Mobile Addiction – ಇತ್ತೀಚಿನ ದಿನಗಳಲ್ಲಿ ಮಕ್ಕಳ ಮೊಬೈಲ್ ಚಟ ದೊಡ್ಡ ಸಮಸ್ಯೆಯಾಗಿ ಮಾರ್ಪಟ್ಟಿದೆ. ಮೊದಲೆಲ್ಲಾ ಮಕ್ಕಳು ಹೊರಗೆ ಆಟವಾಡಲು ಹೋಗುತ್ತಿದ್ದರು. ಆದರೆ ಈಗಿನ ಮಕ್ಕಳು ಊಟ, ಆಟ ಎಲ್ಲವನ್ನೂ ಬದಿಗಿಟ್ಟು ಮೊಬೈಲ್‌ನಲ್ಲಿ ಗೇಮ್ಸ್ (Mobile Games for Kids), ವಿಡಿಯೋಗಳನ್ನು (Kids Videos Online) ನೋಡುತ್ತಾ ಸಮಯ ಕಳೆಯುತ್ತಿದ್ದಾರೆ.
ನಿಮ್ಮ ಮಕ್ಕಳೂ ಹೀಗೇ ಹೆಚ್ಚು ಹೊತ್ತು ಮೊಬೈಲ್ ನೋಡುತ್ತಾರಾ? ಮಕ್ಕಳ ಸ್ಕ್ರೀನ್ ಟೈಮ್ (Screen Time for Children) ಕಡಿಮೆ ಮಾಡುವುದು ಹೇಗೆ ಎಂಬ ಚಿಂತೆ ನಿಮ್ಮನ್ನು ಕಾಡುತ್ತಿದೆಯೇ? ಹಾಗಿದ್ದರೆ, ನಿಮಗೆ ಶುಭ ಸುದ್ದಿ! ಬೆಂಗಳೂರಿನ ಪ್ರಖ್ಯಾತ ಸಂಸ್ಥೆ ನಿಮ್ಹಾನ್ಸ್ (NIMHANS Bengaluru) ಮಕ್ಕಳ ಪೋಷಕರಿಗಾಗಿ ಉಚಿತ ಪೇರೆಂಟ್ಸ್ ಗ್ರೂಪ್ ಸೆಷನ್ಸ್ (Free Parent Group Sessions) ಆಯೋಜಿಸಿದೆ. ಈ ಆನ್‌ಲೈನ್ ಕಾರ್ಯಾಗಾರದ ಸಂಪೂರ್ಣ ಮಾಹಿತಿ ಇಲ್ಲಿದೆ.
Mobile Addiction – ಮಕ್ಕಳ ಫೋನ್ ಚಟ ಬಿಡಿಸಲು ನಿಮ್ಹಾನ್ಸ್‌ನಿಂದ ಉಚಿತ ಕಾರ್ಯಾಗಾರ!
ಮಕ್ಕಳ ಮೊಬೈಲ್ ಚಟವನ್ನು ನಿಭಾಯಿಸಲು ಹೆಣಗಾಡುತ್ತಿರುವ ಪೋಷಕರಿಗೆ ಮಾರ್ಗದರ್ಶನ ನೀಡಲು ರಾಷ್ಟ್ರೀಯ ಮಾನಸಿಕ ಆರೋಗ್ಯ ಮತ್ತು ನರವಿಜ್ಞಾನ ಸಂಸ್ಥೆ (NIMHANS) ಈ ಉಚಿತ ಆನ್‌ಲೈನ್ ಕಾರ್ಯಾಗಾರವನ್ನು ಆಯೋಜಿಸಿದೆ.
ಈ ಕಾರ್ಯಾಗಾರದಲ್ಲಿ, ಮಕ್ಕಳ ಮೊಬೈಲ್ ಗೇಮಿಂಗ್, ಯೂಟ್ಯೂಬ್ (YouTube for Kids), ಮತ್ತು ಸಾಮಾಜಿಕ ಮಾಧ್ಯಮ (Social Media for Kids) ಬಳಕೆಯನ್ನು ಹೇಗೆ ನಿಭಾಯಿಸುವುದು, ಸ್ಕ್ರೀನ್ ಟೈಮ್‌ಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಪರಿಹರಿಸುವುದು ಹೇಗೆ, ಮತ್ತು ಮಕ್ಕಳ ಯೋಗಕ್ಷೇಮವನ್ನು ಹೆಚ್ಚಿಸಲು ಮನೆಯಲ್ಲಿ ಯಾವ ರೀತಿಯ ಪರಿಣಾಮಕಾರಿ ತಂತ್ರಗಳನ್ನು ಅಳವಡಿಸಿಕೊಳ್ಳಬಹುದು ಎಂಬುದರ ಕುರಿತು ನುರಿತ ತಜ್ಞರು ತಿಳಿಸಿಕೊಡಲಿದ್ದಾರೆ. ಈ ಕುರಿತ ಹೆಚ್ಚಿನ ಮಾಹಿತಿಯನ್ನು NIMHANS ಅಧಿಕೃತ X ಖಾತೆಯಲ್ಲಿ (ಮೊದಲು ಟ್ವಿಟ್ಟರ್) ಹಂಚಿಕೊಂಡಿದೆ: NIMHANS X ಖಾತೆ (Link here : https://x.com/NIMHANS_BLR/status/1927292178218303593)
Mobile Addiction – ಯಾರೆಲ್ಲಾ ಈ ಕಾರ್ಯಾಗಾರದಲ್ಲಿ ಭಾಗವಹಿಸಬಹುದು?
- ಸೋಷಿಯಲ್ ಮೀಡಿಯಾ, ಗೇಮಿಂಗ್ ಇತ್ಯಾದಿಗಳಿಗೆ ಅಡಿಕ್ಟ್ ಆಗಿರುವ ಹಾಗೂ ಹೆಚ್ಚು ಹೊತ್ತು ಸ್ಕ್ರೀನ್ ಟೈಮ್‌ನಲ್ಲಿ ಕಳೆಯುವ ಯಾವುದೇ ವಯಸ್ಸಿನ ಮಕ್ಕಳ ಪೋಷಕರು ಈ ಉಚಿತ ಕಾರ್ಯಾಗಾರದಲ್ಲಿ ಭಾಗವಹಿಸಬಹುದು.
- ಮಕ್ಕಳನ್ನು ನಿಭಾಯಿಸುವುದು ಹೇಗೆ, ಮಕ್ಕಳೊಂದಿಗೆ ಯಾವ ರೀತಿ ನಡೆದುಕೊಳ್ಳಬೇಕು ಎಂದು ತಮ್ಮ ಪೇರೆಂಟಿಂಗ್ ಸ್ಕಿಲ್ಸ್ (Parenting Skills) ಹೆಚ್ಚಿಸಿಕೊಳ್ಳಲು ಬಯಸುವ ಪೋಷಕರು ಈ ಕಾರ್ಯಾಗಾರದಲ್ಲಿ ಭಾಗವಹಿಸಬಹುದು.
ಕಾರ್ಯಾಗಾರ ಯಾವಾಗ ನಡೆಯಲಿದೆ?
ಈ ಮಹತ್ವದ ಕಾರ್ಯಾಗಾರವು ಈ ಕೆಳಗಿನ ದಿನಾಂಕಗಳಲ್ಲಿ ನಡೆಯಲಿದೆ:
- ಮೇ 31, 2025
- ಜೂನ್ 26, 2025
- ಜುಲೈ 5, 2025
ಸಮಯ: ಪ್ರತಿದಿನ ಬೆಳಿಗ್ಗೆ 11 ರಿಂದ ಮಧ್ಯಾಹ್ನ 12 ಗಂಟೆಯವರೆಗೆ ಜೂಮ್ ಮೀಟಿಂಗ್ ಮೂಲಕ ಈ ಕಾರ್ಯಾಗಾರ ನಡೆಯಲಿದೆ.
Read this also : SSLC Results : 6 ವಿಷಯಗಳಲ್ಲೂ ಅನುತ್ತೀರ್ಣನಾದರೂ ಕುಗ್ಗದ ಧೈರ್ಯ; ಬಾಗಲಕೋಟೆಯ ವಿದ್ಯಾರ್ಥಿಗೆ ಪೋಷಕರ ಬೆಂಬಲ…!
ಉಚಿತ ಸೆಷನ್‌ಗೆ ನೋಂದಣಿ ಹೇಗೆ?
ಈ ಉಚಿತ ಪೇರೆಂಟ್ಸ್ ಗ್ರೂಪ್ ಸೆಷನ್‌ನಲ್ಲಿ ಭಾಗವಹಿಸಲು, ಈ ಕೆಳಗೆ ನೀಡಿದ ಲಿಂಕ್ ಮೂಲಕ ನಿಮ್ಮ ಹೆಸರನ್ನು ಈಗಲೇ ನೋಂದಾಯಿಸಿಕೊಳ್ಳಿ: ನೋಂದಣಿ ಲಿಂಕ್
ನಿಮ್ಮ ಮಕ್ಕಳ ಭವಿಷ್ಯಕ್ಕಾಗಿ ಮತ್ತು ಅವರ ಆರೋಗ್ಯಕರ ಬೆಳವಣಿಗೆಗಾಗಿ ಈ ಅವಕಾಶವನ್ನು ಬಳಸಿಕೊಳ್ಳಿ. ಮೊಬೈಲ್ ಚಟದಿಂದ ಮುಕ್ತಿ ಪಡೆದು ಸಂತೋಷದ ಜೀವನ ನಡೆಸಲು NIMHANS ನಿಮಗೆ ಸಹಾಯ ಮಾಡಲಿದೆ.