ಸಂಬಂಧಗಳ ಪವಿತ್ರತೆಯನ್ನು ಗಾಳಿಗೆ ತೂರಿ, ಮನುಷ್ಯತ್ವವನ್ನೇ ಮರೆತು ವರ್ತಿಸಿದ ವ್ಯಕ್ತಿಯೊಬ್ಬನ ಭೀಕರ ಕೃತ್ಯ ಈಗ ಇಡೀ ಉತ್ತರ ಪ್ರದೇಶವನ್ನು (Uttar Pradesh) ನಡುಗಿಸಿದೆ. “ಹೆತ್ತ ತಾಯಿಗಿಂತ ದೇವರಿಲ್ಲ, ಹೊತ್ತ ಹೆಂಡತಿಗಿಂತ ಬಂಧುವಿಲ್ಲ” ಎಂಬ ಮಾತಿದೆ. ಆದರೆ ಇಲ್ಲೊಬ್ಬ ಪಾಪಿ, ತನಗಿದ್ದ ಮಾದಕ ವ್ಯಸನದ ಅಮಲಿನಲ್ಲಿ ಅದೇ ತಾಯಿ ಮತ್ತು ಹೆಂಡತಿಯನ್ನು ಬರ್ಬರವಾಗಿ ಹತ್ಯೆ ಮಾಡಿ, ಅವರ ದೇಹದ ಮಾಂಸವನ್ನೇ ತಿಂದಿರುವ ಪೈಶಾಚಿಕ ಘಟನೆ ಕುಶಿನಗರದ ಪಾರ್ಸಾ ಗ್ರಾಮದಲ್ಲಿ ನಡೆದಿದೆ.
Uttar Pradesh – ನಡೆದಿದ್ದೇನು? ಎದೆಯೊಡೆಯುವ ದೃಶ್ಯ!
ಪಾರ್ಸಾ ಗ್ರಾಮದ ನಿವಾಸಿ ಸಿಕಂದರ್ ಗುಪ್ತಾ (30) ಎಂಬಾತನೇ ಈ ವಿಕೃತ ಕೃತ್ಯವೆಸಗಿದ ಕಿರಾತಕ. ಗ್ರಾಮಸ್ಥರ ಸಾಕ್ಷ್ಯದ ಪ್ರಕಾರ, ಮನೆಯೊಳಗೆ ಕಿರುಚಾಟ ಕೇಳಿ ನೆರೆಹೊರೆಯವರು ಓಡಿ ಬಂದಾಗ ಅಲ್ಲಿ ಕಂಡ ದೃಶ್ಯ ನರಕದಂತಿತ್ತು. ಸಿಕಂದರ್ ತನ್ನ ಪತ್ನಿ ಪ್ರಿಯಾಂಕಾ (28) ಮತ್ತು ತಾಯಿ ರುನಾ ದೇವಿ (60) ಅವರ ಮೇಲೆ ಮಾರಣಾಂತಿಕವಾಗಿ ಹಲ್ಲೆ ನಡೆಸುತ್ತಿದ್ದ.
ಜನರು ಬಿಡಿಸಲು ಮುಂದಾಗುವಷ್ಟರಲ್ಲೇ ಇಟ್ಟಿಗೆಯಿಂದ ಅವರಿಬ್ಬರ ತಲೆಯನ್ನು ಜಜ್ಜಿ ಸಿಕಂದರ್ ಕೊಲೆ ಮಾಡಿದ್ದಾನೆ. ಅಷ್ಟಕ್ಕೇ ನಿಲ್ಲದ ಈತನ ವಿಕೃತಿ, ಸತ್ತವರ ತಲೆಬುರುಡೆಯಿಂದ ಮಾಂಸವನ್ನು ಹೊರತೆಗೆದು ಜನರ ಮುಂದೆಯೇ ತಿನ್ನಲಾರಂಭಿಸಿದ್ದಾನೆ. ಈ ಭಯಾನಕ ದೃಶ್ಯ ಕಂಡ ಜನರು ಭಯದಿಂದ ದಿಕ್ಕಾಪಾಲಾಗಿ ಓಡಿದ್ದಾರೆ. Read this also : ವಿದೇಶದಿಂದ ರಹಸ್ಯವಾಗಿ ಬಂದು ಹೆತ್ತ ತಾಯಿಯನ್ನೇ ಕೊಂದ ಮಗ! ಹರಿಯಾಣದ ಈ ಘಟನೆ ಕೇಳಿದ್ರೆ ಬೆಚ್ಚಿಬೀಳ್ತೀರಾ..!
ಹಿನ್ನೆಲೆ: ಮದ್ಯ ಮತ್ತು ಗಾಂಜಾ ವ್ಯಸನ
ಆರೋಪಿ ಸಿಕಂದರ್ ಮುಂಬೈನಲ್ಲಿ ಕಾರ್ಮಿಕನಾಗಿ ಕೆಲಸ ಮಾಡುತ್ತಿದ್ದ ಎನ್ನಲಾಗಿದೆ. ಒಂದು ತಿಂಗಳ ಹಿಂದೆಯಷ್ಟೇ ಗ್ರಾಮಕ್ಕೆ ಮರಳಿದ್ದ ಈತ, ತೀವ್ರವಾಗಿ ಮದ್ಯ ಮತ್ತು ಗಾಂಜಾ (Uttar Pradesh) ಚಟಕ್ಕೆ ಅಂಟಿಕೊಂಡಿದ್ದ. ಈ ಹಿಂದೆಯೂ ಮನೆಯಲ್ಲಿ ಕ್ಷುಲ್ಲಕ ಕಾರಣಕ್ಕೆ ಜಗಳವಾಡಿ ತಾಯಿ-ಹೆಂಡತಿಯ ಮೇಲೆ ಹಲ್ಲೆ ನಡೆಸುತ್ತಿದ್ದ ಎಂದು ತಿಳಿದುಬಂದಿದೆ. ಆದರೆ, ಈ ಬಾರಿ ಅದು ಕೊಲೆಯಲ್ಲಿ ಅಂತ್ಯವಾಗಿದೆ.
ಪೊಲೀಸ್ ಕ್ರಮ ಮತ್ತು ತನಿಖೆ
ಮಾಹಿತಿ ತಿಳಿದ ಕೂಡಲೇ (Uttar Pradesh) ಅಹಿರೌಲಿ ಪೊಲೀಸ್ ಠಾಣೆಯ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿ ಆರೋಪಿಯನ್ನು ಬಂಧಿಸಿದ್ದಾರೆ. ಪೊಲೀಸರ ವಿಚಾರಣೆಯ ವೇಳೆ ಸಿಕಂದರ್ ವರ್ತನೆ ಅಸಹಜವಾಗಿದ್ದು, ಆತನಿಗೆ ಮಾನಸಿಕ ಅಸ್ವಸ್ಥತೆ ಇದೆಯೇ ಅಥವಾ ಕೇವಲ ಮಾದಕ ದ್ರವ್ಯದ ಪ್ರಭಾವದಿಂದ ಈ ರೀತಿ ಮಾಡಿದ್ದಾನೆಯೇ ಎಂಬ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ.
ಗಮನಿಸಿ: ಈ ಘಟನೆಯು ಸಮಾಜದಲ್ಲಿ ಮಾದಕ ವ್ಯಸನವು ಎಂತಹ ಭೀಕರ ಪರಿಣಾಮ ಬೀರಬಲ್ಲದು ಎಂಬುದಕ್ಕೆ ಸಾಕ್ಷಿಯಾಗಿದೆ. ಮಾದಕ ದ್ರವ್ಯಕ್ಕೆ ದಾಸರಾದವರು ಕ್ರೂರಿಗಳಾಗಿ ಬದಲಾಗುವ ಅಪಾಯವಿರುತ್ತದೆ.