ಇತ್ತೀಚಿನ ದಿನಗಳಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ‘ಫೇಮಸ್’ ಆಗಬೇಕು ಎನ್ನುವ ಹಪಾಹಪಿ ಎಷ್ಟರ ಮಟ್ಟಿಗೆ ಬೆಳೆದಿದೆ ಎಂದರೆ, ಜನರು ತಮ್ಮ ಪ್ರಾಣದ ಹಂಗು ತೊರೆದು ವಿಡಿಯೋ ಮಾಡುತ್ತಿದ್ದಾರೆ. ಕೇವಲ ಲೈಕ್ಸ್ ಮತ್ತು ಕಾಮೆಂಟ್ಗಳಿಗಾಗಿ ಸಾರ್ವಜನಿಕ ಸ್ಥಳಗಳಲ್ಲಿ ಇತರರಿಗೂ ತೊಂದರೆ ಕೊಡುವ ಕೆಲಸಕ್ಕೆ ಕೈಹಾಕುತ್ತಿದ್ದಾರೆ. ಇದಕ್ಕೆ ತಾಜಾ ಉದಾಹರಣೆ ಎಂಬಂತೆ ಮೆಟ್ರೋ ರೈಲಿನಲ್ಲಿ ನಡೆದ ಘಟನೆಯೊಂದು ಈಗ ಅಂತರ್ಜಾಲದಲ್ಲಿ ಭಾರಿ (Metro Viral Video) ಆಕ್ರೋಶಕ್ಕೆ ಕಾರಣವಾಗಿದೆ.
Metro Viral Video – ನಡೆದಿದ್ದೇನು? ಮೆಟ್ರೋ ಬಾಗಿಲಲ್ಲೇ ಭಯಾನಕ ಸ್ಟಂಟ್!
ವೈರಲ್ ಆಗಿರುವ ಈ ವಿಡಿಯೋದಲ್ಲಿ, ಚಲಿಸುತ್ತಿರುವ ಮೆಟ್ರೋ ರೈಲಿನ ಬಾಗಿಲ ಬಳಿ ಯುವತಿಯೊಬ್ಬಳು ನಿಂತಿರುವುದನ್ನು ಕಾಣಬಹುದು. ಅಷ್ಟರಲ್ಲಿ ಹಿಂದಿನಿಂದ ಬರುವ ಮತ್ತೊಬ್ಬ ಮಹಿಳೆ, ಆಕೆಯನ್ನು ಜೋರಾಗಿ ಕಾಲಿನಿಂದ ಒದೆಯುತ್ತಾಳೆ (ಎಗಿರಿ ತಂತಾರೆ). ಮೆಟ್ರೋ ಬಾಗಿಲು ತೆರೆದಿದ್ದರಿಂದ, ಆ ಯುವತಿ ನೇರವಾಗಿ ಪ್ಲಾಟ್ಫಾರ್ಮ್ ಮೇಲೆ ಬಿದ್ದಿದ್ದಾಳೆ.
ಒಮ್ಮೆಗೆ ನೋಡಿದರೆ ಇದು ದೊಡ್ಡ ಅಪಘಾತದಂತೆ ಕಂಡುಬರುತ್ತದೆ. ಆದರೆ, ಪ್ಲಾಟ್ಫಾರ್ಮ್ ಮೇಲೆ ಬಿದ್ದ ಯುವತಿ ನಗುತ್ತಾ ಎದ್ದು ಮತ್ತೆ ರೈಲಿನೊಳಗೆ ಬರುತ್ತಾಳೆ. ಇದನ್ನು ನೋಡಿದರೆ ಇದು ಮೊದಲೇ ಯೋಜಿತವಾಗಿ ಮಾಡಿದ ‘ಸ್ಕ್ರಿಪ್ಟೆಡ್ ವಿಡಿಯೋ’ ಎಂದು ಸ್ಪಷ್ಟವಾಗುತ್ತದೆ.
ನೆಟ್ಟಿಗರ ಆಕ್ರೋಶ: “ಇದು ವಿನೋದವಲ್ಲ, ಅತಿರೇಕ!”
ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆಗಳ ಸುರಿಮಳೆಯೇ ಹರಿಯುತ್ತಿದೆ. ಇಬ್ಬರು ಸ್ನೇಹಿತೆಯರು ಮೋಜು ಮಸ್ತಿಗಾಗಿ ಈ ರೀತಿ ಮಾಡಿರಬಹುದು, ಆದರೆ ಇದು ಅತ್ಯಂತ ಜವಾಬ್ದಾರಿರಹಿತ ವರ್ತನೆ (Metro Viral Video) ಎಂದು ನೆಟ್ಟಿಗರು ಕಿಡಿಕಾರುತ್ತಿದ್ದಾರೆ.
- ಜೀವಕ್ಕೆ ಅಪಾಯ: ಒಂದು ವೇಳೆ ರೈಲು ವೇಗವಾಗಿದ್ದಾಗ ಅಥವಾ ಆಕೆ ಸರಿಯಾಗಿ ಪ್ಲಾಟ್ಫಾರ್ಮ್ ಮೇಲೆ ಬೀಳದೆ ಹಳಿಗಳ ನಡುವೆ ಸಿಲುಕಿದ್ದರೆ ಪರಿಸ್ಥಿತಿ ಏನಾಗುತ್ತಿತ್ತು? Read this also : ದೆಹಲಿ ಮೆಟ್ರೋದಲ್ಲಿ ಸೀಟ್ ಜಗಳ: ಜುಟ್ಟು ಹಿಡಿದುಕೊಂಡು ಕಿತ್ತಾಡಿದ ಮಹಿಳೆಯರು, ವೈರಲ್ ಆದ ವಿಡಿಯೋ….!
- ಇತರರಿಗೆ ತೊಂದರೆ: ಸಾರ್ವಜನಿಕ ಸಾರಿಗೆಯಾದ ಮೆಟ್ರೋದಲ್ಲಿ ಇಂತಹ ವರ್ತನೆಗಳು ಇತರ ಪ್ರಯಾಣಿಕರಿಗೂ ಆತಂಕ ತಂದೊಡ್ಡುತ್ತವೆ.
- ತಪ್ಪು ಸಂದೇಶ: ಇಂತಹ ವಿಡಿಯೋಗಳನ್ನು ನೋಡಿ ಮಕ್ಕಳು ಅಥವಾ ಯುವಜನರು ಪ್ರೇರಿತರಾಗಿ ಅನಾಹುತ ಮಾಡಿಕೊಳ್ಳುವ ಸಾಧ್ಯತೆ ಇರುತ್ತದೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
ಜವಾಬ್ದಾರಿಯುತ ಕಂಟೆಂಟ್ ಇರಲಿ
ಮನರಂಜನೆ ಇರಬೇಕು ನಿಜ, ಆದರೆ ಅದಕ್ಕೊಂದು ಮಿತಿ ಇರಬೇಕು. (Metro Viral Video) ಮೆಟ್ರೋ, ರೈಲ್ವೇ ನಿಲ್ದಾಣಗಳು ಅಥವಾ ಟ್ರಾಫಿಕ್ ತುಂಬಿದ ರಸ್ತೆಗಳಲ್ಲಿ ಇಂತಹ ಅಪಾಯಕಾರಿ ಸಾಹಸಗಳನ್ನು ಮಾಡುವುದು ಇಂಗಿತಜ್ಞಾನದ ಕೊರತೆಯನ್ನು ತೋರಿಸುತ್ತದೆ. “ವ್ಯೂಸ್ ಮತ್ತು ಫಾಲೋವರ್ಸ್ ಹೆಚ್ಚಿಸಿಕೊಳ್ಳಲು ಪ್ರಾಣವನ್ನೇ ಪಣಕ್ಕಿಡುವುದು ಸರಿಯಲ್ಲ” ಎಂಬುದು ಬಹುತೇಕರ ಅಭಿಪ್ರಾಯ.
ಗಮನಿಸಿ: ಇಂತಹ ಅಪಾಯಕಾರಿ ವಿಡಿಯೋಗಳನ್ನು ಅನುಸರಿಸಬೇಡಿ. ನಿಮ್ಮ ಮತ್ತು ಇತರರ ಸುರಕ್ಷತೆ ಮುಖ್ಯ ಎಂಬುದನ್ನು ಮರೆಯಬೇಡಿ.