Sunday, November 30, 2025
HomeNationalViral : ಕಳ್ಳತನಕ್ಕೆ ಬಂದು ಮನೆಯ ಓನರ್‌ಗೆ ಲೆಟರ್ ಬರೆದ ಕಳ್ಳ! ಆ ಪತ್ರದಲ್ಲೇನಿತ್ತು ಗೊತ್ತಾ?...

Viral : ಕಳ್ಳತನಕ್ಕೆ ಬಂದು ಮನೆಯ ಓನರ್‌ಗೆ ಲೆಟರ್ ಬರೆದ ಕಳ್ಳ! ಆ ಪತ್ರದಲ್ಲೇನಿತ್ತು ಗೊತ್ತಾ? ಓದಿದ್ರೆ ಬಿದ್ದು ಬಿದ್ದು ನಗ್ತೀರಾ!

Viral – ಸಾಮಾನ್ಯವಾಗಿ ಕಳ್ಳರು ಮನೆಗೆ ಬಂದರೆ ಕೈಗೆ ಸಿಕ್ಕಿದ್ದನ್ನು ದೋಚಿಕೊಂಡು ಪರಾರಿಯಾಗುತ್ತಾರೆ. ಅಕಸ್ಮಾತ್ ಮನೆಯಲ್ಲಿ ಏನೂ ಸಿಗಲಿಲ್ಲ ಅಂದ್ರೆ, ಸುಮ್ಮನೆ ವಾಪಸ್ ಹೋಗುತ್ತಾರೆ. ಆದರೆ, ತಮಿಳುನಾಡಿನಲ್ಲಿ ನಡೆದ ಒಂದು ಘಟನೆ ಮಾತ್ರ ತೀರಾ ವಿಚಿತ್ರವಾಗಿದೆ. ಕಳ್ಳತನಕ್ಕೆ ಬಂದವನಿಗೆ ಮನೆಯಲ್ಲಿ ಚಿಕ್ಕಾಸು ಸಿಗಲಿಲ್ಲ ಅಂತ ಕೋಪಗೊಂಡು, ಹೋಗುವಾಗ ಮನೆ ಮಾಲೀಕನಿಗೆ “ಪತ್ರ” (Letter) ಬರೆದಿಟ್ಟು ಹೋಗಿದ್ದಾನೆ.

A frustrated thief leaving a handwritten letter on a table inside a ransacked house in Old Pettai, Tamil Nadu - Viral News

ಇದನ್ನು ಓದಿದ ಮಾಲೀಕನಿಗೆ ಶಾಕ್ ಜೊತೆಗೆ ನಗು ಕೂಡ ಬಂದಿದೆ. ಸದ್ಯ ಈ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈ ವಿಚಿತ್ರ ಘಟನೆ ತಮಿಳುನಾಡಿನ ತಿರುನಲ್ವೇಲಿಯ ಓಲ್ಡ್ ಪೇಟೆ (Old Pettai) ಎಂಬಲ್ಲಿ ನಡೆದಿದೆ. ಅಷ್ಟಕ್ಕೂ ಆ ಪತ್ರದಲ್ಲಿ ಕಳ್ಳ ಏನು ಬರೆದಿದ್ದ? ಇಲ್ಲಿದೆ ಪೂರ್ತಿ ವಿವರ.

Viral – ಬೀಗ ಹಾಕಿದ್ದ ಮನೆ.. ಒಳನುಗ್ಗಿದ ಕಳ್ಳ!

ತಿರುನಲ್ವೇಲಿಯ ಓಲ್ಡ್ ಪೇಟೆ ಪ್ರದೇಶದಲ್ಲಿ ಜೇಮ್ಸ್ ಪಾಲ್ ಎಂಬುವವರು ತಮ್ಮ ಪತ್ನಿಯೊಂದಿಗೆ ವಾಸವಾಗಿದ್ದಾರೆ. ಇತ್ತೀಚೆಗೆ ಮಧುರೈನಲ್ಲಿರುವ ತಮ್ಮ ಮಗಳನ್ನು ನೋಡಲು ಕುಟುಂಬ ಸಮೇತ ಮನೆಗೆ ಬೀಗ ಹಾಕಿಕೊಂಡು ಊರಿಗೆ ಹೋಗಿದ್ದರು. ಇದೇ ಸಮಯಕ್ಕಾಗಿ ಕಾಯುತ್ತಿದ್ದ ಕಳ್ಳನೊಬ್ಬ, ಮನೆಗೆ ಬೀಗ ಹಾಕಿರುವುದನ್ನು ನೋಡಿ ಖುಷಿಯಾಗಿದ್ದ. ಇವತ್ತು ದೊಡ್ಡ ಮೊತ್ತದ ಹಣ ಅಥವಾ ಒಡವೆ ಸಿಗತ್ತೆ ಅಂದುಕೊಂಡು ಬೀಗ ಮುರಿದು ಒಳಗೆ ನುಗ್ಗಿದ್ದ.

Viral – ಇಡೀ ಮನೆ ಹುಡುಕಿದರೂ 10 ರೂಪಾಯಿ ಸಿಗಲಿಲ್ಲ!

ಮನೆಯೊಳಗೆ ಹೋದ ಕಳ್ಳ, ಕಬೋರ್ಡ್, ಬೀರು, ಡಬ್ಬಗಳು ಎಲ್ಲವನ್ನೂ ಜಾಲಾಡಿದ್ದಾನೆ. ಚಿನ್ನ, ಬೆಳ್ಳಿ ಹೋಗಲಿ ಕನಿಷ್ಠ ಪಕ್ಷ 10 ರೂಪಾಯಿ ನೋಟು ಕೂಡ ಅವನ ಕಣ್ಣಿಗೆ ಬಿದ್ದಿಲ್ಲ. ಪಾಪ.. ಬಹಳ ದಿನಗಳಿಂದ ಕಾಯುತ್ತಿದ್ದ ಕಳ್ಳನಿಗೆ ಇದರಿಂದ ಭಾರೀ ನಿರಾಸೆಯಾಗಿದೆ. ಅಷ್ಟು ಕಷ್ಟಪಟ್ಟು ರಿಸ್ಕ್ ತಗೊಂಡು ಒಳಗೆ ಬಂದರೆ, ಖಾಲಿ ಕೈಯಲ್ಲಿ ವಾಪಸ್ ಹೋಗುವುದು ಹೇಗೆ? ಎಂದು ಯೋಚಿಸಿದ್ದಾನೆ.

Viral – ಮಾಲೀಕನಿಗೆ 4 ಪುಟಗಳ ಪತ್ರ!

ಮನೆಯಲ್ಲಿ ನಯಾಪೈಸೆ ಸಿಗದೇ ಇರೋದಕ್ಕೆ ಬೇಸರಗೊಂಡ ಕಳ್ಳ, ಅಲ್ಲೇ ಇದ್ದ ಪೇಪರ್ ಪೆನ್ ತಗೊಂಡು ಮನೆ ಮಾಲೀಕ ಜೇಮ್ಸ್ ಪಾಲ್ ಅವರಿಗೆ ಬರೋಬ್ಬರಿ 4 ಪುಟಗಳ ಪತ್ರ ಬರೆದಿಟ್ಟು ಹೋಗಿದ್ದಾನೆ. Read this also : ಮೊಮ್ಮಗಳ ಪ್ರೀತಿಯ ಕೈತುತ್ತು ಸವಿದ ಅಜ್ಜಿ, ಹೃದಯಸ್ಪರ್ಶಿ ವಿಡಿಯೋ ವೈರಲ್..!

“ನಮಸ್ತೆ ಸರ್.. ನಾನೊಬ್ಬ ಕಳ್ಳ. ನಿಮ್ಮ ಮನೆಯಲ್ಲಿ ಕದಿಯಲು ಬಂದೆ, ಆದರೆ ಇಲ್ಲಿ ಕನಿಷ್ಠ ಒಂದು ರೂಪಾಯಿ ಕೂಡ ಇಲ್ಲ. ದಯವಿಟ್ಟು ಮನೆಯಲ್ಲಿ ಸ್ವಲ್ಪವಾದರೂ ಹಣ ಇಡಿ. ಆಗ ನಮಗೇನಾದರೂ ಸಿಗುತ್ತದೆ. ಇಲ್ಲದಿದ್ದರೆ, ನನಗಿಂತ ಕೆಟ್ಟ ಕಳ್ಳರು ಬಂದರೆ ಅವರು ಮೋಸ ಹೋಗುತ್ತಾರೆ. ಅಲ್ರೀ ಸಾರ್.. ಮನೆಯಲ್ಲಿ ಬಿಡಿಗಾಸು ಇಡದೆ ಸಿಸಿಟಿವಿ ಕ್ಯಾಮೆರಾ (CCTV Camera) ಮಾತ್ರ ಯಾಕೆ ಹಾಕಿದ್ದೀರಿ? ಸಾರಿ ಸರ್.. ನನ್ನನ್ನು ಕ್ಷಮಿಸಿ..” ಎಂದು ಬರೆದು ಟೇಬಲ್ ಮೇಲೆ ಇಟ್ಟು ಹೋಗಿದ್ದಾನೆ.

A frustrated thief leaving a handwritten letter on a table inside a ransacked house in Old Pettai, Tamil Nadu - Viral News

Viral – ಪತ್ರ ಓದಿ ದಂಗಾದ ಮಾಲೀಕ

ಊರಿನಿಂದ ವಾಪಸ್ ಬಂದ ಜೇಮ್ಸ್ ಪಾಲ್, ಮನೆಯ ಬೀಗ ಮುರಿದಿರುವುದನ್ನು ನೋಡಿ ಗಾಬರಿಯಾಗಿದ್ದರು. ಒಳಗೆ ಹೋಗಿ ನೋಡಿದರೆ ಸಾಮಾನುಗಳೆಲ್ಲ ಚೆಲ್ಲಾಪಿಲ್ಲಿಯಾಗಿದ್ದವು. ಅಲ್ಲೇ ಇದ್ದ ಪತ್ರವನ್ನು ಓದಿದಾಗ ಅವರಿಗೆ ಒಂದು ಕ್ಷಣ ತಲೆ ತಿರುಗಿದಂತಾಗಿದೆ. ಕಳ್ಳನ “ಪ್ರಾಮಾಣಿಕತೆ” ಮತ್ತು “ಸಲಹೆ” ನೋಡಿ ಅಕ್ಕಪಕ್ಕದವರು ಕೂಡ ಬೆರಗಾಗಿದ್ದಾರೆ.

by Adminhttp://ismkannadanews.com
Welcome to ISM Kannada News, if you want to contact us, then feel free to say anything about www.ismkannadanews.com
RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular