ಭಾರತೀಯ ರೈಲ್ವೆ ಅಂದಮೇಲೆ ಅಲ್ಲಿ ಜನವೋ ಜನ! ಅದರಲ್ಲೂ ಜನರಲ್ ಬೋಗಿಗಳ ಕಥೆ ಕೇಳುವುದೇ ಬೇಡ. ಸೀಟಿಗಾಗಿ ನಡೆಯುವ ಪೈಪೋಟಿ ಸಾಧಾರಣವಾಗಿ ಬೈಗುಳದಲ್ಲಿ ಮುಗಿಯುತ್ತದೆ. (Viral Train Seat Fight) ಆದರೆ ಇಲ್ಲೊಂದು ಕಡೆ ಸೀಟಿನ ವಿಚಾರವಾಗಿ ಶುರುವಾದ ಜಗಳ ಅಕ್ಷರಶಃ ಕೈಕೈ ಮಿಲಾಯಿಸುವ ಹಂತಕ್ಕೆ ತಲುಪಿದೆ. ಚಪ್ಪಲಿ ತೋರಿಸಿ ಬೆದರಿಸಿದ ಮಹಿಳೆಗೆ ಯುವಕನೊಬ್ಬ ಮನಬಂದಂತೆ ಥಳಿಸಿರುವ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ.
Viral Train Seat Fight – ಅಸಲಿಗೆ ನಡೆದಿದ್ದೇನು?
ವೈರಲ್ ಆಗಿರುವ ವಿಡಿಯೋ ಪ್ರಕಾರ, ಈ ಘಟನೆ ಯಾವುದೋ ಒಂದು ರೈಲಿನ ಜನರಲ್ ಬೋಗಿಯಲ್ಲಿ ನಡೆದಿದೆ. ಸೀಟಿನ ವಿಚಾರವಾಗಿ ಯುವಕ ಮತ್ತು ಮಹಿಳೆಯ ನಡುವೆ ಮಾತಿನ ಚಕಮಕಿ ಶುರುವಾಗಿದೆ. ಆರಂಭದಲ್ಲಿ ಯುವಕ ಬಹಳ ಶಾಂತವಾಗಿಯೇ ಮಾತನಾಡುತ್ತಾ, “ಚಪ್ಪಲಿ ಕೆಳಗೆ ಇಳಿಸಿ ಮಾತನಾಡಿ” ಎಂದು ವಿನಂತಿಸಿದ್ದಾನೆ. ಆದರೆ ಆ ಮಹಿಳೆ ಮಾತ್ರ ಯಾವುದನ್ನೂ ಕೇಳುವ ಸ್ಥಿತಿಯಲ್ಲಿರಲಿಲ್ಲ.
“ನನ್ನ ಮಗ ಇಂಜಿನಿಯರ್, ಗಂಡ ಸೂಪರ್ ವೈಸರ್!”
ಜಗಳದ ಮಧ್ಯೆ ಮಹಿಳೆ ತನ್ನ ಅಹಂಕಾರ ಪ್ರದರ್ಶಿಸುತ್ತಾ, “ನನ್ನ ಮಗ ಇಂಜಿನಿಯರ್, ನನ್ನ ಪತಿ ಸೂಪರ್ ವೈಸರ್” ಎಂದು ಕೂಗಾಡುತ್ತಾ ತನ್ನ ಪಕ್ಕದಲ್ಲಿದ್ದ ಮತ್ತೊಬ್ಬ ಮಹಿಳೆಯೊಂದಿಗೂ ಕಿರಿಕ್ ಮಾಡಿಕೊಂಡಿದ್ದಾಳೆ. (Viral Train Seat Fight) ಯುವಕ ಎಷ್ಟೇ ತಾಳ್ಮೆಯಿಂದ ಬೇರೆ ಸೀಟಿಗೆ ಹೋಗಿ ಕುಳಿತರೂ, ಈಕೆ ಮಾತ್ರ ಚಪ್ಪಲಿ ತೋರಿಸುತ್ತಾ ಆತನನ್ನು ಪ್ರಚೋದಿಸುತ್ತಲೇ ಇದ್ದಳು.
ತಾಳ್ಮೆ ಕಳೆದುಕೊಂಡ ಯುವಕ: ಗ್ಯಾಪ್ ಇಲ್ಲದೆ ಏಟು!
ಮಹಿಳೆಯ ಅತಿಯಾದ ವರ್ತನೆ ಮತ್ತು ಪದೇ ಪದೇ ಚಪ್ಪಲಿ ತೋರಿಸಿ ಅವಮಾನಿಸಿದ್ದರಿಂದ ಯುವಕನ ತಾಳ್ಮೆಯ ಕಟ್ಟೆ ಒಡೆದಿದೆ. ಕೂಡಲೇ ಆಕೆಯ ಬಳಿ ನುಗ್ಗಿದ ಯುವಕ, ಮುಖದ ಮೇಲೆ ಗ್ಯಾಪ್ ಇಲ್ಲದಂತೆ ಸತತವಾಗಿ ಕೆನ್ನೆಗೆ ಬಾರಿಸಿದ್ದಾನೆ. ಹತ್ತಿರದಲ್ಲಿದ್ದ ಇತರ ಪ್ರಯಾಣಿಕರು ಆತನನ್ನು ತಡೆಯಲು ಪ್ರಯತ್ನಿಸಿದರೂ, ಆತ ಮಾತ್ರ ಆಕೆಯ (Viral Train Seat Fight) ಅಹಂಕಾರಕ್ಕೆ ತಕ್ಕ ಶಾಸ್ತಿ ಮಾಡುವವರೆಗೂ ಸುಮ್ಮನಾಗಲಿಲ್ಲ. Read this also : ರೈಲಿನಲ್ಲಿ ತಾಯಿ-ಮಗಳ ದರ್ಪ: ಸೀಟಿಗಾಗಿ ಶುರುವಾದ ಜಗಳ, ಪೇಚಿಗೆ ಸಿಲುಕಿದ ಪ್ರಯಾಣಿಕರು!
ನೆಟ್ಟಿಗರ ಮಿಶ್ರ ಪ್ರತಿಕ್ರಿಯೆ
ಈ ವಿಡಿಯೋ ವೈರಲ್ (Video Here) ಆಗುತ್ತಿದ್ದಂತೆ ಇಂಟರ್ನೆಟ್ನಲ್ಲಿ ಪರ-ವಿರೋಧ ಚರ್ಚೆಗಳು ಶುರುವಾಗಿವೆ.
- ಕೆಲವರ ವಾದ: “ಎಷ್ಟೇ ಆದರೂ ಮಹಿಳೆಯ ಮೇಲೆ ಕೈ ಮಾಡಿದ್ದು ತಪ್ಪು, ಕಾನೂನು ಕೈಗೆತ್ತಿಕೊಳ್ಳಬಾರದಿತ್ತು” ಎನ್ನುತ್ತಿದ್ದಾರೆ.
- ಇನ್ನು ಕೆಲವರ ವಾದ: “ಆಕೆ ಪದೇ ಪದೇ ಚಪ್ಪಲಿ (Viral Train Seat Fight) ತೋರಿಸಿ ಕೆಣಕಿದ್ದಾಳೆ, ಅತಿಯಾದ ಅಹಂಕಾರಕ್ಕೆ ಇದೇ ಸರಿಯಾದ ಮದ್ದು” ಎಂದು ಯುವಕನ ಪರವಾಗಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ.
ಒಟ್ಟಿನಲ್ಲಿ ರೈಲು ಪ್ರಯಾಣದಲ್ಲಿ ತಾಳ್ಮೆ ಬಹಳ ಮುಖ್ಯ. ಸಣ್ಣ ಸೀಟಿನ ಜಗಳ ಇಂದು ಜೈಲು ಸೇರುವಂತಹ ಅಥವಾ ಅವಮಾನಕ್ಕೀಡಾಗುವಂತಹ ಪರಿಸ್ಥಿತಿ ತಂದೊಡ್ಡುತ್ತಿದೆ ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿಯಾಗಿದೆ.