Speed Post : ಇಂಡಿಯಾ ಪೋಸ್ಟ್‌ನಿಂದ ಗುಡ್ ನ್ಯೂಸ್: ಇನ್ಮೇಲೆ ಬೆಂಗಳೂರಿನಲ್ಲಿ ಮರುದಿನವೇ ಪಾರ್ಸೆಲ್ ಡೆಲಿವರಿ! ’24 ಸ್ಪೀಡ್ ಪೋಸ್ಟ್’ ವಿಶೇಷತೆಗಳೇನು?

ನಮ್ಮ ದೈನಂದಿನ ಜೀವನದಲ್ಲಿ ಪೋಸ್ಟ್ ಅಥವಾ ಪಾರ್ಸೆಲ್ ಅಂದ ಕೂಡಲೇ ‘ಸ್ವಲ್ಪ ನಿಧಾನ’ ಎಂಬ ಭಾವನೆ ಹಲವರಲ್ಲಿದೆ. ಆದರೆ ಈಗ ಕಾಲ ಬದಲಾಗಿದೆ! ಸದಾ ಅಪ್‌ಡೇಟ್ ಆಗುತ್ತಿರುವ ಇಂಡಿಯಾ ಪೋಸ್ಟ್ (India Post), ಈಗ ಖಾಸಗಿ ಕೊರಿಯರ್ ಕಂಪನಿಗಳಿಗೂ ಟಕ್ಕರ್ ನೀಡಲು ಸಜ್ಜಾಗಿದೆ. ಹೌದು, ನೀವು ಕಳುಹಿಸುವ ಪಾರ್ಸೆಲ್ ಕೇವಲ 24 ಗಂಟೆಯೊಳಗೆ ತಲುಪುವ ಹೊಸ ’24 ಸ್ಪೀಡ್ ಪೋಸ್ಟ್’ ಸೇವೆಗೆ (Speed Post) ಚಾಲನೆ ಸಿಗುತ್ತಿದೆ.  ಬೆಂಗಳೂರು ಸೇರಿದಂತೆ ದೇಶದ ಪ್ರಮುಖ ನಗರಗಳಲ್ಲಿ ವಾಸಿಸುವವರಿಗೆ ಈ ಸುದ್ದಿ ಖಂಡಿತ ಖುಷಿ ನೀಡಲಿದೆ. ಈ ಹೊಸ ಸೇವೆಯ ಸಂಪೂರ್ಣ ಮಾಹಿತಿ ಇಲ್ಲಿದೆ.

Speed Post – ಏನಿದು ’24 ಸ್ಪೀಡ್ ಪೋಸ್ಟ್’ ಸೇವೆ?

ಇದು ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷೆಯ ಯೋಜನೆಯಾಗಿದ್ದು, ತುರ್ತು ಹಾಗೂ ಸಮಯಕ್ಕೆ ಸರಿಯಾಗಿ ತಲುಪಬೇಕಾದ ಪಾರ್ಸೆಲ್‌ಗಳಿಗಾಗಿಯೇ ವಿನ್ಯಾಸಗೊಳಿಸಲಾಗಿದೆ. ಮಾರ್ಚ್ 17ರಿಂದ (ಇಂದಿನಿಂದಲೇ) ಈ ಸೇವೆ ಅಧಿಕೃತವಾಗಿ ಆರಂಭವಾಗುತ್ತಿದೆ. ಕೇಂದ್ರ ಸಂವಹನ ಸಚಿವ ಜ್ಯೋತಿರಾದಿತ್ಯ ಎಂ. ಸಿಂಧಿಯಾ ಅವರು ನವದೆಹಲಿಯಲ್ಲಿ ಈ ಹೊಸ ಎಕ್ಸ್‌ಪ್ರೆಸ್ ಸೇವೆಗೆ ಚಾಲನೆ ನೀಡಲಿದ್ದಾರೆ.

ಈ ಹೊಸ ಸೇವೆಯ ವಿಶೇಷತೆಗಳೇನು?

ಖಾಸಗಿ ಕೊರಿಯರ್ ಕಂಪನಿಗಳಿಗಿಂತಲೂ ಒಂದು ಹೆಜ್ಜೆ ಮುಂದೆ ಹೋಗಿರುವ ಅಂಚೆ ಇಲಾಖೆ, ಗ್ರಾಹಕರಿಗಾಗಿ ಹಲವು ಹೊಸ ಫೀಚರ್‌ಗಳನ್ನು ಪರಿಚಯಿಸಿದೆ:

• ಖಚಿತ ಡೆಲಿವರಿ: ಪ್ರಮುಖ ಮಹಾನಗರಗಳಿಗೆ ಕಳುಹಿಸುವ (Speed Post) ಪಾರ್ಸೆಲ್‌ಗಳು ಮರುದಿನವೇ (Next-Day) ವಿಳಾಸದಾರರ ಕೈ ಸೇರಲಿವೆ.
• ಸುರಕ್ಷತೆಗೆ ಒತ್ತು: ಪಾರ್ಸೆಲ್ ಸರಿಯಾದ ವ್ಯಕ್ತಿಗೆ ತಲುಪಿದೆ ಎಂದು ಖಚಿತಪಡಿಸಿಕೊಳ್ಳಲು OTP ಆಧಾರಿತ ಸುರಕ್ಷಿತ ಡೆಲಿವರಿ ವ್ಯವಸ್ಥೆ ತರಲಾಗಿದೆ.
• ಲೈವ್ ಟ್ರ್ಯಾಕಿಂಗ್ (End-to-End Tracking): ನಿಮ್ಮ ಪಾರ್ಸೆಲ್ ಎಲ್ಲಿದೆ ಎಂಬುದನ್ನು ಕ್ಷಣಕ್ಷಣಕ್ಕೂ ನೋಡಬಹುದು ಹಾಗೂ SMS ಅಲರ್ಟ್ ಕೂಡ ಬರಲಿದೆ.
• ಮನಿ-ಬ್ಯಾಕ್ ಗ್ಯಾರಂಟಿ: ಒಂದು ವೇಳೆ ಹೇಳಿದ ಸಮಯಕ್ಕೆ (Speed Post) ಪಾರ್ಸೆಲ್ ತಲುಪದಿದ್ದರೆ, ಡೆಲಿವರಿ ಶುಲ್ಕವನ್ನು ವಾಪಸ್ (Money-back guarantee) ನೀಡುವ ಭರವಸೆಯನ್ನೂ ಇಲಾಖೆ ನೀಡಿದೆ! Read this also : ಆಧಾರ್ ಕಾರ್ಡ್ (Aadhaar Card) ಬಳಕೆದಾರರೇ ಗಮನಿಸಿ: ಹೆಸರು, ವಿಳಾಸ ಬದಲಾವಣೆಗೆ ಕೇಂದ್ರದಿಂದ ಹೊಸ ರೂಲ್ಸ್!

ಎಲ್ಲೆಲ್ಲಿ ಲಭ್ಯವಿದೆ ಈ ಸೇವೆ?

ಮೊದಲ ಹಂತದಲ್ಲಿ ಈ ಫಾಸ್ಟ್ ಡೆಲಿವರಿ (Speed Post) ಸೇವೆ ದೇಶದ 6 ಪ್ರಮುಖ ಮಹಾನಗರಗಳಲ್ಲಿ ಲಭ್ಯವಾಗಲಿದೆ. ಆ ನಗರಗಳ ಪಟ್ಟಿ ಇಲ್ಲಿದೆ:

1. ಬೆಂಗಳೂರು (Bengaluru)
2. ದೆಹಲಿ (Delhi)
3. ಮುಂಬೈ (Mumbai)
4. ಚೆನ್ನೈ (Chennai)
5. ಕೋಲ್ಕತ್ತಾ (Kolkata)
6. ಹೈದರಾಬಾದ್ (Hyderabad)

ಇದರ ಜೊತೆಗೆ, D+1 (ಒಂದು ದಿನದೊಳಗೆ ತಲುಪುವ) ‘24 ಸ್ಪೀಡ್ ಪೋಸ್ಟ್’ ಹಾಗೂ D+2 (ಎರಡು ದಿನಗಳಲ್ಲಿ ತಲುಪುವ) ‘48 ಸ್ಪೀಡ್ ಪೋಸ್ಟ್’ ಎಂಬ ಎರಡು ಆಯ್ಕೆಗಳು ಗ್ರಾಹಕರಿಗೆ ಸಿಗಲಿವೆ. (Speed Post) ಈ ವೇಗದ ಸೇವೆಗಾಗಿ ವಿಶೇಷ ಪ್ರೊಸೆಸಿಂಗ್ ವಿಂಡೋಗಳು ಹಾಗೂ ಆದ್ಯತೆಯ ವಿಮಾನ ಸಾರಿಗೆ (Priority Air Transport) ವ್ಯವಸ್ಥೆಯನ್ನು ಬಳಸಿಕೊಳ್ಳಲಾಗುತ್ತಿದೆ.

ಕೊನೆಯ ಮಾತು: ಒಟ್ಟಿನಲ್ಲಿ, ದೇಶದ ಪ್ರಮುಖ ಸಾರ್ವಜನಿಕ ಲಾಜಿಸ್ಟಿಕ್ಸ್ ಸಂಸ್ಥೆಯಾಗಿ ರೂಪಗೊಳ್ಳುವ ನಿಟ್ಟಿನಲ್ಲಿ ಇಂಡಿಯಾ ಪೋಸ್ಟ್ ಭರ್ಜರಿ ಸಿದ್ಧತೆ ನಡೆಸಿದೆ. ವೇಗ, ವಿಶ್ವಾಸಾರ್ಹತೆಯ ಜೊತೆಗೆ ಗ್ರಾಹಕರಿಗೆ ಅತ್ಯುತ್ತಮ ಅನುಭವ ನೀಡಲು ಮುಂದಾಗಿರುವುದು ನಿಜಕ್ಕೂ ಶ್ಲಾಘನೀಯ.