸರ್ಕಾರವು ಆದಾಯ ತೆರಿಗೆ ನಿಯಮಗಳು 2026ರ ಅಡಿಯಲ್ಲಿ ಈ ಹೊಸ ಮಾರ್ಗಸೂಚಿಯನ್ನು ಹೊರಡಿಸಿದೆ.
ಯಾವೆಲ್ಲಾ ಕೆಲಸಗಳಿಗೆ ಪಾನ್ ಕಾರ್ಡ್ ಬೇಕು?
ಅಂಚೆ ಇಲಾಖೆಯ ಆದೇಶ ಸಂಖ್ಯೆ 02/2026ರ ಪ್ರಕಾರ, ನೀವು ಅಂಚೆ ಕಚೇರಿಯಲ್ಲಿ ಈ ಕೆಳಗಿನ ಕೆಲಸಗಳನ್ನು ಮಾಡಲು ಹೋದರೆ ಪಾನ್ ವಿವರಗಳನ್ನು ನೀಡುವುದು ಕಡ್ಡಾಯವಾಗಿದೆ:
- ಹೊಸ ಉಳಿತಾಯ ಖಾತೆ: ನೀವು ಹೊಸದಾಗಿ ಸೇವಿಂಗ್ಸ್ ಅಕೌಂಟ್ ತೆರೆಯಬೇಕಾದರೆ ಪಾನ್ ಕಾರ್ಡ್ ಇರಲೇಬೇಕು.
- ಸ್ಥಿರ ಠೇವಣಿ (FD/Time Deposit): ಅಂಚೆ ಕಚೇರಿಯ ಫಿಕ್ಸೆಡ್ ಡೆಪಾಸಿಟ್ ಯೋಜನೆಗಳಲ್ಲಿ ಹಣ ಹೂಡಲು ಇದು ಅವಶ್ಯಕ.
- ದೊಡ್ಡ ಮೊತ್ತದ ನಗದು ಡ್ರಾ: ಖಾತೆಯಿಂದ ಹೆಚ್ಚಿನ ಹಣವನ್ನು (PAN Card) ವಿತ್ಡ್ರಾ ಮಾಡುವಾಗ ಪಾನ್ ವಿವರ ಕೇಳಲಾಗುತ್ತದೆ.
- ಹೂಡಿಕೆ ಯೋಜನೆಗಳು: ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ (NSC) ಮತ್ತು ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ (PPF) ನಂತಹ ಜನಪ್ರಿಯ ಯೋಜನೆಗಳಿಗೆ ಪಾನ್ ಕಾರ್ಡ್ ಮಾಹಿತಿ ಈಗ ಅನಿವಾರ್ಯ.
ಒಂದು ವೇಳೆ ನಿಮ್ಮ ಬಳಿ ಪಾನ್ ಕಾರ್ಡ್ ಇಲ್ಲದಿದ್ದರೆ?
ಗ್ರಾಹಕರಿಗೆ ತೊಂದರೆಯಾಗಬಾರದು ಎಂಬ ಉದ್ದೇಶದಿಂದ ಸರ್ಕಾರ ಪರ್ಯಾಯ ವ್ಯವಸ್ಥೆಯನ್ನೂ ಮಾಡಿದೆ. ನಿಮ್ಮ ಬಳಿ ಸದ್ಯಕ್ಕೆ ಪಾನ್ ಕಾರ್ಡ್ ಇಲ್ಲದಿದ್ದರೆ ಅಥವಾ ಅದನ್ನು ಕೊಂಡೊಯ್ಯಲು ಮರೆತಿದ್ದರೆ, ನೀವು ಅಂಚೆ ಕಚೇರಿಯಲ್ಲಿ ‘ಫಾರ್ಮ್ 97′ (Form 97) ಭರ್ತಿ ಮಾಡಿ ಸಲ್ಲಿಸಬಹುದು. Read this also : ನಿಮ್ಮ ಪ್ಯಾನ್ ಕಾರ್ಡ್ ಬಳಸಿ (PAN Card Fraud Alert) ಯಾರಾದರೂ ನಕಲಿ ಬ್ಯಾಂಕ್ ಖಾತೆ ತೆರೆದಿದ್ದಾರಾ? ಪತ್ತೆ ಹಚ್ಚುವುದು ಈಗ ಸುಲಭ..!
ಈ ಫಾರ್ಮ್ನಲ್ಲಿ ನಿಮ್ಮ ಹೆಸರು, ವಿಳಾಸದ ಜೊತೆಗೆ ಆಧಾರ್ ಕಾರ್ಡ್ ಅಥವಾ ವೋಟರ್ ಐಡಿಯಂತಹ ಗುರುತಿನ ಚೀಟಿಯನ್ನು ಲಗತ್ತಿಸಬೇಕಾಗುತ್ತದೆ. ನೀವು ನೀಡುವ ಈ ದಾಖಲೆಗಳನ್ನು ಅಂಚೆ ಕಚೇರಿಯು ಅತ್ಯಂತ ಸುರಕ್ಷಿತವಾಗಿ ಕಾಪಾಡಲಿದೆ.
15G/15H ಬದಲಿಗೆ ಈಗ ‘ಫಾರ್ಮ್ 121’!
ಸಾಮಾನ್ಯವಾಗಿ ಹಿರಿಯ ನಾಗರಿಕರು ಮತ್ತು ಹೂಡಿಕೆದಾರರು ಬಡ್ಡಿ ಆದಾಯದ ಮೇಲೆ ಟಿಡಿಎಸ್ (TDS) ಕಡಿತವಾಗದಂತೆ ತಡೆಯಲು 15G ಅಥವಾ 15H ಫಾರ್ಮ್ಗಳನ್ನು ಸಲ್ಲಿಸುತ್ತಿದ್ದರು. ಆದರೆ ಇನ್ನು ಮುಂದೆ ಈ ಫಾರ್ಮ್ಗಳ ಬದಲಿಗೆ ‘ಫಾರ್ಮ್ 121′ (Form 121) ಅನ್ನು ಸಲ್ಲಿಸಬೇಕಾಗುತ್ತದೆ. ಈ ಹೊಸ ಫಾರ್ಮ್ ಅನ್ನು ಅಂಚೆ ಕಚೇರಿಗಳು ಮುಂದಿನ 7 ವರ್ಷಗಳ ಕಾಲ ದಾಖಲೆಯಾಗಿ ಇಟ್ಟುಕೊಳ್ಳಲಿವೆ.
ಇದರಿಂದ ಗ್ರಾಹಕರಿಗೆ ಲಾಭವೇನು?
ಆರಂಭದಲ್ಲಿ ಈ ನಿಯಮಗಳು ಸ್ವಲ್ಪ ಕಠಿಣ ಎನಿಸಬಹುದು, ಆದರೆ ದೀರ್ಘಾವಧಿಯಲ್ಲಿ ಇದು ಸಾಮಾನ್ಯ ಜನರಿಗೆ ಮತ್ತು ದೇಶದ ಆರ್ಥಿಕತೆಗೆ ಪೂರಕವಾಗಿದೆ. ಹಣಕಾಸು ವ್ಯವಹಾರಗಳು ಡಿಜಿಟಲೀಕರಣಗೊಳ್ಳುವುದರಿಂದ ನಿಮ್ಮ ಹಣ ಸುರಕ್ಷಿತವಾಗಿರುತ್ತದೆ ಮತ್ತು ಸರ್ಕಾರವು ಗ್ರಾಮೀಣ ಜನರಿಗೆ ಸುಲಭವಾಗಿ ಪಾನ್ ಕಾರ್ಡ್ ಒದಗಿಸಲು ವಿಶೇಷ ಶಿಬಿರಗಳನ್ನು ಏರ್ಪಡಿಸುವ ಸಾಧ್ಯತೆಯೂ ಇದೆ.
ನಮಸ್ಕಾರ, ನಾನು ಬಾಲಾಜಿ ಆರ್. 10+ ವರ್ಷಗಳ ಅನುಭವ ಹೊಂದಿರುವ ಕಂಟೆಂಟ್ ರೈಟರ್ ಹಾಗೂ ಕಾಪಿ ಎಡಿಟರ್ ಆಗಿದ್ದು, ಹಣಕಾಸು, ಸರ್ಕಾರಿ ಯೋಜನೆಗಳು, ತಂತ್ರಜ್ಞಾನ, ವೈರಲ್ ಸುದ್ದಿ, ರಾಜಕೀಯ ಸುದ್ದಿ ಮತ್ತು ಸಿನಿಮಾ ಸುದ್ದಿಗಳ ಬಗ್ಗೆ ಬರೆಯುತ್ತೇನೆ. ಸಂಕೀರ್ಣ ಮಾಹಿತಿಯನ್ನು ಸರಳವಾಗಿ ನೀಡುವುದು ನನ್ನ ಉದ್ದೇಶ. ISM Kannada News ಮೂಲಕ ನಿಖರ ಮತ್ತು ಉಪಯುಕ್ತ ಮಾಹಿತಿಯನ್ನು ಹಂಚಿಕೊಳ್ಳುತ್ತೇನೆ.