Viral – ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ (Social Media) ಒಂದು ಅಚ್ಚರಿಯ ಸುದ್ದಿ ಮತ್ತು ವಿಡಿಯೋ ವೈರಲ್ ಆಗುತ್ತಿದ್ದು, ಅದು ಜಾರ್ಖಂಡ್ (Jharkhand) ಆಡಳಿತ ವಲಯದಲ್ಲಿ ದೊಡ್ಡ ಸಂಚಲನ ಮೂಡಿಸಿದೆ. ಸರ್ಕಾರಿ ಅಧಿಕಾರಿಯೊಬ್ಬರು ತನ್ನ ಅಧಿಕೃತ ನಿವಾಸದಲ್ಲಿ ಗರ್ಲ್‌ಫ್ರೆಂಡ್ (Girlfriend) ಜೊತೆ ಸಿಕ್ಕಿಬಿದ್ದಿದ್ದು, ಪತ್ನಿ ಮಾಡಿದ ಡ್ರಾಮಾ ಎಲ್ಲೆಡೆ ಚರ್ಚೆಯಾಗುತ್ತಿದೆ.
Viral – ರಾತ್ರೋರಾತ್ರಿ ದಾಳಿ, ಕಣ್ಣೆದುರಿಗೆ ಪತ್ನಿ ಲಾಕ್!
ಶನಿವಾರ (ನವೆಂಬರ್ 1) ಮುಂಜಾನೆ ಸುಮಾರು 4:30ರ ಸುಮಾರಿಗೆ ಈ ನಾಟಕೀಯ ಘಟನೆ ಜಾರ್ಖಂಡ್‌ನ ಗರ್ವಾ ಜಿಲ್ಲೆಯ ಮಾಝಿಯಾವಾನ್‌ನಲ್ಲಿ (Mazhiyawan, Garhwa) ನಡೆದಿದೆ. ಇಲ್ಲಿನ ಸರ್ಕಲ್ ಆಫೀಸರ್ (CO) ಪ್ರಮೋದ್ ಕುಮಾರ್ ಅವರು ತಮ್ಮ ಅಧಿಕೃತ ಸರ್ಕಾರಿ ನಿವಾಸದಲ್ಲಿ ಮತ್ತೊಬ್ಬ ಮಹಿಳೆಯೊಂದಿಗೆ ಇದ್ದಾಗ ಅವರ ಪತ್ನಿ ಡಾ. ಶ್ಯಾಮ ರಾಣಿ ಅವರು ದಾಳಿ ಮಾಡಿ, ಇಬ್ಬರನ್ನೂ ಒಳಗೆ ಹಾಕಿ ಲಾಕ್ (Lock) ಮಾಡಿದ್ದಾರೆ!
ಡಾ. ಶ್ಯಾಮ ರಾಣಿ ಅವರು ಬಿಹಾರದ ಮಾಜಿ ಸಂಸದ ರಾಮ್ಜಿ ಮಾಂಝಿ ಅವರ ಪುತ್ರಿ. ಪತಿಯ ನಡತೆಯ ಮೇಲೆ ಅವರಿಗೆ ಸಾಕಷ್ಟು ದಿನಗಳಿಂದ ಸಂಶಯವಿತ್ತು ಎನ್ನಲಾಗಿದೆ. ತಮ್ಮ ಸಂಶಯವನ್ನು ಖಚಿತಪಡಿಸಿಕೊಳ್ಳಲು ಪತ್ನಿ ಶ್ಯಾಮ ರಾಣಿ ಅವರು ಮುಂಜಾನೆ ಜಾಲ ಬೀಸಿ ರೆಡ್‌ಹ್ಯಾಂಡ್‌ ಆಗಿ ಪತಿಯನ್ನು ಹಿಡಿದು ಬಿಟ್ಟಿದ್ದಾರೆ.
Viral – ಬಿಡುಗಡೆಗಾಗಿ ಅಂಗಲಾಚಿದ ಅಧಿಕಾರಿ!
ಪತಿಯನ್ನು ಗರ್ಲ್‌ ಫ್ರೆಂಡ್‌ನೊಂದಿಗೆ ಒಂದೇ ಮನೆಯಲ್ಲಿ ಲಾಕ್ ಮಾಡಿದ ನಂತರ ಡಾ. ಶ್ಯಾಮ ರಾಣಿ ಗಲಾಟೆ ಮಾಡಿದ್ದಾರೆ. ಈ ಹೈ-ವೋಲ್ಟೇಜ್ ಡ್ರಾಮಾದ ಸಂಪೂರ್ಣ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ (Viral Video) ಆಗಿದೆ. ವಿಡಿಯೋದಲ್ಲಿ, ಅಧಿಕಾರಿ ಪ್ರಮೋದ್ ಕುಮಾರ್ ಅವರು ಒಳಗೆ ಲಾಕ್ ಆಗಿದ್ದು, ತಮ್ಮ ಪತ್ನಿಗೆ ಹೊರಗಿನಿಂದ ಬಾಗಿಲು ತೆಗೆಯುವಂತೆ ಕೈಮುಗಿದು ಬೇಡಿಕೊಳ್ಳುತ್ತಿರುವುದು ಸ್ಪಷ್ಟವಾಗಿ ಕಂಡುಬರುತ್ತದೆ. ಪರಿಸ್ಥಿತಿ ಎಷ್ಟು ಬಿಗಡಾಯಿಸಿತ್ತು ಎಂದರೆ, ಅಧಿಕಾರಿ ಮನೆಯಿಂದ ಹೊರಬರಲು ಹೆಣಗಾಡುತ್ತಿದ್ದರು. Read this also : ಸಿನಿಮೀಯ ರೀತಿಯಲ್ಲಿ ಪತಿಯನ್ನೇ ಕೊಲೆ ಮಾಡಲು ಖತರ್ನಾಕ್ ಪ್ಲಾನ್ ಮಾಡಿದ ಪತ್ನಿ, ನಂಜನಗೂಡಿನಲ್ಲಿ ನಡೆದ ಘಟನೆ..!
Viral – ತಪ್ಪಿಸಿಕೊಳ್ಳಲು ಪ್ರಯತ್ನ, ಗಾಯಗೊಂಡ CO
ಗಲಾಟೆಯ ಸುದ್ದಿ ತಿಳಿದು ಮಾಝಿಯಾವಾನ್ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಆದರೆ, ಪೊಲೀಸರು ಸ್ಥಳಕ್ಕೆ ಬರುವ ಹೊತ್ತಿಗೆ ಅಧಿಕಾರಿ ಪ್ರಮೋದ್ ಕುಮಾರ್ ಅವರು ನಾಚಿಕೆಯಿಂದಲೋ ಅಥವಾ ಹೆದರಿಕೆಯಿಂದಲೋ ಮನೆಯ ಛಾವಣಿಯಿಂದ ಜಿಗಿದು ಓಡಿಹೋಗಲು ಪ್ರಯತ್ನಿಸಿದ್ದಾರೆ ಎನ್ನಲಾಗಿದೆ. ಈ ವೇಳೆ ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಆ ನಂತರ ಅವರು ಅಲ್ಲಿಂದ ಪರಾರಿಯಾಗಿದ್ದಾರೆ. ಮನೆಯಲ್ಲಿ ಪತಿಯೊಂದಿಗೆ ಸಿಕ್ಕಿಬಿದ್ದಿದ್ದ ಮತ್ತೊಬ್ಬ ಮಹಿಳೆಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದು, ಹೆಚ್ಚಿನ ವಿಚಾರಣೆಗಾಗಿ ಮಹಿಳಾ ಪೊಲೀಸ್ ಠಾಣೆಗೆ ಹಸ್ತಾಂತರಿಸಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
Viral – “ಕಾನೂನು ಹೋರಾಟ ನಡೆಸುತ್ತೇನೆ” – ಪತ್ನಿ ಶ್ಯಾಮ ರಾಣಿ
ಮಾಧ್ಯಮಗಳೊಂದಿಗೆ ಮಾತನಾಡಿರುವ ಡಾ. ಶ್ಯಾಮ ರಾಣಿ ಅವರು, ಪತಿಯ ಅಕ್ರಮ ಸಂಬಂಧದ (Extramarital Affair) ಬಗ್ಗೆ ತಮಗೆ ಮೊದಲಿನಿಂದಲೂ ಅನುಮಾನವಿತ್ತು ಎಂಬುದನ್ನು ದೃಢಪಡಿಸಿದ್ದಾರೆ. ಇದೀಗ ಅವರು ತಮ್ಮ ಪತಿಯ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲು ನಿರ್ಧರಿಸಿದ್ದಾರೆ. ಸರ್ಕಾರಿ ಅಧಿಕಾರಿಯೊಬ್ಬರ ವೈಯಕ್ತಿಕ ಜೀವನದ ಈ ಡ್ರಾಮಾ ಇಡೀ ಜಾರ್ಖಂಡ್‌ನ ಆಡಳಿತ ವಲಯದಲ್ಲಿ ದೊಡ್ಡ ಮಟ್ಟದ ಸದ್ದು ಮಾಡುತ್ತಿದೆ. ಆದರೆ, ಇದು ಸೂಕ್ಷ್ಮ ವಿಷಯವಾದ್ದರಿಂದ ಯಾವುದೇ ಹಿರಿಯ ಅಧಿಕಾರಿಗಳು ಈ ಬಗ್ಗೆ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದ್ದಾರೆ.